~ ماذا تعلمت من منتدى بلقيس ؟؟ سأبوح لكن ( بدون ردود ) ~ (زوجات ناجحات)

[ام فيصل و دانه]

اتركي عاده البحث عن استحسان الاخرين
رضى الناس غايه لاتدرك لاتقولين قدام زوجك اذا اقترح عليك شي غريب وش تبي الناس تقول عنا !!
ترى بعدين اذا طلبتي سفره والا شي معين
رد عليك طيب والناس !! ( هو يتعلم منك )
حبيبتي عيشي انت وزوجك زي ماتبون في غير معصيه الله ولايصيرهمكم الناس ... لانهم ماراح يرضون ابد

هل تعلمين أن حركات وتعبيرات المرأة الجسدية
لها تفسيرات ومعاني مثلها مثل لغة الكلام
واسمها لغه الجسد استغليها لجذب الزوج ... ابحثي اكثر
وهي تشبه حركات الدلع بس لها معاني نفسيه
مثل العض على الجهه اليسرى من الشفه تعني الرغبه في الجنس

اذا كان عندك قطعه بجسمك يبي لها صيانه والا تغييير غيريها بسرعه مو تنتظرين لين زوجك يقول يافلانه وش ذا؟؟ مثلا تسمنين حيل وماتسوين رجيم تقولين ثقه في النفس لاحبيبتي دي حاقه ودي حاقه تنيه المعروف ان الرشاقه مطلب للجميع وهي اهم من الجمال لان المكياج حلها

يمكن تقرأين تعليمات في المنتدى وتندمين على اشياء مضت تخلصي من الشعور بالندم من منا مايغلط
ما احد معصوم ابسألك سؤال تقدرين ترجعين البارح طبعا لا البارح راح بخيره وشره وعمره ماراح يرجع خلاص لاتشغلين تفكيرك باللي راح وفكري باللي جاي انقذي مايمكن انقاذه بس

و تغيري فجأه مافيها شي اهم شي مصلحتك واللي راح تجنينه من ورى هالتغير

.......... يتبع ​

 

[ام فيصل و دانه]

تنشفين زوجك وتلبسينه وتخلعين جزمته ( تكرمون )
تحسبين انك بتملكين قلبه بها الطريقه غلطانه ياستي
الرجال ماراح يفهم انك متطوعه بها العمل بيعتقد ان هذي هي واجباتك
وانك مجبوره عليها وحتى لو كنتي تعبانه بيناديك تخلعين ....!!
لانه واجب عليك في نظره عزي نفسك ويعزك الرجال فيه مثل
يقول لن يستطيع احد الصعود على ظهرك الا اذا انحنيت له والمشكله اذا مليتي واعترضتي وش بيقول
بيقول اللي جابك يجيب غيرك خاصه لو كان شمالي
​

 

[ام فيصل و دانه]

لدى سله فواكه فكره رائعه اذا احسنتي استغلالها
لحياتك الزوجيه وهي مدح النفس لانك اذا انتظرتي
مدح الزوج يمكن ماتحصلين عليه
فإبدأي انت بطريقه غير مباشره خليه يتأثر فيك ويتعلم منك
بعدين بيصيرهو يمدحك
و ما انصحك تستعملين هالفكره عند الناس علشان مايعطونك عين وعلشان مايقولون مادح نفسه يبي له ..........

بين فتره واخرى اذا سألك زوجك عن شي قولي سر
هالكلمه لها مفعول السحر وتوحي بغموضك مثلا قال ايش هالنكهه الحلوه
في الاكل قولي سر بدلع طبعا

عاقبى زوجك على اخطائه بالصمت ومارسي اشغالك وانت صامته واذا سألك تكلمي
معه بطريقه هاديه وحزينه وادمجي معها دلع مو (تصارخين وتعصبين )
وخاصه لو كان عندك اطفال واصلا هالصفتين
لايقه للرجال اكثر

لا تتسولي العاطغه من الرجل !!! هذا يشكل ضغط على الزوج
تقولين اثبت لي حبك والا اذا كنت تحبني اعمل كذا والا قول
لي كلمه احبك بالله لو جت من غير طلب مو احلى !

​

 

[ام فيصل و دانه]

يقول احد الكتاب الحياه الزوجيه مثل الشوربه اولها حار جد ا وبعد شوي
معتدله واخرتها تبرد وانا اسألك هل تستطيعين ابقاءها حاره جدا !!!
طبعا لا.......... لذلك ضروري تسخنيها كل شوي

الانثى مفتاحيها :
احب ذاتي
نظيفة الشكل والسريره ( البا طن )
ثابته الخطى والاهداف واثقه
أعرف ماذا اريد

لن تدخل الزوجة الجنّة إلا بعد رضى زوجها عنها مادام يأمرها بخير ،
ولكن هذا لم /ولن /ولا /يكن بتنازلك عن ذاتك ...!!!!
كيف تجمعين بين الثنتين ؟؟؟ اذا ماعرفتي الجواب
معناها ما فهمتي كل الكلام اللي كتبته فوووق !!!

...... يتبع

http://www.niswh.com/vb/showthread.php?t=242257&page=12​

 

[ام فيصل و دانه]

بنات الرد هنا على الرابط التالي

http://www.niswh.com/vb/showthread.php?t=242257&page=12

 

[ام فيصل و دانه]

حبيباتي هالجزء مهم ركزو فيه

لاتكونين سلبيه بإفكارك لان الافكار تترجم تلقائي الى افعال فإنتبهي لافكارك وتخلصي من الافكار السلبيه مثلا انا محد يحبني أو زوجي ما يحبني
ومن ضمن الافكار السلبيه اعتقادك ان الاعتذار من الزوج ينقص من قدرك اذا كنتي غلطانه فعلا ماينقص من قدرك بس اذا كل شوي تعتذرين حتى على امور تافهه ماسالك عنها هو
هنا ينقص من قدرك ويحس انك فاضيه ماعندك الا التفكير فيه ومن السلبيه ايضا لماتواجهك مشكله تركزي على التفكير فيها او تهربي منها والاصح تفكرين في الحل
فكري بإيجابيه علشان تتغير حياتك للافضل وهي من التفاؤل
والرسول صلى الله عليه وسلم كان يحب الفأل

المرأه التي يحبها الرجل
هي التي تنجح في الجمع بين صفتين (( استقلا ليتها الخاصه + ومحافظتها وتمسكها بالرجل ))

لحضه لحضه.... كلامي مو متناقض
هي سعيده بوجود الرجل بحياتها ومو مستعده تفرط فيه في لحضه وجوده ولكن اذا اخطأ الرجل او ابتعد لاتظهر حاجتها وضعفها له فهي سعيدة بنفسها ومستقله ان لبست وتانقت فلنفسها وان تفنت في الطبخ فلنفسها وليس لارضاء الرجل
( مثلا تقول علشانك يافلان )
وهي لاتصنع كارثه اذا لم يتصل بها او تأخر ولا تطارده وتتسول عاطفته فلو فعلت ذلك لهرب منها

وهنا يظهر للرجل
ان سعادتها لنفسها فهي سعيده بوجود ه او عدمه
لانها تضع نفسها في المقدمه وهذه ( من اسرار العشيقات )
عندها يشعر الرجل بالاثارة والحماس
ولهذه المرأة يجب ان يعمل جاهدا" ليكسب اعجابها ويجب ان يسعى ليفوز بقلبها فهي بالنسبة له بمثابة
..التحدي الجميل

المرأه التي لايحبها الرجل هي
التي تعبر للرجل كلاميا" وفعليا" حاجتها اليه وضعفها وعدم استقرارها العاطفي والنفسي وعدم شعورها بالامان مما يؤدي بالرجل الى الهرب
بسبب الضغط والحصارفهو بحاجة الى الحرية والهواء

لاحظن معي انا غيرت التصنيف ماكتبت مرأه قويه ومرأه ضعيفه
لان قوه المرأه في ضعفها الانثوي والدليل تأثير تلك النظرات والغمزات والهمس والرقه
والدموع والدلع على الرجل فهي بضعفها تسيطر على الرجل بخفاءءءء
هي التي تخطط للحياه وتامر وتنهي وفي نفس الوقت تشعر الرجل انه سوبرمان وهو المنقذ ومدبر شؤون الحياه بشي بسيط جدا وهو استخدام انوثتها الطاغيه مع الافراط في شكرالرجل ومدحه

,,,,, يتبع
​

 

[ام فيصل و دانه]

خصوصياتك
لازم يكون عندك خصوصيات موتستعملون نفس مزيل العرق والا نفس الفرشاه
هالشي يوحي انكم نفس بعض فهل انت يا انثى نفس الرجال ؟؟؟

وشي ثاني امور اهتمامك بنفسك خليها خاصه مافيه داعي تقولين ودني الصالون ابي حمام مغربي والا فيشل
الرجال يابنات مو مثل تفكيرنا بيفكر انك
وسخه لهادرجه ماتنظفين الا في صالون دبري عمرك بعذر ثاني

وخصوصيات زوجك
ليه تراقبين زوجك وتنبشين وراه يعني اذا نبشتي
ولقيتي خيانه انحلت مشكلتك
بالعكس صارت مشاكلك ثنين تراقبيه وما تثقين فيه
احترمي خصوصياته وثقي فيه على الاقل قدامه واذا كنتي شاكه بشي راجعي نفسك ورجعي زوجك لحضنك بطريقتك وصفي قلبك وادحري الشيطان
وتخيلي لوهو يراقبك ويشك فيك وش شعورك ؟؟
واذا كان هو مسوي رقم سري لجواله سوي انت بعد
اذا سالك ردي بنفس رده

تخلصي من بعض العادات اللي تخرب عليك مشروع تغيير او تطوير ذاتك

1___واولها عاده التسويف وهي تأجيل امورك الى متى ايش تنتظرين كل ماقريتي شي قلتي بعدين اسويه !!! والا اذا تعدل زوجي معاي حبيبتي ابدأي التغيير في
نفسك وبعدها تلقائي يتغير زوجك كم مره قلت انه يتأثر فيك

2___ثانيا الاكثار من الشكوى
بدل الوقت اللي تضيعينه في التشكي دوري على حل
سواء كانت الشكوى من زوجك
والا اولاد والا ناس واللي يزيد الطين بله لما تتشكين عند زوجك .............
زوجك وييييييييين وانت وين
راسه مليان مشاغل ودوام وانت جايه تعبينه زياده!!!
وراح يهرب منك تبين تعرفين ليشششششش ؟؟

حطي نفسك مكانه ووحده تزن عندك كل شوي تتشكى زوجي عيالي فلانه!!!!!!!! عطينا رايك فيها ؟

اذا صارت لك مشكله اشتكي للحي الذي لايموت
صدقيني الناس ماهم نافعينك لاتقولين الا بشتكي لامي تحس فيني طيب حزنتي قلبها وخليتيها تحاتيك واصلا مافي يدها
هدايه لزوجك للي يهدي زوجك هو الله اقبلي عليه بالدعاء وخلى دعائك في الضراء و السراء وبري في امك ولا تدخلين الحزن على قلبها



......... يتبع
​

 

[ام فيصل و دانه]

التضحيه
الرجل مخلوق يحب التضحيه من اجل المرأه التي يحبها وهو يحبها لانه اعجب فيها شكلا ومضمونا
طيب اذا انت ضحيتي وتنازلتي علشانه ايش يصيرررر
بيروح يدور على امرأه اخرى يضحي هو من اجلها ويتلذذ بتغليها عليه فلا تضحين علشانه رجااااااء
لانه مو مطلوب منك

طيب نرجع للبدايه تبين زوجك يضحي من اجلك خليه يعجب فيك وفي شخصيتك ويذوب في انوثتك ساعتها راح يضحى ويبيع الدنيا علشانك

طيب ياقمر ايش اللي يعجب زوجك فيك ؟؟؟
هالشي نميه وعززيه وطوريه واهتمي فيه ....

دلع الزوج
التدليع السهل الممتنع وش معناها

دلعي زوجك بإسم وكلام حلو او مساج وقاتوه وعصير وبعدها على طول
تغلي عليه وانشغلي بشي ثاني بيدور عليك وينشب بحلقك
بس اذا دلعتيه ثم لصقتي فيه اكيد بيضطر يتغلى ووقتها اعرفي انك ناشبه بحلقه خخخخخ
وايش سالفه الليالي الحمرا والخضرا هل تدخل من ضمن التدليع ؟؟؟
تصدقين ان مالها دخل بالموضوع كل ماكانت الليله سمبل ( بسيطه ) كل ماكانت احلى شمعتين صغار او ورد منثور على السرير مع اضاءه خافته او بطاقه حلوه تحت مفرش جهه السرير اللي ينام عليها ولبسك خليه بسيييط
هذي البساطه اللي اقصدها مو تنصبين خيمه والا تحطين بالونات والا تتسدحين على فرشه زرقا .......ليله بحر خخخخخ
وتكثرين الخرابيط علشان ما يضحك عليك في نفسه ويقول
والله انها فاضيه اللي ماعجبها هالكلام ياليت لو تقرا تعليقات الرجال في المنتديات على هالموضوع

...........يتبع
​

 

[ام فيصل و دانه]

هل انت مغريه
الاغراء
هو سر يشوفه الزوج فيك قد يكون شعرك او عطرك او دلعك او صوتك
او نظراتك او طريقه نومك او او اشياء لاتحصر واذا عرفتي
السر اللي يغري زوجك ... مايحتاج اوصيك

القلوس ( ملمع الشفاه )
خليه على رف المغسله وكل ماتوضيتي جدديه
دائما اقرأ ان الدكتوره ناعمه تأكد على اهميه انك تحطينه يوميا وانه يعطي ايحاء جنسي

حوار زوجي من نوع اخر

ليش مايكون عندكم دفتر شكله حلو ورومانسي
له مكان ثابت في البيت اي وقت حبيتي تكتبين شي لزوجك تكتبين فيه
بيت شعر كم كلمه حلوه او اي شي ونفس الشي زوجك يكتب فيه لك اي وقت يبي موشرط تنادينه يافلان كتبت لك لا خليه متى ماشافه يشوفه خلاص هو عارف الدفتر
بس لازم يكون مكانه واضح ممكن على طاوله مرايه الاستقبال ( تصلح للجنوبي )

اللفتات الحلوه والهديه
مايحتاااااج اقول تاثيرها على الزوج خاصه لو كنتي طالعه مع اهلك تتمشين والا مع جارتك للسوق وتذكرتيه بشي بسيط قلم او ميداليه او كبك
ترى الهديه بمعناها مو بقيمتها وفي المناسبات هديه دسمه وبعدها
راح تخجلينه بكرمك و يهديك



........... يتبع

http://www.niswh.com/vb/showthread.php?t=242257&page=13​

 

[ريحانةالجنة]

الله يعطيج العافيه موضوعج اكثر من شيق واتمنى لك التوفيق .

 

[ام فيصل و دانه]

الكرامه بين الزوجين
كرامة المراةلا شيء يهينها الا اذا سمحت هي بذلك
بإستسلامها وخضوعها للاهانه
قرات استشاره
وحده زوجها دايم يناديها بإسم رجال ويقول لها جسمك
نحيف جسم رجال وهي تقول ماألومه !!! شفتو السلبيه
وعدم تقدير الذات وجايه تشتكين تبين شي يسمن جسمك
علشان زوجك شفتو السلبيه الثانيه بدل ما تتعدلين علشان نفسك
او تدورين حل لايقاف الاهانه اللي زوجك مغرقك فيها وانت راضيه وماتلومينه
وحل مشكلتها في يدهااااا وللاهانه تقول ستوووب لو سمحت ما اسمح لك
هذي خلقه ربي وانا راضيه فيها ومعجبه في نفسي وكل الحريم يتمنون رشاقتي

الاعتذار مو من قائمه الكرامه نهائي اذا كنتي غلطانه اعتذري وعلى فكره من خلال قرائتي لمواضيع الرائعه احلا فهمت ان الرجل مايقدر يعتذر بكلمه اسف
لان هالكلمه معناها غلطان وهو القائد كيف يغلط ( استوعبن هذه الفكره) تقبلي اي طريقه يعتذر فيها مثلا قالك كلمه حلوه
او ورده او طلب منك الجنس

الصراحه بين الزوجين
هل انت صريحه مع زوجك لدرجه انك تخبرينه عن ماضيك الحزين او السئ
وماضي اهلك ؟؟؟ هل تخبرين زوجك عن فضاضه والدك او بخل اخيك
هل اخبرتيه عن قسوه اهلك وضربهم لك برافو عرف زوجك انه ليس لك سند في الدنيا فليكن هو سندك يفعل مايشاااااء
هل اخبرته انك خضعتي لجلسات ليزر قبل الزواج
اذن ماذا سيتخيل شكلك قبل الليزر (( الرجل خياله واسععععععع جدا ))
هل تخبرين زوجك كم تقرفين من رائحه منيه او شكل عضوه
برافو لن ينسى ذلك كلما حدث جماع عادت الفكره الى رأسه
واصبحت العمليه تفريغ لا لذه وحب
وقيسي على ذلك امور اخرى انتبهي لصراحتك

الامور الماديه
من المسؤل عن احتياجاتك الماديه ؟؟
اكيد زوجك والاسلام مايفرض شي الافيه مصلحه
لان المراة التي تنفق تسقط المسؤولية عن كاهل الزوج فيبدأ في
البحث عن أمرأة أخرى تشعره أنه مسؤؤؤؤؤؤؤل
المراة التي تنفق تشعر بالمهانة والإستغلال تحقد تكره تتعب...
اذا كنتي موظفه خبئي ارصدتك عن زوجك
ولا تشاركين في الصرف على البيت والاولاد
اصرفيها على متعتك انت
المراه اللي تنفق تقل مكانتها عند الزوج لانه يفقد الاحساس بالمسؤليه ويحس انه ماله اهميه
وبيوفر هو فلوسه لوحده غيرها يكون مسؤل عنها ومهم عندها انتبهي من هذا المطب

كتبت المتجدده37 فيما معناه
كلما زادت حشمتك بحجابك كلما زاد تعلق زوجك بك
فأنت لؤلؤه مكنونه في قوقعتك وليس من السهل اخراجك
هو فقط من يستطيع ذلك
حجابك حجابك حجابك
تكفون يابنات لا احد يتخلى عنه
حسبي الله على اللي ينادون بالاختلاط ومنعوا المسلمات من
لبس النقاب في فرنسا وايطاليا
والله يستر من هالزمان
​

 

[ام فيصل و دانه]

اخيرا حبيت اختم

بمقال للدكتوره ناعمه غير حياتي الله يوفقها ويحميها من كل شر ومازلت محتفضه فيه الى الان

عيشي حياتك وخليه يعيش حياته !!!

عندما تفهم الزوجه معنى الزواج .
.وتتعلم كيف تتعايش معه ..تتغير حياتها وتصبح الامور اسهل .
.عندما نفهم بناتنا ان الزوج هو اضافه راائعه لحياتك السابقه
..وليست نقله من حياه الى حياه !!فنحن نجنبهن الكثير من الالم والمشاكل

..احتفظي بحياتك ..احتفظي بهواياتك ..احتفظي بصداقاتك .
.احتفظي بأهتماماتك ..واضيفي لها زوج ..احبيه واغدقيه حنان ودلع .

.وعيشي معه ولكن لاتعيشي له ..عاطفتك جياشه ورومانسيتك كبيره
ولكن لاتغرقين زوجك بها ..فهو لا يتحمل كل هذا ..بل انه يشعر بالاختناق
..وهذا مايدفعه للهروب منك ... تحكمي بعواطفك..ووجهي الجزء الاكبر منها
نحوك ..واقتطعي منها لزوجك ..لا تجعلي زوجك هو كل حيااااتك
..قد يكون صعبا تحكمك بعواطفك .. ولكن بعد التعود ..ستجدين متعه خاصه
بذلك ..اذا خرج لن تشغلي نفسك اين هو ؟؟
الم تكوني هكذا قبل الزواج ؟؟ ...اذا هذا سهل بأذن الله
نحن بحاجه الى اعاده تقدير لذاتنا ..السنا قادرين على اسعادها !!
الم نكن قبل الزواج متعودين على الاستمتاع بالوقت لوحدنا ..لماذا اصبح
زوجي هو مصدر سعادتي الوحيد ؟!؟! الا يوجد في حياتي غيره ؟!؟!؟!

اجد احيانا من تشتكي من سهر زوجها اليومي مع اصحابه .
.وتقول (( انا سويت كل اللي قلتوه ..طنشته وماسألت عنه .
..ويوم جاء ماافتكرت فيه ..بس مافي فايده !!)) ..من قال لك طنشيه ؟؟
ولا احقريه ؟؟
فأذا خرج اشغلي نفسك
بأي شي يجلب لك الراحه والمتعه ..هوايات ..طلعات ..قراءات... واذا جاء هلي ورحبي ..لانك مرتاحه نفسيا ماتنطرين منه شي !!
(( عيشي حياتك ..وخليه يعيش حياته ..
واذا التقيتوا استمتعوا باللحظات التي جمعتكم ))

حين تطبقين هذا ..ستذهلين من النتائج .
.فأن زوجك سيشعر بالراحه .ويتخلص من الضغوط .
.لانه لم يعد يشعر انه هو المسؤل عن اسعادك ..ولن يشعر بالذنب
لأنشغاله عنك ..وانك لم تعودي معلقه برقبته ..ستجدينه يقرب منك بنفسه
ويقترح خروجكم معا ..ستجدينه مستمتع كثيرا بقضاء الوقت معك
..فهو لا يشعر بقيود !!



​

 

[ام فيصل و دانه]

اعتذر للجميع لن ارد على الرسائل الخاصه في حال الاسئله فأنا لست استشاريه

ولو كنت استشاريه او فاهمه كان ما اضطريت اكتب هالاشياء عندي بدفتر انا حالي حالكم اتعلم
يوم اطبق و 10 لا و لازالت عندي اشياء في طور التعديل ولكن اعترف ان منتدى بلقيس غير حياتي وافكاري ولمست التحسن والفرق الشاسع

ولاتحسبون ان الحياه الزوجيه يا اما حلوه على طول يا اما تعيسه على طول لا الحياه الزوجيه سفينه وسط بحر

كلن همه على قده ولافيه حياه تخلو من المشاكل ( ولقد خلقنا الانسان في كبد ) لابد من المنغصات لاننا في دار الابتلاء والفناء

ومن منغصات حياتي حاليا تأخر الحمل
دعواتكم لي بالحمل السليم

(ربنا هب لنا من ازواجنا وذرياتنا قره اعين واجعلنا للمتقين اماما )

وفي النهايه اشكر الدكتوره ناعمه واعجز ان اوفيها حقها من الشكر

واشكر كل عضوه استفدت من مواضيعها او ردودها واخص بالذكر بدون ترتيب

زمان الوصل / A7LA / Red rose / سله فواكه / دره الكون /
o0o البنوتةo0o /عصفوره جريحه / ستروبري/ المهاجره /
جالكسي_قهوه / بنت مملكه بلقيس/ روعه انثى
/ نغمات النجاح
الاختصاصيه امل / الجـــــــازي/ حصريا في بلقيس
/ المتجدده 37
ladysoso / مشارق / ام حميده
​

 

[ام فيصل و دانه]

والعضوه
دانه بمعانيها
ايضا من ضمن الاسماء

واشكركم على قراءه موضوعي
​

 

[m00m00]

احس موضوعكـ هذا موسوعة شاملة كاملة

جمعتي فيها كل شيء تقريباً من الألف الي الياااء

ماشاء الله عليك

وبالنسبة للحمل جربي تروحي لوحدة تمرخك يمكن يطلع عندك الرحم مايل ولا مقلوب

الله يعطيكـ الصحة والعافية ويرزقك بالذرية الصالحة يارب

​

 

[areem19]

الله ايوفقو بما فيه خير

 

[3afraa_33]

الله يوفقك ويرزقك سعادة الدارين ...


موضوع راااااااااااااااائع بكل المقاييس ...


سلمت أناملك ياعسسسسسسسسسل ..وفي ميزان حسناتك ان شاء الله ..

 

[صديقه الانس]

يعجز لساني عن شكرك

عن تلك الدرر والنصائح الذهبيه الي سطرتها لنا اناملك فاتمنى من الله لك الذريه الصالحه قريبا باذن الله

 

[المعشوقة]

اللة يعطيك سعادة الدنيا والاخرة

 

[شجن2008]

جزاكي الله ألف خير
مجهود رائع تشكري عليه
الله يرزقك الذريه الصالحه عاجلاًغير أجل
ودمتي بألف خيير
شجن