متزوجه من ثلاث شهور وسئمت الحياه معاه

[ولاء يوسف]

السلام عليكم

انا جديده على المنتدى ..بس من المتابعين له

بدخل لكم في صلب الموضوع .. انا متزوجه من ثلاث شهور وحياتي كلها مشاكل ..

زوجي زعووول لأبعد الحدود لدرجه انه هو اللي يغلط علي ويزعل ومايرضى الا اذا تأسفت منه

دائما مايعطيني وجه .. والله العلي العظيم وربي يشهد على كلامي مو مقصره معاه بشئ ومقدره كل ظروفه ..

دائما يصرخ علي .. دائما يقارن بيني وبين زوجات اصحابه ..:tears:

فقدت ثقتي بنفسي ..اوقات يصير حنون وطيب ويدلعني وانسى كل الهموم اللي سببها الي

احس روحي الاحق وراه ..

ومشكلتي الثانية بنت خالته .. حاطه عينها على زوجي .. وهي سمعتها سيئة ودائما تحاول تلفت الانتباه وحتى خوات زوجي يتكلمون عنها كثير قدام زوجي وانا خايفه هالمخلوقه تدخل حياتي

ويش تشورون علي .. شسوي ؟؟؟

 

[شمعة بلقيس]

اقعدوا مع بعض واتفاهمو بهدوء وقوليله هذي جلسه مصارحه وابغى اقلك كل شي مضايقني واتمنى انك تفهمني

 

[ام مشاري 1986]

اسمعيني حبيبتي انتي تقريبا نفس الظروف الي مريت فيها بس نصيحة مني
اول شي لاتبينين حق زوجج ام بمن خالنه عينها علي
ترى جذي راح ينتبه لها
ثانيا راح يميل لها لانه راح يعرف ان هي نقطة ضعفج وهي الي تحرج
وانتي لا تهتمين لها كشخي ودلعي زوجج ولا تحطينها في بالج
واذا على المشاكل انتو توكم في بداية الزواج لازم تصير مشاكل لانكم مة متفاهمين انتي من بيئة وهو من بيئة اطباعكم غير عن بعض
اي شي نبينه دزي لي رساله

 

[غروب الأيام]

أختي الحبيبة...أنتي في نعمه لأنك تعرفين هذا المنتدى ..ففية ستجدين بإذن الله الحل لمشاكلك سأكتب لك بعض المواضيع للإطلاع عليها للإستفاده:
-مقالات الأستاذه ناعمة الهاشمي والإستشارات والقصص الواقعية ..
-أنماط الشخصيات ...(يجب عليك أولا تحديد نمط زوجك ونمطك لتسهيل عمليه التعامل معه وفهمه)
-أسرار العشيقات
-أسرار خفية وثمينه تظهر من بين المشكلات
-أسرار خاصة لنساء ملكن قلوب أزواجهن
-مرجع حركات الدلع الحلوه
-مواضيع القسم الذهبية
-تحويلات إلى مسارات أخرى

وستجدين الكثثثثثثثييير ...هذا ما أتذكره الأن أرجو ان أكون قد أفدتك

الله يوفقك..

 

[الجواااان]

الله يسخرلي ولك ياارب العالمين
وبنات المسلمين

 

[الحُرّه]

ماقصروا البنات

هذا شي طبيعي في بداية الحياه الزوجيه
واتفق معهم انك ماتبينين لزوجك قصة بنت خالته..


موفقة