ماذا لو علمتي أن زوجكِ تزوج................!!! بكل صراحة ؟؟

[درة الأكوان]

رد: رد : ماذا لو علمتي أن زوجكِ تزوج................!!! بكل صراحة ؟؟

بصراحة يالجرح النازف عمري ما فكرت بهالموضوع ... لأنه مجرد التفكير فيه يخليني اموت موت بطئ وانا عايشة

الله لا ييب هالشئ ان شاء الله :sly:

بس بصراحة يوم من الأيام حلمت انه متزوج علي وشفته بغرفتي مع وحده ثانية ..... :no: :no: :no:

لا تشوفين شصار فيني يوم قمت من الحلم .... صحيت وانا ابجي بجي اليهد عمري ما توقعت اني بحلم مثل هالحلم

وعقب ما هديت قلت له عن الحلم .... قام يضحك على ويقوللي هدا حلم ومسوية فينا جدي عيل لو صج شراح تسوين

بس فعلا بنات احساس وشعور جدا تعيس ما أحسد اي وحده ريلها يتزوج عليها​

حصل معي نفس الموقف بس أنا لما صحيت لم أبكي ولكن كل حقد النساء اللواتي على وجه الأرض أحسسته بقلبي وكنت أود الانتقام منه لولا رحمة الله أنه كابوس وليس حلم .
يمكن لو حقيقة أذبحه بيدي ودايما أقول له عندما يجيب سيرة الموضوع أقول الظاهر نهايتك على يدي
وشعوري ليس تعيس فقط بل شعور وكأن زوجي مجرم وأنا المتهم البرئ الذي يلتفّ حول عنقه حبل المشنقة.



[blink]درةالأكوان[/blink]:icon26:

 

[صادق الود]

هذي اول مشاركة الموضوع استفزني.....اعوذ بالله ....الله لا يبليكن خواتي

بس تعرفن انا كل يوم اتخيل انه معرس وابني حياتي على هذا الأساس ......

بتقولون كيف؟؟

أول شي انا زوجت اول ما دخلت الجامعه بس اصريت اكمل مع ان كان دايما يكسل بي خلصت وعندي ولدين والحين خذيت دورات وناوية اشتغل قريبا ....يعني استغلال مادي....وباخذ الليسن شوي شوي بس ما يمنع اذا قدر يحط لي دريولية اخذ الليسن وحطه في مخباي .....والحين احاول بكل السبل ان بيت المستقبل يكون باسمي...بس هذا ما يمنعه من الزواج بس انا بهذي الطريقة بكون عشت حياتي وامنت مستقبلي ومستقبل عيالي...
دايما حطي جدام عينج....امكانية زواجه.....ولو حلفلج كل يوم انه ما بيزوج.....

 

[بنت الشيوخ1221]

لو راد الله واستوى انا ما عندي واحد اثنين عندي1+1=2يعنى اذا تزوج +اروح بيت اهلى = راحه نفسه ما اتعب عمرى ابدا

ليش ما يسوى على اتعب نفسيتى عشان ريال صح انه ابو عيالي بس الى يبيعنى برخيص ابيعه بالى ارخص عنه ......

بعدين الى زوجها يتزوج عليها يا تصبر يا تطلق بس ..
واحس انى ما اقدر اتخيل ريلي ياي من عند وحده ثانيه او نايم معها او ماكل معها اوووووووووووه شي مؤلم


وابويه الى ربانى وانا اصغيره ما بيعيز يربينى انا وعيالى والحمد لله اصبحت الحرمه في هذه الايام في غنى عن الزوج

من الناحيه الماديه .......
سوري على الاطله بس الموضوع يخليج تتكتبين غصبن عنج

ودمتم لعيون تغليكم

 

[مهره]

مو يتزوج بالحلال احسن من يسافر كل اجازه لتايلند والمغرب ..

 

[نجلاء]

واي.. إنشاءالله ما أشوف هاليوم .. بس مهم عندي إن بعد يكون مخلص بنفس الوقت وما يلعب بذيله ويحبني .. شالفايدة مجابلين بعض والواحد ماله خلق الثاني .. المهم الأثنين ما ودي فيهم وربي يحفظ لي زوجي ويحببه فيني زود .. :cupidarrow:
المهم لو إني عرفت هالشي .. اللي تعلمته من هالمملكة إن من الأفضل إني أسوي روحي ما أدري وأشتغل على نفسي من كل صوب وأعرف حق نفسي ( الصراحة بادية من الحين .. دورات وتدريبات) علشان أبعد هالموضوع عني ولكن كل شي مقدر.. :icon1366: وأحط ببالي أمور منها :

1- الحين هو في سكرة الزواج الجديد ومعرفتي أو زعلي من صالحه هو مو من صالحي .(مالت) منفعله من صج
2- كثر ما راح أنفعل وأصرخ وأزعل ماراح يغير من الموضوع شي .اللي صار صار .( مو معناته ما يزعل الوضع ولكن كله على حساب عمري..:icon28:

3-أشتغل من تحت لي تحت وأتركه لما يطلع كل اللي براسه مع عروسته ))) طبعا آنا راح أموت علشان جذيه لازم أصد وأشغل نفسي حيل وأحاول أروح نادي أسافر مع أهلي اللي يصير بس ما أجابله .. طبعا أهو يبيها من الله .. لأن لو أذبح روحي ما راح يفج في بداية الزواج .توه مستانس .:msn-wink:

4- راح أتجاهله تماما وأهتم بأشياء ثانية وأركز عليهاولكن بهدوء وطبعا قبلها بصبر ودعاء على الإبتلاء وشوي شوي لما يفقدني ويحس إني رحت بعيييد.. ويسأل ... لازم هو اللي يبدأ بالسؤال علشان غروري كزوجة ،طبعا الجواب ماكو شي ودائما أحسسه إني مشغولة . والزوج طبعا يحن لأيامه السابقة وعش الزوجية..
5- مع تغيير اللوك اللي بهالوقت ضروري والميك أب ، والرشاقة ,الطلعات وكأني أهملت الأولاد ( الواقع هذا تمثيل) كأن في حياتي شي .. وأهداف وماكان هو مدار حياتي.. راح تشتغل الغيرة والإهتمام فجأة يتحول ناحيتي .. وشعندج .. مره هوشة ومرة عتب .. ولكن أكون قدرت أكسب اهتمامه من جديد .. لأني آنا الجديدة الحين بلبسي وتفكيري وكلامي واهتماماتي مع إني في السابق كنت جذيه بس بهالوقت مهم التغيير بعد ولازم يحاول يكسب اهتمامك من جديد ..الزوج يموت ولا يشوف زوجتة لامباليه فيه ... ويسيوي المستحيل علشان ترجع مكانته مثل أول :thumbdown:
وأخيرا وقبل كل شي ما أنسى الدعاء وتكون علاقتي قوية مع الله تعالى حتى يصبرني ويأجرني على مصيبتي ويخلفني خيرا منها والله يعين وهالشي مو سهل الله يقدرنا
حلو السيناريو اللي راسمته للأزمات الله لا يجيبها إنشاء الله ::no:

 

[صادق الود]

نجلاء أنت :icon30:

 

[مملوحه]

ما احب افكر او اتخيل الموضوع علشان ما يرتفع ضغطي

 

[الولهانة]

واااااااااااااااااه---

هذا اقوى موضوع للحين---:icon30:

فالبدايه كنت اعتقد اني بثور وبعصب ووووو---:busted_red:

لكن بعد ما عرفت هو شو يحب فالحرمه --- احاول اوفره له ---

لكن لو صار جذي --- فالبدايه بنقهر مممممممممممممممممموووووووووووووووت

لكن بعدين بسويله خطه --- فنانه---
وبهده ---- وبروح اتزوج واااااااااااحد ثاني و بونس نفسي عالأخر----

وخليها تشبع بعيوبه---- :msn-wink:

انا مرتبه اموري من الحين ودايما --- اتخيل هذا الشي --- هو موضوع مخيف صراحه---:shutup:
لكن لو صار --- بتصرف لمصلحتي--- اصلا انا ما عندي واااايد عيال --- عندي وااااااااااحد الله يسلمه ويخليه --ويخليلكم عيالكم---

عمره 6 سنوات --- انا من البدايه ما كنت ابا واااايد عيال -- علشان ما اكون مربوطه فيه --- لان عندي وحده اعرفها عندها 4 عيال --- وريلها مراويها الوييل -- لكن دايما تقولي شو اسوي عيالي --- ويين اروح منو بيصرف عليهم ---و-و-و هذا الكلام الغبي---:thumbdown:

الحمد لله ريلي وايد يخاف الله فيني --- لكن بنات الحرام الحرامياات مايخافون الله---

عندي صديقه الله ييسر امورها---- هي وزوجها على الحلوه والمره--- وعندهم 3 عيال بس --- وحياتهم جنه --- في لحظه--- تزوج وراح عاش مع الثانيه بدون اي سبب--- ويوم سألوه قال ابا اتزوج---

شي غريب--- وانا من كثر ما قرأت مشاكل فالمنتدى وفالحياة ---
ما اامن لاي ريال--- حتى زوجي ابو عيالي----

دائما مستعده لاي شر--- او خيانه منه----

يمكن اكون مجنونه--- لكن هذا الزمان غدار--- اخاف يصير فيني مثل وااااااااااايدات غيري ----كانو مأمنين الأزواجهم---

حتى إني من الحين حاطه لنفسي حساب خاص اجمع فيه من فلوسي --- ولا اقوله -- صح هو حبيبي--- لكن لا لا --- ما اريد اصير في يوم من الايام مغفله---
:msn-wink:
أخيرا وبصراحه---- لو تزوج بموت---

 

[وردة أمل]

السلام عليكم ورحمة اللة ...

بالنسبة لي ورغم كل ما قريته في المنتدى الرائع وما اسمعة من حولي ونصائح لن أعيش معة في بيت واحد منذ سماعي بالخبر ولينعم بما أختار فحياتي لن تنتهي على يديه وأنا لن لأقبل بوضع مماثل. (((الباب اللي يجي منه الريح سدة وستريح))) فالوضع حلال ولن استخدم الحيله لطلاقه فلو كانت خيانه يختلف الوضع رغم مرارتها.

 

[أم خماس]

واااااااااااااااااه---

--- لكن بنات الحرام الحرامياات مايخافون الله---


ضحكتيني فديتج


صدق حراميات مثل ما تقولييين الله يكفينا من شرهن

ويحفظ لنا رياييلنا من بنات الحرااام

حسبي الله عليهن المدمرات ( شكلي وايد أتابع سبايس تون) ههههههههههه

وأنا دايما اقول لبو خماس ان تزوجت علي راح أذبحك بايدي :flex: :showoff:

 

[الحياه]

الحمدلله ع كل حال