مايهمه...............

[احاسيس منسيه]

عندي استفسار..
هالشي اللي احسه من زوجي (مالجين) عاااادي ولا لاء..وكيف اتصرف ابا خبرتكم بمثل هالمواضيع

صار لنا 6شهور من مالجين وصار وقلت لكم ان علاقتي مع زوجي جداً عاديه على الرغم من وجود المكالمات واقدر اشوفه واطلع معه..
المشكله احس اذا تضايقت من موقف معين ..وهو يحس اني تضايقت من هالموقف مايسوي لي سالفه عااااادي يسكر ولا كأن صاير شي ولا يفكر انه يراااضيني ..بالعكس يكووون اسلوبه جاااف اكثر معاااي..يعني انا اسلوبي يكون جاااف معاه عشان موقف هو سواه..ما يفكر يصلح الموقف لاء..يتصرف مثلي ويعاملني بأسلوب جاااف..ليييين ما ارجع اكلمه ولا كأنه شي صار:thumbdown:يعني بالعربي مايهمه اللي بخااااطري ولا يجبر بخاطري:busted_red:
وبعد لاحظت فيه شي ..مايقووول اللي بخاااطره بس يترياااااا اي مشكله تصير عشاان يتكلم:santa_1:

بقولكم موقف بسيط صار امس..انا من النوع اللي ما ادق عليه وااايد يمكن مره في اليوم..فقبل امس ما اتصل قلت خليني ادق عليه ودقيت بعد مارد علي..ولا فكر يتصل..ويوم اتصل امس كااان صدق الموقف حاااز بخاااطري..فكنت اكلمه بأسلوب اشوي جاااف..ويوم شاافني اكلمه جذااا قلب هوو وقعد يكلمني كأنه ماله خلقي..وكأنه بخاااطره علي وااايد بس مايقول وسكر ماطول حتى معاي..طبعاً ولا فكر يطرش ولا يدق علي مره ثاانيه..:sad_1: وعشان لا اكبر الموضوع ويحس اني نكديه رحت دقيت عليه اليوم ولا كأنه صار شي امس وهو بعد قعد يسووولف عادي:surrender:
ما ادري تصرفي صح ولا غلط ..
ردوو علي

 

[العنود 19]

يمكن مارد عليك لان مو جنبه الجوال عاااااااااااااااااااادي
ليش تقلبيها نكد ؟؟ ترى الرجال يحب الحرمه المرحه
طنشي طنشي عااااااااااااااااااااااادي
الله يوفقك حبيبتي

 

[جنفشي]

الله يكون بعونك

 

[احاسيس منسيه]

العنود 19 انا ما اقول ليش ما رد علي لان وااايد يسويها..بس هو ما اتصل علي ولا فكر يرد يتصل علي

مشكووووره على مرورج
جفنشي وبعون الجميع تسلمين

 

[رب احفظ من أحب]

عزيزتي من ألحين حددي شو تبي

يعني إذا والله كل ما يسوي روحه هو اللي قالب وجهه :santa_1:
إنتي تتصرفي عادي و لا كأنك زعلانة و لا شي صاير!!! :tears:

بيظل كذه طول عمره و أشين بعد

يقول اللي يقوله لا تخلي أي أحد يرسم لك قواعد عن الأشياء اللي تزعلك و لا اللي تتحسي منها
من زعلك أبدا :icon28::icon28::icon28:

هذي نصيحة لكل البنات
لأنكم بتتغيروا تدريجيا و تماما للشخصية اللي يبيها بعض الرجال
و يتسلط عليكي

تالي بتتغيري و تتغير شخصيتك و تندمي:sad_1:
و لا بيحس فيكي على أي صعيد عدل ... و لا يهمه يراضيكي

رضيتي بكيفك و لا عمرك ما رضيتي
و آسفة على هذي الكلمة بس ذه اللي بيصير :sadwalk:

ناقشيه بهالشي
و قولي له زعلك على عيني و راسي
بس أنا ليش كل ما أزعل تزعل إنت !!!؟؟؟

إنت تسوي أشياء تزعلني و أنا بنت حساسة
و لا تفكر تراضيني !!

ما ابي هدايا أبي كلمة حلوة
مو إنت زوجي و حبيبي
و تالي اسكتي و أعطيه مجال للرد
لأنه الرجال ما يردوا بسرعة ...


يعني و من ذه الكلام و إن شاء الله يفيد

بس لا تغيرين من نمطك بهالخصوص
ترى بتندمين

و باالنسبة للإتصالات
لا تدقي عليه , إرسلي له مسج

بس دق لا و ألف لا

إذا هو كذه



ربي يوفقك و يهديه و يسعدك ربي

 

[شهد الرياض]

مساءك جوري
ياقلبي انتي لا تصيرين زعوله على كل شي تبينين له انك متضايقه ومتنكده
لا دايم خليه يسمع صوتك وفيه نبره السعاده والفرح
دايم خلي كلامك عن الاشيا الحلوه
اذا ما اتصل او ما رد لا تخلينه يحس بضيقتك لا يا قلبي
لا تقولين ليه ما رديت ولا تغيرين اسلوبك وتكلميه باسلوب جاف
اذا تأخر باتصاله ورديتي ردي وحسسيه من صوتك انك متلهفه عليه
اذا قلتي له هلاا لا تقولينها ببرود وكأنك مالك نفسه
بالعكس قوليها وكأنك تهلين بواحد ما شفتيه من سنين
وبعدين قولي له انك اشتقتي له موووت وبعد كل كم كلمه يقولها ارجعي قولي له اشتقت لصوتك والله اشتقت لك
اهو بيحس بطريقتك هذي انك تلومينه على قطاعته لكن بسبب شوقك له مو لأنك تبين تفرضين نفسك علييه

حبيبتي ايام الملكه احلى اياااام لا تخربينها بكثر الزعل
ونصيحه من كل قلب اقولها لك لا تكثريين من استخدااام الاسلوب الجاف والكلام البارد
لأنك بترسمين صوره عن نفسك انك نكديه ويقتنع بهالشي
ومن اليوم الي اخر يوم بحياتك ( الله يطول بعمرك ويسعدك )
لا تزعلين الا من شي كايد اما توافه الامور عالجيها بهدوؤ وبدون شد
الله يسعدك في حياتك

حاولي ترسمين عن نفسك صورة البنت الحبوبه اللي تحي تستمع بكل لحظه وما تدور الزعل

 

[رب احفظ من أحب]

أنا أتفق معاكي عزيزتي الجوري
إنها أحلى الأيام و لازم ما نضيعها نكد

بس أوقات لازم نحط قواعد نمشي عليها باقي حياتنا

و أتفق معاكي
إنه لما يتصل عليكي خليكي فريش مبسوطة متلهفة عليه

خلي صوتك يرقص طربا

و وصلي اللي تبيه تالي بعد نص المكالمة
بأسلوب حلو و دلوع

و لا تستني يرد عليكي بسرعة إذا تغيرتي
لأنه بينصدم

و قولي له بعد أنا حبيبتك و مابي شي صغير و لا كبير أزعل منه

ابي صفحة حبنا بيضا

و كثري من ذه الكلام

 

[احاسيس منسيه]

ربي احفظ من أحب
عن جد كلاااامك وااايد حلووو ربي يحفظلك كل غالي ان شاءالله وييسر امورك..
والله اني عارفه اني غلطاااانه بس هوو من النوع اللي ما يهتم عاااادي انا يمكن غلطت هالمره لاني ماقلت له اللي مضايقني فقلت المفروض اذا انا مضايقه اقول اللي في خاطري لان يمكن هو مب فاهم الموضوووع؟؟؟ما ادري صح ولا غلط اللي افكر فيه؟؟؟؟؟
والله اني خااايفه من هالشي..انا ادري ان فترة الملجه الكل يحبها بسبب الاشياء الحلوه والحركات والكلام الحلووو..بس انا ما افكر بهالاشياء انا همي ان اضع اسس حياااتي معه.. من البدااايه نكون وااضحين مع بعض .. ولاني عارفه ان الزوج يجب تعويده من البدااايه على الأمور اللي انتي تبينها منه..
بس شخصيته الكتوومه تخليني احتار معاه
ما اعرف هالانسان شوو يبي ولا شوو بخاطره؟؟؟؟؟؟؟؟؟
ان شاءالله رااح امشي على كلامك...ونحن بهالحياة نتعلم من تجارب غيرنا


شهد الرياااض...يشهد علي الله اني في اغلب الوقت اكوون مضااايقه بس ارد عليه نفس ماقلتي..
واشوووف تفاعله معاااي حتى لوو ماكان له خلق..بس في مواقف صدق تحز بالخاطر..وما اعرف كيف اتصرف معها
انا ادري الموقف تاااافه بس صدق تضايقت منه ..ويوم دق رديت بجفا عشان يعرف غلطته لكن هو قلب علي كالعاده وقعد يكلمني بنفس اسلوبي
ان شاءالله راح احاااااااول ... والله يعينه على الريايييل

 

[احاسيس منسيه]

؟؟؟؟؟؟؟؟؟؟؟؟؟؟؟؟؟؟

 

[غدير الكويت]

خليج صريحه معاه واللي يضايقج منه قولي له عنه بس بطريقه حلوه لااتصيرين وايد جافه معاه ومو كل غلطه لازم اتكبرينها يكفي عتاب بسيط وخلي الجو بينكم جو مرح وان شاء الله بيتفهم الوضع وما يسوي اللي يضايقج
والله يوفقكم

 

[احاسيس منسيه]

غدير الكويت..المشكله ماتعودت اني احاسبه على شي..يعني اتضايق وهو ما درى عني..
مشكوووره على مرورك الغاليه