ماركة ماك

[ياحبيلكم ولله]

:clap:اهلين صبايا***وش رايكم في ماركة (ماك)للمكياج***وخصوصن الاساس ومشكورين

 

[% شوكلاين %]

والله ياااقلبي أنا اشتري من عندهم الكونسيلر مرررة رووووعة .....
واختي تمدح مررررة في الاساس تبعهم بصرااحة ماقد شفت وحدة الا وتمدح فيه ....

 

[ام شهار]

والله انا مصدومه صدمة العمر صارلي اسبوع راجعه من ميونخ وبسولف لكم شنو صار..
انا حامل بالسادس قبل لا اسافر بيومين بشرتي بدت تتعب حيل اطلعتلي على اليمين واليسار بخدودي بقعتين حمر نفس هايدي الباباي مادري من شنو رحت بو حمره قالي اغزيما من الحمل وبنفس الوقت انا مغيره بودره الاساس وشاريه بودره ماك ستيديو fix المهم بالسفر ومع استعمال البودره اليديده البقعتين صاروا كأنهم حرق ؟؟؟ رحت دكتوره جلديه بميونخ والله قامت تهزأني وتصارخ علي يوم سالتني شنو نوع المرطب مع الفاونديشن اللي احطه ماااااااااااااتت يوم درت ماك قالتلي ماركه ماك (مليئه بزيوت الشحوم) اصلا هالماركه للآرتست اي الممثلين وللتصوير والكاميرات هالماركة دماااااااار للبشره محتوياتها من اثقل انواع الميك اب لانها تحتوي على شحوم ومن التخلف ان الوحده تستخدم هالماركه للاستعمال اليومي هذا هلاك للبشره ودمار للانسجه والله انها صج انصدمت يوم قلت لها .. وبقلبي اقول عيل لو تشوفين باجي البنات عندنا بعز الصيف فاونديشن وبودره وبلاشر ماك والشمس ترقع فينا والرطوبه ؟؟؟؟ والله قالت اذا ما بين عليكم الحين باجر النفر والدمل ياكل ويوهكم. انا مت من الخوف والله وقلت لازم ابلغكم لان والله العظيم فعلا اول ما قطعته بشرتي رجعت ما شاء الله احسن من الاول لا اغزيما ولا تأليف من دكاترتنا ولا بطيييييييييخ وديروا بالكم على صحه بشراتكم لان البشره بالذات حتى عمليات التجميل ما تنفع معاها .. وسلامتكم يارب

حتى دكتورة الجلدية سعاد لطفي حذرتني من الماك وقالت لي مايصلح لجونا الحار​

​

 

[RedRose]

انا احب الارواج

بس الحمد لله ما عمري استخدمت البودرة او الاساس منهم

 

[ياحبيلكم ولله]

الله يعطيك العافيه يا عمري***********بصراحه صدمتيني لاني كنت ناويه اشتريه****يا ربيه طيب وش اشتري علموني بلييييز

 

[فوفو270]

مشكوووووووووووووووووره حبيبتي على هالمعلومه بس انا اشوف اكثر البنات يشترون الارواج منهم وبالنسبه لكريمات الاساس معظم الماركات ما يصدر لنا الا الردى منها وطبعا المغشوش لان بضاعه اوروبا وامريكا غير بضاعه الشرق الاوسط حتى لو كانت نفس الماركه

 

[*همسة*]

والله انا جربت الكحل بسسس

 

[last Dream]

الحمد لله يارب كنت ناويه اجرب ماركة ماك كنوع من التغيير

وووووووووواوووووووووو الله ستر عاد انا بشرتي حساسه

ماتتحمل تسلمين يالغاليه على النصيحه والله يجعلها في ميزان حسناتك

 

[ثلج دفي]

شكرا اختي على النصيحة كنت ناوية استخدمها
تسلميييييييييييييييييييييييين

 

[خفوق الروٍح]

أستخدمت من ماك ,,
الشـدو حقهم روعه ’,

 

[شماليهje شرقيه]

جربي نيفيا !

لاتستحقرون الماركات الرخيصه لاني سمعت احمد قبيسي يقول ان تركيبة نيفيا نفس تركيبة الماركات الغاليه ويمكن احسن ! يمكن الي يتغير البارفيوم الي يحطونه كاضافات !!

 

[نور الشرقيه]

طيب يابنات ماتفيدوني بكريم اساس حلو يناسب البشره الحنظيه لانا عندي زواج بعد يومين وادي استخدم اساسي احسن من اساس الكوفير

 

[سينبــوون]

شوري عليكم يابنات لاتتعدون اساس جفنشي الكريم مو السايل عادفيه درجات خوذي الي يناسبك
شي خيال غيرت على بالي بس مافيه احسن منه ومو غالي 180بس جلس عندي حول السنتين بس الارواج عادي مااااااااااااااااااااااااااااااااك احسن شي

 

[الدلع طبعىH]

انا استخدمته بس مادري احس بشرتى ماتغيرت

 

[فرحة صباه]

تسلمي عزيزتي

 

[vimto55]

سمعت ان الكحل حقهم روعه بس ما جربته
شكرا

 

[ام ميثانه]

انا استخدم الكونسيلر مالهم بس لانه يبان وايد طبيعي وحلووو
اما الاساس ف شانيـــــــــــــــــــــــل وايد يمدحونه لي اغلب العايله تستعمله وجربته مره وكان وايد وايد حلووو..
يطلع ويهج كأنه طبيعي ماشاء الله..
لكن انا حاليا استعمله بودرة OFFICEوااااااايد حلوه والارواج من نفس الماركة ..
والبلاشر من مكياجي ..
والمسكارا من ديور ..
والكحل القلم واللاينر من مــــــاك ..<<<<بس المشكلة في القلم eye pencil مالهم يسيل ..ويوسخ العين تحت,, يعني لازم كل شوي تنظفينه ,,,يمدحون قلم مكياجي بس ماجربته..
والشادو من Englot رهيـــــــــــبه الالوان وثابته..
والجلوسات من ماركة برستيج من لايف ستايل وااايد حلوات ..

اكيـــــــد بتقولن شو هاي من كل بستان زهرة ؟؟؟
ههههههههههه بس انا هذا مكياجي ويارب اكون افدتكم...

 

[M-BADER]

انا عن نفسي استخدم شدوات ماك من خمس سنوات او اكثر وكريمهم استخدمه في المناسبات بصراحه روعه ويجنن يخلي بشرتج لون واحد وبشره عن بشره تفرق

 

[رنيم الشريف]

يسلموووووو حبيبتى انا الحمدالله ماشريتهاا ولا فكرت اشتريهااااااااا

 

[دلوعه دوشي]

بصراحه كنت ناويه اشترى منهم كل شي الحمد لله على التنبيه