ماهي طريقة التعامل مع المراهق [ ارجوا المساعده ]

[مذكرات ام]

السلام عليكم ورحمة الله وبركاته

ماهي طريقة التعامل مع الشاب المراهق

هكذا ابني:

الظهر: رايح اتغدى مع ربعي

العصر:طالع لا تزعجوني وينك ومتى تجي

العشاء:بتعشى مع ربعي

الفجر:طالع اسهر مع ربعي اي اتصال ماراح ارد..علمتكم


وش اسوي

عمره 19سنه....كل العمر يارب بالصحه والعافيه والهدايه

اقول له يمين يروح يسار...اقول له يسار يروح يمين

لا مذاكره ولا فايده منه وبس سهر برى

هو حبوب وحنون يعني بس تشوفونه يحب راسي ويحط راسه ويخدمني ويطيع ربه

لكن عيبه انه عنيد واللي براسه يمشي على الكل ومزاجي

لا تفكرون اني بعيده عنه عاطفيا ... بالعكس مره حنونه عليه وحتى ابوه

بس ما تصل لدرجة الدلع..

يعني اقول له قوم صل يقول ....الصلاه لي مو لك خلاص بصلي

ويقوم يصلي بس بعد ما ينشف ريقي واتعب منه

هددته بالضرب هددته بالحبس مافي فايده

ماعمري ضربته غير قبل اسبوع وعشان كذا انا كاتبه الموضوع

بس يضرب اخوانه ويتأمر عليهم وقدامي ولا كأني واقفه مره مطيح الميانه واحيانا يناديني بإسمي


اللي حصل اني قلت له ابيك تودي اغراض امانه لبيت فلانه.قال طيب من عيوني وانا وثقت فيه

والاغراض هذي امانه مره وغاليه...قلت له هم بغرفتي روح شيلهم بسرعه ودهم( وطلعت )

من بكرى الصبح قمت مريت عالمخزن وناديت الخدامه ترتب المخزن وشفت اكياس كبيره يوم فتحتهم شفت شيش ( جمع شيشه ) اكيد تعرفونها

انا جن جنوني والولد نايم ماابي اروح اخرعه ..مسكت اعصابي وقلت للخدامه كبيهم برا بالزباله

وراحت الخدامه تكبهم برى

ورحت نزلت تحت ودمي يغلي ودي رحت له وعفسته بيدي

الظهر ارسلت اخته فوق تصحيه يصلي الظهر ونزلت قالت ضربني وطردني

كنت مشغوله بإعداد الغدى وقلت هي خربانه خربانه بس ماراح تعدي على خير

وانا اطبخ الا يجيني الولد طاااااااااااااير من فوق ويصارخ وينافخ ويعلي صوته

يمه من شايل الاغراض من المخزن تقوووول الخدامه انتي...هذول اغراض حق ربعي مو حقي امانه عندي

خليت اللي بيدي وسألته وش هي الأغراض
كذب علي وقال كيسه داخلها اشياء خرابيط مثل حطب وعده للبر بطلع احين مع اخوياي وينهم

وانا افكر وش اقول له وكيف اتعامل معه وبنتظر ابوه لين يجي..قلت له ماادري روح دورهم

وهو قعد يطالعني وفجأه طلع بسرعه وراح فوق واختفى


بعد كم ساعه

خلصت اعداد غدى وانتظرنا ابوه يجي ما جى ...رحت فوق عشان اتفاهم مع ولدي طليت عليه لقيته نايم ومتلحف واستغربت انه قال لي بيروح البر وماراح...


شوي وتجيني بنتي تقول ان اخوي من شوي شال الأمانه ورماهم بزبالة الشارع

قلت لها ...هو وداهم لفلانه قالت لا ماوداهم ...

مسكت الخيزرانه وطيران غرفته وضربته لين قلت بس لدرجة اني جسمه حمر

وانا اصيح قهر وهو يصيح متفاجئ وخايف لأنه كان نايم

تركته ورحت اصيح لأني قسيت عليه ولأن الأغراض امانه امانه لوحده اعرفهاااااااا:crazy:

الله يهديه الله يهديه بس تقطع قلبي شسوي لاحول ولاقوة الا بالله

جنني ذبحني خلاص وش اسوي علموني

احين حالته النفسيه دمرانه وبس يصيح وبس بغرفته ومايكلمني وكأني انا الغلطانه بحقه
واذا دخلت عنده يعطيني ظهره ويصد عني...

ابوه دخل عنده تفاهم معه وتناقش معه والولد بس شاف ابوه خاف وحلف ان الشيش مو حقينه وهو مايشيش وابوه صدقه بس قعد يهاوشه على حركته اللي سواها معي وعاقبه عقاب شديد مره انه اخذ جواله وحرمه من السياره لمدة شهر ومن الطلعه خميس وجمعه لمدة اسبوعين ومن النت بعد

ماادري وش اقول لكم
مو متعوده اضربه هو رجال اطول مني ماشاء الله..الله يحفظه ويخليه لي




.....

 

[مذكرات ام]

واللشي الزين فيه يحافظ على الأوراد والأدعيه والأذكار

ويصلي لكن عشان يستفزني يقول مابصلي احين

الله يهديه بس

 

[مذكرات ام]

عذرا


عمره 18 سنه

خطأ...

 

[مذكرات ام]

اين انتم رعاكم الله

الله يخلي لكم ابنائكم ولي ابنائي

ويفرج كربتي وكربتكم

 

[بنت اسكندرية]

http://www.niswh.com/vb/showthread.php?t=37929

اختي مذكرات ام

شوفي هذا الرابط

بس يحتاج تمعن بالقراءة ,,,وان شاء الله يفيدك لانه من قبل متخصصين

وانتبهي مو بالضرب ينحل المشاكل ,,,وأسوء شئ عملتيه انك مامسكتي اعصابك

المرة هذه عدت على خير ,,, المرة الجاية بيمسك ايديك
انتبهي اختى فيا لسن ده محتاجين معاملة خاصة مع تحكم في اعصابك جيدا

ماشاء الله عليه اصبح في طور الرجال ومابيسمح لك مرة تانية انك تمدي يدك عليه

الله يهديه ويهدي اولادنا جميعا واولاد المسلمين

 

[عمري زوجي]

ياحبيبتي أنا نفسا لشي اعاني من ولدي عمره 19 سنة في الثانوية العامة عنيد وامس بس أكتشفت انه يدخن فتشت دولاب ملابسه حصلت سجاير واكتشف انه مايحضر الدروس الخصوصية ودائما يضيع فلوس في بيتنا وماعارفة من يشلهم انا انصدمت بعد ماعرفت وخذيت واير سلك ضربته اللين انا تعبت وا اريد اشوفه وماعرف ايش اسوي. دلوني ايش الحل هو يصلي ويروح المسجد ومايسهر برا حتى أنا منحبطة منه.