بنات فديتكم على ردودكم الي تبرد القلب ...بس أنا عمري ما اغتبت هالانسانة عند ريلي....
ويكون في علمكم أسباب طلب الخلع قريتها كااااااااااملة فالعقد وكانت أسباب مادية بحته.....
خوان ريلي مريشين وهي كانت تغار من حريم خوانه وتبي يشتريلها ألماسات نفسهم وذهب وكان يقول لها ظروف خواني غير وأنا ظروفي غير....
خالة زوجي انسانة مسيطرة تماما على زوجها وتقدرون تقولون انه زوجها رخمة لأنها حتى الضرب تضربه وهاي كلام ام زوجي...عشان جي كانت تبي بنتها نسخة منها وتسيطر على ريلي.....
بنت خالته لما زارت أهل زوجي هالأسبوع قالت لخوات ريلي بالحرف الواحد((( أمي سبب طلاقي وانا ندمانة على كل شي)))
والله هاي مشكلتها .....صارت ألحين تبيه بعد ما جاه الخير؟؟؟؟ ريلي يقول لو انها صبرت شوي كان هالخير صار كله لها....هي الي طلبت الخلع وضيعت بيتها وبنتها....وعلى فكرة في حريم فالعيلة يبتسمون في ويهي وهم من وراي يحاولون مع ريلي يرجع طليقته وبلغني زوجي بهالموضوع...
انا عشت سنة كاملة عند زوجي كانت تمر ايام ما نحصل شي ناكله وكنت أقلب السالفة ضحك واقول ربي بيفرجها والفلوس مب كل شي....اهلي شلوني بالمصاريف وما كنت أحسس ريلي أبدا انه مقصر في حقي معني كنت في داخلي محتااااااااااااجة وأحس بنقص فظيع بس الدنيا ما تدوم على حال.....
أم زوجي تسلم عليهم عادي عشان صلة الرحم بس ولا هي تقول اهلنا من وفينا جرجرونا فالمحاكم وانتي يالغريبة شلتي ريلج وضفيتيه....
الحمدالله انا موظفة حاليا وبراتب يتعدى العشرين وما قصرت على بيتي ولا على زوجي بريال....وهذيك جرجرته فالمحاكم على 2000 ريال من رداها....
زوجي ما يبيهاااااااااا وأنا فهمت زوجي اني ما كنت برضه فيه لو كانت على ذمته فما بالكم الحين..؟؟؟ وعل فكرة هي مب قطرية...هي خليجية ....وما تتغطى عدل وتطلع شعرها وتسوق سيارة ...زوجي فرض عليها النقاب وما رضت وتمت تردح له هي وامها وهو ما كذب لأنه من شهر تقريبا كنت طالعة أتعشى مع ريلي الساعة 11 فالليل وشفناها طالعه بسيارتها وكاشفة وتارسة ويها مكياج؟؟؟؟
وحدة طالعة بنص الليل بروحها ومغرقة نفسها مكياج شتسمونها بذمتكم.....؟؟؟؟؟؟؟
ريلي يقول ما بي شي بس أبي بنتي تتربى عندج لأني ما بي بنتي تطلع على أمها....
ريلي غيووووور حيل لدرجة ظفري ما يبين كلش...وهاي كاشفة كااااامل,,, عيل شلون بيرجعها لذمته ياللي تقولون لا تأمنين لريلج وبيرجهها لذمته.......
عالعموم شكر لكل من رد علي....
