ماني راجعه له خلاص..بس بردوا قلبي وعلموني منو غلطان !

[بنوتة بلادي]

شو صار معاج اختي؟

 

[الاميرة ريمي]

متأكدة ؟؟!!

 

[بنوتة بلادي]

ما اعرف ليش قررت اقرا كلامج مره ثانيه... تفاجات انج تكلمتي عن خطيبج السابق...و انه طلب ترجعون اثناء خطبتج لريلج الحالي (كونج مالجه الحين).... اخاف تكونين ندمانه انج ما فسختي خطوبتج قبل الملكه مع هذا وبديتي تحنين للاولاني... لانج قلتي الحين محد صفا لي.

فكري في طريصة تعاملج مع الرجل كزوج و بتعرفين ليييش ما في اي احد صفا لج..

 

[البخاريه]

اختي الغاليه ...
اولا : لاتفعلي شيء يستوجب منك الإعتذار ... كوني كماش فوق الشوك معه ...
وان حصل شيء يستوجب منك الإعتذار مره وحده تكفي ... واتركي الموضوع حتى لو لم يرضى
حبيبتي : انت الآن تعوديه على اشياء يصعب التخلص منها آجلا ...
واعتب عليك .. ان جعلتي نفسك كتاب مفتوح امامه وانت لم تعاشريه حق العشره ... ورميتي بكل اوراقك امامه ... الآن هو عرف شخصيتك ومن انت وكيف يتعامل معك !!!
الرجال فيهم دهاء ليس كما النساء ذوات الحس المرهف والمشاعر الدافئه ... لا تتعاملين معه كما تتعاملين مع صديقتك أو قريبتك ... تنصدمين من الواقع ...
اكثر المشاكل التي تحدث بين الزوجين : ان كل منهما يتعامل مع الآخر كما انه يتعامل مع جنسه
ارجوك اقرأي كتب وثقفي قبل الزواج ... افرزي تصرفاتك وانظري في الغلط وتجنبيه ..
بكل بساطه واهمس بها في اذنك : تعلمي من بعض اساليبه معك ...
بارك الله لكما وبارك عليكما وجمع بينكما في خير ​

 

[انت كافي]

حبيبتتتتتتتي والله بالملكه او الخطبه مستححيل تعرفينه هالفتره كل واحد يبي يثبت شخصيته على الثاني ومستححيل تعرفون بعض
استخيرري كل وقت وكل يوم ورايي استمري معاه انتي مابعد عرفتيه زين ماتعرفينه الا اذا عاشرتيه والى كاتبه ربي بيصير ما تدرين يمكن يطلع رجال مافيه احسن منه
الله يكتبلك الى فيه الخير يارب

 

[Miss.Feminine]

روعة القصيد كلمتك اثرت فيني


حسبتها مع نفسي وقلت بتنازل هالمره .. ورسلت مسج .. وقلت له هان عليك ماتسأل ؟
رد اعتذري !!!

خبرتو الموقف من وجهة نظري ..وكذبت قلت اصلا انا على بالي انك تمزح .. بس لما شفت انك ماسالت عني ساعتها عرفت انك قاصد كل كلمه تقولها .. لول هههههه وقلبتها عليه ..
بس اهم شي بينت له انه ماكان قصدي استفزه بس هو فهم غلط ..وكان اصلح له القصد من كلامي .. وما كان له داعي يقول انتي ماعندك سنع ولا ادب .. هع وما انتهى الحوار ليما اعتذر .. بس حسيته يستهزا قلت ونا مالي اهم شي اعتذر .. ولما خلصنا المكالمه رسلت له ..ونا اعتذر لانك فهمت قصدي غلط ههههههه

بس عن جد لليوم هو مقتنع انو ماغلط ..ونا مليون بالميه مقتنعه اني صح وعديناها ..



وبعد فتره صار يكشت فيني .. يعني برمضان خير شر ما يسأل ..ورجعنا لنفس الدوامه ..انت ماتحبني ..انتي توسوسين .. انا طبعي جاف بس احبك ..



المهم .. هو ونومته هذي اللي تجيب لي البلا .. يعني ينشغل طول اليوم ... ولا جا وقت النوم وجيت اكلمه ولا حتى اتطمن عليه .. يرد باسلوب ابدا مو زين .. اريد انام ..تخيلو افضفض .. واكتب 10 صفحات يرد .. اريد انام .. اعتقد انتي ماتفهمين .. اريد انام

خبرته روح ل"ميسا " ..ميسا هذي وحده كل اللي بالدوام كانوا يبوها له .. لمجرد انه ابوها وزير ونه مناسب لها لانه متحضر ودارس وشخص قدامهم رزين ومثالي ..
قالي اذا استمريتي كذا تعامليني بتخسريني .. وترا البنت بنفسها تبيني لليوم .. شوفوا الوقاحه..عيني عينك


وربي ساعتها بكيت من قلبي ..اش هالزوج اللي مايحس وكله هاملني .. ولاجيت اتكلم سكتني وعطاني ظهره ..لا وبعد يعايرني .. خبرته انا يوم اشتكي ماعمري طلبتك لامال ولا شي مادي .. انا كل اللي اطلبه انك تحسسني اني شي ثمين بحياتك .. !

واذا تبا غيري انا ماغصبتك علي .. بس دامك بغيتني زوجه حقي عليك انك تحسن معاملتي .. واذا تبي ميسا روح لها .. ونا في هناك من بيحبني اكثر .. رد


ابي انام .. خبرته حسبي الله عليك

هو مايحب المسجات خير شر ..وقام يتصل وانا كنت منفعله وماحبيت ارد لاني كنت اصيح ..كتب والله لو مارديتي ماني داق ثاني ..

اتصل على بالي يهديني ..تعرفون كيف لما البنت الصغيره تسوي شي غلط وابوها يمسكها من ايدها ويصارخ عليها ..انا ماعلمتك لاتسوي كذا .. انا ما منعتك تسوي كذا .. ونا ما اريد ازعاج قبل ما انام .. ونا بكل غصه ارد زين زين زين .. وصكر ! وقالي انسي كل هالمسجات وقطيها بحر لاقلت ولا قلتي .. ولا كنه مسوي شي ..



انا حسيت هالانسان خلاص راح من ايدي .. مدري وش فيه علي .. مو طايقني بين ليله وضحاها ..
انا ما احبه كشخص يحسن معاملتي ... بس انا احس متقبلته كشكل ومستقبل والباقي حاطه ببالي انها عادات ممكن اغيرها .. لو قدرت .. ولو ماقدرت لازلت املك الخيار !


المهم الليوم اللي بعده جا البيت لاني صراحه ماحبيت ارجع اكلمه وكنه ماشي صار ..

واول مره كذا يجي بنفس خايسه .. خبرته لو ماتبيني طلقني بس لاتقعد تهينني بكذا معامله .. رد هذا انا .. ولما تتزوجيني بكون نفس الطبع .. تتحمليني .. خبرته يعتمد انت تبيني اتحملك ولا لا ؟ رد ابيك .. !


هنا شوي ارتحت .. طبعا فتحنا سالفة الصراع العنيف ونا بكيت لانو ونا احكي حسته مستخف فيني وكنه يقول اخلصي ..

ولا حتى اهتم ولاشي .. قال ترا والله ساكت لانك ضعيفه وما بتتحملين عصبيتي .. بس كلامك سمعت منه المفيد والباقي ما التفت له ابد ..فيما معناه انا اوسوس ..



المهم ..كلما بغيت اكحلها ..جيت اطينها اكثر ..


والحين لما ارسل له مسج ..اضغط ع نفسي واتكلم بلطف مع اني احسو ما يستاهل .. بس هو بكل الحالات يقولها لانه من الاساس مايعنيها !



اريد اكسبه .. لانو الوحيد اللي دخل مزاجي .. واحس اني على المدى الطويل بحمدربي اني اخترتو ..



هههههه انا زمان كنت افكره مو رجال لانو وايد يهتم بنفسه .. بس لما شفت قسوته صراحه صح كارهته لحظتها .. بس من قلبي شوي فرحت ..حسيتو شخصيه وهيبه .. ولايق عليه الدور


انا اعرف اني انثى غير ناضجه واني ابالغ بردات فعلي .. واني طفوليه بتصرفاتي


بس هو بالمقابل شخص غير عطوف ولا حنون ..




كيف اكبر بعينه ؟ خصوصا انه اخر فتره حس بحبي له وتمسكي فيه رغم كل المشاك بيننا كوني اول من يسعى للرضى ؟ بس عن جد انا انسانه طبعي كذا مع الكل محب انام وقلبي شايل على احد ولا حد شايل علي ..





بالمختصر ... علموني كيف اروض هذا الرجل الجنوبي الشرقي .. وكيف اكبت من تطرف شخصيتي الشماليه الشرقيه .. مابي اخسره ..الحين عاد عجبني

 

[Miss.Feminine]

هو داهيه واحسه قاعد يشكلني كيف مايبغى دون ما احس .. اعطيه كل حقوقه ويمنع عن نفسه واجباته ..


ما احس عنده قلب او ذرة احساس .. (وهو قالي انو تعالج بابر صينيه لانه كان انسان حساس جدا ودوم مكتئب ) ..


انا بليس قام يلعب بمخي .. ولما لطلب منه نتزوج بسرعه يتهرب..هو ماديا مرتاح بس يتعلل انه داخل مشروع وهاد حيله ( وانا اشك ) ..

ويتغير مزاجه 180 درجه ..



مرات اقول يمكن عنده عجز او مخبي عني شي .. لانو يتعمد يبتعد عني بالمعامله .. وانا لله الحمد مو ناقصني شي .. معلش بقولها مباشره .. بس لانو ما يهتم لامري انا ما ارضى حتى امسك يدو او يضم ايدي .. او يقترب مني نهائي .. اقوله كذا احسك تستغلني عاملني مثل الاوادم عقب تعال مثل انك تحبني !

جد احسو مايستاهل حتى يشوف شعري .. الا لمن يشيلني بقلبه قبل راسه

 

[Miss.Feminine]

بنوتة بلادي ..


وحرمة رمضان .. الاولاني بعده شاريني وشاري التراب اللي ادوس عليه ..رغم اني رفضته بعد خطوبه استمرت فتره طويله ..


ما اكذب عليج بس لما اقارن اتجنن .. هذاك ملاك وهذا شيطان
هذاك متحملني رغم اني ما احسنت معاملته كخطيب بس انصفته كانسان له حق يتزوج وحده يحبها .. وخبرته الحقيقه اني محس اني بسعدو ..



الاول كان مغرقني حب وطيبه وشايلني على كفوف الراحه .. لو طاح شي من يدي سبقني يجيبه .. حسيت انسان ب هالطيب حرام يتزوج وحده مو مقتنعه فيه


والثاني فرق السما والارض .. والله العظيم اني كل شي عيبت فيه الاول لقيته بالثاني ظاهريا احسن بس من داخل اسوأ ..



اتذكر زمان كنت امزح مع خطيبي السابق اقوله ابي عيالي يشبهوك بكل شي الا انفك .. ما احبها وكان يقول ماعليه عاجبتني ..


وهذا طرت من وسامته .. ودوم اقوله انفك مرسومه رسم .. لين عرفت انه مسوي لها تجميل ...





احس الله قاعد يعاقبني على الاولاني او صاعد يوريني براهين ان هالثاني مايصلح لي كثر الاول ..



واخته تعرف اني مو مرتاحه مع خطيبي الثاني وكله تحن علي لاتغلطين وتتزوجين .. وترا فلان بعده شاريك فكري .. بس مدري لحس ماني عارفه شو اسوي وكل ما صليت استخاره يطلع اني متزوجه شخص غريب وكل مره شكل ..




اخر مره طلع شخص اسمراني مطوع !



وش السواه

 

[moon jeddah]

اسمعي ياقلبي عن تجربتي اذا مو غلطانه لالالا تعتذري ابد ابد ابد والله لو تزوجتي وهو ع اسلوبه ليجيك حاله نفسيه وانفصام بالشخصيه يصير مثل الطفل يتحسس من اي شي والطفل يهون عنهم مانتي غلطانه لا تعتذري والله الجال يحب المراه الي شخصيتها قويه مو قصدي تفرضي رايك عليه وتنسي انه رجال البيت لا
قصدي لما تقولي كلمه ماتتراجعي فيها ابدا ابدا ولاتخليه يغلط عليك نهائي
بالله اذا الواحد فترة الملكه كذا اجل بعد الزواج وش حاله شوقي مصلحتك واتخذي قرارك وهل انتي واثقه من حبه
واثقه من حبه واختبريه بالمقالب يعني يوم سوي نفسك تعبانه وخلي امك تسبط الوضع مثلا ترد ع الجوال وتخبره اذا اتصل ومن هذا القبيل عاد اكيد انتي ذكيه

 

[Miss.Feminine]

لما اقرا كلامي ... احس نفسي فعلا مشوشه وماني عارفه منو اريد ولا متاكده منو ..


خايفه اتزوج الاولاني وما يملا عيني
وخايفه افصخ خطبتي من الثاني واندم


اعتبروني اصغر خواتكم بحكم جهلي .. وانصحوني .. لاني والله ماقد تعاملت معاهم كانثى.. بالعكس كنت بريئه جدا .. وعلى نياتي .. واتصرف بطفوليه لاني احسني غشيمه بالعالم حولي وما لحقت اكبر واخالط الناس واتعلم كل اللي اعرفه بيتينا .. امي وابوي .. وكليتي ..وحتى بالكليه ما اكلم حد


وبشكل عام ما اعرف اتعامل مع الرجال لان ماعندي اخوان كبار .. ولا لي معرفه باساليب جذب الرجال سواء بالاسلوب او الكلام او شو اقول وشو ما اقول ..
ولا احس اني قادره اتخذ قرار صح معاه ولا مواقف .. ونفس الشي مابي احد من اهلي واهله يتدخل ..

 

[Miss.Feminine]

لامش ذكيه ..

احس مابي اكسب شخص بمكر وتخطيط .. ابيه يكون طبعه بالفطره عاجبني ولا بتعب مثل الحين واكثر !

 

[sweet_loli]

انا مع الاخ مغناجة

لازم تتعذري ​

 

[Miss.Feminine]

خلاص تصافينا بس الامور متراكمه والصفحه رقم 3 كتبت وش صار بالتفصيل للحظه هذي




الفجوه تزيد

 

[بنوتة بلادي]

أنتي شوي مشتته..

إذا تراجعين رسايلج له... بتكتشفين انج انتي غلطانه في طريقة تعاملج معاه... مازلتي تفكرين ان اللي قدامج حرمه مب ريال... الريال طريقة تفكيره غيييييييييير تماما...

خلينا نرجع لشوية من رسايلج له.. اوكي...

"المهم .. هو ونومته هذي اللي تجيب لي البلا .. يعني ينشغل طول اليوم ... ولا جا وقت النوم وجيت اكلمه ولا حتى اتطمن عليه .. يرد باسلوب ابدا مو زين .. اريد انام ..تخيلو افضفض .. واكتب 10 صفحات يرد .. اريد انام .. اعتقد انتي ماتفهمين .. اريد انام"

إذا هو موضح نظامه معاج.. و انتي تعرفين نظامه... فالأفضل انج شوي تعودين نفسج على هالنظام.. الريال يشتغل و تعبان و يبي ينام و انتي تعرفين ان النوم عنده مقدس... اتركيه فترة النوم و لا تكلمينه... كلميه و هو رايق... مب و هو مقفل و يبي ينام... طبيعي آخرتها بيعصب و بيقول لج ما تفهمين أبي اناااااااااااام...


خبرته روح ل"ميسا " ..ميسا هذي وحده كل اللي بالدوام كانوا يبوها له .. لمجرد انه ابوها وزير ونه مناسب لها لانه متحضر ودارس وشخص قدامهم رزين ومثالي ..
قالي اذا استمريتي كذا تعامليني بتخسريني .. وترا البنت بنفسها تبيني لليوم .. شوفوا الوقاحه..عيني عينك

أكبر غلط الوحده تسوي.. يوم تفتح عين زوجها على حرمه ثانيه... حتى فو هالعيون مفتحه عليها من الأساس.. انتي واجبج تغمضين العيون.. مب تفتحينها بزياده.. كلامج له في هالنقطه يدل على عدم ثقه في نفسج.. و هو صادق في كلمه قالها... إذا استمريتي في اسلوبج هذا معاه.. بتخسرينه للأبد... و لا تعتبرين هذي وقاحه... هو قالها لج علشان تنتبهين.. و انا متأكده انه نبهج على اسلوبج معاه بشكل الطف من جذي قبل هالمره... بس انتي مازلتي معانده..


وحرمة رمضان .. الاولاني بعده شاريني وشاري التراب اللي ادوس عليه ..رغم اني رفضته بعد خطوبه استمرت فتره طويله ..


ما اكذب عليج بس لما اقارن اتجنن .. هذاك ملاك وهذا شيطان
هذاك متحملني رغم اني ما احسنت معاملته كخطيب بس انصفته كانسان له حق يتزوج وحده يحبها .. وخبرته الحقيقه اني محس اني بسعدو ..



الاول كان مغرقني حب وطيبه وشايلني على كفوف الراحه .. لو طاح شي من يدي سبقني يجيبه .. حسيت انسان ب هالطيب حرام يتزوج وحده مو مقتنعه فيه


والثاني فرق السما والارض .. والله العظيم اني كل شي عيبت فيه الاول لقيته بالثاني ظاهريا احسن بس من داخل اسوأ ..



اتذكر زمان كنت امزح مع خطيبي السابق اقوله ابي عيالي يشبهوك بكل شي الا انفك .. ما احبها وكان يقول ماعليه عاجبتني ..


وهذا طرت من وسامته .. ودوم اقوله انفك مرسومه رسم .. لين عرفت انه مسوي لها تجميل ...


تعرفين انتي شو اللي متعبنج.. انج طوووووووووول الوقت تقارنين بينه الإثنين.. حبيبتي.. لازم تعرفين ان في فرق بين كل ريال و الثاني.. مثل ما في فرق بين كل حرمه و الثانيه... أخت الأولي كوني حازمه معاها.. المفروض انها تصبرج و توعيج مب تزيد النار حطب علشان اخوها... أنصحج نصيييييحه اخت كبيييييييييره.... هالإنسانه أبدا لا تفضفضين لها عن مشاكلج و مشاعرج لها... لأنها راح تدمر حياتج الزوجيه اكثر من ما هي مدمره... و إذا بدت تتكلم عن اخوها.. اقطعي عليها على طوووووووووول... و قولي لها انا الحين انسانه مالجه و على ذمة ريال ثاني.. لو سمحتي ما ابي اسمع شي عن اخوج و الله يوفقه مع وحده غيري...

حببيتي... ارجع و اقول لالالالالازم تنضجين شوي.. انتي كلما تعمينها زياده.. و بيجي اليوم اللي هو بيطفش من تصرفاتج الصبيانه و يقولج باي باي.. انا ما اتحمل طفله...

و بعدين ليش ما تبين تمسكين ايده.. بالعكس.. عطيه شوي.. يمكن ساعتها تحسين بقرب له اكثر..

و منو قال لج ان الإستخاره تطلع نتيجتها في الأحلام!!!!! الوحده تستخير و تتوكلو إذا الموضوع فيه خير.. يتسهل.. و إذا في شر...يتعسر...

لا تقررين اي شي في موضوعج دام افكارج مشتته...

و طووووووووووول الوقت تمدحين في الأولاني و تفكرين فيه.. ما يجوز يا حلوه.. انتي مب مخطوبه.. انتي مااااااااالجه... يعني على ذمة ريال ثاني.. لو كان ريلج خاطب وحده قبل.. و طول الوقت في باله يقارن و الله هذيج تعامله روووعه.. هذيج جسمها حلو.... يووووووووه شفايفها كانت تخبل... ما بتزعلين؟ أكيد بتتضايقين.. بتقولين ليش يفكر فيها للحين؟؟؟؟؟
و الله عندي كلام وااااااااااااايد لج.. بس حاسه شكلي غلط.. و انا مصغره الشاشه و اكتب لج...

 

[معنى الوفاء]

بصراحه انتي مثلي
شماليه وعنيفة الطباع لكن من داخلي طيبه وابادر بالتسامح...
والكثير يعتبرها سذاجه....
وانخطبت وحسيت حالي مشتته..
فضلت ابقى بالحالي لين يجيني شخص مثل ابوي
لان ابوي اذا غلط يعتذر لين اسامحه....
وطيب بالفطره...
مع اني احاول التعديل..
لكن ماباليد حيله....

 

[رندا كووول]

ماشاءالله عليك يابنوته ...
خذي ياختي بنصيحة بنوته ماقصرت معاك

 

[يالبى راشد وبس]

الله يهديك الموضوع ما يستاهل احمدي ربك عالحنوبي اللي الكلمه الطيبه تجي معاه
مو الشمالي اللي الله يهديه بجد يطلع عيون الحرمه
استخيري قبل الزواج واذا ما ارتحتي اتركيه
وان شا الله ربي يكتب لك اللي فيه الخير

 

[Miss.Feminine]

بنوتة بلادي ... ربي يجبر بخاطرك زي ماجبرتي بخاطري


انا دلوعة ابوي وصراحه مو متعوده على الشده ابدا .. ولا حتى الحزم بالمعامله ..يعني تعودت اني اكون الكل بالكل والكل يخضع وهذا مجنني لانه ببساطه غلبني

ادري انو طفشان مني .. بس كلما بغيت اجيه باسلوب حلو ..ينفش ريشه عليه زياده بدرجه تغيظني .. ويقعد يقول كلام يستفزني ..انا احبك لانك تحبيني .. من وين الاقي بنت مثلك تموت علي .. انا محظوظ بحبك .. يعني انا اللي مفروض احرك العلاقه هو بس يعطي القواعد وانا انفذ ..


اتحسس من اقل شي منو ..

اتفه حاجه الهدايا وربي اهديه لمجرد اوريه اني فعلا اهتم لامره واتذكره .. وهدايا راقيه ..
وهو بالزور والعافيه يجيب لي هدايا تذكاريه رمزيه .. بس يشري لنفسو حاجات بالالاف .. وكني مو موجوده في حين انا لو طلعت بس السوق لازم اذكره ..مو مجامله بس فعلا اذكره واتمنى له شي يعجبني واخذه ..



والله العظيم مش مشكلة الماديات .. بس تعرفين البنت فينا تتحسس ونقيس الحب بالامور اللي تشوفها عيوننا ويصدقها قلبنا .. وكل صديقاتي يتدلعون فلان جاب لي وزوجي وداني ..


حتى اخر مره سافر كلش ماذكرني ... يعني مره مو على البال .. مع انه رايح سياحه

لو هو بس يعطيني اشاره انه متقبلني انا اجيه من اقصاي .. بس تصرفاته فيها كبرياء رجل شرقي تقليدي ن النوع الاصلي اللي لاتاثر فيه عوامل الطيب ولا التودد باحسان



ادري انه هو يشوف علي بزر كون عمري 23 وهو 32 .. بس شو المواضيع اللي ممكن افتحها .. يقولي مشتاق ادري انه مو مشتاق ..يقول احبك ادري متى يقولها وليش ... يعني افهم متى يقول غزل ..بس ااذا يبي يمشي شي معين او يسايرني فيه !



الحين مثلا .. ابي ارسل له صباح الخير .. بس منبه علي بالدوام في رمضان لا ارسل لان موده يكون تعبان .. وان هو يتصل المسا لان مزاجه يكون مرتاح ..



كل شي بشروط !

 

[Miss.Feminine]

ربي يفرجها عليك يا بنت بلادي ..ويحقق مطلبك ومبتغاك بهالشهر الفضيل عاجل غير آجل

 

[بنوتة بلادي]

يا حلوه شوفي الخاص... اوكي