ماذا لو اتتك ولاده سريعه .. وولدتي بالمنزل!!!

[زاحفه]

السلام عليكم ورحمة الله وبركاته

الله يصبحكم ويمسيكم بكل خير
بما اني دخلت التاسع و على وشك ولاده باي لحظه دايما الافكار تجيني بكل وقت
فكرة انه تجيني الولاده ومافيه احد يوديني المستشفى مثلا..
واولد بالبيت..
او تجيني ولاده سريعه واولد بالطريق بالسياره مثلا
او بالطياره مثل مانسمع تحصل احيانا
يوووووه ياربي الله يستر:33:
المهم حبيباتي دقيت على الوالده الله يعافيها ويطول بعمرها
وقاعده تسولف لي عن ولاداتهم سابقا
وكيف كانت الوحده تولد ببيتها ..
احيانا يكون حظها حلو اذا عندها احد من الجيران
او من الاقارب ويساعدها في قطع السر وغيره
واحيانا تولد لحالها ولا معين غير الله سبحانه " ونعم بالله"
وحكت لي امي عن ولادتها باحدى خواتي كانت ولادتها بالليل
وماكان فيه اي نور ..ظلام دامس.. بما انها في قريه ومافيه كهرب
وكانت معها وحده من حمواتها
طبعا تقول ربي يسرها وولدت بس الجنين مابكى
فقلنا اكيد ميت .. وتاثرت كثير
وقامت تتحسس على الجنين في الظلام .. لقيته سبحان الله
باقي في كيسه
وفجاه انفجر الكيس وبدات البنت وااااء واااااء
سبحان الله
عاد انا اقول شكلك ماعرفتي هي بنت والا ولد الا الصباح..:31:

اقول احيانا يجي الطلق حامي مره وماتلحق الوحده تتحرك من مكانها
مثل وحده من قرايبي من كم سنه تحكي لنا..
تقول يوم راح زوجي الدوام .. وبناتي لبستهم وراحوا المدرسه
رتبت بيتي ودخلت اتسبح ...
فجاه والشامبو على شعري جتني طلقه قوووووووويه
وماقدرت من شدتها اوقف جلست في البانيو حتى انتهت
تقول قمت بسرعه ابغى اشيل الشامبو من شعري وماامداني
حتى جتني الطلقه الثانيه
وتقول بسرعه شلت الشامبو مدري كيف
وطلعت من الحمام وادق على زوجي
واقوله تعال بسرعه جتني الولاده..
ولايمديها تكمل كلمتها وتجيها طلقه ثانيه
وتقفل التلفون بوجهه..
الرجال انهبل.. ويجيكم طاير 220
تقول يوم دخل البيت الا وانا ماعاد اقدر اتحرك من مكاني
قالي يالله قومي .. قلت مقدر الظاهر خلاص بيطلع راس الجنين
الرجال انهبل رسمي
يابنت الحلال قومي قالت مقدر اتحرك بس جبلي مخدات
قام جابلها مخدات وحطها ورا ظهرها وهي كانت بالحمام
موب جوا عند المرحاض " تكرمون"
تقول عند مغاسل الايادي
قام زوجها دق على اختها وقالها تعالي اختك تولد
وبعدها على طول طلع الراس وصاحت بزوجها وجا يابنات..
قالت جيب بطانيه..
جا زوجها وجلس عند رجولها وطلع الجنين
وشاله طلعت بنت.....
قام لفها بالبطانيه وحطها قريب من امها
وصلت اختها على طول بس اكيد ماتدري وش تسوي مسكينه
قام راح المستوصف قريب منهم جاب ممرضتين
جو قطعوا الحبل السري ونقلوا الام والطفله للمستشفى
البنت اختنقت من المويات الظاهر..و جلست اسبوع بالمستشفى وطلعت
والام طلعت بنفس اليوم..
كانت تجربه فظيعه تقول بس كانت اسهل ولاده سبحان الله
على كلامها
واحنا جلسنا نسالها عن زوجها وشعوره
قلنا اكيد تقرف منك ..
بس سبحان الله تقول صار طيب معها على انه كان معذبها
وشين معها من يوم تزوجته
ومن بعدها سبحان الله ليومكم هذا تحسن معها كثير
الله اعلم ايش السبب..

طولت عليكم بس قلت اشارككم بعض تخيلاتي
واللي عندها تجارب لها او من احد تشاركنا نتسلى ونتعلم
الله العالم ايش ممكن يصير لنا
على الاقل الوحده تتصرف تدبر عمرها
والله يسهل على كل حامل يارب
وماتولد الا بالمستشفى
ويرزق يارب كل محرومه عاجلا غير اجل
​

 

[lolyane]

ان شالله تولدي بالمستفى وتكون ولادتك سهلة

صديقتي كدا كانت بالسابع واشتغلت مع زوجها بس كان شوي عنيف بالشغل >>>> شغل خاص جدا

المهم وبالليل حست انها تبي تولد وما وصلت لباب الشقة الا الراس كان طالع وجلست بارضها بس ربي رحمها انو عمتها جات بسرعة وساعدتها

 

[رومانسية أنثى]

خالتي ولدت بنتها في البيت لاوبعد في الحمام

 

[الاميرة الناعسة]

خوفتوني.... خايفة اولد بالمدرسة..
اسال الله لي ولكن ولادة ميسرة بالمستشفى
وان الله يسخر لنا الاطباء والممرضات ذوي الرحمة

 

[دمعة الذيب]

اتوقع ولادة البيت ارحم من المستشفيات
المستشفى كله عطورات واهمال

 

[#سهارى#]

عاد تصدقين انا اليوم افكر بنفس موضوعك واقول لو جتني الولاده فجاه وماحد عندي اش اسوي ؟؟؟
لاننا نروح اللمستشفى ونتوكل على الله للكن كتفاصيل وكيف اسوي بالحبل السري والله مادري

الله ييسر لنا الولاده السهله يارب

 

[اطراف البدايه]

هههههههه ضحكتيني مااعرفت جنس المولد الا بالصباح يقدرون يتحسسون ويكتشفون
في وحده ولدت بالسياره واهي رايحه المستشفى مااوصلت الا واهي خالصه
ياربي يهون عليكم وتقومون بالصحه والعافيه انتو والبيبي
ودعواتكم لي بالحمل القريب لي ولكل وحده تتمنى

 

[شقيقة الصمت]

الله يسهل على الجميع كل امر عسير خوفتوني بنات بس ان شاء الله كل الامور ستكون بخير وعلى احسن ما يرام انا معنوياتي مرتفعة مع اني من وقت لاخر يجيني تخوف بس ربنا يسهل و تكون ولادتنا سهلة وفي المستشفى ان شاء الله​

 

[اللعنود]

الله يهون علينــــــــــــــا يارب..
ويسمح امورنا كلها ...

 

[الورده نانو]

سبحان الله كيف كانو يولدو أيام زمان
بعرف قصة لوحده جارتنا كانت حامل بالتاسع وزوجها عنده ضيوف طلب منها تسوي شاي وتأخرت هالحرمه عليه لحتى جابتلو الشاي سألها جوزها كل هالوقت مشان ابريق شاي قالتلو يا رجال ولدت هالبنت وعلى طول قمت لأعملك شاي
لا تعصب

 

[المتفائله بالله]

دايم هذا تفكيري واسال امي وجدتي ونفس اغمار واولد لوحدي في البيت ههههه قووووويه

 

[ام نووور]

ياخوفي اولد بالسياره المستشفه بعيده عني 3 ساعات

 

[نوال الخير]

هههههههههههه مواقف تضحك.. الله لايبلانا ويسهل لنا الحمل والولاده ياااارب

 

[kook]

انا ببكري بالتاسع يجيني الم اقوم واجلس مااثبت في مكان من الام ونزل الدم في البيت واروح والبس الويز واجلس ومن الالم ارجع للسرير واتلحف بفتك من الالم ومني عاررفه كيف ويجي طلق تخيلوا لحد ماجاء زوجي وشافني بهدا الحال يقولي اشبك اقوله ولاحاجه وبالقوه بالقوه وداني المستشفى ربي ستر لوتاخرت شوي كان ولدت نفسي0000

 

[وحيده في دنياي]

الله يسهل علينا يااااارب

 

[ساميه1]

الله يسهل علينا يارب
بالنسبه لي لا المستشفى قريبه حيل 5 دقايق الا وانا واصله كله اخاف اروح بسرعه للمستشفى ويقعدون يلعبون فيني ويتعبوني
اقول مابروح الا اذا خلاص قريب بولد

 

[*عذوب*]

يابنات اللي اول حمل لها بكريه تجلس من 18 الى 20 ساعه تطوووووووووول كلام دكتورتي
يعني من تبداء اآلآم المخاض الى الولاده ..

 

[خطوآت أنثى]

الله يسهل علينا وعليكم ياارب

 

[لـــمـــار]

والله عمتي والدة في الحمام بس جالسة اسبوع وماتت الله يرحمها ويجعلها من الشهداء
والله انكم خوفتوني انا ماني داريه في الشهر الكم والبغى اروح عند مامي في التاسع او نهايه الثامن الدكتور اليوم تقول انك في الرابع وغي رمضان تقول شهرين وماني عارفه

 

[الوردهـ الخجوله]

الله يهون عليكم يارب
ويرزقني وكل من ارادة الحمل عاجلاً غير آجـــل
الوردهـ الخجوله