ماني قادره انسى وش اتسوي ؟؟

[وحيده في دنياي]

انا لي شهرين واسبوعين من ولدت
اول ماولدت صارت لي مع زوجي وامه خلاف ومشاكل
اللي بسبب اسم بنتي وتدخل امه انها تبغى تسميها
على اسمها والله دايم اتحسب عليها
مو مني من القهر اللي في قلبي
لان اسمها مو حلو وقهرتني انها تدخلت مع ان البنت بنتي
وانا اللي تعبت في حملي وطلقي الصناعي اللي ذقت الموت منه
وولادتي لها
تقوووم تجي بارده مبرده وتحرض زوجي علي مع انحنا كنا متفاهمين على اني انا اللي بسميها واخترت اسم لها

واللحين من احد ينادي بنتي بنفس اسم انه انقهر ودي اكتبه
بس اخاف انهم يقرون الموضوع ويعرفون انها انا
لانهم يعرفون اني احب هذا المنتدى

والله احس دايم افكر في هذا الموضوع ومو قادره انسى
انا احب زوجي بس لما اتذكر اللي سواه فيني عشان امه
احس اني استحقره ومااطيقه لانه كان بيطلقني
بعد ماكان يقول انه مايقدر يتخلى عني او يتركني

دايم ادعي عليها حتى مره دعيت ودعيت وقلت يارب وريها
في عيالها مثل ماقهرتني واليوم الثاني انكسرت يدين ولدها
وخشمه وحالته حاله بسبب طيحه بسيطه اللي يشوفه
يقول ازيد من اللي مسوي حادث

والله تقهرني لاجلست جمبها تجلس تناديها بااسمها واحس انها
كل همها تقهرني لاني اشوف نظراتها ونقزاتها لبنتها

يارب انت القوي وانا عبدك الضعيف
يارب ان ام زوجي تقوت علي بقوتها وانا في عز ضعفي
فاارني عظم قدرت فيها يارب
لااله الا انت سبحانك اني كنت من الظالمين
حسبي الله ونعم الوكيل

 

[وحيده في دنياي]

استغفر الله العظيم من كل ذنب عظيم

 

[وحيده في دنياي]

معقوله محد رد علي ؟؟؟

يعني مطنشيني

 

[المفارقة]

لله يعينك ياقلبي مدري وش اقولك ؟؟

بس تقدرين بعد فترة تغيرين اسم بنتك بس اقلبي على زوجك خليه يشوف زعلك المشكلة إنه كان متفق معاك وفجأة قلب عليك

اللهم لك الحمد إن ماعندي أم زوج زي كذا كان مدري وش سويت؟؟

وبالنسبة لزوجك بتمر الأيام وتنسين ياقلبي وتذكري له أشياء حلوة عشان تنسين

 

[فـَـيوُنـﮕـﮧ !✿]

يالله يااختي وش هالدعا ترا كلهم كذا بس في ناس يستمعون وناس لا
خلاص الي صار صار ولاجبتي الثاني قولي الاهم الاول وانتم سميتوه الثاني علي

 

[محبة النبي]

الله لا يلومك ياقلبي والله يعينك
وان شاء الله بنت تكبر وتعترض على الاسم
بس لو اني زيك ناديها باسم دلع وخليها عليه حتى بالمدرسه

 

[صفرانه]

بكره بتكبر وتغير اسمها

اهم شيء بيتك..

احتسبيها زي امك..

 

[بعثره مشاعر]

غيريه بعد فتره واقنعي زوجك بهدوء

 

[حمادية]

حبيبتي ان اسم غير ضروري
لكن احمدى الله على سلامتك
وسلامت البيبي

 

[وحيده في دنياي]

هذا الثاني والاول هو اللي سماه
والاسم مو حلو بعد:21:

 

[وحيده في دنياي]

كيف اقنعه وهو خايف من امه
الله ينتقم منها ان شاءالله

انا مااحب ادعي بس لو بنتها مارضيت عليها
وبنات الناس تعمل فيهم كيذا
كانت بطلقني بس عشان كيفها
هي جابت 4 بنات ماسمت على امها الا قبل الاخيره
وامها اسمها احلا من اسم بنتي

حتى الاولاد ماسموهم على اهاليهم الا قبل الاخير بعد

بس شقول الله ياخذحقي منها

 

[ارز]

احتسبي الاجر وخلي نيتك صاافية

ولايكون همك اسم خلاص سميتوا البنت وخلاص ليش الجدال

والمشاكل

وعاملي ام زوجك مثل امك وبتكون معاملتها حسنة

 

[جميلة بذوقي]

حبيبتي تعودي تنادي بنتك بالاسم اللي اخترتيه لها ولا عليك منها مو لازم يتغير

حتى تتعود الين تكبر وهي بنفسها تمنع احد يناد يها باسم جدتها حتكون دلوعه ابوها وما يرضى زعلها وحيغيره

انا شفت وحده كذه

انتي عيشي يومك بالاسم اللي اخترتيه لا تكدري نفسك وتكسري فرحتك

 

[ام اليتيم]

اللة يهديك ايش هالدعاااء عشان اسم؟؟!! صحيح الموضوع يقهر بس مو لدرجة تدعين هالدعاء القاسى وعلى موضوع بسيط . واحب اذكرك بشىء(لاتدعى على من تكرة فتصيب من تحب) يعنى لاقدر اللة يكون لمن تحبين نصيب من دعائك واذا بتلومى احد فالملامة لزوجك لن هذى مسألة المفرووض انة مايدخل فيها احد ويمكن هو عمل كدة بر فى امة والرسول علية الصلاة والسلام قال بروا آبائكم تبركم ابنائكم وعسى يرزقك السكينة وراحة البال ويحفظ لك اولادك ويسخر لك زوجك... وسامحينى اذا قلت كلمة ضايقتك والحمدللة على سلامتك

 

[أم و جامعية]

الله يعينك والله انقهرت عشانك بس لاتنادينها باسمها نهائي ناديها باسم دلع الاسم اللي اخترتيه وعلمي اللي أكبر منها وأهلك الاسم اللي تحبيه وصدقيني اذاكبرت بتغيره أويكون لها اسم دلع حلو وماتسمع الاهو
وابوالشاب لاتخلينها تمر مرور الكرام وحسسيه بطريقة غير مباشرة أنها مسكينه الاسم كبير عليها وبتتعقد اذا كبرت
تقبلي مروري​

 

[Montana]

الموضوع ابدا مش مستاهل كل شدة الاعصاب و الدعاء على ام الزوج واللة الدنيا مش مستاهلة .. ووسعي البال و خذي الامور ببساطة و اللة لو الواحده منا عرفت قيمة الحياة الزوجية و قيمة الزوج والاطفال و لمة الاسرة واللة ل عدت ه الامور بضحكه وو حمدت ربها على النعمة ...

انا صار لي نفس الشي في البيبي الاول واصرت ام زوجي تسمي البنت ع اسمها و مش اسم امي ... وصار اللي تبية ... اللة رزقني بنت ثانية و سميتها ع اسم امي ...

حبيبتي ما تعرفين الخيرة وين .. مره شفت برنامج عن الاسماء و ثأثيرها ع الشخص (في قناه nbn تقدمة جمانه قبيسي ) قالت ان في اسماء احنا نشوفها كريهة لكن تأثيرها وايد زين ع اصحابها و تجلب الخير و السعد ...

احمدي ربك ع نعمة الزوج والانجاب والحين روحي قولي حق ام زوجج : يارب تطلع بنتي مثل جدتها .

والله يسعدج و احتسبي اجرك عند اللة العظيم ...

 

[الدمعه الصامته]

حبيبتي من حقج تنقهرين وتعصبين بس مب جذي الله يهديج
خلاص انتي ناديهاا بالاسم اللي تحبينه وايد ناس عندهم اسمين اسم بالجواز واسم ينادونهم في بحياتهم

نصيحه حبيبتي لا تدعين ع ولدهاا هو شذنبه دعيتي عليه هو ضرج؟؟!!!!!
لا يعني الحين هم مظلوم وانتي ظالمه
مادري ليش الناس تدعي ع اعيال اللي ظالمينهاا هم شدخلهم ليش تظلمونهم
أستغفري يالغلآ
عن النبي فيما يرويه عن ربِه عز وجل أنه قال :
(يا عبادي إني حرمت الظلم على نفسي وجعلته بينكم محرما فلا تظالموا )

اتمنى ماتزعلين من كلامي الله يصلح بينج وبين ريلج واهل ريلج


​

 

[رضا ربي غايتي]

كل هالزعل على اسم الله يهديكي تعوذي من الشيطان وعلى فكره الطفل هو الي يحلي الاسم ولا تدعين على احد لان فوقك ملك يقولك ولك بالمثل وزوجك من بره بامه سوى كذى والي ماله خير في اهله ماله خير فيك.
ووالله العظيم لما جبت بنتي ابوها ماكان يبي اسم امه وحتى( خالتي ) ام زوجي لله يرحمها تقول سموا الي تبون بس انا اصريت على اني اسميها باسم امه ووالله انهم عماتها وعمانها ما ينادون بنتي الا امي ويغلونها غلا مو طبيعي الله لايغير على بنتي وهو اسم يعني احمدي ربك انها سليمة الخلقه ومعافيه

 

[hanodi]

الله يعينك ياقلبي
ياروحي ماله داعي تكبر المسأله اعرف وحده يمكن عمرها فوق الثلاثين
وغيرت اسمها
انتي خذي الامور بهداوه وبعدين غيريه
وماتدرين بعد يمكن تغيرين اسمها وتحسين انه حلو وبعد ماتكبر البنت تغير اسمها
الي انتي تعبتي وشقيتي عشان هالاسم
الله يكون بالعون

 

[تشكرات]

شوفي حبيبتي ( البنت اتسمت وخلاص ) لا تجلسي تقهري بعمرك وتتحسفي >> خلاص اللي حصل ..حصل ..
وعشان ترتاحي من قهر أم زوجك وضحكها عليكي >> كل مانادت بنتك باسمها >> انتي ابتسمي ( وسوّي نفسك ان الموضوع مو مأثّر فيكي ) ..وعدّي ......
واذا دار الزمن وكبرت البنت >> خلّيها ( تزن على راس أبوها >> ومعروف معزّة البنت عند أبوها ....والله غير يأخذها وعلى أقرب ( أحوال مدنيّه ) ........أهم شئ >>أنتي >> طنّشيها ولاتدعي >> فربّك موجود وهو ( على كل ظالم ) ..