بادئ الموضوع تاريخ البدء
  • المشاهدات 2,024
  • الردود 10

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
السلام عليكم ورحمة الله وبركاتة,,,
بصراحة عندي مشكلة صغيرة مع زوجي وما ادري هل الطريق الي ماشية فية صحيح او خاطئ؟؟؟
مشكلتي تبدا بان زوجي من فترة اكتشف اني كذبت علية باشايء بسيطة وانا والله موقصدي اني اكذب علية بس (كنت لازم اكذب لاني ما كنت ابي احط امي بموقف غلط)حبيت انة اكذب ولا اني اخلي امي تطيح من عينة_وربي حسو فيني وربي عشان امي_واكتشف اني كذبت علية وطبعا واجهني بس كذبتة وصرخت بوجهه وزعلت ولما رجعنا لبعض صار من بعدها ما يثق فيني وقالها لي انا اكتشفت انج جذابة صار يدقق على امور سخيفة عشان بس يطلع كذبتي وصار يدق على بنت اختي اصغر مني بس عشان ياخذ منها كلام ويعرف هل انا كذابة والا صادقة؟؟؟
حتى مرة قالي انتي وينج قلتلة في بيت اختي بس ماقلتلة بروحي بس حس من كلامي اني بروحي وبعدين سالني منو عندج قلت خواتي وفعلا خواتي عندي قالي لا جذابة محد عندج ورحت انا قلتلة اذا مو مصدقني رحت ناديت بنت اختي وقلتلها يا بنت منو كان معاي بالبيت قالت خواتج وبعدها سكت مارد علي وطنشت الموضوع ولا تناقشت فية؟؟؟
والحين كل ماقلتلة سالفة قالي جذابة صرت اقولة كيفك لا تصدق؟؟؟
يعني مثلا امس بليل رجعت للبيت انا وخواتي الساعة12 وقالي ليش تاخرتو قلتلة لان رحنا تعشينا قالي وين تعشيتو قلتلة بالعرس من بوفية العرس قالي جذابة صح رحتو مطعم قلتلة لا؟؟قالي امبلاا قلتلة كيفك لا تصدق دامك تبينا نروح للمطعم اوكي خلاص نروح مطعم وبلاش اكلنا من البوفية وطنشتة ةسكت؟؟والحين شنو اسوي معاه؟؟؟؟؟
 

عنقود عنب

~◦ღ( حكيمة الإستشارات الزوجية )ღ◦
إنضم
5 يناير 2007
المشاركات
4,409
مستوى التفاعل
0
النقاط
0
الإقامة
قطر في قلبي
الله يعينك اختي حباري

ردة فعل زوجك طبيعية جدا .. عاد هو مو شغلة انت ليش كذبتي .. عشان امك او عشان ابوك او او

المهم عند الرجل انك كذبتي

يبغيلك فترة طويلة عشان تحسنين صورتك مرة ثانية في عينة

نصيحتي ...حاولي انك ما تسوين اشياء تثير الشك في نفسة

اهتمي فيه اكثر .. وحاولي ان اي شيئ تبغين تسوينة كأنتك تستشيريه فيه ..

لا تطلعين الى مكان الى وهو عنده خبر عنه

قولي له ما يحصل لك (اي شي) قبل ما هو يسألك عنه ..

لكن اصبري .. وتحملي

لك كل احترامي
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
لا تسوين اكثر من وقفه حازمه كل ما راح يقول لك كذابه قول له انا ما ارضى تقول لي كذابه احترم نفسك وكفايه
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
يا بنات بقولكم شنو صار اليوم؟؟؟
تدرون شنو صار؟؟؟
انا خطي مفصول وطول هالفترة اكلمة بخط امي وكنت اليوم ابية يجي ياخذ مني اغراض بعطية فجاة اول ماسديتة منة دزيت لة مسج قلتلة اشرايك اليوم تجي تاخذ مني الاغراض وفجاة بعد مادزيت لة المسج جتني امي وخذت الجهاز مالها لانها كانت بتروح حق المزرعة مع ابوي واختي الكبيرة وطبعا ماعطيتة خبر(بصراحة مافكرت اعطية)بس قلت حق امي اذا دق زوجي(خطيبي)على طول عطيني خبر دقي على تلفون اختي وبس..
المهم زوجي دق على جهاز امي وصار يدق ورى بعض باستمرار واختي الكبيرة خذت جهاز امي وسدتة بوجهه وسكرت الجهاز لانة فشلهم عند الحريم وانحرجت امي ماقدرت ترفع السماعة؟؟
المهم اختي دزت الكبيرة دزت مسج حق اختي الصغيرة وقالت لها قولي حقي ان زوجها قاعد يدق وفعلا انا على طول مسكت تلفون اختي الصغيرة ودقيت علية؟؟
المكالمة كالاتي.........
انا : الو هلا حبيبي دق علي سوري التلفون مو عندي امي خذتة معاها المزرعة ودقت علي تقولي انك تدق(انا قاعدة اقول الموضوع بصورة عامة ماقلت ان اختي دزت مسج ومدري ايش)
هو : كذاااااااااااااااااابة توني الحين داق وتسكر الجهاز بوجهي اشلون امج دقت والجهاز مسكر؟؟
انا : لا امي عطت اختي خبر واختي ارسلت مسج لي تقولي دقي على زوجج قاعد يدق ودقيت عليك
هو: ترى انا ماحب الكذب ترى الكذب مو حلووووو
انا : والله ان الجهاز عند امي مو معاي؟؟
انا هنية بديت انفجر من طريقتة وقلت((((((((لحظة ليش انت تقول عني كذابة ترى انا ما ارضى تقولي جذي؟؟ ماني جاهل عمري15 سنة وانت16 نكذب بعضنا؟؟يعني بالعربي ليش اسكر الخط بوجهك واسكر الجهاز وبعدين ادق عليك يعني شنو الحكمة من هذا كلة؟؟؟ وبعدين انا باستطاعتي ادق على اختي الكبيرة واشبكك معاها عشان تسمع الكلام بس مابي انزل من مستواي جدام اهلي وجدام نفسي؟؟وبعدين انا سكت مرة ومرتين بس الظاهر تماديت؟؟ترى الحياة الزوجية قائمة عالثقة؟؟انت ترضا باجر اكذبك اذا طلعت اي مكان واقول لا انت جذاب مارحت هالمكان؟؟؟انا مابي هالشي يدور بينا؟؟وبعدين شنو شايفني انت كل الساعة والثانية تقولي هالكلمة بدون احترام؟؟)))))))))
__وطبعا هو ولا كلمة نطقها____
وبعدين قلت عاد بحنان( يا عمري انا لما اكلمك الحين انا ما اهاوشك انا قاعدة اتناقش معاك من اشياء تضايقني فيك مثل ما انت اذا غلطت تعلمني انا بعد اعلمك (والمفروض ما اعلمك المفروض انت الي تعلمني)انا وحدة جامعية وانت انسان جامعي ماتدور هالتفاهات بينا ابدا؟؟
وبعدين قالي اوكي باي انا مشغول قلتلة لا كلمني مو مشغول انت؟؟؟قالي ابي اسدة انا مشغول(يتغلى)وبعدين قلتلة اوكي بتمرني اليوم تاخذ الاغراض قالي لا مابيهم خليهم عندج___
قلتلة اوكي بسدة بس قبل لا اسدة مابي هالشي يتكرر مرة ثانية قالي انشاء الله بس بطريقة مالة خلق لي قلتلة وثاني شي ترى(من تغلي يخلى) يلااا باي وسديتة

عاد من امي دريت انة كان لما دق علي موبايل امي انة كان جاي لبيتنا وكان قريب يبي يجي ياخذ الاراض مني لانة دز مسج حق امي قبل لا يدري ان التلفون مو معاي؟؟؟
وهذا الي حصل والحين اشرايكم انا احس غلطت لما قلتلة اني اقدر ادق على اختي واشبكك عشان تتاكد بس مابي اهين نفسي؟؟؟
اشرايك سويت صح والا غلط؟؟؟
 

some1

New member
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
حبارى أختي و الله قصتك قصة ، يعني حطي نفسك مكانه ، والله العظيم لو أنا كنت والله ما أصدق ، يعني طول عمري بتم أشك فيه ،،

نصيحتي ، طولي بالك وحاولي ما تثيري الشكوك حولك لانه الزجاج اذا انكسر ما ممكن يتصلح ! والله أعلم ،،
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
حبيبتي عشان تتجنبين زعله يوم بتصارحينه بشيء يضايقج لا تراضينه كانج غلطانه عطيه فرصه عشان يعتذر
 

محمد الزعابي

عضوة مخالفة لقوانين المنتدى
إنضم
13 نوفمبر 2006
المشاركات
106
مستوى التفاعل
0
النقاط
0
الموقع الالكتروني
🔗
ممكن سؤال هل هو زوجك والا خطيبك ؟ علشان اعرف ارد عليك بشي مفيد

محمد الزعابي
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
هلا اخوي محمد الزعابي هو خطيبي(مالكة علية)بس للحين ماتم الزواج
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
بس خطيبي اعرفة ماعمرة اعتذر لي بس يدق علي ويقعد ينكت ويسولف كان ماصار شي؟؟اشلون اتعامل مع هالشخصية عشان ابين لة اني متضايقة؟؟
 

النورس الأبيض

مراقبة سابقاً
إنضم
6 نوفمبر 2006
المشاركات
1,422
مستوى التفاعل
1
النقاط
0
اختي عامليه زي مايعاملك بضبط .........اذا كان مايعتذر ويمشي الموضوع انتي كمان اذا غلطتي لا تعتذرين ومشي

الموضوع .......ولا تجبرينه على الأعتذار ابداً لأنه حتى لو اعتذرلك نتيجة ضغط منك بعدين يوم يرجع يفكر بالموضوع

حيتضايق ويحس انه قلل من نفسه كثير ويحقد ويحط الوم عليك لأنك اجبرتيه على الأعتذار .........

والله يوفقك اختي
 

عضو سابق

ملكة نشيطة
إنضم
23 يناير 2007
المشاركات
1,348
مستوى التفاعل
1
النقاط
0
الإقامة
الامارات / رأس الخيمة
انا اقول اذا كذبك فالمره الاولى

لازم توقفيه عند حده ..



لو كان حتى (طفل) كذبك لاول مره وقفيه عند حده ...

فكيف بزوجك .. اذا فقد الثقه من البدايه خلاص ..ما بثق فيج ابد بعدين ولو لاسباب بسيطه..

عشان جذي...

اذا كذبك ... اول مره اشرحي له الموقف واذا اصر هو على تكذيبك...

سكري عنه ولا تكلمينه وازعلي منه.. وبيني له ان اكره ما عندج ان احد يكذبك ... ويقول لك انت كذابه..

وبيني له انج ما توقعتي منه هو بالذات هو بالذات انه يكذبك..

وانج خذيتي عهد بينج وبين نفسج من البداية انج تكوني صريحه معاه.. من غير لف ودوران..

فبتي على هذا الموقف وبتكذبي عليه..؟


اهم شي ان بيني له ان الكلمة الي طلعت منه والموقف الذي سواه انج مو راضيه عنه بتاتا..

واكدي عليه بعدم تكرار هالشي...

ولو ما تزعلي يومين بحس بالغلط الي سواه..وبراجع نفسه..

وان شاء الله ما يصير الا بما فيه الخير ان شاء الله حبوبه...

ربي يحفظج
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى