مالي سنه وزوجي ضربني وجنني ..مالي غيركم يساعدني

أ

أحساسي روايه

New member
إنضم
2013/01/17
المشاركات
52
السلام عليكم ..
احترت مالي غيركم ..
انا ف هالشهر باكمل سنه من زواجي وتعبت مره ف هالسنه مشاكل وشك و ...
قبل شهرين ولدت وجاني بنت ..
ووضعي كان قبل ولاده يعني وصارت اسوا بعد ولاده رفض اخذ حبوب و بس مشاكل
واخر مشكله هي احترت فيها
اسفه طولت بس وربي محتاره ومدري وش اسوي
نسيت اقولكم زوجي شمالي و شكاك و كل شي ممنوع طلعات والسوق بقوه ..
مشكلتي اخيره كنت عند اهلي عشان حفل تخرج اختي وبس جلست يومين قال تعالي مع اخوانك وهو معصب
ليش قال كذا ما اصحي والا انتي عندي
مع اني مارحت لاهلي مع اخواني كان مداوم يومها
وطنشته وبعد المغرب رديت وقلت مافي حد يوصلني
وزعل ..ولا دق ويوم ثاني حفله اختي ورفض اروح ومن بعدها مايرد ع ..وطنشته وتضايقت عشان حفله
المهم بعد يومين جاي ياخذني بس ركبت بدا يراضي وانا مسويه عادي لين قال انتي حيوانه كان رحتي حفله ليش جلستي ...!!!
المهم قهرني قلت زعلت وماترد ولا احترام ولا شي عشان ايش
قال عشان وقت ما ارسلتي الا 9قلت كيف ارسلت المغرب قال يوووه قفلت جوالي ..
بس رجعت وكآنه ما سوا شي
وانا طنشته ولا كلمته ويحاول قال انت ما احترمتني والله اهتميت وكله عشان رساله يله رووح
عصب وسكت سكت وشوي عطاني كف و قمت وعصبت وقلت الا اكلم ابوي وسحب جوالي و قلت تجيبه والا افضحك ف عماره
وجابه وحاول يهديني ماقدرت
وبعدين كلمت امي و دقت وهزآته وزعل اكثر وما اهتميت خليته
بعدين راح نام ..وخايف اكلم ابوي
بعدين دقت امي قالت لا تقولين لابوك تدرين من اساس كان رافضه بيقول اختيارك انتي وامك ..

لي ثلاث ايام مطنشته وهو بعد ومعصب ما اهتميت
الحين محتاره ماعندي حد استشيره غير امي وهي الا اراضيه
 
وعليكم السلام .. شوفي اختي انتي توك ببداية زواجك ومن اولها يمد يده عليك كيف لو بعد كم سنه ,, انا اقول لازم يوقف عند حده وانتي ماسويتي خطأ ..بعض الرجال يخاف مايحترم ,, عن تجربه اذا مد يده بتحلى له الشغله ويصير كل شوي يمد يده على اتفه شي لازم يوقف عند حده والله يهديه ويصلحه طمنيننا عنك اول بااول
 
الله يصبرك عليه
خذي النصيحه مني وحده عاشت مع الشمالي وعانت ولاتزال تعاني
الشمالي شخصيه يصعب التعامل معها بسهوله وانتي في بداية الحاله يعني هو بيحاول يثبت نفسه ويسيطر عليك هذا اسلوبهم بيبرمجك ع طريقة تعامله واسلوبه
انتي كل اللي عليك لاتكثري النقاش والمعاتبه والمجادله استخدمي اسلوب التطنيش فعلا عن تجربه هي اللي نفعت في وضع حد للمشكلات فاصبحت اقل
خليك قويه في الكلام واذا عندك طلب قوليه بقوه وبدون تردد لان الشمالي لماح اذا حس انك متردده بيهجم عليك واذا رد الكلمه اكثر من مره اكديها بس اهم حاجه تكون سهلة التنفيذ
الشمالي حقود مابينسى بسهوله ذاكترته محتفظه في اشياء مر عليها سنوات لايمكن ان ينسى

الشمالي حساس ويحب يحافظ ع سمعته عند الناس قدر المستطاع حاولي المحافظه عليه لان الرجل كرامه ان ضاعت كرامته يصعب التعامل معاه
استخدمي الاسلوب المعاكس بيني له انو اهلك يمدحوه ويشكرو في اخلاقه تلاقيه مبسوط ويحافظ بقدر المستطاع ع هذه الميزه
الشمالي اذا لاقى قبول من الناس المحيطين فيه يكون التعامل معاه اسهل واذا وجد عدم القبول تزيد عدائيته وكرهه وخاصة اهلك
الشمالي مهما كانت علاقةاهل الزوجه فيه طيبه بيكون هو على النقيض فيه ناس بيعاملو زوج ابنتهم كملك وهو يعامل اهلها كما تعامل المراءه اهل زوجها بجفاء ممكن لطبيعتهم االجافه والصعوبه التي يجدونها في الحياه
حكمي على الشمالي انه لايحبب ان يعامله احدا برقي وتقدير ولين جانب فقد عاملته كملك عاملته تعامل لو عاملت به جماد لنطق ولكن مع الشمالي لاحياة لمن تنادي
اللي جاب نتيجه التطنيش التهميش اللامبالاه فيه المعامله كند كما تاخذ تعطي
احس هذه المعامله التي يستحقها الشمالي
مع انو بيقولي لو وحده ثانيه كان ماكملتي معاي ماشاء الله تبارك الله
الله يصبرنا ومالنا الا الصبر والاحتساب والدعاء
 
احبك موت ي يمه ...
هلا فيك .. تسلمين ...الله يصبرني ويهديه
بس انا من وقت سالفه تطنيش وطول وقت نايمه انا وبنتي واذا صحصحت اقوم ارتب واكل ..وهو برا طول وقت بس يمر يبدل والا يشرب مويه
وانا مطنشته لين يناديني ..وهالاسلوب يقهر ..ماحاول يراضيني ولا شي

الحياه وقفات
ي رب يصبرني ويفرج همي
تطنيش هاذي طبعي من اول وفيني برود ف مواقف يحاول يستفزني وانا ساكته
اعرف طبع شمالي ومن عرفت اسلوبه فهمتته شوي بس مشاكله جننتني و طبعه و قساوته وانانيته


بس وربي كرهته وتعبت منه واحس ضيعت سنه من عمري معها ما ابغي اضيع الباقي ع واحد مايستاهل
 
الله يسعدك احساس روايه احس حياتنا ان وانتي مشتركه كانك تتكلمين عن حياتي الله يصبرنا ويهديهم
 
انتبهي تسكتين على مدة يده
اهتمي بنفسك ودلعيها خليه يشوفك حبك لنفسك
هذا انسب شي مع الشمالي...
 
.عزيزتي بغض النظر عن تطفيشاته لك

القضيه الأهم الي لازم تعالجيها الضرب

مع احترامي لراي الوالده الا انه موسبب تتحملي الضري عشان لا يشمت الوالد باختيارها

بناء حياتك ع اساس من الاحترام من البدايه اهم !!!

خبري الوالد وخليه يتخذ موقف قوي مع زوجك

وبقية المشاكل تقدري تحليها معاه لوحدك

اتصال امك مو كافي لردعه

راح يتمادا اكثر

وافضل ما يردع الشماليين المال لانهم يتعبون بجمعه ويعتبرونه نجاح لهم
 
ماسكتت ع الموضوع لدرجه ماتوقع ردت فعلي بالعاده وقت ما يتكلم ع اسكت بعدين اذا هدا اتفاهم معه بس هالمره قمت ورفعت صوتي وقلت الا ضرب من اول زواجي قلت لك كذا ..
وترجاني عشان ما ادق وطنشت ودقيت ..وباقي ما شاف شي ..
ولدرجه هددني بزواج قلت روووح ماهمتني
الحين مسوي زعلان بس طنشته

الله يعين ..
 
شوفي والدك لاتخبرينه خليه ورقة تهديد يهاب الشمالي ماوراها من نتائج لكن لو خبرتيه بيكلمه وخلاص زي مايقولو عتبه وخطاها الشمالي وشاف ان ماوراها الا سلامات كلام وبس وبعدها الشمالي خلاص يصير عرف وش ردة فعل والدك لكن انتي صوري له ردة فعل والدك انه مستحيل يخليني عندك ويمكن يسوي شي كبير عشان كذا كلمت امي وماخبرت والدي قولي لاني للحين عندي امل يمكن يتحسن تعاملك معي
وقولي انا عديت هالمره عشان بعدين مااتندم واقول ليتني حاولت وليتني صبرت بدون ماتذكرين وش قصدك من الكلام بس كلام مبطن مايفهم وش نيتك بيجيه رعب بيحس انك ناويه على نيه بس تصبري نفسك موقتا وانك عازمه اذا ماتحسن الوضع بترحلي من حياته ولو قال وش تقصدين قولي ماقصد شي وكذا يهجد شويه ويحسب لتصرفاته حساب وهذا مجرب مع الشمالي لو كان باقي عليك يحسب الف حساب قبل مايكرر فعلته اوصلي له رسالتك بدون ماتناقشيه يعني بوسط الكلام عشان مايعتبره تهديد يعني مثلا بعد ماتتراضون قولي تدري اني ماخبرت والدي لاني للحين مبقيه عليك وعندي امل ينصلح حالنا ونترك المشاكل للحين باقي بقلبي لك معزه وعارفه لو خبرته انها بتكبر السالفه وعشان لا الوم نفسي بيوم من الايام واقول ليتني صبرت يمكن ينعدل وضعه وبنظرات قولي له لكن ان شاء الله ماناصل لكذا انتي المفروض ماخبرتي والدتك لان الشمالي اهم شي عنده سمعته لو خربت مايهمه احد يقول هي خاربه نعميها يعني خلي اهلك شي يهابه ويهاب ردة فعلهم وقولي اهلي دائما يقولو انك انسان طيب ومحترم ويمدحو فيك وابوي يقول ويقول لكن لاتبالغي كل مره قولي كلمه يعني وصلي له فكره ان اهلي ماخذين عنك فكره انك طيب وعازني ورازني وانك رجال بصحيح خليه يتقمص هالوضع ويصير يخاف ان اهلك تتغير نظرتهم فيه ويحسب الف حساب لكل رفعة يد عليك لكن لو قلتي اهلي يكرهونك او خليتي والدك يتلاسن معه بالكلام بيحقد ويصير يتجنبهم وبس لكن اهم شي اعطيه الحين درس اسفهيه حتى تحسين انه خلاص اخذتي حقك منه ولا كانه موجود انبسطي ولو كلمك قولي انا بنت رجال واعطوني رجال على شرع الله ليصوني ويحترمني اما تعاملني بشرع الله ولا لاتستاثم فيني وتظلمني وتظلم نفسك وانا مااقترفت جريمه تستحق تضربني ولا تجادلين كثير معه بالموضوع لو كرر الضرب افتحي عليه الاول والتالي والشمالي ماينفع معه الا ان تتجنبينه وتجنبين لاتطلع شياطينه عليك لان الشمالي بشكل عام كذا طينته حتى لو هي والدته ماتسلم من اطباعه الشينه كيف لو هي الزوجه الشمالي احس التعامل الرسمي فقط هو من يخليه شوي ينتبه على تصرفاته لاغير لو بتعيشي مع الشمالي حاولي تتغاضي عن الكثير من التصرفات وهو مع الوقت يتحسن وضعه وخاصه الضرب ترى كثير منهم في بدايت الزواج يضرب بكثره لكن مع الوقت وردات فعلك بينك وبينه ماحد يتدخل من الاهل لان لو تدخل الاهل خربت يعني لو ضربك ترزعينه مثله مثل الجدار ايام وتبيني له وتحاولي تعدليه ينصلح مع الوقت ويصير يتحاشى الضرب عشان يعرف ان وراه زعله كبيره ومشاكل وعوار راس لحد شوي شوي يصير مايضرب الا اذا استفزه شي مره كبير على الضرب وانتي اعرف بوضعك يعني شوفي سكوتك عن ضربه يزيده تمادي ولا ينردع فتره لو كان مايتمادى استمري باصلاحه لعل الله يصلحه واهم شي وانتي راضيه عنه خليك فرفوشه ومبسوطه عشان لو زعلتي يحس بالفرق وتطنيشك له يحرقه اكثر
 
مع كلام حجازية ،،،،،، الله يصلح حال بنات المسلمين يارب ويسخر لنا أزواجنا ....
 
حجازيه ...هلا فيك باقول له بطريقه غير مباشره ان لو وصل خبر لابوي كان ماخلاني عندك وماسكت وكبر سالفه وهو خايف يومها اكثر عشان ابوي كان قريب من بيتنا ..يعني ربع ساعه ويوصل ..عشان انا مو عند اهلي بنفس المنطقه ..بس وقت الزعل ما اتكلم مع زوجي بالمره بس اذا بغيت ضروري ياخذ اغراض للبيت ولي ولبنتي ..والله يسعد كل من قرت وردت ودعت ..يحقق اللي بالها
 
اليوم المغرب جاء زوجي يبي يراضيني
وقال ممايسوي علينا هالوقت كله مانكلم بعض
قلت انت اللي غلطت ومديت يدك و هاذي اللي زعلني
قال ليش قلت لامك ..قهرتني

وقلت احمد ربك ماعرف ابوي كان ماخلاني عندك وكلم ابوك وكبرت ...
قال عادي انتي الضحيه ..
قلت اللي يدافع ع كرامته مو ضحيه الا كرامتي
واخر شي توقعت منك تسوي كذا

وخليته
وجاني وقال طيب خلاص وش الحل ..
لنا اسبوعين مانكلم بعض عاجبك الوضع
قلت لا بس لازم تراضيني بسفره والا ذهب
قال طيب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل