مافيه وقت!!

[full moon]

اليوم سألت زوجي شوه سالفته ماييلس معايه فلبيت وليش زعلان قالي إنتي يوم محتاجه متتكلمين إذا ناقصنج فلوس ولاثياب تروحين وتخبرين حد شوه ناقصنج ويقولون فلان مقصر... انا ماقلت حق حد اني احتاج فلوس او ثياب ولا إذا شي في خاطرج .... من وين يقول جيه مش عارفه كيف اتكلم تميت اصيح ماعرف شوه اقول منوه يقوله امه اوابوه ولا إخته ماعرف من وين إييب هذي السالفه وودي اكلمه واقوله انه السالفه مب فلوس وثياب السالفه يللي في بالي انه مافيه وقت ايلس معااااااه اريد اكلمه عن اشيء وايد في بالي اريد اقوله اني مفتقده حنان زوج اريد حد يحبني اريد اسمع كلام حلو اريد احس اني متزوجه اريده يشاركني افراحي بس مش احزاني بس هوه خلاني حزينه من فتره ماقدر اظحك في ويهه عقب موت افج ثميه عشان ابتسم يستوي ويهي مش حلو يوم اجامل من يللي يسويه فيه ..يوم يريد شي مايقولي كلام حلو او يتغزل في الطبيعه الحيوانات يللي نحنا نتحسبها ماتفهم طلعت احسن عنا إيي الطير ويبدا يغازل الإنثا ويغريها عشان يبدون بس نحنا انا وريلي وانا من سدحه وفيه رقاد يبدا شوه انا حصاه ؟؟ حتى في الجماع مايتكلم ... مره حلمت جني طاربي في السما ماقدرت اشوف ويهه كان يقولي كلام غزل ويتفداني ويقول كلام وااااايد حلو حسيت اني احبه بعد فتره احس كل مافكر بلحلم قلبي يعورني مثل العشق تميت افكر فيه طوووووووول الوقت اظني حلمته لأني احب اسمع الكلام الحلو بس زوجي ابداً مافيه وقت حق يقولي كلام عند الشغل اقوله حبني يقولي لالالا انا مستعيل حسيت انه ماي بارد انصب عليه ليش انا عايشه بدون زوج... انا مايهمني الفلوس بس اريد إهتمامه وخوفه عليه اريد يكون له وجود فل بيت دوووووم عند ربعه مايفجهم انا تامه اشوف الحريم كل وحده ويا زوجها وانا بروحي مع الابتوب اخف اعينهم ساعدوووووني الله يرضا عليكم..

 

[هدهد]

اختي ....اخرجي من المشكله شويه عشان تشوفي الصوره بحجمها الطبيعي ... انت لاصقه في الصوره ما تقدري تشوفيها ...
زوجك لا يضرب ولا يخون ولا يبخل عليك ...ولا هاجرك في الفراش ... يعني ما عندك اي مشاكل ...
بالنسبه لصمت الرجال في الفراش .... شائع عند الكثير من الرجال وخلي عنك افلام هوليوود والفضائيات ..
بالنسبه للاكلام الحلو ... انت ايش تقولي له من كلام حلو ...الحرمه لما تحب تقطر كلام حلو ...والرجل لما يحب .. يهتم ويصرف في بيته ولا يخلي عليهم قصور ... هذي هي الطريقه اللي يتبعها كل رجال الارض عشان يقول احبك ... تري هذا صنف الرجال ...واللي تقول لك ان زوجها ينظم فيها المعلقات ...كذابه ...
وطول ما نتي تطاردينه وضايق صدرك كل ما راح لربع يونسوا صدره !!
زوجك ما فيه شي ... هذا بس الشيطان يلعب عليك عشان ما يبغاك تتهني ويهول الامور عليك ... احمدي الله وشوفي الجزء المليان من الكاس....​

 

[روعة روح]

انا حاسه فيك انتي متضايقه

بس ياقلبي هونيها وتهون صح انتي تبين تسمعين كلام حلو بس تراى هذي مومشكلتك بس اغلب الحريم انتي ادخلي المنتديات واحكمي

بس فيه حريم يبينون حياتهم سعيده حتى لو هي مو كذا

انا عندي اقتراح
اذا فيوم كان مروق بالليل احضنيه او نامي على كتفه خليه يحس فيك واذا لقيتي تجاوب <<<<<<<< طبعا قبل ما ينام

تكلمي بدلع انك ماقصرت معي بس انا محتاجه حنانك يعني بعدين حددي اللي تبين باختصار وقولي خلني بحضنك
بعدين عطيه بوسه وقولي ارتحت ياحبيبي يوم تكلمت لك

انا هذي مجربتها مع زوجي وصدقيني بيقوم الصبح واهو حاس فيك
وحتى لو مانفع من اول مره حاولي بس احذري انقاش خليه كلام حب وشوق

ويارب يسعدك

 

[ام سلامي]

هلا خيتووووووووو ..

اولا : اذا انتي ماخذتنه عن طريق الاهل لازم بيكون صعب لين يتعود علييج ..لو تشخلينه ما بيقولج كلمه حلوه ..

ثانيا : يوم بيكون عندج عيال بعد هب اول ياهل هم اللي بيعلقون ابووهم فييج ..

ثالثا: خليج دوووووم متعدله وكاشخه بالذات وقت رقادج هب اتحطين فل ميك اب لا شيء خفيييييييييف وبعدين حاولي تتمشين عداله وانتي لابسه روب نوم قصير واونج اتيبين شي من الارض وخلي الحلوه اللي عندج اتبين وبقولج شيء حاولي ما اتنبشي شي من وراه من تلفونه لا اتنبشين لا ادورين لو شاكه وحتى لو حصلتي لا اتصارحينه لانه بيعرف انج دريتي انه يغازل وبيروح وبيخليج يغازلهن وبيسير بيغازل بيقول برايها درت وبيسير بيكمل وياهن حتى التراب ما يملي عينه وحاااااااولي حاااااااااااولي اتكونين شاطره في مرقدج هب رقاد العيايز انتي صارحيه انه هو هب مقصر فالصرف بس مقصر فعواطفه بس بعديين هب الحين اتصارحينه .. حاولي اتريحينه قد ما تقدرين قبل لا يظهر من البيت يعني مفرغه طاقته ... وانتي لا اتمين فويهه اتستقبليه عادي واضحكي وسولفي حسسيه انه مهم واني اكيد هب مقصره وياه ..
واتعلمي بالذات اتكونين شاطره في المرقد لانه محد بينفعج يوم هو يالس يلعب لانه اللي برع يعرفن كل شي ..
واذا في اي شيء راسليني بالخاص وفالج طيب ..

 

[full moon]

هوه كان خاين ويهجرني وكان من زمان يحاسبني وين اصرف فلوسي وانا ماجد في حياااااتي قصرت بكلمه حلوه لو انا زعلانه اتغزل يه بس اظني لاقي وحده غيري للأسف الشديد اني احبه وانا احس انه يخوني ..... مائثق فيه ماقدر كل ماشوفه اذكر خياناته واذكر انه جذاااااب اكبر جذاب في العالم لاعت جبدي من كثر جذبه البارحه صحت اقوله ليش ماتحبني اقصد البوس قام وحباني بس قلتله يوم بتحب خلها من قلبك رديت وصحت لأني كملت بلشهور ومايحبني حتى ماتعب نفسه معايه رقد عني واليوم يوم صحت طقعلي وطللع وبعد فتره طرشلي مسجات يقول انه آسف وانه مايحب يشوفني اصيح وانه بيرجع البيت من وقت بس مارجع إلين فليل جذب كعادته اكره الجذب انا ماجد جذبت عليه ...

 

[ام سلامي]

ادري بشعورج حبيبتي لاني انا كنت شراتج بس انا حاولت اغير من نفسي فلوسج وسوالف الهدايا لا تاخذيله شي
حتى لو قلم يودي فلووسج حق عمرج لو 100 وشيء رخيص ما تاخذيله غيري اللوك مالج لا اتمين اتصيحين لا اتبينين زعلج لانه الرياييل عمرهم ما حسوا بالحرمه بس طلعيييه من البيت وهو مفرغ طاقته بس مثل ما قلتلج كوني شاطره فالمرقد حتى لو يروح برع ويغازل ومواعد جان فيه خير يروم عالثانيه لانه انتي مفرغه طاقته ..

 

[full moon]

انامش مقصره في الدلع ولا في الحركات وهوه اصلاً مييني يعني ماجامعني بس يسوي هذيج الشغله عشان يخلص بسرعه واخر مره كنا بنبدا بس خلاه بس من برع يعني ماسوينا شي بس هوه وانا ماقصرت في الكشخه وانا احين حامل مايراعي مشاعريه مثل اول هامينه بس ربعه ال....
يارب يموتون كلهم بصراحه استويت اكره الرياييل كلهم ماثق في حد..

 

[ام سلامي]

هاي المقوله اللي دوم اقولها ههههههههههههههههه







صدق اكره الرياييل كلهم ..

لازم اتسيرين عند أ. ناعمه خذي موعد عندهم بس لا اتخبرني ريلج اذا ها اول ياهل ما عليج اتحملي واصبري ..

قوليله الحين بتعلث فبطنج العوود سوي اللي تبينه بينييله انج تبين صح هو يبين احراج لج بس خلي ويهج لووح سوي موديلات حمل دلع سوي اللي تبينه البيبي انشاء الله بخير فبطنج ..

 

[full moon]

عندي ثنينه وفيه مره رحت عند الدكتوره ناعمه بس احين هيه في إجازه وان على احر من الجمر بس اسمع النصايح يللي تكون في الموقع بس ماسويهن لأنهن مش موجهات حقي اتمنى انها ترجع بسلامه ...

 

[هدهد]

عزيزتي .. انصحك تروحي عند الاستاذه ناعمه ... لان كل هذي البلا وي ما ذكرتيها من اول شي .. كل شويه تضيفي جزء ...هو خاينك وانت تتشكين من انه ما يقول كلام حلو ؟؟؟؟
اذا تبغي رأي الاخوات قولي كل اوجه المشكله لان اللي يقرأ اول الموضوع ما يحب ان فيك الا العافيه...

 

[full moon]

موجوده قصتيه كتبتها بعنوان (قصتي)

 

[زهرة البوادي2006]

عليك بالاخت موزة او الدكتورة لان يحتاج لك نصيحة خبيرة والله يوفقك

 

[أحلى عيون]

الحين الدكتوره موزه مسويه اشتراك .. اشتركي وتواصلي وياها ..

الله يعينج غناتي ..

ما يعيبهم شي هالرياييل !!!

بس اقولج شكلج معطتنه ويه .. وشاله همه ،،،، انتبهي انتي حق عمرج ،، لا تصيحين جدامه ،،
ليش فوق همج تشلين هم ما يراضيني وما سوالي سالفه ..

عيشي حياتج انتي ،، طلعي ويا خواتج ولا ربيعاتج ،، طلعي من الجو شوي ،، وتفرغي حق عمرج
كثري من روحات الصالون .. ترى يحبون الحرمه اللي وايد رايحه راده للصالون يعني تهتم بعمرها ..

انتي حامل ... وحرام اللي تسوينه بعمرج الياهل يتأثر في نفسيتج وايد .. ،،
لا تتريين من شخص شي ما يملكه ،، لو كان هو ما يعرف يقول كلام حلو انتي اطلبي منه ،،

قولي احبج .. قولي حياتي وبعدين اعطيك .. لا تزعلين لو قالج اياها بدون ما يحس فيها ..
مع التعود بتصير عاده عنده وبقولج .. ومع الايام بحس فيها ..
انتي عوديه عالرمسه ..... طرشيله بالمسج .... بقولج شي بس اول اطرشلي بوسه .. ومن هالاشيا ..

الصراحه نحن مو مال نعور راسنا ويا الرياييل ،، لانا كائنات حلوه ورقيقه ودلوعه ،،
وهم يبالهم قلب قوي عشان تتحملينهم ،، عشان جي ... خلي حياتج طاف !!
اي شي ما يعيبج عقيه بحر ،، وقوليله ،، انا هالشي ما عيبني .. وبس لا تسوينها قصه ،، بس لازم يعرف ان هالشي ما يعيبج ... وقوليله اللي يعيبج لا تعلقينه وتقوليله انا هالشي ماحبه وخلاص تسكتين ..

كل ما تكلمينه خلي عمرج كأنج اول مره تتكلمين وياه .. كأنج في فتره ملجه .. انبهري فالاشيا اللي يقولها .. لا تقولين ماشي وقت .. عزميه على مطعم .. وسولفي اللي فخاطرج ،، لو قال اي شي يزعل ،، طاف اعتبريه واحد انتي اول مره تتعرفين عليه وتبين تتركين اثر طيب بعد الكلام ..... كأنه صديق ولا زميل ... آخر شي ... قوليله اوه نسيت ترى العزيمه على حسابك .... .. لا تدفعين شي انتي ..

الله يهدي النفوس ... ماعليج مني انا ارمس جي .. انا لو منج كنت زعلت منه من زمان وتركت البيت وطلبت الطلاق خخخخ لاني ما تحمل