ما يتصل علي ..!

[قطوه1]

:blushing: اخباركم بطاتي .. حبيباتي قلبي البلقيسيات

اسمحوا لي كل يوم تشوفون وجهي هني .. :nosweat: محتاجه ارائكم وش اسوي بعد مع رمضان المخ يوقف

ادخل بالموضوع دايركت ..

خطيبي اتصالاته لي قليله جداً :no: هالشي مو عاجبني
يعني بالبدايه كان يومياً لا يقل عن 4 او 6 مكالمات قبل لا يجي عندي بالليل
هو الحين مع رمضان حتى 2 ما فيه :icon1366: و حجته يمكن تكوني نايمه ما احب ازعجك شلون اوضح له الفكره اقوله اتصل اي وقت يسعدني انك تزعجني شلون اخليه يرجع مثل اول ​

 

[رحيق]

هلا فيك اختي ..
الله يوفقك ويتمم لك على خير ....
وانتي عارفه ان رمضان مشاغله كثيرة والجدول مقلووووب ...
فلا تتحسسين من هالشي ..
وبصراحه ست مكالمات كثييير جدا والتقليل من صالحك .
ولازم تعودين نفسك انك تخففين من التعلق بخطيبك والسبب ياغاليه ..
أنه بعد الزواج تلقائيا سيكف الرجل عن ملاحقتك لأنه حصل مايريد وعندها
ستتعبين اذا كان تعلقك به مثل الآن وسيشعر انك تخنقيييييينه
فخفي قليلا ...
لصالحك أولا وآخرا ...
اشغلي نفسك ..اقرأي قرآن تعلمي طبخات جديده ...
زوري اقاربك ...
انشغلي بأي طريقه حتى لا تشعري بالفرااغ ..
وبعد رمضان اذا ضل مبتعدا فابحثي عن السبب وأهم مافي الأمر
أن لا يكون ابتعاده بسبب انك تكثرين من ملاحقته ..
لأن الرجل يحب ان تترك له زوجته مساحه يتنفس فيها لوحده والا سيترك لها المنزل
ليتنفس ..
.................
أنصحك ياغاليه أن تقرأي في التواصل بين الزوجين ..
وكيفية التعامل مع النصف الآخر ..
اقرأي كتاب الرجال من المريخ والنساء من الزهرة ..
وغيره ....
حتى لا تقدمي على تصرفات قد ترينها طبيعية وهي غير صحيحة ...
.......................

لك محبتي
........

 

[قطوه1]

كلامك سليم ..^_^
مشكووره ما قصرتي

اتمنى باقي الاخوات يفيدوني

 

[الجـوري]

عادي انا مثل حالتك قبل بالـ 5 و اكثر ومسجات بال6 واكثر

والحين قلت اتصالاته وااايد مره او مرتين بالكثير وطبعا قلت المسجات

انا خليته براحته اذا اتصل كلمته اوكي ولكنه فيني شئ اضحك ولا كنه تغييير

واذا مااتصل مااتصل عليه بس اطرش ساعات مسج شخبارك ويرد

انتي لا تتصلين عليه ولا تكلميه بالموضوع اشغلي نفسك بأي شئ

1- يمكن يكون مشغول فعلا واذا كلمتيه بيقول ما تقدر الظروف
2- يمكن ما يكون مشغول ولاشئ بس كذا وبعد لا تقولين له لان بيقول من الحين نكد


والله يوفقكم ياااااااااااااااارب ويبعد عنكم كل ضارة

 

[فكر راقي]

بصراحه اتصالاته معقوله ليش حزينه الامر عادي اشغلي وقتك بشي نافع مو بس تفكرين ليه مااتصل ليه ماارسل انا كنت مثلك لكن في الاخير طنشت الله يوفقك ويجمع بينكم بخير عقبال الزواج .

 

[دموع متحجره]

ياحليلك انا مكالمه ومتكاثرينها بعد
وبصراحه عجزت ادور طريقه لانه تقل المكالمات يعني 3 بالاسبوع او اذا دعت الحاجه
حتى مايكون فيه ملل وحتى المواضيع انقرضت وصارت مكرره واحنا مطولين عالزواج
وبدى يلمح يبي كلام غير رومنسي وانا يجيني طرم في هالمواضيع وما عرف اعبر
فلا تتضايقين وخليه براحته ولا تفكرين فيه كثير
"تصدقون اليوم متوعدني ما يقول كلمه وحده في المكالمه يقول انتي استلمي المبادره انا بكون مستمع "ياربيييه وش اقول ؟؟؟؟

 

[قطوه1]

هههههههههه مو مشكلة حبيبتي دموووع .. سهل الموضوع جيبي سوالفك و انتي بزره
ايام المدرسه .. شطانتك و انتي حيل صغيره ينبسطون على هالسوالف

مشكورين كلكم حبايب قلبي ما قصرتوا

 

[دفء سنيني]

ههههههههههههههههههههه

الله يقطع ابليسك عجبني ردك على دموع متحجره

وعلى فكره دموع قد طحت بموقفك بس ربي يسرها وعدت *_*

شوفي حبيبتي

إذا أنتي واثقه ومتأكده إنه مافي حلقة مفقودة بينك وبينه

فلا تسألي أو تبحثي ولا شي

خليه براحته وعموما ترى هذا شي طبيعي

أنا وزوجي هيك يعني المكالمات مالها معيار ثابت

أحيانا أكثر من مرة باليوم

وأحيانا مرة كل 3 أيام

وصدقيني يكلمك وهو مرتاح وهو حاب إنه يسمع صوتك

ولا يكلمك بس عشان يتجنب عتبك أو زعلك لعدم اتصاله

بس حاولي تتكيفي أنتي مع الموضوع ياقمر

وموفقه يارب