مبايل ريلي

الحالة
مغلق و غير مفتوح للمزيد من الردود.
ما كان خاطري ابين ضعفي جدامها بس مسحت دموعي
و سالت تبين تساعديني قولي ما تبين الله وياج تبين تكلميه خلاص عادي برايج
روحي الله وياج
تقولي لا بالعكس بساعدج و مثل هالشباب لازم يتربو و من هالكلام
قلت لها اوكي الحين اباج تكلميه عادي و تسولفين وياه لمدة 3 ايام بعدين بقولج شو تسوي
هي قالت اوكي اتفقنا
و قلت لها اريدج توصليلي كل كلمة تنقال بينكم قالت اوكي

سكرت رحت دقيت لربيعتي
هلا شحالج
ادري ان عندكم شقة ورا الكارفور اجرتوها و لا لا قالت لا
ليش
قلت اباها لمدة اسبوعين
قالت ثم
ما بتغلى عليج
بس تراها وسخة و ما فيها اثاث
قلت عادي
انا بتصرف
 
ماشاءالله عليك بصراحه رائعه ربي يوفقك وكملي متابعتك وربي ينولك اللي ببالك
 
المهم جات لعندي البيت يلسنا شكيت لها همي
المهم قالت لي انا بخلي اخوي يجيب عمال يشيلو منها الكراتين و الوساخة
الصراحة ما كنت ابا اروح عند اهلي لانهم بيصالحونا و انا انقهر من هالتصرف لانهم ما يعطوني فرصة اربيه
 
المهم تنظف المكان رحت جبت اغراض البيت عالخفيف لاني مستعدة للحرب
و اخليه يقول خلاااااااااص دخيلج
و جبت بطاقة تلفون يديدة و اخدت وياي خدامتي
و رحت البيت ياويلي كانت فيها رحت صبغ وع وع وع
بس احسن من ريحته خخخخخخخخخ
 
المهم هو كان عليه دوام ما يرجع الا بعد 3 البيت
هذاك اليوم كان واااايد تعب علي لاني اروح و ارد و اشتري اغراض و معطرات للبيت
ما خلصت لين الساعة 7 المغرب
و هو الحبيب ما اتصل ابدااا جنه ما سوى شي و انا يا حليلي المسكينة توني بنت 20 اتبهدل
بس انا احب التحدي.....
 
برافو عليكي خليه يتربا شويا الرجال ماعاد ينفع معاهم بالزمن هذا الا الطريقه ذي الله يوفقك
 
كملي معاكي .......................الله يقويك والله انك خطيرة ما شاء الله عليك
 
كيف ما قلت لكم رحت و شتريت بطاقة يديدة دقيت عالهانم العشيقة
هلا شحاتج شخبارج سوالف عادية و هي من طريقة كلامها تبا تكون ربيعتي
و المشكلة يا بنات صوتها يخوف و دفشة و كلامها ما تقول بنية
اقول فخاطري الصوت انا بنية خفت و انا الي ادلع و كل ماهو يديد اشتريه و مسوية دورات ايتيكيت و مكياج و يقول اني احلى منها بمليون مرة
و هالشي كله يخوني وياها و عرفت بعدين انها سمرة و قصيرة >>>ديرو بالكم
يلا خلاص ما فهت شي
المهم قلت لها هذا رقمي ليديد لو حصلتي رقمي القديم مسكر دقي على هالرقم و طبعا قلت لها ما حد يعرفه
و طبعا سالتها دق قالت لا هو متعود دوم يدق علي بس باليل
اقول فخاطري هذا مستواك
المهم جلست شوي سمعت صوت حرمة تتكلم شكلها تزقر ولدها صغيرون
طبعا اختكم فضولية طلعت راسي من الباب مثل الفار خخخخخخخخ هلا و الله انا جارتج شحالج
لو تبين اي شي انا جنبك >>>>مادري شو عندي هذاك الوقت
سالتها انتي من وين قالت انا سورية
قلت شو رايج تقعدي عندي و لا مشغولة
قالت لا و الله ابو العيال بسورية و انا بروحي
قلت خلاص اليوم بتتعشي عندي خخخخخخخ>>>>وين الصحون وين الاكل
في بالبيت كله كنبة وحدة و سريرخخخخخخخخخخخخ
و كانت الخدامة تنام جنبي لانها وايد تحبني و عاشت مدة طويلة فبيت اهلي
المهم جات عندي و جابت العشا وياها و انا طلبت من المطعم و جلسنا نسولف
قالت كيف انتي اماراتية و عايشة تجي
قلت لها ظروفي و تاني بكيت جني اعرفها من 20 سنة
 
يا بعد قلبي.. ويا حزني عليج ،، تعرفين من اقرا ردودج و مواضيعج اقوول فنفسي يحظه اللي خذها ...

" ان الله اذا احب عبدا ، ابتلاهـ... و هذا ابتلاء فالدنيا ,, واتمنى لج راحة بال طول العمر...

الحين عرفتي بلقيس و استفدنا يميع منها ، شغلي دهائج و حيلتج فيه ، وشدي الهمة كلنا وياج...يا احلا دلع كلهـ فالامارات،،
 
تقولي ما بخليج تيلسي بروحج بالبيت تعالي عندي اقولها
اليوم خليني و باجر انشالله الحين خاطري اجلس بروحي
بس نفسيتي رتاحت يوم كلمتج

و يوم طلعت يا بنات جنها روحي طلعت معاها
و ابكي مادري شو حصلي مت من القهر من المكان الي جالسة فيه و ما بين يوم وليلة تصير عندي بس سرير
جني مسكينة على باب الله

هديت اعصابي شوي و المدام تتصل قالت لي زوجك يتصل
اها كلميه بسرعة و سكري اريدج تعرفي كيف مزاجه مبسوط و لا مضايق>>>>يا حليلي انا بس الي مضايقة
مرة ردي سلمي و قولي له انا مشغولة
قالت اوكي
انا يالسة اتريا 5 دقايق 10 دقايق كل دقيقة اقول فيها ريلي يكلم غيري
و انا قلبي ينزف دم يا ترى شو يقول يا ترى شو ووو
اتصلت عليها ما ترد و الحبيبة مندجة وياه
 
شوي و تتصل و انا اريد اهدي اعصابي شوي عسب ما اعصب عليها
قلت لها خير انشالله اشوف مستانسة بالسوالف>>>>بس الحق ينقال هالبنت وصلت لي كل شي و كانت طرف مهم لنجاح الخطة

قالت لي لا و الله بس انا اريد اعرف شو يبا يقول
قلت خير شو قال يتكلم عني
قالت لي لا ما يتكلم عنج و كل ما اييب سيرتج هو يغير السالفة
و الحين قالي ابا صورتج
انا قلت بعد يبا صورتج
اقول و انتي مصدقة عمرج شو بتطرشي له الصورة و لا شو
قالت يخسي الا هو بالعكس ماباه
 
معااااااااااااااك كملي ياقلبي ماشاء الله عليك وحسبي الله على خرابات البيووت
 
يااااه ماشاء الله عليييييييك ,

كمممممملي الله يخليك اكتبي جزء كبير مرة تحمسنا

الله يكتب لك كل خير ويعميه عن بنات الحراام
 
طعم الخيـــــــــانه مرررررررر

انا اشوف انك لازم تفكير الحين في طريقه غير مباشره انك عرفتي عن الرساله قبل لا يتطور الموضوع

وعلشان يعرف انك راح تعرفين مره ثانيه بس لازم بطريقه ذكيه

او ترسلين له رسائل انك اصدق انسان وانا يحسدوني الناس عليك
انا احبك واثق فيك وحياتي معاك بامان يعني من الكلام اللي
يخليه يحس بثقتك فيه ويحرجه من نفسه اذا عمل شيء يضايقك
الله يكون بعونك ويقويك ويسخر لك زوجك
 
الحالة
مغلق و غير مفتوح للمزيد من الردود.
عودة
أعلى أسفل