ما أعرف أنا شينة والا لأأ !!! ساعدوني بليز
السلام عليكم
أنا عضوة قديمة بس لان المشكلة محرجة(على الاقل بالنسبة لي) دخلت باشتراك جديد....وتكفوووون لا تنقلون موضوعي بمكان ثاااني...يمكن ما يكووون مكانه هنا...بس أنا ابغى اللي بالقسم هذا يرد علي...تكفووووووون....
اولا الحمدلله أنا انسانة مؤمنة بالله...ومشكلتي يمكن انتو ما تشوفونها كبيرة بس بالنسبة لي...أحيانا ماقدر انام بسببها..........بصراحة هي مجموعة مشاكل...بس أحس سببها كلها واااحد وهي عدم الثقة بالنفس!!!
أي احد يشوفني اول مرة يحس ان ثقتي بنفسي عالية...مدري اشلون! بس أنا العكس تماما.
اولا أنا ملامحي زي الاطفال...وإذا اتكشخت وطلعت برة البيت تجيني تعليقات من صاحباتي اني جذاابة...مع اني ما احس بالشي هذا ابدااا....أحس اني شييينة!
ثقتي بنفسي معدومة...بصراحة ما احس اني حلوة أبــــدا...الكل دايم يمدح بجمال اخواتي....محد من قرايبي مدح فيني ابداااا.....مع ان سبحان الله اللي غير اقاربي يمدحون فيني.....عندي عمة...الله يهديها ما بقى الا تقولها بوجهي...(((انتي شييييينة)))...والله ما ابالغ يا بنات...بس يمكن لان عيوني صغيــــرة...وأنفي شوي أفطس( مو مرة بس الى حد ما )...محد من اقاربي يشوفني حلوة...عكس خواتي الستة سبحان الله...عيونهم ماشاءالله تبارك الرحمن مرة حلوة...واسعة ورسمتها حلوة...الحمدلله طبعا على النعمة اللي انا فيها...وصدقوني والله موووقصدي اعترض على خلقة ربي...أبـــــدااااا...
اللي يشوفني بأي مكان يقولي وجهك طفووووووولي...ومرة كيوت....بس أنا المشكلة ما احس بالشي هذا. مااااادري ليش يا نااااااااس...احيانا آخذ راحتي بالكلام...وفجأة لما أشوف نظرات اللي معاي أحس انه فيها تقزز مني! اسكت واتوتر واخبـــص بالحكي....لو صارتلي مرة كان قلت صدفة...بس دااااااايم تصير معاي....لدرجة مرة سألت وحدة من صاحباتي...قلتلها انا ماااشوف نفسي حلوة ابدا....قالتلي بالعكس انتي مرة كيوووت وشكلك زي الاطفال...وسألت وحدة ثانية ونفس الاجابة....ومررة وحدة لما شافت صورة لي كانت معاي بالشنطة قالتلي وين كنتي مخبية هالجمال فترة الجامعة!!! برضو ما صدقتها وقلت تجاااامل....!!!
مدري أخاف اذا احد اتقدملي ماااايعجبه شكلي بالنظرة الشرعية...احس الرجال الحين تهمهم البنت تكون جميييييلة بدرجة كبييييرة يعني عيون واسعة والى اخره.....ما يهمهم كيوت او وجه طفولي او جسم حلو أو غيره! مدري انا تفكيري صح والا غلطانة......والله لما اشوف تعليقات عالجمال مرة اتوتر وأخاف.....مرة حصل موقف استغربت منه....طبعا انا اتعودت ان اقاربي كلهم مقتنعيييين ان كل اخوااااتي أحلى مني...ومرة من المرات....بيت عمي جابو شغالة جديدة....ولما زرناهم...ورجعنا البيت بعدها باسبوع جتني زوجة عمي تقولي الشغالة (من جنسية عربية) تقول كلهم ماشاءالله حلوات....بس انتي احلاااهم وشكلك زي الاطفال!!! طبعا ما استغربت لانها قاااالت شكلي مثل الاطفال لاني كثير اسمع هالتعليق...بس انها قالت اني احلاهم ما صدقت!!! شفتو قد ايش انا ثقتي بنفسي معدومة!!!
حتى سبحان الله علاقتي بوحدة من بنات خالتي مرة متوترة...ماااعرف ايش سببها بس بالآخر اتذكرت انه لما كنا صغااار ونتضارب انا وهيا كانت تعلق وتسخر من شكلي بطريقة مرة كانت تضايقني!!! وللحين ما اعرف اسولف معاها واتجنبها مرة حتى بعد ما كبرنا.....حتى هيا ما تدري ليش ومستغربة تحسبني أكرهها من غير سبب!!!وأنا اصلا ما اكرهها ولا اكره احد اعوذ بالله. بس يمكن أنــــــفر منها.
ما ابغى اطول عليكم يا بنات بس من جـــد متضاااايقة...خاصة من عمتي اللي ذكرتها فوق...مع والله يا بنات مو قصدي اتمسخر عليها ابدا...بس من جد مااافيها ذرة جمااااال....سبحان الله بـــــــس.... أحــس مقياس الجمال بوقتنا العيوووووووووووووووووووووووون...اقاربي بس يشوفون وحدة عيونها كبيرة قالو عنها حلوة....صغيرة = شييييينة !!! من جد اتعقدت!!! ...أنا عيوني مو واسعة...بس شكلي مثل ما ذكرت طفولي...وجسمي والحمدلله حلو.
أنا عمري 26 ولا احد اتقدملي للحيــــن....ومثل ماااقلتلكم خاااايفة من النظرة الشرعية.
بالله يا بنات فيدوني......الله يخليكم ساعدوني...كيف اكون واثقة من شكلي....
تتوقعون انه اذا كان شكلي زي الاطفال...بس موووحلوة...الشي هذا أي رجل يتقبله؟؟؟؟؟ هذا السؤال بالذاااات جااااوبوني عليييييييه .
اللي عندها اي تعليق بالله تقوله يمكن يريحني شوي................آه بــــــس مرة تعبانة من الموضوع هذا.
بإنتظارردودكم......
اسم الموضوع : ما أعرف أنا شينة والا لأأ !!! ساعدوني بليز
|
المصدر : الأستشارات الزوجية العامة