آه وبـس
لما قرأت موضوعك ضحكت الضحكه اللي على جنب تعرفيها ؟
خخخخ
انا بابا كل مانخطبت بنت في العايلــه قعد يعايرنـي بهـا ، ولاااا يقولي انتي تغاري من فلانه لانها انخطبت صح والخ الخ
طبعـا قالك هو قاعد يمزح ، بس ترا يحز بخآطـري هالكلااام مره .. !
والحيـن بنت خالتي اللي اصغـر مني ماشالله انخطبت لواحد ماشاء الله على قولتهم مالي ثيابـه ..
وهي لانها مرره صدقيتي اول يوم عرفت الخبر اتصلت تحكيني وانا كنت اشجعها واقولها لا تتهوري وترفضي وتقولي صغيره والخ الخ
المهم انا خايفه من اليوم اللي يعلنو فيه خطوبتهـا ، ويستلمني بابا العزيز في الحـش والدق في الكلاام .. !! والله مزحه ثقيل
كل شي قسمـه ونصيـب .. انا تعبت نفسيـا السنتين اللي فآتوو بسبب هالموضوع وراح نص وزنـي
لاني ادرس في كليـه الطب واهلـي مو مقتنعين وقالك خايفين من نظره المجتمــع .. بس سبحـان الله رحت ابي احول
من الكليه مرتين ، المره الاولــى قالت لي التحوييل قفل ومافي مجــال
المره الثآنيــه عبيت استماره التحويل ويوم جيت اخد النتيجه قالولي ضـآعت الورقــه .. !! سبحان الله خيره من رب العباد
انا عمـري 20 سنــه .. بس بلا تخلــف بالله ، الواحد ما بيعيش غيـر مره واااحده ، مارح ابيع نفسي وطموحي عشان شي مصيره في ايد رب العالميــن
هو اللي يعطي وهو اللي ياخــذ .. ما بايدنـا غيــر نحسن علاقتنا معه .. واقوولك عن تجــررررربه
انا حسنت علاقتي مررره مع ربي وصرت احسن من اول
دراستي صرت مبسووطه فيها .. اول مره احس اني في ارقى اقسام الكليـه وارووع مهنه ووظيفه
وحتى صديقاتي قالولي انتي مررره متغيره ، فيكي شي لايكون انخطبتي هههه كذا تفكيرهم دايما
اسمعــي بعد الله سبحانه وتعالى استعيني بقانون الجذب ولا تستعمليه بطريقه غلط
اذا بتقعدين تفكرين انا كبيره وانا عانس وما بتزوج .. هذا اللي رح تحصلينه في حياتك !!
عشان كذا خليكي ميه ميه وعيشي حياتك واشغلي نفسك
انا اشتغلت على جسمي ، ودراستي مرره مبسوطه فيها ، اتعلمت التصميم عالفوتوشوب ، واحترفت التصوير الفوتوغرافي ،
والحين صرت اسوي الـ MMS والثيمـآت للجوال بنفســي
وصــآرو البنات يطلبوني اسويلهم اشياء خاصه فيهم خخخ
وسبحـآن الله اتقدم لي 4 .. 3 منهم اهلي رفضوهم بدون مايوصلني علم ، لكني عرفت في النهايـه ، وانقهرت على واحد فيهم لووووول الله يسامحك يا يمه وبس ..
وواثنين رفضهم ابوي لانهم على قد حالهـم ..
والحين ولد عمي متقدم لي وانا متردده ومحـتاره وكتبت موضوع في القسم عنه ههه
يعني يوم كنت شايله هم الزواج ماحد تقدم لي ، ويوم اني نسيت هالموضوع وخليته على ربي وانشغلت بحياتي اللي صايره من احسن الى احسن .. صارو كل شهر يجيني واحد الحمد لله والله يكتب الللي فيه الخيييير
فكيك من خرابيط النـآس والمجتمع والخ الخ .. ترا دايما احنا نقول المجتمع المجتمع ، مين المجتمع ؟؟
اذا كل واحد يرمي الكلام على الثـآني .. خلص المجتمع وماعرفنا مين المتخلف من المتفتح ..
دامك ماتسوين شي غلط صدقيني ربي ما بينساااكي .. شيلي الهم من بآلـك
يمكن ربي مخبي لك وااحد قاعد يشتغل على نفسـه ويبني نفسـه واذا حس انه اهل للزواج ربي بيدلع عليكي .. انتي احسني الظن وبس ..
سوري عالمحااضره الطويلــه ، بس لاني كنت اعاني من نفس الكلام ، وحآلــي اتغيرت سبحـآن الله .. وحـآبه افيد النـآس ولو بكلمه تطلعهم من دوامه التفكير اللي ماله داعي ..
