ما بعد القيصرية

[أمواج وبحار]

السلام عليكم ورحمة الله وبركاته
انا والدة بعملية قيصرية من 20 يوم وهذي ثاني قيصرية وتعبت باعراضها أكثر من الاولى ولليوم وانا اشعر بألم بالجزء الايمن من البطن موعارفه السبب السؤال وعندي جم سؤال والله يجازيها خير اللي تجاوبني:
1- متى تزول الآلام نهائيا ويلتئم الجرح
2-ماهي الفترة اللي ممكن بعدها ممارسة الجماع وهل فيه خطورة على الجرح؟
3-متى باستطاعتي ممارسة الرياضة لاني ناوية اشترك بنادي
4-هل من الممكن لبس الكعب بعد فترة النفاس

ياليت اللي عندها خبرة تفيدني جزاها الله خير

 

[ام سيوفي]

هلا حبيبتي تقدرين تمارسين الجماع بعد الاربعين انشالله .. اما بالنسبه للرياضه اظن بعد 6 شهور او اكثر لانها قيصري وتخافين انا تسبب لج اعراض ثانيه ..\ هذي الشياء الي اعرفها

تحياتي لج

 

[***فوفة***]

عزيزتي بالنسبة للالام ممكن تستمر لحد 6شهور بس تكون خفيفة أما الرياضة فماأدري أتمنى انتي تفيديني بما انك
مجربة القيصري مرتين،، بغيت أسأل عن القسطرة متى حطوها لك قبل التخدير أم بعد التخدير؟؟

 

[رموش نمله]

حبيبتي يليتك تسألين دكتوره الخاصه فيك الي سوتلك العمليه
هي أدرا فيك عارفتك حبيبتي أكيد لك مراجعه فسأليها

 

[المهاجره]

السلام عليكم ورحمة الله وبركاته
انا والدة بعملية قيصرية من 20 يوم وهذي ثاني قيصرية وتعبت باعراضها أكثر من الاولى ولليوم وانا اشعر بألم بالجزء الايمن من البطن موعارفه السبب السؤال وعندي جم سؤال والله يجازيها خير اللي تجاوبني:
1- متى تزول الآلام نهائيا ويلتئم الجرح
2-ماهي الفترة اللي ممكن بعدها ممارسة الجماع وهل فيه خطورة على الجرح؟
3-متى باستطاعتي ممارسة الرياضة لاني ناوية اشترك بنادي
4-هل من الممكن لبس الكعب بعد فترة النفاس

ياليت اللي عندها خبرة تفيدني جزاها الله خير

بما اني سويت 3 عمليات قيصريه
جـ1-اول خياطة العمليه واخره مؤلم (البدايه والنهايه)خاصة عند شد الجسم للنهوض بس مو اكثر من شهر وتزول الالام لكن الرحم ممكن 40 يوم ويزول الالم(الخياطه الداخليه)
جـ 2-والجماع مو فارقه سواء طبيعي او قيصريه مافيه اي اختلاف
جـ 3-الرياضه تمارس على خفيف من عقب الشهر واذا شفتي نفسك طيبه استمري لكن الرياضه العاديه طبعا بعد 3 شهور لان الطبيبه تمنعنا من صعود الدرج 6 اسابيع لان فيه شد لعضلات البطن اما المشي فكثري منه
جـ4 -ولبس الكعب اصلا ضار علشان الظهر يعني مايصلح للمسافات الطويله واللي يمس الظهر يمس الرحم

 

[أمواج وبحار]

أم سيوفي
فوفة
رموش نملة
المهاجرة
أشكركم على ردودكم وجزاكم الله خير انا هالمرة مو مثل أول مرة كانت أسهل ومستعيلة على كل شي الطلعة والرياضة و... عموما ماقصرتوا على الردود
أما بالنسبة لج اختي فوفة تقصدين بالقسطرة اللي احنا نسميه(بربيش) وهو مايوضع مكان(عزكم الله) البول؟ حطوه بعد التخدير طبعا بس لما يشيلونه بدون تخدير

 

[***فوفة***]

الغالية أمواج اشكرك على الإجابة بس أنا قلقانه من هذا الموضوع عشان في كثير يقولون لازم قبل التخدير

 

[ameira]

القسطرة

انا جربت القيصري مرتين ويحطون القسطرة قبل التخدير بس ماتحسين ان جالسين يركبونه ولما يشيلونه ماتحسي به واذا حابة كلمي اي دكتورة عشان تتاكدي

 

[أمواج وبحار]

لا يا حبيبتي فوفة انا في العمليتين وكل عملية في مستشفى غير حطولي اياه وانا مبنجة يعني ماحسيت بشي شلون يحطونه وانتي واعية؟ ياربي مجرد التفكير بالشي يخوف ممكن تطلبين من الدكتور وضعه بعد البنج بس احنا عندنا طبيعي يحطونه بعد البنج أذكر في ولادتي الاولى كنت مااعرف شي بهالامور وأهلي ساكتين خاشين عني سالفة البربيش لانهم يدرون فيني خوافة وماحسيت فيه وخاشينه بالكفر تحت ما اشوفه موحاسه فيه بس لما شفت اختي راحت تكرمين الحمام تساءلت قتلها طول اليوم مارحت الحمام بعدها عرفت السالفة وانه هالشي يسحب تكرمين البول بدون لا تشعرين بالانحصار بس لما يسحبونه يطلبون منج تاخذين نفس وشووووويييية تحسين بنغزة خفيفة بس انا عندي السحب أفضل من الوضع يعني لما يشيلونه أهون من لما يحطونه لي داخل ضروري تطلبين من الدكتورة وضعه بعد التخدير اتمنى اكون شرحت لج الوضع

شوفي اختي فوفه بعد نصيحة اذا انتي مقبلة على قيصرية والله يسهل عليج يارب واذا كنتي خوافة لازم تطلبين بنج كامل لانهم يخيرونج بين نصفي وكامل مادري عنج بس انا خوافة ومااحب اكون بوعيي نامي قومي كل شي خالص بس وانا واعية الموضوع بحد ذاته يخوفني وانتي استخيري وتوكلي على الله واي سؤال انا حاضرة

 

[***فوفة***]

الله يسعدك على هذا التفصيل الحلو وإذا على مسألة الخوف أنا خوافة اكثر منك أصلا سبب القيصرية الأولى هو خوفي الزايد وصراخي

المستمر الدكتورة الله يسامحها ماتحملتني و قالت قيصري بس الحمدلله انا أشوفه أهون من الطبيعي لأني أكون تعبانه من

بطني ولا أكون تعبانة من مكان ثااااني!!!!!!

مرة اخرى امواج وبحار جزاك الله خير والله لايحرمنا منك

 

[اولادي حياتي]

القسطرة ما تألم بس خذي نفس وهم يحطونها وان شاء الله خير