ماني راجعه له خلاص..بس بردوا قلبي وعلموني منو غلطان !

[Miss.Feminine]

بنات انا سبق وخبرتكم عن مشكلة هالتحفه اللي معاي .. استغفرك ربي صايمه


انا شماليه شرقيه هو جنوبي شرقي ونحن مخطوبين لسوء حظي طبعا

المهم الله يهداه مره مره مره مره جبار .. بحياتي مذكر انه تزاعلنا وجا يراضيني بشكل مباشر ... لو انا زعلت يا اما يعطيني طناااااااااااش ولا كأن مسوي شي .. او يقولي مالك حق تزعلين .. ومثل مازعلتي بنفسك ارضي بنفسك .. ويقولي انا لو غلطت بعتذر من دون ما تزعلين .. بس انا متأكد عمري ما راح ازعلك .. ( طبعا هو داهيه صح ما يقول شي يزعلني مباشر بس تصرفاته تقتلني غيظ ) ...!




المهم اخر فتره انا صراحه عايفته بالقوه ..يعني طالع من خشمي وجد كنت ابدا مو مهتمه لاخر خطبتي معاه .. بس مع ذل اكبت على نفسي واجامل بما يرضي الله لووووول


المهم اول رمضان هو راح لمدينة اهله .. وتكلمنا وكل شي عادي كان .. يعني اتصال فاتر جدا(وهذي طبيعة اخر مكالماتي معو ) ..


بعدين اهو رسل شو تسوي .. خبرتو اطالع مسلسل .. قال عن شو ؟
رديت وحده طيبه وزوجها شرير .. ومطلع عيونها بس هي متحمله عشان ما يتدخلوا اهلها ..



رد .. الله يعينها .. بس محد جابرها ( هنا الاخ بدا يقفل ) ..وانا بديت ابلع قهر ..




انا بكل سذاجه جايه اتميلح واحاول ولو واحد في الميه الطف الجو اللي سايد بيننا من فتره ..
خبرته بكرا لاتزوجنا اكيد انا ابيك احسن واحد بنظر اهلي ونت بعد بتعكس صوره طيبه عني..



مدري ليش رد .. انا مثل ما انا .. وما اتغير عشان احد واللي يريدني يتقبلني على طبعي



انا فتحت عنوني .. ليش هالهجوم المباغت ... ابتسمت



قالي اللي عاجبه عاجبه واللي مو عاجبه كيفو


انا صراحه تحسست من هالرد الجاف .. خبرته الحين انا اجيك بكلام لطيف ترد كذا .. !


رد افهميها زي ما تبغي



رديت انت صراحه ماعندك ذوق بالكلام >>>> قصدي اتدلل والله .. مالت علي وعلى دلالي



رد بكل وقاحه ماعندك سنع ولا ادب .. وانا اقرا والله على بالي يستهبل لان عمرو ما غلط علي ولا صرنا نرمي بعض بكلام تافه كذا


رديت بضحكه .. خبرته خليت السنع لك ! ولازلت افكر انو كل هالكلام مزاح



رد تضحكين مستهتره فيني ؟


رديت حاشاك ..وليش استهزا فيك ! وبرضو مفكره مزااااااااااااح


رد اذا اعتذري ويقولها باسلوب عصبي


تخيلتو معصب على هالكلام ضحكت .. خبرته والله ماغلطت ولاني معتذره..


وكل شوي يرسل اعتذري .. ويغلط بالحكي


وانا غير كلمة ماعندك ذوق والله ما زيدت


وسكت عنه وقلت انا بنام ..ونت لاتنسى تتسحر وهذي اخر كلمه قلتها له ( ياربي اكسر الخاطر)






والحين نكمل اسبوع واول مره نتزاعل كذا .. مدري يعني انتهى كل شي ولا ؟ لاني مستحيل ادق عليه ثاني وهو احسو ماخذها مكابر ..


بديت احس انو ماقصده اعتذر قد ماقصده يهين قدري .. او يبي سبب يهاوش عشانه ..لانه الزم ما علي كرامتي ..
و فعليا ماغلطت .. وانا اللي مفروض ازعل مش هو !



معقوله كلما غلط انا اللي اجي اعتذر ؟ تصرفه هذا جرحني وصرت افكر لو تزوجنا كيف بيكون حالي معو .. شو اسوي ومنو غلطان ..



احس تصرفو بالعصبيه والزعل وحتى السكوت كله مفتعل ..

كيف اجيبه من خشمه .. احس كبريائي مجروح !



​

 

[Miss.Feminine]

هو انسان ناضج وعمره 32 .. يعني موقفه غريب .. بالعاده الكلمه يوزنها الف مره قبل لاتطلع من فمو .. بس هالمره وكنو بايعها عشان كذا قام يقط حكي غلط بغلط ...



انا لطيفه معاه رغم كل الشين اللي فيه .. وياما وياما تحملت غبائه العاطفي بس عشان اكسبه ... بس الجدار كان بيحس .. وهذا ياجبل ماهزك ريح


جدا مطعونه .. لاني خطيبته ..ماني بنت من الشارع .. كيف يغلط علي .. واليوم نحن مخطوبين بكرا كيف لو متزوجين !



وكيف طاوعه قلبه كل هالفتره هو غلطان ولا اعتذر .. انا ناويه خلاص انه نتطلق .. ومو هذا السبب بس معدت مرتاحه له .. وكل شي بذلته عشانه ونكرني فيه مسامحته عليه الا هالموقف .. احسها طعنة ظهر ..



وش فرقت عنو وعن اي واحد غريب اذا كان كذا راخصني .. وين كل كلامه الحلو .. ومغازله اللي امل اسمعو .. اتصوره الحين شيطان ..وكل حب خبيته له بصدري الحين بدا يتحول كره .. ليش يجازي طيبي بوقاحه وقلة احسان .. لو مايبيني ليش كل هالوقت معذبني معاه .. كارهه حتى نفسي ليش عشمت نفسي انو يتغير ..



واللي ذابحني اكثر انه بفترة خطبتنا .. خطيبي السابق رد وطلب نرجع ..وتجاهلته لاني ماحسيت تجاهه بالحب او برغبه اني اسعده وخفت الله يحاسبني لو ظلمته ..واخترت استملك بهذا .. والحين الاثنين محد فيهم صفا لي

 

[ℓάⓝόό]

الله يسخركم لبعض يااااااااارب

قبل ما تسوين اي شي استخيري

 

[ياربي انصرني]

كثرة المكالمات مع طول الخطبه او الملكه تسبب مثل هالمشاكل

http://www.niswh.com/vb/showthread.php?t=305166


شوفي الرابط يمكن يفيدك

 

[شئ اخر]

حبيبتي في رجال الجلافه وانعدام المشاعر صفه ملازمه له0000يعني ماقولك مايتغير بس بصعوبه يتغير بعد الزواج0000

انتي حاسه بزعزعه بالعلاقه معاه0000
وفتره الخطوبه اختبار لك وله00000
انتي ماذكرتي لنا اذا له صفات حلوه ممكن تغطي على عيوبه

نصيحه مني خليك على بينه من الحين00000
لاتجاملي على حساب نفسك0000
لا تتصنعي اي تصرفات مو لك000
لاتمشي اشياء من المفروض تحطي تحتها ميه خط000
لاتسكتي عن اشياء من حقك000
اهم شئ000كرامتك 000كرامتك0000كرامتك
من الان اشتريها000اضمنيها0000قولي كرامتي فووق كل شئ
كرامتي قبلك0000

لانك راح تعيشي معاه000بكره كل شئ راح يكون واضح بدون رتوووش
او مجاملات00000

طولت عليك00000بس ماراح اقولك الا استخيري مره واثنين وثلاث
ماتدري وين ربي كاتبلك الخير00000
واذا فيه خير لك ربي راح يسخره لك0000

الله يرفقك يارب00

 

[مغناجة]

(((
بعدين اهو رسل شو تسوي .. خبرتو اطالع مسلسل .. قال عن شو ؟
رديت وحده طيبه وزوجها شرير .. ومطلع عيونها بس هي متحمله عشان ما يتدخلوا اهلها ..



رد .. الله يعينها .. بس محد جابرها ( هنا الاخ بدا يقفل ) ..وانا بديت ابلع قهر ..




انا بكل سذاجه جايه اتميلح واحاول ولو واحد في الميه الطف الجو اللي سايد بيننا من فتره ..
خبرته بكرا لاتزوجنا اكيد انا ابيك احسن واحد بنظر اهلي ونت بعد بتعكس صوره طيبه عني..



مدري ليش رد .. انا مثل ما انا .. وما اتغير عشان احد واللي يريدني يتقبلني على طبعي



انا فتحت عنوني .. ليش هالهجوم المباغت ... ابتسمت



قالي اللي عاجبه عاجبه واللي مو عاجبه كيفو )))


حبيبتي ارجعي اقري كلامك مرة ومرتين وثلاث...

انتي تعبتيه بالتلميح بالكلام..

انتي منتي مقتنعة فيه ولا متقبلته.. هو حس بهالشي...

شوفي كلامك..

اول شي وحدة طيبة زوجها شرير.. هو فهمها عليه..

ثاني شي.. ابيك احسن واحد، يعني يحتاج لك تحسين...

لا حبيبتي اثنينكم غلطانين..

انتي تبين تعدلين فيه.. عشان كذا قال لك انا مثل ما انا...

وهو يكابر وقت الملكة مو داري انه ممكن يخسرك...

على اي حال انصحك تطرشين له مسج تخبرينه انك اسفة وما تبين الزعل بينكم وانك تحبينه ومشتاقة له..

وانك قابلته بكل ما فيه..

حبيبتي كل الرجال ما يعتذرون مو مثلنا يالحريم.. الا اذا كانت الصفات الانثوية هي السائدة عنده..

بس طالما هو رجال ومعتز انه رجال ما راح يعتذر الا في الشي الكبير..

الزواج صعب مو سهل.. لو انفصلتي عنه صدقيني اذا بقيتي على اسلوبك راح تتطلقين من الجميع..

ولا يصفى لك احد ابداً....

 

[نيكولا]

الجنوبي مايحب التعامل كذا
وانت شمالية وجاده وتقولي ابجيب خشمه
الموضو مايستاهل
طيب يعني كل هالامور والمشاكل نقاش فقط وعلى مسلسل
يعني هو متزوج ولا خاطب شان مايسمع الا الكلام اللي يعل القلب
سوري عشان صريحه معاك لكن مشكلة الشماليات الشرقيات مثاليات بزياده والحياة واحد زائد واحد اثنين
بعدين لا تستعجلين ..
الصراحة من شفت العنوان انا عارفه انك شرقية،،تدرين ليش لانك همك مين الغلطان ماتبغي تكوني الغلطانة
الله يهدي سركم واتدلعي الجنوبي مسكين لا يقاوم الدلع والانوثة والرقة عشان كذا قابل للخطف،،

 

[فديت انفاسه]

لايصير زواج الابعد ماتتاكدين ان تعدله ومايقط عليك كلام كذا ولابعدين بتندمين لان دام بخطبه حكيه كذا لازم يكون خايف ان يخسرك ويتمسك فيك ويطلع صورته الزينه ع الاقل مو من اولها كذا اجل بعدين لين صرتي معاه وش بيقول كان رديتي وقلتي انا بنت ناس متربيه واعرف الادب واعرف حدودي زين
بس الي موعارف يتكلم نفس ناس ونفسيته بخشمه مانقول غير الله يساعده بس

 

[ღ لحن الحياة ღ]

إنتي غلطانة ولا بد تعتذرين منه ,,,,

ارجعي لكلامك معاه من البداية لكن اعكسيه عليك انتي ؟؟؟

تخيليه يقولك اتابع مسلسل واحد طيوب وزوجته شريره مره

وبعدين يقولك ابيك تكونين عند اهلي احسن من كذا !!!!!!

هل ترضين ولا تتحسسين ,,,

حرام عليك خطأك بحق زوجك ,,, وغيري شوي من شماليتك المنفره لان الجنوبي حسااااااس ....

الله يهديك ​

 

[**قطرة الندى**]

حبيبتي انتي اللي بديتي باستفزازه الله يهديك

ما كان المفروض تقولي هالكلام

*ولو كنتي مصليه استخاره قبل ان تتم الخطوبه وارتحتي له فلتعلمي انه الله أراد لك الخير في هذا الزواج ولا تكبري الموضوع الله يصلحك

*وبعدين الرجال ما يعتذروا إلا بالصعوبه حتى لو ندمانين وصدقيني نظرة اسف منهم تكفي

*وثانيا إذا حبيتي زوجك يتغير أو شي حاولي تعدليه بأسلوب غير مباشر أو كلميه في وقت يكون مزاجه رايق انتي الحين حسستيه انك ما تحبي تصرفاته ومثل ما تعرفي الجنوبي حساس جدا

وأرد أقولك استخيري الله في موضوعك ولا تتسرعيييييييي صدقيني

الله يسخر لك زوجك ياااا رب

تقبلي ودي واحترااامي:3:​

 

[بنوتة بلادي]

رديت انت صراحه ماعندك ذوق بالكلام >>>> قصدي اتدلل والله .. مالت علي وعلى دلالي

عاد ه1ي قويييييييييييييييييه....

الكلام ينقرا مب مثل ما ينسمع.. لو قلتيها بالتلفون و انتي تتدلعين كان ضحك معاج... بس انه يقراها خاصة بعد كلامج عن المسلسل فهذا شي ثاني... انا بطلت عيوني يوم شفت الجمله.. وين هو عيل؟؟

حبيبتي.. انتي غلطانه و معاه حق يوم قال اعتذري...
و تعودي الأشيا الدفشه ما تكتبينها كتااااااااااااااااابه.. لأن سماعها مب مثل قرايتها​

 

[Bounty~]

آنا اشوف انتي الغلطانة
لو حد يلمح لي كذا بالمسلسل بزعل صرآآآحة

وبعدين حد لو يقوولي ما عندك ذوق صرآآحة انا هنا بنفجرررررر

 

[برائة]

الله يهديك بس مين الغلطان !!!انتي بديتي بالكلام وهو رد عليك

لمن قالك عن شو ؟؟كان قلتيله واحد يحب وحده وهيا بعد تموووت فدباديبو

هذا الي يبيه الجنوبي

وشو يخص اهلك فالسالفه ؟؟هو حس انه نو مقبول قالك انا كذا وماراح اتغير بمعنى كلامه ووالله معاه حق لو حسسك واحد فالميه

انك لازم تتغيري عشان اهله والله كان قلبتي الدنيا عليه وقلتي انا كذا مثل ما انا

وانت ماعندك ذووق بالكلام>>>>ههههه الله يهديك تفرين قنابل وتقولين دلع

كان قلتيله حبيبي حن عليه شوي ماتحمل قسوتك فالكلام >>>هذا اذا كاان غلطان

الشمليات قلوبهم طيبه ونواياهم بعد لاكن دااائما تخونهم السنتهم مايعرفون يعبرون

الله يوفقكم ويتمم لكم على خير

 

[نضوج أنثى]

بنوتة بلادي كفت ووفت .. لازم يكون فيه احترام بينكم والموضوع مايوصل لدق في الكلام افضل شي الكلام لما يكون مباشر وبذوق ولطف الطرف الثاني بيتقبله على طول .

 

[njoud]

معليش حبيبتي انتي غلطانه مليون بالميه

اسلووووووبك مره مستفز

الجنوبي شرقي من اسسسسسهل الشخصيات

لانه حنون وعطووووف مايقاوم انوثتك ولايقاوم دلعك

اي شي ممكن تحققيه معاه بس بالدلع

الجنوبي رجل خيالي يحب يعيش بخيالاته ويحب يتخيل ويحلم وجداا حساس

كان استغليتي هذا الموقف لصالحك وبدل ماتخليه مسلسل مأساوي وتجيبيله النكد

خليه مسلسل حب وعشق وهيااام راح يتحمس معاك وبتسمعي منه كلام حلو لليييييييل

انت لسه مخطوبين والحياه تجارب وما بيسيرلك كذا الا عشان تتعلمي

اعتذري منه وسمعيه كلمتين حلوين وبعدها لا تفتحي الموضوع معاه ابدن

وبالنهايه هو رجل يعني قلما يجي يراضيكي بالكلام

ممكن يراضيكي باي شي ثاني مو شرط بكلمة اسف ​

 

[Miss.Feminine]

فديتكم .. انا ادري يمكن لو سمعها مني كان ضحك بس فعلا بالمسج يمكن حسها قويه .. بس بعدين هو تمادى ..



انا شماليه شرقيه 200% وفوق هذا عنيده جدا جدا وحساسه بقوه .. يعني كل ردات فعلي قابله للإشتعال ..
انا اتحمل طبعه وافهمه..بس هو الحين بنكمل كمين شهر ولا مستعد يتحملني بنقطه ..

وانا احسبها مع نفسي قلت يمكن بذكاء الحريم كان اجيبها ضحك ..بس ردة فعله صدمتني في حين انا ما كنت ابدا حاطه ببالي ان كلامي بيستفزه ..


بحياته ما اعتذر مني ودوم يقولي انا احبك لانك تحبيني .. وانتي عندي عن الحريم كلهم لانه محد بيحبني قدك .. يعني يغلط ع كيفو ولان عارف كيف انا متحمله طبعه يقول بترضى ..احس مني مجبوره دوم اتصرف كذا .. خصوصا اخر مره فهمته بالتفصيل ان هالاسلوب يتعبني .. لاني اكبت في حين هو ولا داري .. ولمن صج يتسفزني كل شي يطلع مره وحده .. واذا ما كبت وصرت اخبره باقل حاجه تضايقني منو يقول انتي نكديه ..بالحالتين مو عارفه له



المهم ..هههههههه ..ماني معتذره ..والله عادي عندي نتطلق بس هالمخلوق ما اعتذر له يعني ما اعتذرله ..مايستاهل .. ​

 

[ريناد العواضي]

حاسة فيك رني شمالية شرقية ..والله تعبانة من عنادي بس الفرق اللي معاي شمالي غربي ..هو راسه اقسى كمني واعند مني ..عموما" لا تنسين انو هاذي التجربة االثانية لكي ..ولا تتخلين عنه بسبب مشكلة عادية ..الزعل في الاشياء القوية ..فعلا" ..هذه تسليات فقط .ودلع مخطوبين .. خليه كذا ووهو راح يتصل عليك ..راح يتحمس مع العيد ويتصل يعيد عليكي ..وكافي عناااااااااااد ..الله يوفقكم

 

[بنوتة بلادي]

فديتكم .. انا ادري يمكن لو سمعها مني كان ضحك بس فعلا بالمسج يمكن حسها قويه .. بس بعدين هو تمادى .. ​

انا شماليه شرقيه 200% وفوق هذا عنيده جدا جدا وحساسه بقوه .. يعني كل ردات فعلي قابله للإشتعال ..
انا اتحمل طبعه وافهمه..بس هو الحين بنكمل كمين شهر ولا مستعد يتحملني بنقطه .. ​

وانا احسبها مع نفسي قلت يمكن بذكاء الحريم كان اجيبها ضحك ..بس ردة فعله صدمتني في حين انا ما كنت ابدا حاطه ببالي ان كلامي بيستفزه .. ​

بحياته ما اعتذر مني ودوم يقولي انا احبك لانك تحبيني .. وانتي عندي عن الحريم كلهم لانه محد بيحبني قدك .. يعني يغلط ع كيفو ولان عارف كيف انا متحمله طبعه يقول بترضى ..احس مني مجبوره دوم اتصرف كذا .. خصوصا اخر مره فهمته بالتفصيل ان هالاسلوب يتعبني .. لاني اكبت في حين هو ولا داري .. ولمن صج يتسفزني كل شي يطلع مره وحده .. واذا ما كبت وصرت اخبره باقل حاجه تضايقني منو يقول انتي نكديه ..بالحالتين مو عارفه له​

المهم ..هههههههه ..ماني معتذره ..والله عادي عندي نتطلق بس هالمخلوق ما اعتذر له يعني ما اعتذرله ..مايستاهل .. ​

إذا هذا ردج... فأنا انصحج بالطلالالالالالالالالالاق.... أريح له و لج من صداع الراس اللي بتسببونه لبعض.. انتي مب راضيه تتنازلين و هو مب راضي يتنازل...

الحياه أخذ و عطا... و تقدرين تعتذرين بطريقه غير مباشره... بس بصراحه من بعد ردج هذا انا انصحج يا إما تطولين في الملجه.. او تنفصلين عنه... لأن بهذي العقليه زواجكم ما راح يستمر فتره طويله... يبالج تنضجين فكريا علشان تعرفين كيف الحياه الزوجيه تمشي... و لازم تتعلمين من أخطائج.. مب تقولين لازم يتحملني مثل ما انا تحملته و تقعدين تبررين لتصرفج معاه... لو كان هو اللي تكلم معاج بهالأسلوب كنتي كتبتي هني و اشتكتي انه دفش و جاف و ما يعرف كيف يتكلم... فكري في كلامي عدل... الله يكتب لج الخير وين ما كنتي..

 

[روعة القصيد]

هلا خواتي أنا متدمره ومش عارفه كيف اتصرف مع خطيبي وأرجعه

تتطلقين عشان عناد على سالفه تافهه !!!

ترى هذا زواااااج مو لعبه وتحدي ومن يعاند اكثر

فكري زين الحياه ماتمشي بهالطريقه خصوصا بالزواج
والطلاق مو كلمه سهله ننطقها على شغلات بسيطه الطلاق ماينذكر الا بامور تعتبر الحياه فيها مستحيله

الله يوفقك للي فيه الخير لكم

 

[روعة القصيد]

الاقتباس الي بردي فوق جا بالغلط

المهم ..هههههههه ..ماني معتذره ..والله عادي عندي نتطلق بس هالمخلوق ما اعتذر له يعني ما اعتذرله ..مايستاهل ..