متزوجة و موظفة ،،،ساعديني بليز

[غرياف العين]

مرحبا يابلقيسات

معااكم اختج غرياف العين

انا عنجي موظوع شاغل بالي وابي اخذ رايكم اذا سمحتو

انا متزوجة من سنة ونص
وعندي بيبي عمره 9 شهور
واسكن بيت اهل زوجي في ملحق

المشكلة اني حصلت على وظيفة
مسائي مدة 3 ساعات من 3:30 الى 6:30
الدوام يوميا ماعدا الجمعة

المشكلة انه زوجي يشتغل في منطقة بعيدة عن البيت
يعني يرجع من الدوام يوم الخميس الظهر الساعة2
ويروح للدوام يوم السبت الساعة 8 المساء
انا قبل الشغل كنت استقبل زوجي واكون كاشخة ومتعدلة ومكياج وعطور
واجلس معاه
بس بهالوظع الجديد يعني اذا زوجي وصل من الدوام يوم الخميس يمكن الحق عليه ويمكن لا
يعني اذا هو وصل الساعة 2 انا بظطر اروح الشغل الساعة 3
ونفي الشي يوم السبت الزهر بطلع للدوام وبرجع الساعة 6ونص وهو يروح الساعة 8
يعني ما بيكون الال يوم الجمعة

محتارة ف الشغل
والله
الحول اللي فيه انه دوام جزئي وبنفس الوقت بيسليني وبقظي وقت الفراغ لانه زوجي طول الاسبوع محد
يجي البيت بس الويكند
لكن اللي مظايقني انه لما يرجع الحين خلاص يمكن اشوفه 5 دقايق وعقب بروح الدوام
انتو شو رايكم بهالوظع هل اتحسون عادي والا شو
شو تنصحوني

يمكن يحس بالفرق
لانه قبل غير كنا اول ما ينزل يجلس مع بعظ ونتغدى وعقب انريح شوي
الحين اذا رجع من الدوام بيجلس بروحه
امممم
شو رايكم
والا اتحسون انا مكبرة الموظوع
وكيف اقدر اعوظ هالساعات اللي بغيبهم عنه
اللي عندها خبرة اتساعدين

 

[غرياف العين]

فوق فوق فووووووووووووووووق

 

[e-style]

هذي حلها عند ريلج
قعدي معاه و سأليه إذا الوضع مريحه أو لا
أو كلمي مسؤولج بالشغل قولي له يوم الخميس و السبت هل يصير دوامج يتقدم يعني من 2 إلى 5 ؟
وضعج يتطلب وظيفة تسليج خصوصا انه ريلج مو معاج يوميا لو تركتي الوظيفة راح تملين

 

[شجن البسمة]

أحس انها مو حلوة هو يجي وانتي تروحين

جاي لك بعد اسبوع كامل وتطلعين مباشرة وتخلينه

انتي شوفي رأئه .. إذا هو مرتاح على هالوضع

شئ حلو ..

وإذا والله حسيتي من كلامه انه متضايق .. انصحك اتركي

شغلك على طول

الزوج وراحته أهم .. بس أهم شئ جسي نبضه وشوفي

وش رأئه ..

وعليكي أولاً وأخيراً بالإستخاره

الله يكتب لك اللي فيه الخير

وطمنينا ..

 

[لخاطر عيونك]

بصرحه صعبه انك تتركينه وخصوصاً انا يجي يومين بالاسبوع والرجال يبي لاجا حرمته تكون فاضيه له فلازم انتي تسألين وبعد والله صعبه تتركين شغلك تنت ما انصحك تتركينه لان ادري قعدت البيت ممله
بس حاولي تغيرين من وضع دوامك << الخميس والسبت بس اضعف الايمان

الله يسهل عليك وعلى المسلمين