ما رأيكن هل تقدم ام تنسحب؟!!!

  • بادئ الموضوع بادئ الموضوع سجايا
  • تاريخ البدء تاريخ البدء
عزيزتي سجايا أنا مع أختي أم مريم فعلاً أناسامعة وايد قصص من هالنوع البدايةالريال لازم يبرر موقفه يجول والله زوجتي أ نا ما أحبها مو حلوة ماتهتم فيني أهلي زوجوني .......الخ بس عشان الثانية توافق وتتعاطف معه اذا ماتبي حرمتك اليهال من وين جوا.؟ صدقين أعرف ناس صار معهم نفس الموقف ووحدة منهم كانت بنت خالي وهي رفضت المتقدم بعد حب كم سنة لأن الريال جال لها أحبج ماأحب زوجتي وما أنام معاها مافي علاقة بيننا أكتشفت بنت خالي أنه زوجته حامل جاها صدمة وماتزوجت لحد اليوم . ولكن عليها بالأستخارة أولاًواخراً.
 
اختي موجود جزاج المولى كل خير على الرد والتفاعل
 
ام مريم الغاليه اثابج الرحمن على ردج الطيب ونصيحتج انتي وباقي الاخوات .
 
حياتي اسرتي .. الغالية صادقه في اللي قلتيه بس بعد التعميم مايستوي كل شخص وله حقيقة قد تختلف وقد تنطبق بعض الشي من آخر ... بس في النهاية مايصير نعمم .. وبعد مانتجاهل تجارب الاخرين .

أشكرج على التفاعل والرد .


نتريا باقي الاخوات
 
جزاج الله كل خير الغالية زهرة البوادي

نتريا باقي الخوات والمشرفات الغاليات وصاحبات الخبرة وكل زوجة هيه الثانيه .
 
تستخير الله وان شاء الله محا يخيب ظنها بس اخاف يحلى العريس في عين زوجته الأولى بعد ما يتزوج

عليها وبعدين اولاده كبار ولا صغار يعني ممكن هم اللي يزعلوا لو ابوهم اتزوج وينكدوا عليها هي

الوحدة تتزوج واحد مو متزوج وبتلاحقها المشاكل من كل ناحية و28 مو مره كبيرة ..........

والزوجة الأولى راضية يعني حتعيش معاه بس عشان الأولاد ؟؟؟؟؟؟؟؟؟؟؟؟؟؟

اذا كان الكلام صحيح انها راضية تربي اولاده وهو يروح يتزوج ويعيش حياته ويدور سعادته

معناها انها هبله (عذرا) أو تحبه مووووووووت لدرجة انها تتمنى تشوفه سعيد بأي طريقة

او تبغى الفكة منه بأي طريقة لانها ماهي طايقته وصعب اصدق رجال طيب تكره زوجته بهذه الطريقة

حتى لو كان بينهم خلافات اول الزواج . والله اعلم الله يوفقها ويسعدها وبنات المسلمين .
 
حبيبة زوجها الغلية عياله صغار الكبير عمره 12 سنه وبالنسبه لزوجته اخذته وهي ماتباه وهو مايباها غصب عنهم يعني لانه عاداتهم لازم ياخذ قريبته .. الشي الثاني هو بداية حياته معاها يمكن كان يضربها بس هي بعد ماتقصر معاه وهذا كلام ناس ثقة من صوبه يعني ماشي احترام لرجولته خصوصا انها تشوف اصغر عنها وتهدده دوم بأبوها واخوانها خصوصا انه ماخذنها وهو يتم الاب ومحد سند له والحين علاقته بأهل حرمته منقطعه .
وبعدين زوجته على كلامها انه ردت له علشان امه تبا الياهل عندها في البيت لانه لو طلقها هي مابتعرس ومابيروم ياخذ عياله . هذا اللي وصلهم يوم تخبرو عنه ومن ناس ثقه والله اعلم .

نتريا باقي الاراء
 
بس هل ممكن يكون يحب زوجته الاولى مثلا ... وإذا كان يحبها شلون يخليها ترمس وحده بياخذها .. ؟
انا اعتقد لو يحبها او يفكر يرد لها حتى لو تعدلت وياه مابيسمح او يوافق انها تكلم خطيبته خصوصا انه قريبتي هي اللي طلبت من ام الريال ان حرمته تكلمها .. وكانت تقول ما توقعت انها صج بترمسني .. انا اقول لو يفكر يرد لها جان حط خط رجعه وهو مراعاة شعور زوجته الأولى خصوصا ان أسلوبها جاف وشكلها ماخذه منه مواقف يعني مليان الخاطر عليه .. شلون يزيد الطين بله ؟؟
 
وأنا رايي مثل خواتي الشاب شاريها لأنه اتقدم لها أكثر من مره وبالنسبة لأولاده تعاملهم معاملة طيبة وتحاول ما تقصر وياه وتعوضه عن الأشياء اللي ما عطته ليه زوجته من حب وحنان ومعامله طيبة والله يوفقها ويسعدها.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل