ماهي النصيحه التي تمنيت احد ينصحك فيها قبل الزواج ؟؟

انا انصحونى كثير بس ماحد نصحنى انى اشوف خاطر زوجى واهتم فيه والحمدالله
 
زين رجع الموضوع جلست ادوره ليما حصلته .......بليز ثبتو الموضوع هذا من جد مرا موفيد ورسلته لكل صاحباتي عالمسن لانهم قريب بيتزوجون وانا اولهم واستفدت واااااجد وباقي ابي ارجع استفيد الله يجزاكم الخير كلكم
وعلى راسكم لقيت نفسي المبدعه كما عودتنا باطلالاتها وشكرا مرا اخرى
 
ما شالله عليكم يا بلقييسات ما خليتووووووا شي

الله يسخر لكم ازواجكم

يسلموو ع الموضوع الرائع انا مخطوبه واستفدت منه كثير
 
تمنيت اني اتعلم فنون الحوار قبل ما أتزوج و أعرف ان لكل انسان نمط وعلى ها الأساس نتعامل مع الأخرين ... الحمدلله على كل حال.
 
تمنيت احد يقول عوديه عالصرف موكل شي ايه وحاضر

بس وين محد قالنا شي وعلمنا بس طبخي وسوي

حتى الكتب الي قريتها كل حقوق الزوج انزين واحنا قهررررررررررررر



 
تمنيت احد ينصحني كيف اتعامل مع زوجي واخذ حقي وعلى قولة المثل المصري ابنك على ماربيتيه وزوجك على ماعودتيه
 
انا تمنيت ان احد يقول لي اهل زوجك لا تعامليهم الا برسميييييييه بحته ولا تفكرين لحظه انهم ممكن يكونو مثل اهلك
وتمنيت احد يقول لي ان اساس النجاح النقاش الهاااادئ واني ماا تنازل عن حقي مهما كان صغير ولا اسكت على من يغلط بحقي وان في هالزمان اللي يسكت عن حقه يعتبر ضعيف واللي يسامح ويعامل الناس بطيبه يعتبر مسبه
وتمنيت احد يقول لي اني ما اطلع فضايح زوجي لاهلي لان تسببت بكرههم له
يله كله مقدر ومكتوب والعاقل اللي يتعلم من اخطاءه والحمدلله على كل حال
 
(تمنيت اني مت قبل ما اتزوج واضيع وتمنيت ان احد يقولي ان مأسات زواج أمي وأبوي بتتكرر معاي وانحرم من اطفالي وتتشوه نفسياتهم من المشاكل )


اعذروني البارح زوجي حرمني منهم وحرم طفلي الرضيع من حضني وعمره بس شهرين حسبي الله ونعم الوكيل
 
انا عرسي بعد 23 يوم


فعلا اشكركم على النصايح من ذهب ,,


الله يوفقنا لما فيه الخير ,,


شكرا لك الغاليه
 
تمنيت ا النصيحة تكون واضحة
وإن كل اللي تسوينه لزوجك من باب البيت لغرفة النوم يكون بأجر عظيم من الله عزوجل يعني احتساب الاجر وإن اجر طاعتك له وحسن تبعلك يضاهي في الاجر ما فضلوا به الرجال علينا
لكن الحمد لله على كل حال​
 
تصدقون تمنيت بس احدينصحني حتى لوبالغلط
اااااااااااااه بس
موكاني قطعة اثاث بتروح من البيت
 
موضوع ر ائع
واستفدت كثير
والحمدلله اني عرفت هالموقع قبل لا اتزوج
أتمنى تدعوا لي بالزوج الصالح والذرية الصالحة
 
ما شاء الله يا لقيت نفسي
مميزه دايما
تمنيت إن أحد ذكرني في ليلة زواجي وقالي...
مهما شفتي لاتنصدمين
وزي العيشه اللي عايشتها ببيت أهلك ما راح تلقين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل