مارأيكم يامتزوجات ،،، هل أخبر خطيبي(زوجي)

[حورية فاتنة]

السلام عليكم ورحمة الله وبركاته
لو حصل والتحقت بدورة للبنات المقبلات للزواج هل اخبر خطيبي وإلا ماله لزمه ؟!!
وإيش راح تكون ردة فعله ونظرته لي

وشكرا لكم

 

[سكون...]

لا عزيزتي لا تخبرينه

قولي له طبعا انج بتطلعين فيه حدث نسائي بتحضرينه

بس التفاصيل

نو

هذا رايي

 

[حورية فاتنة]

حبيبتي ابد ماراح اتكلم معه في التفاصيل اكيد
بس هل اعطيه خبر أني التحقت بدورة للمقبلات للزواج ؟
هذا سؤالي ياغالية وشكرا لك

 

[بقعة ضوء]

لا تخبريه
لأن الرجال الله يهديهم ومو كلهم بيقعد لك على الزلة ..بقولك هذا وانتي حاضرة دورة عملتي كذا

زي ماقالت لك سكون قولي له مو أكثر من كذا ..

ربي يوفقك

 

[الروح تهواك]

انا من ناحيتي لا تقولين

خلي هذي الشغله بينج وبين نفسج

علشان اي شي تسوينه بعدين من حركات وسوالف اتعلمينها من الدوره

ما يحط باله انج متعلمها خليه يعتق انها منج انتي مو احد معلمج

واذا سال انتي وين رايحه قوله لقاء نسائي و بس :bigsmile:

 

[حورية فاتنة]

شكرا ماقصرتوا حبيباتي
<<<< وانا الخبله على نياتي ناويه اخبره

 

[روح السجايا]

السلام عليكم ورحمة الله جميعا

أمممممممممممممم

أنا لو كنت مكانج بصراحه ماراح اقوله

بخليه يحس ان كل شي أسويه هو من زود أهتمامي فيه وملاحظتي للي يحبه

بخليه يحس اني زوجه قادره على إسعاد زوجها بطرقها الخاصه

مثلا الحين نحن ناخذ معلومات من المنتدى بس مستحيل اخليه يحس اني يالسه اسوي شي قريته او نقلته من شخص ثاني

كذا أحسن حتى هو راح يثق فرأيج وأساليبج أكثر