متقدملي خطيبين ومحتاره اختار مين؟؟؟؟؟ارجوكم ساعدوني

بأنتظارك حبيبتي وربي يوفقك ودعووووووووووووواتك لنا
 
الثاني
موظف-يقولون انه كان يحب وحده من جماعته بس ولد عمها مارضى لان عاداتهم مايعطون احد غير عيال العم-خطب بنت خالته ونفس الحاله عمها مارضى (لان عمه هو كان مسوي الحركه نفسها مع ولد خالته لما خطب اخته)-ناس يحبون المظاهر - راح ينزلون في بيت جديد اخته تقول انهم حاطين لكل واحد شقه لحاله - شخصيته انسان اجتماعي -اكبر مني بسنه - عاداتهم غير عن عاداتنا - هم جيراننا وانا من صغري وانا مااحب خواته دايما مطاقق معهم -اختي الكبيره صاحبتهم -طبقتهم الاجتماعيه اعلى من طبقتنا -حريمهم يحبون يعرفون كل شئ وجريئين مره

واستخيري ربك
 
عليك بالاستخارة
بس انا شايفة الثاني مناسب اكثر من الاول

وكله فيه خير

بالتوفيق ياقمر
 
الثاني مواصفاته جدا ممتازه , واقرب لك بكثير من الأول ..
وبالنسبه لإلتزامه فهو لسه صغير تقدرين تعودينه ع العباده ومثل مايقولون العود من اول ركزه
واهله تقدري تحطي حواجز بينكم للعلاقه , ماتزيدين ولا يزيدون

اما بالنسبه للأول فأنا ما عجبني وضعه ابد .. مطلق زوجته عشانها طلبت بيت !
وكمان عنده طفله وبرضوع مع اهله عايش وكل واحد ع غرفه ><
صحيح ان البيوت اسرار والله يكون بعونه لكن ماني شايفه سبب يشفع له طلاقه بصراحه

حبيبتي السكن مع اهل الزوج ماهو سهل , فيه تقييد لحريتك كثير , وهذا مايبي يعتب بيت اهله !!
فكري في هالنقطه زين ..

عموما التوفيق بيد الله سبحانه اطلبيه بإلحاح , ولاتفوتين ساعة استجابه بهالإيام المعدودات الفضيله الا وتستغليه بطلب التوفيق من الله .. ربي يسعدك يالغلا
 
والله يابنات ماتدرون اش كثر ردودكم اسعدتني وريحتني
وصرت افكر بعقل وانا جالسه اقول لنفسي يعني معقوله ارفض واحد علشان كنت اتطاقق مع خواته وحنا صغار ولان بيئته ماتعجبني صدق اني خبله طب هم اختاروني وراضيين فيني ليش انا اشيل هم انهم مايتقبلوني ؟؟؟؟؟؟؟؟؟؟؟

والله امس جلست ادعي ربي ووكلت امري لله وقلت اللي فيه خير لي راح ييسره ربي واللي فيه شر لي راح يصرفه عني من بعدها والله حسيت برااحه عجييبه وحسيت اني متقبله الثاني وان كل اللي كنت افكر فيه مجرد مخاوف وشكوك والرجال مايعيبه شئ .

وصرت افكربشكل ايجابي وابعد التفكير السلبي والوساوس عني وهذا بفضل من الله ثم ارائكم الحلوه والله ماقصرتوا

والله ماقصرتوا جميعا الله يسعدكم دنيا واخره
 
انا اشوف الثاني طيب

لانه مو متزوج او بيكون هناك اطفال بينكم اللي هي بنته من زوجة الاولى

الثاني ..اخواته ماتحبينهم ..بس انت هادئة ومسالمه وغير كذا لك بيت لوحدك

الثاني ...خطب بنت خاله وهذا دليل انه نسي اللي كان يحبها واغلب الشباب السعودي له علاقات قبل الزواج بس يتركها عشان الزواج

يصير المفاضله بين الاول والثاني في الاخلاق واللي قريب من شخصيتك وانسي شي اسمه عرف اجتماعي او طبقات او سن شوفي الشخصية وركزي عليها

الله يوفقك ويكثر الخطاااااب
 
كآرآميلآ تسلمين

من ناحية الاخلاق الثاني اخلاقه حلوه وشخصيته اجتماعي يقولون كان عربجي اول بس الحين عاقل اما الاول ماعرف اي شئ عن اخلاقه وشخصيته بس مره زمان قبل كم سنه سمعت اخوي يذمه بس لما تقدم لي ماقالوا شئ خواني

وانا هادئه ومسالمه ومااحب المشاكل حتى الكلام مااحب اتكلم كثير او اجادل تتوقعون يناسبني شخصيت الثاني وراح يكون فيه تفاهم بيننا؟؟؟؟؟؟؟؟؟؟
 
اكيد حبيبتي وتقبلك له دليل انك مرتاحتله الله يجمع بينكم وييسر اموركم

صدقيني اهله راح يحبونك لاتشيلي هم ابدا وبما انه شخصيته حلوه هذا المهم

قولي(اللهم اجعلني قرة عين له ولااهله )

عقبال مانسمع الاخبار الحلوه منك والله فرحانتلك من قلب لاني مثلك هادئة ومسالمه وحاسه بشعورك

الله يوفقك اااااااااااااااااااامين
 
ولله حبيت أقولك شيء أختي هادئة وخجوله تزوجت بواحد جريء واجتماعي

تقول كذا أحسن يجرئني ومايخليني أشيل هم ايش اقوله ولا ايش أسولف


لكن تخيلي إنك هاديه وماخذه واحد هادي وش بيكون بتكون حياتكم ممله ومافيها حوار .​
 
الله يسعدكم ويوفقكم يلي رديتوا ويرزقكم ماتتمنونه

اختي صمت** والله نبهتيني لشئ كنت غافله عنه حلو طمنتيني وردك مره ريحني لانه من واقع تجربه الله يوفقك ان شاء الله
 
استخيري حبيبتي واسالي عن الدين والاخلاق كيف هو في الصلاة وذلك بسؤال جيرانه وزملاء العمل فمن يخاف الله لاتخافينه وفقك الله للاختيار الصح والسليم​
 
الله يوفقك ...
وفعلا خذي واحد ماعرف النساء من قبل ..
لانة اكيد بيقارن بينك وبينها ..
الثاني افضل بكثير وانتي لك توجيهه ...يعني ماراح يعرف كل شي الا على يدينك ..
وباسلوبك راح يكون رائع معاك ..
لكن الاول بكل حركة راح يقارن بينك وبين الاولى ..
الله يوفقك هذا رائيي
 
استخيري اختي وتوكلي ع ربج

اهم شي الاستخاره

ادعيلي ان ربي يوفقني :(
 
حبيبتي انا من رايي اختااري الثانية والطبقة الاجتمااعية لا تزيد ولا تنقص في الشخص


بس بقوولج شئ الاستخااارة .... الاستخاارة ... الاستخاارة والله يكتب اللي فيه خير
 
حبيبتي استخيري

بس حبيت اقولج حاجه انتي مرغوب فيج ويمكن يجيكي اللي افضل منهم لانه الصراحه اخاف المطلق يحن لزوجته
بعدين مهما كان ملتزم
اما الثاني شوفي اخلاقه هو بغض النظر عن اهله كيف ؟
 
الله يكتب الخيره لك ...أنا اشوف الثانى انسب وبالاخير استخيرى والقرار لك .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل