ماطرحت مشكلتي الا من ثقتي في طريقة تفكيركم

ط

طيبة القلب

New member
إنضم
2007/08/23
المشاركات
36
اطرح مشكلتي بين ايديكم وذلك لثقتي الكبيره في طريقة تفكير اعضاء هذا المنتدى الرائع
كيف لا وانتم تتلمذتم على يد الاستاذه ناعمه الهاشمي والتي كان ترشدنا لطرق غير تقليديه لحل مشاكلنا مع ازواجنا ..بطرق غير الطرق والحلول الساذجه اللي تربينا عليها من ان المرأه لازم تضحي وتسمع كلام زوجها وتتحمل منه كل شي يصير والى اخره من الاساليب التي زادت من بعد الرجل عن زوجته وكانت لها تأثير سلبي على الحياه الزوجيه...
لن اطيل اكثر وساحكي لكم مشكلتي
في البدايه احب ان اصف لكم زوجي فهو شخص طيب وخلوق وحنون وكريم ولنا ذكريات جميله ومواقف رائعه ودائما كان يصرح لي بحبه ولكن في الفتره الاخيره بدأ زوجي يزعل بدون سبب وعلى امور سخيفه ويحاول ان يختلق المشاكل من لا شي و يكلمني باسلوب مو حلو
وكل ما اتكلم معاه واسأله اذا في شي مضايقه مني او من شي برا البيت
يأكدلي انه مافي شي ..ويصر انه مهو زعلان الا من هالشي السخيف او يتهمني انو انا اللي زعلانه وانا اللي اختلق المشاكل ..ويجلس على هالحال يومين او ثلاث وبعد كذا يرجع طبيعي وعادي
وصارت هالحاله تتكرر كثير معه وانا تعبت كل مررره اراضيه وانا مالي ذنب او البسه لبس مغري علشان يرجع يحن ويرضى وهو كل مررره يختلق المشاكل ويزعل ويجافيني بدون سبب وانا اللي احاول ارجعه
وصارت هالحاله تجيه في الاسبوع مرتين
واخر مره صراحه قلت ماني ساكتتله وبوقفه عند حده لاني طفشت دايم يجافيني بدون ذنب
فسويت نفسي زعلانه وصرت اكلمه باسلوب جاف ولنا الان اربعه ايام مانكلم بعض ​

فارجوكم شوروا علي ايش تفسير اللي يسويه وايش الحل معاه علشان مايكرر هالحركات
ولاتقولولي تكلمي معاه في وقت رايق لاني سويتها كثير ومافي فايده
والله تعبت من جفاه شوفولي حل​
 
التعديل الأخير:
الله يساعدك يارب انا قريت موضوعك ما حبيت اطلع بدون رد او كلمه حلوه انا ما اعرف اساعدك وماراح اشوش عليك الله يفرج لك ولكل الاخوات كل كربه ياااارب ياااكريم
 
اولا : الله ايكون بعونك وعون كل الزوجات

ثانيا ً: لدينا القران الكريم فهو شفاء لكل داء وكل مشكلة
الجئ الى الله سبحانة وتعالى

اقرئي سورة البقرة ففيها سحر فعال للقلوب سبحانة الله

بعد قرائتك سوف تشعرين براحة عميقة سوف ترين كيف الامور تسير في بيتك سوف ترين كيف تتبدل نفسية زوجك اتجاهك

ثالثاً : قومي وتوضئي وصلي ركعتين لله حتى تهدئ نفسك

وبعدها حاولي قراءة السورة باكملها وسترين مفعول السورة

السريع

من تمسك بالله ما خاب صدقيني

دعواتك لي
 
فعلا يابنات ماتتخيلون مفعول قراءة القرآن عامه وسورة البقره خاصه اقسم بالله إنه لمفعول عجيب فسبحان القائل (شفاء لما في الصدور ) غير كذا الآذكار والأدعيه والرقيه الشرعيه وتجدينها في كتيبات أضف
 
أضف إلى ذلك اسلوب التطنيش البرئ يعني إذا سأل وش السالفه ماتجلسين معي ماتكلميني تحججي بأي شي والبسي واكشخي ورشي العطر الجذاب غيري بالأثاث غيري الروتين سوي شي جديد ومثير أي شي ودعواتي القلبيه الصادقه بحياة سعيده لنا أجمعين ياااااااااااااارب
 
اشكركم ياخواتي الغاليات على قلبي
واشكرلكم ردودكم ودعواتكم الطيبة
ونعم الاخوات ونعم النصيحه
فعلا القران الكريم فيه شفاء لما في الصدور
 
يمكن يا اختي نفسيته تعبانه من العمل من شي تاني سيبية على راحته
 
قرأت في كتاب الرجال من المريخ والنساء من الزهرة ان الرجل لابد وان يختلي بنفسه لفترة حتى يعود متجدد العواطف ... وشبهه الكاتب بالمطاط الذي كلما زاد في التمدد كلما كان احوج للعوده الى الوراء .. وان هذا شيء طبيعي وفطري ويجب على المرأة ان تتقبل هذا الاختلاف بين الرجل والمرأة وان كل رجل بحاجه الى العودة لكهفه وعلى المرأة ان لا تزعجه وتشعر بالخوف من هذا السلوك لانه بعد ذلك سيعود بحب وعاطفه اكبر متجددة .
وهو لانه يحبك ويشعر انه ما لازم يضايقك يضغط على نفسه .
انتي اذا حسيتي انه محتاج يجلس مع نفسه لا تحسسيه بالذنب بل اشغلي نفسك بهواياتك واهتماماتك المحببه لنفسك ولا تلازميه كظله وانظري كيف يعود لك وكله عاطفه وشوق .
اعتقد الكتاب موجو على النت سوي بحث وان شاء الله تستفيدين منه .

الله يديم عليكم المحبة .
 
اختي
احسن دواء لهذا النهوع من الازواج ...واسأليني ..خبرة والله فيه .23 سنه

هي







التـــــــــــــــــــــــــــــــــطنيش ..

اذا شفتيه زعلان ...طنشية

خليك عااااااااااااااااااادي ولا كأن استوى شي

مرة مرتين وراح يتعلم ..

بعدين اذا قال لك ليش انت كذا ... قولي له وليش اضيع اغلب حياتي زعلانه

الدنيا ما تسوى اني اضيع دقيقة زعل فيها

وبس

وربي ييسر لك امرك

 
احتمال ان زوجك له مشاكل فى الشغل او غير الشغل وهدا هو سبب العصبية او مريض يشئ ما وهدا سبب العصبية لاحضى هل هو يتعصب معك انت فقط ام مع الاولاد والاهل ...لاحضى تصرفاته جيدا
 
جزاه الله الجنه كل من ردت على موضوعي وحاول تحل مشكلتي
ماتتصورون ياخواتي شكثر فرحت بردودكم واهتمامك بمشكلتي


وبالنسبه لزوجي انا سألته اكثر من مره اذا فيه شي مضايقه من العمل او من اي شي ثاني وكان دايم يقولي انه مافيه شي ويصر انه مافيه شي ..

اختي نبت الخزامى .. انا قرأت الكتاب وفعلا طبقت هالشي وصرت اتركه على راحته
واستخدمت ياخوات اسلوب التطنيش بس المشكله انه يغلط علي ويكلمني باسلوب مو حلو ويصارخ علي بدون سبب او لاسباب تافهه في الحاله هذي كيف اتعامل معه.؟؟؟؟؟.........هل اطنش واذا رجع يكلمني ارجع عادي مبسوطه ولا كأنه صار شي؟؟ مو معقول !! كل مره بيغلط وانا ارجع عادي ..بكذا مارح يحسب حساب ويصير يزعلني باي وقت واصير عرضه لتقلباته المزاجيه ويصير دايم يجافيني بدون ذنب ؟؟؟ وانا ماارضى بهالشي انا لازم اوقفه عند حده بس ماني عارفه كيف

ارجوكم ساعدوني
 
المشكله إلي دااايم أشووفها عند كثير من البنااات لما يزعل تراااضيه أنا الشي الوحيد الصح إلي سويته من زواجي أبدااا ماأراضيه لو أنا غلطااانه هو يراضيني ويحل الموضووع مايمر يووم إلا مراضني من البدااايه تعود على هالشي المهم إلي صار صار ألحين أتبعي أسلوووب أنج تكلمينه فأمور البيت وأنتي مستمرة فزعلج وعشان يصير أحتكاك بسيط ووفري له كل شي مثل ماتعودتي معاه حتى يحس بتأنيب الضمير شوووي وإذا زووجج يحب الدلع ادلعي بطريقه غير مباااشره جدام المرااايه وهو موجود وماأعتقد ريااال مايحب الدلع الرياييل تيهم فتره يبووون يكونون لوحدهم يعيدوون حساباتهم لا تضايجين من أي شي يبدر منه داام تقولين طيوب وحنون وكريم أحمدي ربج أكيد عنده ضغوط مايحب حد يطلع عليها لووو أقرب الناس تركيه لوحده بس لا تسيئين الظن فيه انه ممكن عنده علاقه عشااان ماأتعبين نفسج ثقي فنفسج وفيه ولاتخلين الشيطان يوسوس لج صدقيني بيرووق وبيرجع لج تركيه يومين بس وبعدهااا تقربي بطريقه غير مباشره كأنج تلبسين لبس مغري وسوي عمرج نايمه قبل لايدخل البيت ولما ينام تحركي ورووحي لحضنه وكأنج مش حاسه ونايمه شوو في شوو رايح يصير؟؟؟والصبح ولاجنج تدرين شووو صار بأمس ومن هاااي الحركاات لين يتعود أنه هو يبدا يراضيج لاتعودون الرياييل يزعلووون وتراضونهم رااح تتعبوون والله والله الموفق
 
تسلمين ياعنوده على ردك
وانا مااأرجع اراضيه كثير بس استخدم اسلوب الاغراء علشان يرجع..

بس الان مارح استخدم اي اسلوب خليه بكيفه واكيد بيرجع من نفسه
بس مشكلتي انو الى متى يقعد على هالحال ..يزعل بدون سبب ومتى مابغى يرجع يلقاني مرحبه .. الى متى؟؟
لازم يدفع ثمن الايام اللي جافاني فيها وخلاني انام وحيده وحزينه بدون ذنب
 
الريااااااال أبد مابيحس أنه غلط ياحبيبتي والله تصير أمور فضيعه بيني وبينه ويغلط بألفاظ وسخه والله على عدوج مابترمينها ومايحس انه سوااا شي كل الرياييل جيه اكسبيه ماشالله ريلج أحسن عن غيره أذكرني أيجابياته أدري انج ضايجه منه لكن الموضوع يحتاج تفكير فكري قبل لاتسوين شي.. لاتضيعين عمرج على الزعل والمشاكل حليها ولاتكبرينها عشانج والله سوووي إلي قلتلج إياااه وانسي الموضوع أنسي أحساس الريال بالمرأة لاتفكرين يحسوون بنا ولايفكروون نحن بس شالين همهم وهم يظهرون من البيت رامين كل شي وراهم والضحك من الخاطر ونحن نصيح وانتعب عمارنا ليش والله محد يستاهل انج تحبينه إلا نفسج حطيها فبالج..خذي وااايد واعطي شووي بس
 
التعديل الأخير:
لا ياطيبة القلب كفايه طيب لحد كذا كلش ولا إنه يتعود يسمعني كلام جارح وإذا جاء يراضيني أرحب !!!!!!! لا لالالا والف لا إزعلي زعل طويل لحد مايجي من نفسه ويحس بغلطته ويراضيك وهو رجال !!! أجل ياحبيبي كل ماطلع على بالك تأذيني بكم كلمه جارحه وتبيني أسكت وأبلعها لا وحياتك ماحزرت !!!!
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل