انا كنت راجعه من الدوام علا الساعه ثنتين ونص والساعة ثلاث عندي جامعه ... المهم انا رديت البيت وزوجي كان توه قايم من النوم... وقالي انه يبا يرقد معاي انا قلت له مافي وقت حقي عندي جامعه... وبعدين قنعني انه بس شويه مابنتأخر في الممارسه... المهم حد دق الباب وقمت انا وقلت خلاص ماعندي وقت يدوب اتسبح... قالي سوي الي تريدينه وشوفي منو بيرد عليج....
المهم سرت الجامعه وخلصت وعقب سرت بيت اهلي انا قايلتله قبل واتصلت فيه بس مارد عليه... وعقب طرش لي مسج مكتوب فيه (( حركات)) هذا كان الساعة 10 ونص فليل وبعدها اتصلت فيه ورد علي وسولفنا شويه وبعدين قلتله بصلي وبرجع اتصل وقالي خلي يدتج ترد عليج وسكر بويهي... المهم انا مارجعت اتصل طرشلي مسج مكتوب فيه (انا برقد) رديت وطرشتله (تصبح علا خير) ورد يطرش (طز فيج وفي الي يترياج) ورديت اطرشله (انا شبعت سب منك.. ويدتي متوفيه حرام تقول عنها جيه) رد يطرش (انا ماقلت شي) ورديت عليه (ماعليه ارقد) ورد يطرش (مب راقد) وعقب رد يطرش (ملل) وانا مارديت عليه...ومن هذاك اليوم مارد يتصل ولا انا اتصلت ... انا مشتاقتله ومتولهه عليه وماعرف شو اسوي....
انا عمري 22 سنه ومن ثلاث سنين معرسه
