مازلت اطلب نصيحتكم ومشورتكم فلا تبخلون علي ...

[سرااااااااااب]

اللي تابعوا قصة اختي امس ... اليكم التطورات مع رجائي بان تجدوا لها حل لانها تقطع القلب ... حسبي الله ونعم الوكيل ...


و هنا
http://www.niswh.com/vb/showthread.php?t=286487

وهذا رابط مشكلتها كتبتها امس .... بعد مناقشة معاها ومشادات كلامية اقتنعت انها ماتراسله .. لكن جدت جدايد ..

اليوم زوجها طلع من الصبح ولا رجع الا 2 الظهر طبعا اخذ معاه ملابس السباحة وبعض الكتب يقراها .. وهي عارفة وين راح ...
المهم لما رجع حطت الغدا بدون ما يطلب كان وقت غداهم .. ولا جلس على الغدا مع انه ميت جوع .. وراح اكل كيكة من المطبخ ..
وما كلمته .. والعصر قال للاولاد البسوا باطلعكم الملاهي .. ولبستهم اختي وهي فيها عادة تعطي كل واحد شنطة صغيرة فيها عصير وبسكويت ووجبة خفيفة للطلعة .. تحب اكلهم يكون من البيت ونظيف .. المهم الولد رفض ياخذ له اكل من البيت ولا حتى عصير .. حاولت فيه اختي مارضا .. وقبل ما يطلعون سمعت اختي صياح الولد وابوه وراحت بسرعة تشوف وش السالفة .. لقت زوجها يقول لولده ليه ما تاخذ وجبتك والولد يقول ما ابي قال مافي تشتري من هناك قال الولد الا باشتري ... قالت اختي .. خلاص خليه براحته اليوم انا حاولت فيه مو راضي .. قال لها زوجها .. انتي انطمي وكلي .. و ... و... (وماشاء الله كلام ناس متربية) .. طبعا اختي عصبت وما قصرت ردت ويا ليتها ماردت عليه لكنه عصبها باسلوبه .. وقالت له كل واحد وتربيته ويتكلم من مستواه ... قال لها .. طيب .. ابشري بطلاقك ..

هنا كانت كارثة اختي لانها حست بعد الضرب اللي جاها ومراددتها عليه طبعا حتى لما ضربها كانت تقاوم وتدفه بقوة وكسرت العطور ... حست انه ناوي على الطلاق .. وهي حالتها مايعلم فيها الا الله .. هم ساكنييين بعييد عن اهلي مررة .. وبعد اسبوعين طالعين لاهلي الاجازة وشكله ناوي فيها يطلقها .. وهو يقول لها دايما لازم تجربين لو طلقة وحدة .. وقالت له انا عندي الطلاق واحد مافي واحد واثنين لما تبيع بيع مرة وحدة مالي رده لك ابدا .. وهي فعلا ناوية على كذا لو طلقها مستحييييل ترجع له ...

لكن هي اصلا ماتبي تتطلق .. بتموت من البكا وطول العصر تستغفر وتدعي ...

ارجوكم ادعو لها بالفرج .. وكيف تتصرف عندها اربع اطفال .. واهلي ماراح يقصرون عليها ابدا .. لكن ماودها بشماته الاعداء .. تعرفون الطلاق صعب ..

واللي تعرف نمط زوجها من خلال هالمشكلة تدلني لاننا والله احترنا فيه ..

طبعا هو هادي ونادرا مايرفع صوته .. كلامه جااارح مرة .. يحب يتعلم لغات .. يحب السفر بس ماعمره سافر .. يحبها تخدمه بنفسها .. يكره يشوفها باردة يبيها على طول مرحة وتضحك حتى لو غلط عليها تعتبره مزح وتضحك ... اتمنى نعرف نمطه..


اختي تقول لو انذل له بيذلني طول عمري ويدعس علي .. لانها جربت ..
انا محتارة وش اقول لها لان الموضوع وصل للطلاق..
وخايفة اقول لها شي مو في صالحها .. والله يختار لنا الخيرة الطيبة ...

ابي نصيحتكم .. ودعائكم لام دانة اللي هي اختي ..

 

[شاي اخضر1990]

خله تجيب له ناس يكفخونه مثل ما كفخها وحده بوحده بنات الناس ما تنداس ليه هي عبده عنده خلها تقول له اعلى مافي خيلك ا ركبه يا حمار العيشه الي فيها مذله مو عيشه وهي لا اول ولا اخر وحده تطلق والعوانس ملي البيوت من بيشمت فيها وعيال خلاص جابت وجربت الزواج خلاص وش تبي اكثر من كذا لو اني مكانها ما اطلع من البيت الا انا فالقته بكعب حااااااااااااااااااد على راسه وحبذا الجبهه خخخخخخخخخخخ وما اخلي شبر في بيته ما اكسره عشان اخسره الحيوان ابن الحيوان الي اهله ما ربوه

 

[الهيزعة]

وهذا الدعاء
:5:اللهم اجعله لي سكنا وجعني له سكنان وجعل بيني وبينه موده ورحمه:5:


خليها تخذ الدعاء وتدعي
وباذن الله راح تشوفين انتي وهي الخير


خليه تخذ الدعاء وتدعي خلاص احنا ملينا والله من المشاكل

 

[الهيزعة]

خله تجيب له ناس يكفخونه مثل ما كفخها وحده بوحده بنات الناس ما تنداس ليه هي عبده عنده خلها تقول له اعلى مافي خيلك ا ركبه يا حمار العيشه الي فيها مذله مو عيشه وهي لا اول ولا اخر وحده تطلق والعوانس ملي البيوت من بيشمت فيها وعيال خلاص جابت وجربت الزواج خلاص وش تبي اكثر من كذا لو اني مكانها ما اطلع من البيت الا انا فالقته بكعب حااااااااااااااااااد على راسه وحبذا الجبهه خخخخخخخخخخخ وما اخلي شبر في بيته ما اكسره عشان اخسره الحيوان ابن الحيوان الي اهله ما ربوه

شاي اخضر الحقي على عمرك لايشوفون مشركتكي ويطردونك من المنتدي:31:

 

[سرااااااااااب]

شاي اخضر ... فديتك .. والله اختي ماتقصر فيه .. اذا تطاول عليها ترد وتضرب .. وتكسر ياما عطور وبراويز ماركات راحوا بسبب المشاكل ..

هي ماتبي تتطلق .. وانا قلت لها استخيري يمكن الطلاق افضل لان مشاكلهم ماتخلص لو تراضو اليوم بكرة تقوم القيامة بينهم ويتزاعلون ...

الله يصلح حالهم يارب ..

 

[سرااااااااااب]

الهيزعة ... وش معنى نكك ههههههه

اشكرك على ردك وعلى الدعاء المكتوب .. راح ارسله لها ..

 

[أم أياد]

شوفي حبيبتي دام الموضوع وصل لطلاق لازم يتدخل واحد عاقل من أهلك أبوك أو أخوك
خليها تدق على أبوك يجي مو تنتظر يما يأخذها ويتفاهمون وين الخطأ
وأن شاء الله ترجع المياة لمجاريها حبيبتي
ترى الرجل مايذل المراءه اذا عرف أن وراها رجال وأذا ماوراها أحد الله يرحمها

 

[الهيزعة]

الهيزعة ... وش معنى نكك ههههههه

اشكرك على ردك وعلى الدعاء المكتوب .. راح ارسله لها ..

الكل يسال
اسم ام جدتي ام ابوي

 

[سرااااااااااب]

ام اياد اشكرك على ردك ..

والله لو يدري ابوي واخواني باللي يصير لها لاتصير ارضه ارض ولا سماه سما .. وهو بيتخلص منهم بالطلاق .. راح يطلقها ويقول اشبعوا ببنتكم .. وابوي عادي عنده انا اعزك واكرمك .. لكن عيالها وزوجها تحبه .. انا احس في شي غريب بينهم .. تصدقين تقول لما ينام معاها كأنهم توهم متزوجين .. ويسمعها كلام غزل وحب تقول اصير طايرة في السما واتفاعل معاه بشكل مو طبيعي ..
لكن بس نطلع من الغرفة تنقلب الدنيا .. ويخاصم ويشتم .. هو مرة صارحها انه مايقدر يستغني عنها وانه اذا صار بينهم مشاكل يتعب ويحتار .. بس شكله يكره ضعفه يقوم يتقوى عليها ..

 

[قمر بعيونه]

الله يفرج همها ويكتب لها الخير سبحان الله وبحمده سبحان الله العظيم

 

[شاي اخضر1990]

اقول دامها وصلت للطلاق وخربانه خربانه ليه ما تبرد الي في نفسها وتفلقه صدق مو كذب واذا على سالفة انها تحبه ما عليه مشاعر وتزول دوام الحال من المحال خلها ترتاح في حياتها وتستمتع مو تعذب وتحاتي وحالتها حاله بعدين وش فيها اذا فلقته يمكن تخمد نار القهر شوي
ارجع واقول عليها بالكعب

 

[أنا أنسانه]

الله يصلح مابينهم يااااااااارب
تكثر الاستغفار ،، والحياااااااة مشااااااكل والطلاق ابد ماعمره كان حل بتتعب اكثر بعد الطلاق وخصوصا اولادها
تصبر ،، والنهاية انشا الله حلوة ،،وتذكرة بااااايات الطلاق وان الطلاق حد من حدود الله ومايتلاعب فيه
حسبي الله عليهم من رجاااااال نسوا وقفتهم امام العزيز الجبار

 

[مسز شوكلت]

الله يفرج همها ويسخر زوجها .. ويهدي باله

 

[سرااااااااااب]

شااي اخضر .. شكلك اليوم معصبة مررة .. وش فيك يا الغلا عسى ماشر ...
اشكر ردك لكن مو هيك بتنحل السالفة ...

 

[سرااااااااااب]

اشكر كل اللي ردوا علي ..

السالفة لو وصلت لاهلي بيصير طلاق .. لانه ما يحب يواجه .. بيطلق وبعدها يتدخل الاقارب ويحاولون يرجعونها وتكبر السالفة وتصير على كل لسان ....

ابي حل نختصر الموضوع ...

اللي تقول تصبر .. اختي ماعندها مانع تصبر عشان عيالها وزوجها بعد تحبه .. بس هو يهذري بالطلاق ويقول ابشري بطلاقك..

الحين وش تسوي تسكت الين ما يجوون بيت اهلي .. والا كيف تحل المشكله معاه...

احس انا تفكيري مشلول من السالفة مو قادرة افيدها بشي..

لا حول ولا قوة الا بالله..

 

[*..الحلوة..*]

السموحة بس بدون مجاملات اختج غلطانه اسلوبها غلط لازم تعرف نمطه وتتفاهم معاه بالهداوة

 

[صوت صمتي]

>>>>>>>>ميته ضحك من مشاركة شاي أخضر ههههههههههههههه


ششوفي يا الغاليه اختك غلطاانه ...ايه غلطانه..لأنها ماتعرف كيف تتعامل معااه..هو شكله يبغى يحس انها محتاجه له وانا بدونه ولا شي بعدين راح يحترمها,, وهي مسويه فيها قويه وانه ولا شي عندها...عشان كيذا هو يبغى يثبت لها انها ضعيفه وانه بكلمه وحده منه راح يدمر حياتها... والله هذي حياة زوجيه مش حرب ...خليها تفكر

وبعدين اذا قالها كلام وسخ وقله حياء لاااااااااااااا ترد عليه وخليها تحسسه انه منحط وهي فووق وانسانه محترمه وواعيه

 

[WildGirl]

شاي اخضر أحسك رجال واعذريني اذا غلطانة بس كل مشاركاتك عنيفة للغاية

بالنسبة لاختك بصراحة الله يعينها اكره الرجال لما يهدد بالطلاق لان الكلمة لوحدها مخيفة
انا ما احب احد يتلفط على الثاني لان من يوم ينفقد الاحترام بين الطرفين العلاقة تخرب
يعني لما هو قال كلامه اللي شين المفروض ما ترد عليه كذا
تقوله لو سمحت لا تتكلم بهالطريقة قدام الاولاد وتسحب نفسها من قدامه وهو بيحس نفسه صغير وقتها
​

 

[همـــس الروووح]

خليها تتصدق بنيه صلاح البيت

ويمكن عين وصايبتهم
لاتدخل حد يتفرج على بيتها
او غرفة نومها
لايشوفون وش لابسه
يعني الناس اللي تخاف منهم لاتوريهم شياكتها

زوجها شكله تمام بس يمكن انتم بقصرين بحق ربكم
ارجعو لربكم وتنحل اموركم باذن الله

ولاتنسين الصدقه وافضل ماعندك تصدقي فيه
والثلث الاخير من الليل وصلات الفجر ولازم يشوفها وهي تدعي وتصلي عشان يحن قلبه عليها
وخليها تدعي له بصلاتها وهو يسمع بس تسوي نفسها انها مادرت انه يسمعها حركات يعني عسى الله يهديه



وماعليك من كلام الشاي الاخضر شكلها بنوته ماجربت الزواج والعيال وحابه تنكت

الله يسر امور الجميع من المسلمين والمسلمات

 

[همـــس الروووح]

ياويلـــــــــــــــي ياشاي اخضر \شكلك شاي فلفل احمر مو شاي اخضر


بجد غيري نكك لشاي الفلفل الاحمـــــــــــــــــــــــــــــــــــر