مايدري هو يحبني ولا لا!!؟؟

[الحب دوخه]

السلام عليكم ورحمه الله وبركاته
انا ابي نصيحتكم حطوا نفسكم مكاني ولا اعتبروني بنتكم
بالمختصر المفيد انا متزوجه من ثلاث سنين وزوجي مايدري هو يحبني ولالا ؟؟ وانا اللحين عند اهلي اللين يحدد موقفه وش رايكم انا مستحيل اعيش عند واحد مايدري هو يحبني ولا لا ؟؟
وشلون اتعامل معه اللحين ووش اسوي ؟

 

[الحب دوخه]

حاسه اني اختصرت الموضوع مرررره وما راح تفهمون قصدي ابدا راح اشرح لكم
زوجي شمالي غربي
هو يعاملني اذا صارت الامور حلوه بكل حنان يوديني للي ابي يدلعني يسويلي اللي ابي يعني على حسب معرفتي بالشمالي يبين حبه لي بطريقته صح؟(بالافعال مو الاقوال)واذا زعل او صارت مشكله لا بشكل ثاني..
وبعد فتره صارت مشكله وكنت اتوقع اننا نتطلق وارسلتله هالرساله <انا اتوقع انك من اول ماتزوجتني وانت ما حبيتني ولا كرهتني يعني اذا سويت شي حلو حبيتني واذا زعلت علي كرهتني > قال ايه انا كذا طبعا قلت يمكن مع المشاكل وانا كنت مقصره في اشياء يمكن اذا قلت المشاكل يحبني ورجعت وكل شي زين وسالته طيب ليه تقول من زمان احبك؟ ليه تسويلي كل هالاشياء ؟ ووش انا في حياتك ؟وش تحس به من جهتي ؟ يجاوبني بماادري !!! وقلتله اذا ما حبيتنيي بعد فتره خلاص ابطلب الطلاق.
سويتله اللي يبي ودلعته وماقصرت معه ابد بس لاننا بشر فغصب نغلط وتصير مشاكل عاديه زي كل الناس وبعد فتره سالني يعني اذا مرت سنتين او ثلاث ولا حبيتك بتطلبين الطلاق قلت ليه انت وش تحس فيه اللحين ؟ قال ماادري وكل ماسالته سوال يقول ما ادري يعني لوتبوني اقولكم على افعاله فانا احس انه يحبني مرررره بس هو يقول ماادري
يقول يمكن اني احبك بس ما ادري!!!!!!!!!!! واخر تحليل توصلت له انه يعيش كل يوم بيومه فاذا كان الوضع عادي فهو عادي واذا كان زعلان بيكرهني !!!!!يوم قلتله قال هذا اقرب شي لي ..
انا اللحين عند اهلي اللين يحدد موقفه وعادي عندي اتطلق لاني مستحيل احس بالاستقرار وهو كذا مايدري وش تنصحوني به اكمل حياتي معه وهو كذا ولا اتطلق ؟ ووشلون اتعامل معه في هالفتره؟؟
والله يجزاكم الخير ااااميييييييييين

 

[عاشقة الرمنسيه]

استخيري الله واكثري من الاستغفار والدعاء
واطلبي من الله انه يسخره لك
الله يفرج همك

 

[ذاكرة الجسد]

تطلبين الطلاق عشانه ماحدد موقفه؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يااختي الطلاق لعبه؟

المحبه بتجي مع العشره وبعدين اذا يعاملك زين اذا كان مرتاح ووقت الضيقه منك يعاملك بجفاف

فهذا طبيعي ،

واحد متضايق منك ، صاير بينكم مشكله ، الاغلب انه بيتصرف ببرود وجفاف واحيانا بانتقام.:icon28:

وبعدين ليش تنبهينه على نقطة ازدواجيه مشاعره تجاهك؟؟؟؟؟

انت بطريقه لاشعوريه ترسلين له رسائل انك غير مستقره عاطفيا Needy وهذا من اكبر منفرات الرجل من المرأه ،وتزرعين جواته انه مايحبك.

يعني بالعربي اختي انت قاعده تنفرين الرجال منك ، انتبهي لتصرفاتك

موفقه

 

[روعة أنثى]

من وصفك لزوجك شكله انسان بسيط

أو انه يستعبط

لكن أنا أقولك بكل صراحة مفهوم الحب عند الكثير خطأ

الحب لا يرتفع مؤشره ثم ينخفض فجأه

مثل التداول في الأسهم السعودية

ولكنه يبدأ صغيرا ثم ينمو بثبات ويكبر يوميا

انه مثل البذرة

كلما سقيتيها واعتنيت بها واصلت نموها

ومع الأيام تنبت لها جذور راسخة وكثيرة

وتزهر........ وتثمر

بمعنى أنني إذا كنت أحب شخص

وارتكب خطأ في حقي

فإنني لا أكرهه وانما أكره تصرفه

وقد تنبهت لهذا الخطأ في احدى المرات عندما كنت أقرأ عن الأخطاء التربوية

فإن الكثير منا إذا أخطأ الطفل

نقول له لا أحبك بسبب ماعملت

والصواب أن نحتويه ونوضح له الخطأ

عزيزتي /

إن كان زوجك جاهلا علميه ........لا ضير في ذلك

وإن كان لئيما ........احذري منه

وانت وحدك تستطيعين الحكم عليه

وهذه الفترة تعينك على ترتيب أفكارك

واتخاذ القرار السليم

ولكن لا تتهوري أبدا وتتركي بيتك لأسباب في أصلها لاشئ

إن ما حدث هو جدال كان من الأجدر أن لا يحدث أصلا

كفي عن سؤاله عن كونه يحبك أو لا ؟؟؟؟؟؟؟؟؟

واستخيري وتمهلي

الحياة مليئة بالمتناقضات ومشكلتك غريبه حقا

أتمنى لك السعادة

​

 

[رانزي]

الله يكون في عونك..