ما الحل مع صديق زوجي ..؟

[papero0o]

بنات انا عندي استشارة لموضوع صديقتي و قالتلي اكتب بأسمي عشان محد يعرفها

المهم

صديقتي زوجها عندة صديق له من ايام المتوسط و توظفو سوى في نفس الوظيفة و تزوجو في نفس السنة و سكنو جنب بعض يعني بيوتهم اقبال بعض

تقول ما احس براحة ابدا

خصوصا الميانة الزايدة مثلا كانو مسافرين و قررو انهم يسافون مع بعض مع حريمهم
تقول ما ارتحت بسفرة
و الي مهبل فيها و مضايقها تقول مرة كنا مسافرين للخارج و طالعين للملاهي زوجتة دخلت للحمامات
و جاء زوجها يدورها لما مالقاها خش خانة مع صديقتي
وش تبون نشتريلكم غدى و لية مالعبتو في اللعبة الفلانية

و زوجك خبل سوى كيذا و كيذا و كان يسولف معها

هي مرة اتضايقت تقول وهو يسولف و انا على اعصابي و قلت له معليش بقوم بدور فلان الي هو زوجها و قامت و هجت من عندة

ثاني موقف يدق على بيتهم على الثابت و لما ترد يقولها والله طبخك ذاك اليوم لذيذ ياليت تسوينة الخميس الجاي بعد

و يدق و يسولف

تقول المشكلة على الثابت و كم مرة اقفل اقول بقوم بطلع ولدي يصيح و مرات تقفل في وجهه

و دايم في المناسبات يجيب لزوجها و لها هدايا و غالية مررررررررررررررررة

هذا غير النظرااااااااات و يستخف دمة لما تكون موجودة


تقول مرة كنا في دبي رحنا انا و زوجي لحالنا و كنت فرحانة مافكر في صديقة

و مادرينا الا قال ترى فلان في دبي جاء

تقول لما كنا في دبي كنا في احدى المنتجعات و تحجبت و لبست النظارات و حنى على البحر انا و زوجتة تقول لما لفيت لقيتة يطالعنا من بعيد و على طول تغطيت لما شافني تغطيت ارتبك و راح

تقول مواقف ثانية كثيرة

تقول ودي اقول لزوجي بس خايفة

 

[كومة رومانسية]

حل هالموضوع صعب ،،
ومو أي احد يحله ،،
لا ،،
هي أدرى بنفسية وعقلية وتفكير زوجها ،، ومدى غيرته عليها ومدى حبه لصديقه ،، صعبة جدا تقول له وتخرب صداقة سنين بينهم ،،

يمكن الرجال قاعد يختبر أمانة زوجة صديقته ،،، مدى احترامها لنفسها ،،
ويمكن هو من النوع الثرثار ومآآخذ العلاقة ميانه و مو قصده شي ،،
وهو يرى هالشي عادي لانه حاسك زوجة اخوه ،،
ومو زوجة صديقته ،،


بس
.
.
.
مع استمرار تهربها منه ،، ومكالمته بكريقة رسميه جدا ،،
والتهرب منه ،،
أعتقد بيفهم حدوده ،،
بس تستمر على هالشئ ،،

اتمنى اكون على صواب ،

 

[الخاطرالمكسور]

ليش ماتلمح لزوجته وان مافهمت تقوول لها انها تتضايق وتنحرج من مكالمات زوجها وطريقة تعامله معها وتبين لها انها ممكن تقول لزوجها اللي هو صديقه يمكن تغيره زوجته وتنبهه والله المعين ماعاد فيه أمان

 

[سوسو2009]

حبيبتي العلاج هو لا تعلم زوجها ولا شئ تعطيه العين الحمرا تطنيش في الكلام ومع الايام راح يفهم والتلفون تركب كاشف عشان ما ترد عليه اذا مدحها تقول شكرا وتقفل السماعه وتحاول انها تتجنبه لان حرام شرعا وبعد وقت راح يطفش

 

[معلمتـ روضهـ]

لو انا مكانها كان بقول زوجي عن تصرفاته اخاف هالرجال يمون بزياده ويطق الباب علي وزوجي مو موجود..ترى الشيطان ماماتت..
تقبلي مروري..

 

[عسل حضرمي]

اذا صار اي موقف مره ثانية تقول لزوجها بطريقه مرحه انه صديقك اليوم كذا كذا
بصراحه شكله يعاملني مثل اخته بس انا استحي منه وماحب انه ياخذ ويعطي معي
قوله تراني استحي لا يسولف معي مره ثانيه وهي تضحك واي موقف لا تخبي عن زوجها
بس تجبيها بطريقه ماتجرح زوجها ولا تخرب صداقتهم والله يهدي الجميع ان شاء الله

 

[papero0o]

يعطيكم العافية على الردود و التفاعل

طيب انا نصحتها تنقل لبيت ثاني بعيد عن حيها القديم هذي كابداية لان لو نقلت راح تقل الاجتماعات و الاحتكاك الزايد

تخيلو حتى الغدى يتغدون مع بعض

 

[احلىحلاوه]

خليها تقول لزوجها

 

[عيالي دنيتي]

والله ماادري اش صار لهرجاجيل غربل الله ابليسهم لاحيا ولامستحا

 

[شوارفسكية]

الله يكون في عونها بس موضوع ما ينسكت عنه لازم الزوج يكون عنده علم بتصرفاات صاحبه ليش ما تكلم

زوجته دام بينهم ميانه وتخبرها عن تصرفاات زوجها وهي تنصحه وتقوله ان صديقتك متضايقه من هالشي​

 

[ام سارهـ]

اختي لاتقل لزوجها ولا تقل تقل لزوجة صاحب زوجها لاتخرب بينهم

الحل الوحيد انها تتجنبه تماما يعني لاترد على التلفون اذا شافت رقمهم حتى لو كانت زوجته اذا تبيها تدق على جوالها
وفي اي تمشيه مع بعض تجلس مع حرمته او مع زوجها لا تكون بمكان يقدر يقرب منها او يكلمها
وهو بيمل مع الوقت
صدقيني عن تجربه انا نفسي حصل مواقف مع جارنا وظليت اتهرب منه والحمدلله فهمها
لاني مابي اقل لزوجي واخليه يكرهه ولا ابي اقل لزوجته واخرب بيتهم والحمدلله ربي صرفه

وعليها بالدعاء الله يبعد عنها كل ذي شر

 

[.• ღ ǼɱṒṒᵰӑh ღ]

أنا رأئي ما تقول لزوجها عشان لايآخذ فكرة مي حلوه عن صاحبة لأنها عشرة عمر ومثل الأخوان من كلامك
لكن تحاول تحل الموضوع بنفسها معاه .. يعني توقفه عند حده
تقوله يتعدل معاها وإلا راح تقول لزوجها عن كل شي .. وإذا دق على بيتهم تقوله لاعاد يدق عليها وإذا يبغى زوجها يكلمه على جواله .. وتحط كاشف عشان تعرف إذا دق وما ترد
وبعدين يخففو إختلاط مو للدرجه هذه حتى الغدا يتغدو مع بعض
وإذا مافاد أحسن حل مثل ما قلتي ينقلو بيتهم أريح لها وله لأن البعيد عن العين بعيد عن القلب
وربي يفرج همها
​

 

[راحةالقلوب2]

الله المستعان​

 

[ياربي انصرني]

شئ جميل ان يكون الاخلاص اساس في الصداقه بين اثنين ولكن لاتصل لدرجه ان افقد خصوصيتي نهائيا

وبالنسبه للميانه بعض الناس يتساهلون فيها خاصة بين الاصدقاااء المفروض صديق زوجي مايكون بينه وبيني اي تواصل وزوجك المفروض فرض هذا الشئ بينكم من البدايه 000

حاولي ان تتفاهمين مع زوجك بوضع استراتجيه معينه في التعامل معهم بدون ان تؤثر على علاقتهم كصدقين

وخلي زوجك يتكلم عن شخصيتك وطبعك وحدثي زوجته ايضا عن شخصيتك وكيفية التعامل مع الاخرين بدون ان
تشعر بنفور ---او حاولي تقنعين زوجك بالبحث عن شقه ثانيه ----لان اذا ابتعدتوا اكيد بيتغير اشياء كثيره

والله المستعاان000

 

[المتغيرة للأفضل]

عليها ان تضع حدود له كي لايتجاوزها معها والافضل ان تنتقل فعلا من منزلها لان الانسان يحب الخصوصيه وتخفف من لقائاتهم يكون بوقت محدد وتخفف من الميانه الزائده عن حدها الان الاهل اصبحنا نتضايق من تدخلاتهم او ميانتهم الزائده عن حدها فما بالك بالصداقه ,الصداقه لها حدود بين الصديقين وخارج المنزل ولايجب ان تدخل كثيرا داخل الاسره

 

[دلة قهوه]

لام تشخطه وجها لوجه بعدين اهي اللي جابته حق روحها ليش تقعد معاه وتسولف معاه لا تقولين ميانه عيب والله عيب

 

[غرام السنين]

خليها تلمح لزوجها إنها تبي شويت خصوصيه وعلى التلفووون أول مايطلع زوجها تشيل الفيش حق التلفون الثابت وزوجها إذا يبيها يدق عالجوال وتحاول تبعد عن زوجته شوي إذا بعدوا الحريم عن بعض تقل الزيارات بينهم خل تخلي علاقتهم رسميه وإذا صار ودق عالبيت وردت خل تسكر السماعه أول ماتسمع صوته وهذي بتكون أول صفعه يمكن يصحى بعدها ويعرف إنه تجاوز حدوده

 

[كييوت]

الله لايبلانا
ويكون بعون صاحبتك وعليها بالطناش

 

[papero0o]

لام تشخطه وجها لوجه بعدين اهي اللي جابته حق روحها ليش تقعد معاه وتسولف معاه لا تقولين ميانه عيب والله عيب

حرام عليك انا قلت هي ماتبي الاختلاط وهي انسانة ملتزمة و تخاف ربها كيف جابتة لنفسها

الحين اقولك هو يدور فرصة و يجي يحاكيها وهي تتهرب و تقوم و تهج ولا تسكر التلفون بحجة ولدها يبكي

 

[طيبتي غيرهم]

سبحان الله