متخرجه وموهوبه بسسس كيف ؟؟؟؟؟؟؟؟؟

[شكلين مابحكي]

///////



























السلام عليكم....

يابنات و يانساء بلقيس انا موهوبه بس ما ابرزت نفسي.:35:.

يعني انا متخرجه وفاضيه وعاطله...

واحب اسوي أعمال أو أخيط حركات بناتيه مثل جراب للجوال :23:
ولا واقي لاب ...الخ

المهم اليوم سويت واقي للاب وخيطته بنفسي وأظفت عليه لمسات بسيطه..
وطلع مرررره حلو وناعم يصلح للبنوتات...

واهلي بعد اعجبهم...

وصورته وارسلته لصديقتي ... وقالت لي ليش ما تسوين مشروع...
وتبيعين .... يعني اسوي اعمال واخيط...


طبعآ اخيط حركات بسيطه للأعمال موب خياطه فساتين....

وانهبلت صديقتي مررره على شغلي واصرت علي اني اشتغل
وقالت لي سوي اكثر من عمل ونزلي موضوع بمنتدى منطقتي
واعلني عنها ...

انا اعجبتني الفكره واحس ان الكل بيعجبه شغلي...
بس مدري وش رايكم ؟؟

وهل سبق احد جرب مثل كذا ؟؟
وتتوقعون الناس بيطلبون ويشترون مني ؟؟؟


وابي افكاركم ونصايحكم ؟؟؟

بليز لاتبخلون علي ...

تكفون ردو لاتحطموني وما تردون ....

​

 

[مشاعر شاعره]

اولا احب اهنيك على افكارك وروح العمل عندك

ثانياً سوي المشروع لكن البدايه ابدئي في اعداد قليله واذا شفتي الطلب زاد سوي ثانيه

وليش ماتسوي اعمال فنيه وتبيعينها الناس تركض ركض يالله تلحق على طلبات المدرسه واكيد بشتروا منك وخصوصاً الي زي حالتي مااعرف اسوي اعمال ودائماً اشتري لعيالي من المكاتب ويكرمون وهن بالاصل هذه الاعمال نساء في بيوتها تسويها

اتمنى عجبتك فكرتي

والله يوفقك ​

 

[شكلين مابحكي]

الله يسلمك اختي مشاعر شاعره ...
شاكره لك مرورك وردك...
حمستيني ...

بسسس وييييين الباقين ..؟؟؟؟
ويييييين الردوووود...

 

[وزيره]

توكلي على الله
سوي ونزلي موضوع باعمالك مع الاسعار وبالتووفيق ياعسل ولا تتاخرين علينا

 

[ام فلوه]

اول شي حبيبتي اهنيك على مهارتك لأن مثل مايقولون صنعه في اليد أمان من الفقر
فكون انك ماهره بشغله معينه فهذا شي ممتاز توكلي على الله وإبدئي مشروعك بس لاتكثرين من القطع
يعني مبدئيا اعرضي كذا صنف لأشكال متنوعه وجربي وحاولي تشوفين اكثر شي مايلين له الناس في مجالك
وزيدي عليها الاشياء اللي موضه حاليا مثل الالوان الفسفوريه لو تدخلينها من ضمن خاماتك راح يكون لها اقبال كبير
وننتظر أول موضوع تجاري لك ,,
والله يوفقك يارب ويسخر لك ويفتح لك أبواب رزقه ,,

 

[أسماء زكي الدين]

ما شاء الله .. تبارك الله

مستغربة أنا بعدك بتسألي؟!

المفروض جالسة على الماكينة تبدعي ...

وخذيها مني نصيحة

لا تترددي

لا تتردي

لا تترددي

فالتردد يقتل المواهب ويحبط العزائم

وإياك إياك الاستسلام للتعليقات المحبطة

ستجدين من الناس إما جهالة أو حقدا تسفه عملك أو تسخر أو تعيبه لك

وهذا قمة الجهل والعياذ بالله

فلى في رسول الله - صلى الله عليه وسلم - اسوة حسنة
فما استعيب عملا قط حتى جمع الخشب وبيعه
بل حث على العمل اليدوي ودعا له

وكل الانبياء عملوا في مهن حرفية بايديهم

وسالتي إن كانت منا من عملت شيئا كهذا اقول لك أنا كنت أعمل ذلك

عندما أتقنت صناعة الجبن الأبيض كنت أقوم بصناعته - حسب الطلب - وأتقاضى اجرا على ذك وعلى الرغم من قلة الربح من الكيلو الواحد إلا إنه كان ما شاء الله وفيرا عندما جمعته ... وكثيرا ما كان ينفعني ...

وبسبب انتقالي من البلد لبلد آخر فأنا بصدد بدأ مشروع آخر حاليا .. يتناسب مع المكان والظروف ​

 

[وينك ياكلمة لا]

الله يوفقك تم الرد على الخاص

 

[شكلين مابحكي]

أسأل الله ان يبارك فيكن ويرزقكن من واسع فضله..

بجد رفعتو من معنوياتي وحمستوني..
وبإذن الله سأبدأ قريبآ ..

وبعد ما أسوي مجموعه راح انزل صورها هنا ..
علشان تشجعوني أكثر << معليش طماعه ..

وأختي أسماء زكي الدين / الله يجزاك خير..
كلماتك أشعلت فيني الحماس والهمه ..
وفعلآ لنا في (رسول الله عليه الصلاة والسلام أسوه حسنه)

وأعجبتيني ييوم ذكرتي تجربتك بالعمل فعلآ مهما كان الدخل قليل
تحسين ببركة عملك ..

الله يسعدكم ويحقق أمانيكم ..

أنتظروووني ~

 

[انسباير]

حبيبتي شكلين مابحكي

والله كان الموضوع اللي فوق انا كاتبته خخخ

انا زيك عاطله تخرجت من الجامعه العام وفاظيه .. واحب اعمل بعض الاشياء البسيطه مثل الخياطه وتغليف الهدايا

بس مو عارفه كيف ابدا

ان شاء الله ربي يوفقني انا وانتي ونصير اكبر تاجرات ..