ماهى اسباب النوم المتقطع

[omjoda]

اخواتى فى الله
ساعدونى ياامهات انا بنتى الله يصلحها عمرها باقى شهرين تصير سنتين والله نومها مقطع يعنى انومها بليل ويعد اقل من ساعة تقوم تبغى ترضع وبعدها بساعة ونص تقوم
والله تعبت خلاص هل عندها مشكلة تنصحونى اوديها دكتور ولا المشكلة فينى وما تحب تاكل كثير وعلى فكرة اغلب الوقت ما انومها العصر بس غريبة ما تنام حتى ساعيتن متواصلات:11:ارجوكم اعطونى حلول

 

[RedRose]

لا تخلينها تنام وهي جوعانه اكليها شي يمسك البطن. مثلا بيض مع خبز عشان تشبع. او رز مصري بالحليب المهم تعشينها لا تعتمدين على الحليب لوحده.

والله يصلحها ويصبرك على تربيتها

 

[omjoda]

جزاكى الله خير يا اختى مدر ى احس انها ما تحب تاكل اى شى تطفش فى الاكل الله المستعان والله انى تعبت منها بليل نومى مقطع بسبتها الله يصلحها او يمكن نوعية الحليب لانى استخدم نيدو الاطفال من سنة الى 3 سنوات هل نوعية الحليب لها دخل

 

[omjoda]

بنات ابغى ارائكم جزاكم الله خيرا

 

[cateyes]

هلا اختي انا كمان ولدي كان نومه متقطع فالليل بس الان احسن كثير الحمدلله قبل النوم بساعة اخليه ياكل يشبع ولمن احسه خلاص يبي ينام اعطيه حليب وعلى طوووول ينام

 

[رحيق]

ابحثي عن أكله تحبها وصيري اعمليها لها يوميا بالليل
الجوع هو من يجعلها تصحو باستمرار
والله يحفظها لك
​

 

[omjoda]

انتظر خبراتكم

 

[لمعةالماس]

الله يعينك والله انا مثلك الله يصلحهم

 

[سمو الأميرة]

حبيبتي .. حاولي تأكلينها حتى لو ما عجبها الأكل ..
اذا جربتي مرة و يأستي .. ما بتستفيدين شي.. لازم تستمرين في المحاولات .. لأن الطفل ما يتقبل بعض الاكلات بسهولة و يحتاج وقت للتعود ...
و بعدين الحين كم شهر و تكمل سنتين لازم تكون خلاص تعودت على الأكل من زمان !!
جربي لها الشوربات .. و الرز مع الزبادي و الخضار عطيها تمسكها بيدها ..
أنا ولدي مرات اذا ما يريد ياكل .. أعطيه تفاح او خضار يمسكها بايده و ياكلها و هو مبسوط .. يحس انه سوى شي بنفسه ..
و ممكن تودينها المستشفى يفحصونها .. و يعطونها فيتامينات .. اذا ما فاد معاها شي..

و عطيها تشرب زعتر و نعناع و بابونج عشان الغازات ممكن تسبب لها ألم في بطنها و تمنعها من النوم ..
و انتبهي لا تخلين حد يضحّكها كثير بعد المغرب .. لانه يسبب كوابيس للاطفال .. ولا تطلعينها تلعب برا بعد المغرب ايضاً..
و اقري عليها .. و حطي لها شوي زيت زيتون مقري فيه مع اكلها ..
و ان شاء الله ما تشوفين الا كل خير ..​

 

[omjoda]

الله يسعدك يا سمو الاميرة صراحة انا غلطانة من اول مع بنتى ما عودتها على الاكل جدا صعب من كثر اهمالى وكسلى اشترى لها سريلاك الله المستعان صراحة معلومة الضحك غريبة لانى العبها واضحكها كثير وفعلا البنت احيانا تجلس وهى نايمة الله يسهل على ويقدرنى يارب