مايبيني اهتم فيه

[تبنجت بهواهم]

السلام عليكم ورحمة الله وبركاته

مشكلتي مع زوجي والله اني تعبت شسوي ماعرف شو الحل

وبصراحه هي مشكلتين مو وحده

ريلي اشوفه يومين بالاسبوع .. بس فالويك اند .. بسبب شغله

كنا نحب بعض قبل العرس بـ 3 سنوات .. كملنا 3 سنين عقبها تزوجنا .. وصارلنا سنه من تزوجنا

المهم بسببه شغله نحن فون 24 ساااعه .. هالشي الي نقدر نتواصل فييه طول الاسبوع لييين الخميس والجمعه

استحي من ريلي وهو يستحي مني .. والله توصل لـ درجه ما اقدر ارفع عيني .. ما احط عيني فـ عينه .. وهو نفس الشي :blushing: الي بينا احسه رسمي .. كأنا تونا عرسان جدد .. ولا كأنا باقيين حبايب مو متزوجين .. << هذا فـ الويكند

يعني سنه ونستحي من بعض ؟؟ لين متى بنتم مستحيين من بعض ؟؟

بس تعالوا طول الاسبووووووع ..

اتصله الصبح .. حبيبي تريقت ؟؟ يقول لااااااتسألييييييييييييييين افففففف هالسؤال كل يوووم

خلاص انا ما اتريق كل يوم يعني لاتسأليني << شو هالاسلوب

اذا كان مريض .. يتم يتشكى آه تعبااااااااان آه راسي .. اقوله سير العياده لا اتم جييه .. يقول مابا .. ياريال بيعطونك دوا وبتخف .. تعرفون شو يرد علييه ؟؟ يقول " اووووه لاتحنيييييين قلتلج مابا اسير يعني مابا اسير " << هذا يزاي احاتيك ؟؟

واذا انا كنت التعبانه تعرفون شو يقوللي ؟؟ يقول لاتتحريني بقولج سيري العياده .. بروحج يوم ماترومين تنشين بتقولين شلني العياده

ومستحيل ايني ويقول هااا شو صحتج الحينه ان شاء الله بخير .. مستحيييييييييييل

واذا سألني انا تغديت ولا لا .. اقوله ماتغديت .. يقول برايج يوم بتموتين يووع بروحج بتسيرين المطبخ وبتاكلين

<< شو هالاسلوب والله يقهررررررررررررني

وكله من هالقبيل .. والله يرفعلي الضغط احسه مايهتم فييه ومايباني اهتم فيه

شسويبه .. تعبت >.<

الي عندها حل بلييز ماتقصر

 

[بحرينية وافتخر]

اشلوووون تستحون من بعض وهو يكلمج بذي الطريقه؟


قعدي معاه وصاريحه بلي في خاااطرج بس باسلوب حلوووو

 

[تبنجت بهواهم]

يوم يشوفني يتحول انسااااااااان ثاني

وفالتلفون واحد ثااااااااااااااااااااااااني

 

[جراده شياكه]

مدري اتمنى البنات يفيدونك

 

[سووويتي]

لاتعاملينه كانه طفل وتسالينه افطر اولا اعطيه شوق ولهفة واساليه عن دوامه واي سوالف ثانيه لاتكثرين الاسئله عليه ريحيه واذا سمع صوتك خليك فرفوشه الله يوفقك

 

[إحــساس*]

قللي اتصالات كثر ماتقدرين وثقلي ولا تصرين على شي لان باين عليه يجاوب مره وحده ومايحب التكرار والجنه ثقلي ومالج شغل تريق اولا لان اللي ياكل بضرسه ينفع نفسه واما اذا كان عندك وفري كل شي واسألي شيحتاج اشمايحتاج كواجبات فقط وبالايام العادية ريحي روحج

موفقه خير
تحياتي ياحياتي

 

[دمعة فرح..~]

في ريايييل عقد من ريال لريال تفرق وكل واااحد يباله مدخل تدخلين عليه علي حسب شخصيته وميوله شكله ريلج من النوع اللي يمل بسرعه وماااايحب تكرار الاشياء ويمكن انطوائي الله يساعدج اعرفي شو اللي يريحه وشو اللي يضايج به واستبعدي عنه وبعد العشره الطويل تقدرون تتعرفو ع بعض اكثر ساعات ماتكون واااضح من البدايه موفجه باذن الله

 

[دعااء]

سلام حبيبتي انا رايي انك تقللني الاتصال و ما تبينيلو اهتمام زايد عن الحد ويوم تكونو مع بعض شيلي الحياء وما تقولي ما فيني حاولي و راح تقدري و الله معك:bye1:

 

[رشا2004]

ااحسن حل الك الثقل والطناش لا تسألي ولا عبالك لو شو ما صار وخلي هو اللي يدق عليك ولا تردي من اول مره واذا بتتكلموا في الليل وشفتي بمزاج رايق فاجئي بكلام جديد واسلوب ما تعود عليه من قبل يعني كلام رومنسي وجنسي بعد لا تقولين بستحي بكرا اذا لفت عليه وحده مدلعه شو تفيدك المستحاه هو يجوز يعصب من الكلام الروتني وانت سكري في الاخر لا تنتظري هو اللي يخلص قوليله عندي شغله ولا تنسي اثقلي وطنشي على قد ما تقدري ولا تسألي عن اي شي واذا ما في موضوع تتكلمون في اعتذريله والسلام