ما اقدر استحمل الاخطاااااااء

[ودعتهم]

ما اقدر اتحمل الي معي​

عزيزاتي ابقول لكم مشكلتي

​

انا معلمه ومتميزه وقايمه بعملي على اكمل وجه والكل يثني علي مشكلتي من هالسنه وانا ما اقدر اتحمل اشوف اخطاء سواء من زميلاتي او مديرتي ​

وباقي لي سنه على التقاعد المبكر بس ماقدرت اصبر وقدمت عليه ​

وهالحين متردده ودي بالعمل بس ما اقدر استحمل مجتمع المدرسات صار كله حسد ونفاق وعدم اخلاص بالعمل ​

فقلت احسن انسحب ولا اشوف الاخطاء واسكت واحاسب عليها لاني لو قلت يافلانه اخطاتي او احسني معاملة الطالبه او اي ملاحظه لاقمن الدنيا ولم يقعدنها ​

غير محاباة المديره لمجموعه كبيره والتغاضي عن الاخطاء ​

وش رايكم قراري سليم والا خطا

​

رايكم يهمني جدااا​

 

[لولا الأموره]

شوفي اهم شي راحتك النفسيه والي يأثر فيها بشكل كبير المجموعه الي معك

عموما وازني بين ايجابيات التقاعد وسلبياته وانتي احسن واحده تختار القرار الصائب
​

 

[مصرقعة]

شوفي يالغالية أنت قريبة كثير مني ..بس حاولت أخفف من هالشعور حبيبتي أنت مو مسؤولة عن الناس أنك تعدلين سلوكياتهم وتوجهين هذي وتقومين هذي وتنصحين هذي هذا راح يشكل ضغط كبير عليك ..أنت عليك واجب النصيحة بهدؤ ورفق وحكمة اذا صار الخطأ قدامك مولازم يتصلح الخطأ وهذا موشغلك أنك تتابعين صلحوه بعد مانصحتيهم أو لا أنت تنصحين وتنصرفين وتنسين الموضوع..ياقلبي والله حاسة فيك من كل قلبي بيئة العمل اللي من هالنوع مرة سيئة وتأثر عليك بشكل سلبي وتهز ثقتك بنفسك طبعا أنا أتكلم عن نفسي لأني من كثر ماأنصحهم على الأخطاء اللي تصير صاروا يقولولي موسوسة وعايشة بالعصر الحجري ودقيقةوووووو خوذي من هالكلام اللي مهما كنت حجر يأثر فيك..ويحبطك ويحسسك أنك لوحدك..نصيحتي مادام باقي سنة على التقاعد المبكر فمشي هالسنة بالطول بالعرض بأي شكل وتحمليها بصراحة خسارة عمرك راح وأنت تخدمين التعليم ومابقى غير سنة وتأخذين تقاعد وأنت مرتاحة فتحملي ..ولما تاصلي سن التقاعد تقاعدي مباشرة صدقيني بترتاحين كثيرلأن عمل بهالشكل راح يكون ضغط نفسي فظيع والعمل ماراح يتوقف تقدرين تأخذين دورات تطورين فيها نفسك أوتدرسين في حلق تحفيظ ..بالتوفيق يالغالية لاتنسين تستخيرين.

 

[ودعتهم]

شوفي اهم شي راحتك النفسيه والي يأثر فيها بشكل كبير المجموعه الي معك​

عموما وازني بين ايجابيات التقاعد وسلبياته وانتي احسن واحده تختار القرار الصائب​

شكرااااااااا على مرورك غاليتي فعلا هذا الي ابسويه ابوازن واشوف الافضل

 

[ودعتهم]

شوفي يالغالية أنت قريبة كثير مني ..بس حاولت أخفف من هالشعور حبيبتي أنت مو مسؤولة عن الناس أنك تعدلين سلوكياتهم وتوجهين هذي وتقومين هذي وتنصحين هذي هذا راح يشكل ضغط كبير عليك ..أنت عليك واجب النصيحة بهدؤ ورفق وحكمة اذا صار الخطأ قدامك مولازم يتصلح الخطأ وهذا موشغلك أنك تتابعين صلحوه بعد مانصحتيهم أو لا أنت تنصحين وتنصرفين وتنسين الموضوع..ياقلبي والله حاسة فيك من كل قلبي بيئة العمل اللي من هالنوع مرة سيئة وتأثر عليك بشكل سلبي وتهز ثقتك بنفسك طبعا أنا أتكلم عن نفسي لأني من كثر ماأنصحهم على الأخطاء اللي تصير صاروا يقولولي موسوسة وعايشة بالعصر الحجري ودقيقةوووووو خوذي من هالكلام اللي مهما كنت حجر يأثر فيك..ويحبطك ويحسسك أنك لوحدك..نصيحتي مادام باقي سنة على التقاعد المبكر فمشي هالسنة بالطول بالعرض بأي شكل وتحمليها بصراحة خسارة عمرك راح وأنت تخدمين التعليم ومابقى غير سنة وتأخذين تقاعد وأنت مرتاحة فتحملي ..ولما تاصلي سن التقاعد تقاعدي مباشرة صدقيني بترتاحين كثيرلأن عمل بهالشكل راح يكون ضغط نفسي فظيع والعمل ماراح يتوقف تقدرين تأخذين دورات تطورين فيها نفسك أوتدرسين في حلق تحفيظ ..بالتوفيق يالغالية لاتنسين تستخيرين.

شكرااااااااا على ردك الرائع وكلامك عين العقل بس بصراااحه ما حطيت نفسي ناصحه او مسؤؤله عن احد بالعكس اشوف واسكت واحس بالاثم اني ساااكته

 

[وضوح القمر]

بنظري مستحيل اخلي اي احد عتبه وعشانه أوقف حياتي وعملي
وعطائي وإبداعي
فنظرتي غير عليك بنفسك بكيفهم هم لانه الواحد احيان نفسه مايملكها فما بالك البشر
فلا تخلين اي من كان يوقف عطائك ويقاعسك عن العمل

بالعكس غضي عينك ولا كأنك تشوفينهم زي ماهم ماشين بالعمل حتى انا اكون لي مجتمع يرضيني
واعيش في حدوده وبالعكس لما يشوفي ابدعك وإقبال الطالبات عليك وتأثيرك وتغيرك للسلوك
راح ينجذبوا لك ولا شعوريا يستشيرونك ويقبلون نصيحتك
استخدمي اسلوب الجذب وشوفي كيف

 

[ودعتهم]

بنظري مستحيل اخلي اي احد عتبه وعشانه أوقف حياتي وعملي
وعطائي وإبداعي
فنظرتي غير عليك بنفسك بكيفهم هم لانه الواحد احيان نفسه مايملكها فما بالك البشر
فلا تخلين اي من كان يوقف عطائك ويقاعسك عن العمل

بالعكس غضي عينك ولا كأنك تشوفينهم زي ماهم ماشين بالعمل حتى انا اكون لي مجتمع يرضيني
واعيش في حدوده وبالعكس لما يشوفي ابدعك وإقبال الطالبات عليك وتأثيرك وتغيرك للسلوك
راح ينجذبوا لك ولا شعوريا يستشيرونك ويقبلون نصيحتك
استخدمي اسلوب الجذب وشوفي كيف

ماشاء الله عليك ياوضوح كلامك صحيح بس بصراحه سنين وهم يشوفون ابداعاتي واقبال الطالبات واهاليهم وثنائهم علي

ومازادهم غير تحطيم لي وبث الغيره بيني وبين زميلاتي وتمييز المتقاعسات وتوزيع خطاب شكر لهن والله على ما اقول شهيد

 

[حلاوة المدينة]

غاليتي من الطبيعي داخل مجتمع المدارس أن تجدي العديد من الشخصيات السوية وغير ذلك وانتي يبدو لي انك شرقية النمط لا تحبين الحال المايل وتطمحين دائما لرؤية كل ما حولك يسير بشكل صحيح وسليم وهذا مستحيل غاليتي في مجتمع البشر نعم التناصح واجب ولكن اختاري الأسلوب الجميل واللين والترفق حتى بالمخطئ ولكن ان لم تحتملي ذلك يمكنك الإنتقال الى بيئة اخرى فربما ترتاحين نفسيا ولكن التقاعد فعلا قرار مصيري إن كان لايزال لديك رغبة في العطاء وتحبين مهنتك فلا تتسرعي بطلب التقاعد واعدلي عنه واستخيري دائما في أمورك وأسأل الله أن يختار لك الخير في امورك كلها

 

[زهور النرجس]

آه

حتى انا اعاني

والي يبط كبدي المديره

تعطي مكافئه حق الآولي والتالي الي يشتغل والي ما يشتغل

كل واح تجامل لآقصى الحدود وانا اتعب من هذي الصرفات وهالحسد بين المدرسات

الله يعين

لو انا مكانك ادوس عليهم ولا افتكر

واصلي وخلك اقوى من كذا

الله يعوضك يارب ويجعله في ميزان حسناتك

 

[وضوح القمر]

ماشاء الله عليك ياوضوح كلامك صحيح بس بصراحه سنين وهم يشوفون ابداعاتي واقبال الطالبات واهاليهم وثنائهم علي

ومازادهم غير تحطيم لي وبث الغيره بيني وبين زميلاتي وتمييز المتقاعسات وتوزيع خطاب شكر لهن والله على ما اقول شهيد

شيء طبيعي اللي يصير لك
كيف يثبطون هممك ويدفنون ابداعك
غير بهذي الطريقه
وراح تجدين عوائق كثيره
والشكر والخطابات لاتزيد ولاتنقص
انتظري الأجر لله رب العالمين
اي شيء سويه بدون مقابل
انا معلمه انتظر التعين
وكل الرسميات ينقهروا من إبداعي
وعروضي وأنشطتي وانا اسويه لوجهه الله أولا
ولإدخال روح السعاده والحياه بقلوب طالباتي
وامانه برقبتي اديها على أكمل وجه
وفوق ذا يترصدون أخطائي والمديره مستحيل تعطيني ممتاز
ماالتفت لهم لانهم مو هدفي ولا شغلي الشاغل
بالعكس ثابري وجاهدي وفيدي غيرك بإبداعك
وغيضي حسادك:18:

 

[أم الاسباط]

أهم شي راحتك وانت الي عليك سويتيه والباقي على الله

 

[ندى الريحان]

اختي كأنك تتكلمين عني
لي 17 سنه والحمد لله عطائي بلا حدوووووووود بشهادة الجميع وللكل من المديرة الى حارس المدرسة
بس على قولتك صعب تشوفين الغلط وتسكتي وانت تعلمي البنات دروس في الإخلاص في العمل وتلاقي الواقع غير كذا
ليتك شفتيني اليوم وربي غير ضرابه مع مراقبة الدور تبغى تمسك دور وتوزع حلوى على البنات لكن صميم العمل من اوراق ومطبوعات لا ما عندها استعداد تسويها وتقول هذا شغل الإدارة ومع ذلك الادارة عاااااااااادي عندها واللي ما تشرح للبنات الدروس العملي وفي اختبار العملي تمليهم الإجابات واشتكوا البنات وما حولك احد
والأغرب ان فب مجموعة مقربة من الإدارة وطول العام حصصهم 12 -14 -10 -4 ومع ذلك تلاقيها ما عطتهم لانشاط ولا ريادة واذا قلتي ليش قالو هذي نظام والنظام في وادي وهي في وادي والثانيه ماسكة اعمال كاتبه واغلب العمل وارد عن طريق النت مو بذاك العمل مثل اول
والثالثة ماسكة الجدول وياقلب لا تحزن واللي يقهرك انك تشتغلين لين تطيحين على ركبك وفي النهاية تلاقين غيرك مثلك ويمكن احسن
انا عن نفسي اعلنت الحرب وما عاد يهمني احد صح تقديري ممتاز ويمكن ينزل بس ما دمت ما قصرت في عملي الأساسي بكيفها فيه ما عاد يهمني .....
اشري دماغي قبل اجن واللا يصير لي شي وانا ساكته عن الظلم اللي اشوفة
لأني تكلمت جت الوكيلة تقولي ابعدي عن فلانه وفلانه مالك فيهم خليك بحالك !!!!!!!!!!!!!!
الله يفرج همك ويهون علينا وعليك
مبدأ لن اتنازل عنه
اللي ما يخاف الله ماله عندي وزن وله عليه حق السلام فقط .

 

[نارمين]

يالله على مجتمع المدرسااات يقرف عذرا انا جربته مررره تعبت

الله يعين بس

الله يوفقك يالغاليه واهم شي راحتك

 

[LEMONA]

الله يعينك اختي بس انا استغرب شي _______ شي من جد مزعلني مع انو احنا مجتمع مسلم والمفروض نكون احسن من غيرنا لاكن المجتمع النسائي عندنا سيئ جدا في الخليج والسعوديه بصفة خاصة المجتمع النسائي سيئ جدا
الي كويسين ينعدون و70% الباقي سئ حسد ونفاق وخبث ومصالح وغيره خاصة الغيره ذابحه الحريم عندنا ليش
كذا المجتمع من سيئ لأسؤ ليش ياربي ليش مو كل وحده تعيش حياتها تنبسط فيها تسيب غيرها ليش كذا
هل هو نتيجة التربية او طبيعة المجتمع والسيطرة الذكورية ولا ايش نفسي احلل المشكلة

 

[اعتزااال]

اذا كل انسان كفؤ
ينسحب عن معتركة التعليمي حتى لا يصحح أخطاء أحد
لن يبقى للأسف من يأمر بالمعروف أو ينهى عن المنكر
اخيتي احتسبي الاجر في توجيهك حتى ولو لم يسمع منك
اخيتي بارك الله فيك
واكثر من امثالك
بالتوفيق