ماذا يحزنك اليوم؟؟؟؟؟.... شاركيني حزنك من فضلك...

أم جواد أشكرك على متابعتك لمواضيعي وردودك الجميلة واللطيفة...
 
اه
انا يحزنني إحساسي باني .........بلاقيمة.............. بلاهدف

تحطمت امالي واهدافي ​
 
اناحزينه كل يوم لان ولدي بكري سندي في ادنياء الي من يوم تزوجت وعمري 17الين تطلقت بعدمعنات25سنه زواج من مدمن نساء وكحول وبعد تخرجه اقسم انه يكون لي عون لي ولخوانه ورميت كل المشاكل وستقرت حياتي اناواولادي في كل شى وبعد عودته من البعثه قال ابتزوج ودورنا بنت وزوجته وحبيته مثل بناتي لاكن ماتبى كذا صار مايكلام الابعد اسبوعين وزادت المده وسافر براء وجلس شهرين ماادري عنه اتصل مايرد ادور اخباره عند اي احد ولاكفاه يوم وصلت سافرت لاهله وجلسو8ايام وبعدين فكر يجي لمي يوم وبعدين رجعت عند اهله وهو معه وهلحين له شهرين ماكلف نفسه يقول وشلونك يمه بعد اشقاء ولمر الى شفته من ابوه صرت مجرد واجب ثقيل على نفسه وعلشان كذا صايره حزينه وادعي ربي ان عيالي الباقين مايعقون بي
 
ولله ثم ولله حزنت عليكم الله يفرج لكم يارب

احبكم في الله
 
مساء الورد
كان الله في عون الجميع و أسأل الله الثبات
وان لايجعل الله مصيبتنا في ديننا
 
يحزنني ويشقيني قلوب تحجرت ., ونفوس تكبرت .

يحزنني ., جرحآآ لم يلتئم بعد .

يحزنني ., كلمات بلا أفعال نسمعها ونرددها كل حين .

ويحزنني أكثر فقد الاحباب وغيابهم عن عيني .





لكِ كل الشكر غاليتي ع طرحكِ القيم
 
أنا حزينه لاني ما حليت اليووم عدل بأمتحاني
لاني كنت بالمستشفى تعبانه وما قدرت اذااكر عــدل
:icon1366:
وبعد حزينه لان ولدي كله يصيح وانا تعباانه ومالي خلقه ومو عارفه شفييه وما عندي
احد يساعدني فيه.
:icon1366:​
 
ليش الحزن يا اخواتي وين الرضى بالقضاء والقدر وين التوكل على الله قل ما يصيبنا الا ما كتبه الله لنا فالدنيا دار ابتلاء واختبار وعليكم بالصبر والصلاة واجعلي كل محنه منحه وكل فشل خطوه جديده للنجاح وتفائلي بالخير تجدينه ان شاء الله وهذا ما لدي فان كان حسن فمن الله وان كان سئ فمني والشيطان
 
يحزنني انا لاهين عن الطاعات بالقال والقيل
ويحزنني ان تكون لديك صديقه مقربه وتقولين لهاكل شي يصير معك وبالاخير تنصدمين لما يكون لك ضرف تكون مطلعه كل سوالفك
ماكذب حامد زيد لما قال
اثر المصايب ماتجيك الا من الناس الاقراب
وبهالزمن حتى الخوي الي تثق فيه احذره
الحين قطعت علاقتي بها ومن غير ما اصارحها بالي بقلبي
اسولف معها امور عاديه غيرخاصه
والحمدلله مااثرت في حياتي تاثير سلبي بالعكس صرت العب وامزح بس حذره اشد الحذر منها
 
أشكركم اخواتي على تفاعلكم معي ف هذا الموضوع...
شكراً لكم لتوفي+ سمراوية حلوة+ مزون+ نبراس الشرق

دلوعة وحبوبة= لا تيأسي عزيزتي لا تحطي ف بالك أبدا انك بلا قيمة وبلا هدف واعتبري أول اهدافك ايمانك بالله وطاعتك له سبحانه وابدأي من هذا المنطلق وستجدي لك أبوابا من الاهداف وبها ترتفع قيمتك أمام ربك أولا ثم أمام والبشر من حولك.. وأنا عاى يقين أنك كتلة من الأمل والطموح تمنياتي لك بالتوفيق..

mmسماوي= صبرك الله على ما انتي فيه من البلاء، ولا تياسي فهذه فترة اختبار لصبرك، وادعي ربك أن يهدي ابنك الى طريق الصواب وان يعرف قدرك ويرجعلك مثل ما كان وأفضل، والله يعوضط بأبنائك البقية ويخليهم ذخر لك، وتأكدي إلا ويجي يوم ويرجعلك ابنك لأنه في النهاية رح يكون أب لأطفال ورح يحس بيك،،

حورية بحرنا= شكرا لمشاركتك و صدقتي حين قلتي ما يحزن هو الجرح الذي لم يلتئم بعد....

future girl= الله يعوضك في امتحان آخر وان شاء الله رح تنجحين، وسلامتك من اي مرض يا رب، والله يهدي ابنك ويكون هادي بس اعرضيه على دكتور يمكن يألمه شي،،

فرحة صباه= نعم والله نحن لاهين في دنيانا وناسين الطاعات والعبادات بس الله يهدينا لما فيه الخير لدينا، دنيانا وآخرتنا...


شكرا مرة اخرى على تفاعلكم معي ... جعل الله أيامكم كلها فرح وسعادة...
 
أما عن حزني اليوم فأنا حزينة لثلاثة أمور وهي:

1. حزينة لأنه والدتي سافرت البارحة هي ووالدي لأجراء عملية زرع كلى ، أنا وأخوتي في قلق ولكن ايماننا بالله قوي أنها وان شاء الله سترجع إلينا سالمة غانمة وفي أتم صحتها وعافيتها فأادعوا لها بالصحة ونجاح العملية وطول العمر،

2. في العادة يقولون "ولدي أو إبني هو فلذة كبدي"، وأنا أقول اني حزينة لأنه فلذة كبدي "أخي الغالي" في أزمة والله يفرج عنه يارب إدعوله،،

3. حزينة لأني اكتشفت اني لست بحامل،، فأدعولي الله يرزقني الذرية الصالحة،

أسألكم الدعاء​
 
انا الحمدلله اليوم مو حزينه

بس امس بالليل حبيت اسوي ليله حمراء لزوجي وارسلت الدعوه على الأيميل ونومت ولدي واستعديت

ولما دخل غرفت النوم لقاها كلللها شموع من اليمين للشمال بصراحه كان المنظر روووووووعه

وكنت مشغله مقطع صوت بالجوال روووووعه بدون موسيقى (((بس قال فاجئتيني بس طفي الجوال )) يقول بدونه احلى

وقال خلينا نطفي الشموع اخاف تحرق القماش وعطاني محاضره على الحرايق ولو احترق البت ولو احترقنا وقعدنا ننفخ وحده وحده وانا متحطططططططمه حدي
هههههههههههههههههه
وماتهنيت وخرب علينا المكيف وقعد يهاوش يقول ليش ماقلتي لي من قبل ان المكيف حار
ههههههههههههههههه
هو قالي يافرحه ماتمت لأنه درى اني تضايقت من ان ليلتنا ماكملت

ورحنا نمنا في غرفت الجلوس ((من جد تحطيييم )) وربي كرهت الدنيا وقلت مااااااااعلي منه ابهتم في نفسي علشان نفسي وابدلع نفسي وبصراحه ماتوقع اسوي ليله ثانيه

(((((طيب ليه ناس يقولون دلعي زوجك خليه زي البيبي وناس يقولون طنشيه وعيشي حياتك )))))

ويييييييييييييييييين الصووووووووووووووواب
 



أنا حزينة لأن البشر تغيروا وتبدلوا والله كل إنسان همه نفسه حتى الأخوان مع بعضهم


البعض لا يوجد ود ...الجيران بينهم مجاملات سطحية الأبناء كل واحد يفكر في نفسه


وكيف يمتع نفسه ولا عليه من والديه ...يحزنني عدم تقدير النعم ...والعبث بالصحة..



يحزنني الركض وراء الموظات التي نهى عنها رب السموات ...



يحزنني أن المنكر أصبح معروف والمعروف أصبح منكر ..



الله يحفظكم جميعاً ......:icon1366::icon28:
 
يحزنني كثيرا حااااااااااااالت ولدي الله يشفيه ياااااااااااااااااااااااااااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل