مالت عليه عقدته النت

[القطار السريع]

يا بلقيسيات بقول لكم مشكلتي مع هالغربي اللي عندي
هو الحين مسافر
وعقدته اللي كاسرة ضلوعه اني متعلقة بالنت اكثر منه
بصراحة لان هو اسلوبه وايد مايق وما ينبلع
عشان جذي انا الاقي راحتي في تصفح مواقع النت حتى بوجوده
ومن شوي رسل لي مسج كاتب فيه
" هناك امور ستغير البيت نحو الافضل بعد عودتي ان شاء الله"
رديت عليه انا بمسج " الاستقرار اهمها يا قلبي"
بس بعدين صرت ارسلت له مسج " تصبح على خير" وما رد
وارسلت له اني احب كلامه الحلو في المسجات وبعد ما رد
تهقون زعل
والا شلون؟؟؟؟
هو اسلوبه قمة في الملاقة اذا زعل وعادي عنده يقطع بالايام ما يكلمنا وما يمسج
لدرجة ان آخر مرة وصلت بينا للتهديد بالطلاق
وبعدها صليت استخارة بخصوص الطلاق وعادت المياه لمجاريها
لدرجة انه بعد ما كلمني بكى وقال لي انا القاسية بحقه
انا مو عارفة الاستراتيجية اللي اتبعها معاه حتى تمشي امورنا بخير
مع ان صار لنا ست سنوات متزوجين
وبعدين ما ابي اقطع النت عشان خاطره
شسوي؟؟؟؟؟؟؟؟؟؟؟​

 

[اولادي كل حياتي]

[/Sـ قومي الحين واتوضي وصلي ركعتين وادعي
ـ واقراي سورة البقرة يومياً والزمي الاستغفار وان شاالله راح تنحل المشكلةIZE]

 

[التحدي صعب]

مممممممم

مشكلة غريبة طيب تقربي له

شوفي افهميه

وردك تبين الصراحة شوي قاسي ( يمكن لاني جنوبية غربية مثل ماطلع بالامتحان فانا حساسة جدا)

ولو زوجي كتب لي مثل رسالة زوجك لك باخذها بفرح وخوف بنفس الوقت وبارد عليه باسلوب حلو ( ذابحتها الرومانسية)

لان بصراحة وماتزعلين مني ياعسل

حسيت ردك كأنه تحدي وهالأسلوب يرفضه الرجل العربي بشكل عام والله العالم

مالي إلا أدعي لك بان الله يسخركم لبعض ويكفيكم الشر

 

[توتونجد]

شكلك طاحيه على النت24 ساعه

اذا ماصار موجود اشبكي النت وهو فيه لا تحاولي تقربي منه​

 

[ام اسارين]

اعانك الله
اعطي كل ذي حق حقه

 

[خلآص...!]

مهما كان اسلوبه اذا معك موجود عطيه حقه من المزح والسوالف والحلاوالقهوه ووسعي صدره
الرجال يمشي بالمسايس ​

 

[احساس صعب]

لو كان ماكان زوجك أختي له الحق عليك رعاك الله حتى لوكان جافي انتي تقدرين تلينين قلبه وتخلينه مثل العجينة في ايدك
وبعدين تنتقدين أسلوبه طيب أنتي بأنوثتك علميه الأسلوب الحلو بطريقة غير مباشرة عن طريق تعاملك معه واسلوبك معه ما ينفع إنك تبغين تاخذين ولاتعطين الحياة أخذ وعطى
وشوفي عندك انا بصراحة ما أدخل على النت إلا إذا كان زوجي ما هو محتاج شيء أو برا ما هو موجود وكمان ماأطول لأنه يفقد جلستك معه وقربك منه
وعلى الرسالة شكله ماخذ على خاطره منك حاولي تراضينه لا بعدين لا سمح الله يشوف له شوفة أنا ما أخوفك لكن انبهك والله يصلح أحوالك ​

 

[دموعي شي معتاده]

لــــو ان زوجك مايحبــــك ماكـــان قالك انه مايبغى النت والسبب انه يبغاك تكوني معه

النت له وقت وزوجك له وقت وحق عليك
وبعدين زوجك اللي براضه تدخلين الجنه مو النت

انا اذا نام زوجي او طلع شبك واحيانا اذا كانت مندمج
مع مسلسل او فلم مااحبه

 

[MissEngineer]

انا زيك احب النت
بس اذا دخل زوجي البيت طفيت الجهاز
مع انو ما يزعل اذا جلست عليه طالما فاضية ومو محتاجني في شي
مع كذة احس عيب اسيبه جالس لحاله

انتي سيبي النت وقت ما يكون بالبيت وريحي عمرك من المشاكل

وانتي سوي جو

افتحي مواضيع يحب يتكلم فيها
سوي شاي او قهوة واجلسو سوا
طلعي البوم صوركم واتفرجوا عليها
استرجعوا ذكرياتكم القديمة

الله يصلح حالكم

 

[القطار السريع]

تسلم لي كل الردود
اولادي كل حياتي
التحدي صعب
توتو نجد
ام اسارين
خلاص
احساس صعب
دموعي شي معتادة
MissEngineer
تسلم لي الردود اللي مثل الماي على النار
ومثل ما قالت اختي التحدي صعب هو غربي جنوبي ووايد وايد حساس وانا شمالية شرقية عملية بشكل يوقف العقل​

 

[كحولة]

ياختي متعلقة في النت اكثر منه وما تبينه يزعل كيف ؟؟؟؟؟ الله يهديج يا اختي زوجج له حق عليج وما غلط لما كتب فيه امور بتتغير نحو الافضل في البيت ، ليش لا دام في الاول والاخير اللي ييصير في صالحكم انتوا الاثنين ...
عن الاسلوب الدفش واااااايد رياييل عندهم هالمشكله والمصيبة يطلعونج غلطانه لي زعلتي من دفاشتهم لا بعد يرد هوه يزعل ...شو نسوي هذي تركيبتهم واللي نقدر عليه اننا نتحاشى الاشياء اللي ادخلنا في صدامات معاهم...
يعني اختي انصحج اذا تبينه يتغير اتغيري انتي بالاول ، اهتمي فيه ولا تبدين عليه شي ، الريال مقهور ومن حقة يحبج ويبغيج له ليش لا وشو المانع ؟؟؟؟؟؟
تحياتي

 

[ديحانيهـ]

ردك وايد قوي(وبعدين شنو قصده بيتغير ) .. وبعدين ليه تفتحين النت واهوا موجود؟. والله الغربي عسل كيف تقولي مايق(احممم لانو محسوبتك غربيه جنوبيه فمن طبعي اقطع واطنش وقت طويييل وتهمني اللحظه الحاليه كثير) .. النت سكريه واذا طلع من عندك فتحيه

 

[سما الصفاء]

يابختك اللي تحبي النت يمكن مالجئت له الا بسبة زوجي بس قاعد عليه ولا يحبني أطلع من

البيت كثير

بالعكس خلي كل شي أذا وصل وعطيه أهتمام

 

[القطار السريع]

كحولة
ديحانيه
سما الصفاء
يسلمو على الردود​