ماعندي خوات بس انتو خواتي

[عاشقة مجودي]

السلام عليكم ورحمة الله وبركاته
كيفكم يابنات بلقيس فديتكن انا
يابنات انا زواجي بعد شهرين ادعولي بالتوفيق
الله يوفق الجميع ويسخر لكن ازواجكن ويرزق كل بنت ماتزوجت بزووووووج الصالح
المهم مو هذا موضوعي :39:
موضوعي انا اول بنوته لماما يعني ماعندي اخوات اكبر مني
بس تمنيت بهالحظه ان يكون لي اخوات يساعدوني بجهازي ويعلموني
بس هذا قضا الله ممكن تكونو خواتي وتساعدوني لو بشيا بسيطه
اقولكم مثلا بشريط الزفه والاشيا اللي تخص العروسه افضل العطور
واذا فيه شي ثاني علموني الله يسعدكم خص نص شريط الزفه:32:
لان معي عروسه ثانيه وهي بنت عمو بس علاقتنا ببعض سطحيه
وابغي افكار للزفه ادري طولت عليكن بس بلييييز ساعدوني:20:
واله يوفق ويسعد كل وحده سااااااااعدتني مع العلم ماعندي صديقات يعزون علي
علاقات سطحيه:8:



يارب انك تفرج همي وتيسر امري وتوفقني :39:

 

[فديت نفسي]

الله يوفقك يارب .. افكار للزفه للأسف مااعندي ان شاء الله البنات يفيدونك ..

 

[A.7bk]

http://www.niswh.com/vb/forumdisplay.php?f=71

ياعسل كلنا معك

تعالي لهالقسم وان شاااءالله تلقين كل شي

موووفقه

 

[راجية الغفران]

الله يوفقك بزواجك

 

[فاصله]

الله يوفقك ويسخر لك زوجك وفي قسم هنا للعرايس الحلوين زيك ممكن

يفيدونك عن الزفة<<< ونصيحة علشان ربي يبارك لك في زواجك خلي زفتك

بدون موسيقى

 

[دلع بدوية]

هلا عروووستنا عاشقة مجووودي
اولا الله يوفقك ويسهل امرك ويجعلك قرة عين لة ويجعلة قرة عين لج قووولي اممميييييييييييييييييييييييييين

ثانيا لا تنسين الدعاء ترا اهم شي دايم ادعي ان الله يوفقج ويسخر زوجج لج لاتلهين بالسوووق والتجهيز وتنسين الدعاء ترا اهم شي الدعااااااااااااااااااااااااااااااء

وبالتووفيق

اكيييد لي ردة بجمعلج كذا شغلة ورادتلج

انطريني لي ردة

 

[غلاي عادل]

مبروك مقدما حبيبتي وسجليني من اعز خواتك

بالنسبه للزفه ماعندي فكره بصراحه اما الملابس والعطور واللانجري انا حاضره

وحتى الأمور الخاصه في ذيك الليله وأي سؤال عندك من عيوني راسليني ع الخاص واعتبريني اختك

والله يوفقك يارب............اختك غلاي عادل

 

[صفاء القلووب]

الله يوفقك ان شالله ويجعله زوج الدنيا والاخره
ما احضر زوجات وما اعرف شي بس صديقتي سوت شعر بالزفه وكانت كاتبه الشعر نفسه الي يقولونه بالزفه بورق على الكمبيوتر ومربوط بشكل حلو وكانو الصغار يوزعونها بدخلت العروس
وسوت بعد اهداء لامها وامه وكانت حركه حلوه بكت منها جميع الحاضرات مسويه مفاجئه لامه ومشتريه لها هديه واول ماوصلت الكوشه الدقاقه قالت اهداء من االعروسه لامها وغنت اغنيه عن الام ونزلت العروس سلمت على امها واعطتها الهديه وبعدين سلمت على امه واعطتها هديه
وكانت مسويه اغنيه خاصه اهداء منها لزوجها ورقصو عليها سلو مع بعض والانوار مطفيه
مثل ما قلتلك انا ما احضر وما اعرف شي بس هذا الزواج الي حضرته طبعا الاغاني بدون مو سيقه
واذا زوجك ما يدخل سوي معه زفه وخلي المصوره تعرضها على البرجكتر عند الحريم وادخلي انت وهو البفيه واكلي وياكلك وتكون المصوره ناقلته عند الحريم والله يوفقك
ولا تنسي اول ماتروحي مع زوجك صلي ركعتين وخليه هو بعد يصلي ركعتين وادعي ان الله يوفقك وابدئي حياتك بالركعتين هذه

 

[الأمل المستحيل]

الف مبروك والله يوفقك

 

[εïз●©ℓăѕᵴ!ϛ ●εï]

ماعندي صديقات يعزون علي
علاقات سطحيه:8:

معقوله ما عندك صديقات يعزون عليك لا انا ما اصدق
عموما الله يوفقك ويسخلك زوجك

 

[εïз●©ℓăѕᵴ!ϛ ●εï]

فكرتي ان في دخلة العروس توضع الاغنية مالت الزفة وبعدين يدخل

طفلة(6 سنين) لابسة نفس فستان العروس ومعاها طفل لابس نفس

العريس طبعا المعازيم يفتكرو ان العروس هي اللي راح تدخل لكن

المفاجئة ان الاطفال هم اللي راح يدخلون وبعدين توقف الموسيقى

وتطفئ كل الانوار ويسلط الضوء على العروس فقط وهي داخلة وتوضع

قصيدة شعر تمدحها وبعدين تبدأ اغنية دخلة العروس وانا افضل اغنية

راشد الماجد (((بدر))) وايد حلوة وقبل العروس يكون فيه بنتين صغار في

السن ماسكين سلات كبيرة فيها ورد ينثر على الارض وتمشي عليه

 

[وسن روحي]

الله يوفقك يالغلا
وانشالله السعاده تملا حياتك وتكوني نور عيونه
وصدقيني غيره مو مهم

 

[.PRADA.]

حياك الله يالغلا والله يوفقك ويسخر لك ويبارك في حياتك امين

 

[عاشقة مجودي]

شكرا يابنات ع الردود
وجزاكم الله خير

 

[طيبتي ضعفي]

البنات في النت كلهم خواتك واي استفسار انا جاهزة اختي واذا تبين اروح معاك للسوق واجهزك انا حاضرة

 

[تفاءل]

اذا كنت من اهل الرياض ابشري بعزك

 

[~ عبير الشوق ~]

حياتي حنا هنا خوات لك ..

افكار الجهاز بساعدك فيه باي سؤال حاظر ..

من ملابس عطور مكياج وغيره ..

اما الزفه اللحين ما عندي افكار لها ..

اول ما افكر بزفتي بقولك يمكن تعجبك ..

الله يوفقك وسهل امورك يآآآرب ..

 

[عاشقة مجودي]

جزاكم الله خير
وانا لي الشرف
بس الى الان محد اعطاني فكره
تيب ماعندكم وش احلى شي زفه السنه هاذي

 

[&بنت بلقيس&]

اختي
عندك محل اسراراوركيد عنده كوش حلللوه
الدائري الغربي مخرج 27