ماذا افعل في فترة الملكه (عشان اخليه يحبني مووت)

[ابتسـ أمل ــامة]

السلام عليكم

شخباركن بنات

انا عضوه يديده عندكم اتمنى احصل على الاستفاده من خبراتكن

انا ملجت من يومين و الحمدالله
و كنت اكلم خطيبي قبل الملجه و في بيننا حب بريئ و الحمدالله مرتاحين مع بعض
في شي يخليني اقدر هالإنسان وايد هو انه تعب وايد على شاني وعلشان ياخذني و ماشاءالله عليه مايحب يقصر فيني بشي
الصفه الي احسها صعبه فيه هي العصبيه و التوتر السريع>>يعني وايد يحاتي و يتوتر و يفكر بقلق و بسلبيه احيانا
اما انا العكس ايجابيه و ما احب احاتي وايد دام ان كل شي بأمر الله بيصير

الحين حابه اعرف كيف اقوي علاقتي فيه
انا وايد خجوله صح اني كنت اكلمه من مده بس بعدني ماتعودت >>هو الي يتكلم و يسأل و انا اكثر شي اسويه اسمع و مرات انا اسكت و هو يسكت وصدق مانعرف شو نقول

انا الحين قلت فترة الملجه خلاص صرنا زوجين شرعا وقانونا يعني قبل كنت احاسب اقول اي شي بس الحين اقدر وعندي حريه اكبر حتى في المواضيع الي اقدر اتكلم فيها

فياريت يا بنات تساعدوني بأفكار و كيف اتكلم وياه وكيف اخليه يحبني و يمووت فيني
غير جذي هو للحين مازارني و اول زياره بتكوون يوم الاحد
فشو تنصحوني طبعن اخوي بيكون قاعد ويانا>>يمكن لو اخوي مايكون موجود بكون مرتاحه اكثر
ابا اعرف منكم كيف اتصرف,كيف اقدم له الاكل و جذي،كيف اسلم عليه؟

يعني فيدوني بأي شكل يناسبكم عشان اتعلم واعتبروني اختكم الصغيره

و اماااااااانه لاتحبطوني و تطنشون الموضوع حتى لو وحده ماتعرف شو تقوول اكتبيلي ماعندج سالفه اكتبيلي الله يوفقج اكتبي الي فخااطرج بس لاتطنشوون


يلا اسمحولي الحين و لي رجعه اتمنى اشوف الردود عددها 1000000

سلام

 

[ابتسـ أمل ــامة]

ويييييينكم تعالوو انا شوو قلت
حتى لو تحطولي لنكات لمواضيع قديمه لو الموضوع مكرر

 

[تحت زخات المطر]

وانا كمان ايغى اعرف اش اسوي وبرفع الموضوع

وخيتو ابتسامة امل سرتي هرجتنا في فنجان قهوه كله نتكلم عن مواضيعك
اش رائيك تشاركينا

http://www.niswh.com/vb/t157323-57.html#post3413035

 

[تحت زخات المطر]

.................................

 

[دلوعه ماركه]

متابعه معك لنستفيد

 

[عيون عزيز]

تدلعي عليه بالكلام ...يعني اذا كلمج نعمي صوتج واااااااااااااااااااايد وكله تنهدي ...بيقول لج شفيج ..؟؟قولي كنت أتمغط حبيبي خخخخخخخخ....
لا اضحك معاج...بس صج رققي صوتج وايد وكثري تنهيدات وتغلي عليه دايم...جننيه....
وبعدين شاللقافة اللي في اخوج راز ويهه معاكم اذا زوجج زاركم...؟؟؟؟
صج بلشه...حاولي تصرفينه....
يعني شنو بيغتصبج في بيتكم؟؟؟ أنا ريلي لما كان يزورني في بيت أهلي كنت ألبس بلوزة كيوت بدون كم سترتش بدون ستيان وبنطلون جينز وفاتحة الأزرة من فوق عشان الخط يبين بالفيت ما أدري والكحل ما يطيح من عيني والشعر حراير...ومبتسمة بدلع وأتكلم بأنوثة ومسوية روحي دلوعه والدلع مب صوبي,,, وكانت عيون ريلي طايرة وهو يمد شفايفه يبي يبوس وأنا أوخره بدلع وقول لاااااا أستحي وأنا من داخلي مولعه خخخخخخ.....وكنت ماااااااايعة معاه وألعب بشعري وأعض شفايفي وأطالع له وأنا مسبلة عيوني نفس نظرة مارلين مونرو...وأهم شي الروج الحمر....
واذا اتصل فيني ما أرد على طول أقوله كنت أمنكر أظافري باللون الوردي.ااممممممم..كنت أتسبح وحاطة رغوة فالبانيو ..أو ...أسوي حمام مغربي ..يعني شغل بنات...
بصراحة لو أقعد أكتب البلاوي اللي سويتها لريلي بتتمللين,,,أنا جريئة بس مسوية روحي قطوة مغمضة((مشتهية بس مستحية))
اذا ياني البيت ساعات كنت أقعد في حضنه وكان يستخف وأمصمص شفته وأقوم بسرعة أقول وييييي نسيت أراويك شي وأدش البيت وأييب له هدية ويقول مابي هديتج ردي قعدي في حضني وأنا أرفض..يعني حركات قرعه من اللي بالي بالك
هي صج شهرين بس سويت النون وما يعلمون ...وكان زوجي متخبل علي لأنه كان مطلق وقلت في نفسي والله لخليه يحس روحه توه متزوج لأول مرة,,,
وصج صارت مشكلة فترتيبات العرس وكان بيتأجل بس هو تجنن وسوا الهوايل عشان يعجل بالعرس...وللحين يقول لي هالكلمة(((أحس نفسي أول مرة أتزوج))) ولله الحمد ..وأنا ألحين عندي اثنين وأحاول أتم الدلوعة الي خطبها وما أنسى روحي ..صج تعب بس كل شي لعيون حبيبي يهون خاصة انه جنوبي ويبي أنثى جدامه اربع وعشرين ساعه.....

 

[مشاعر خجولة]

ماشاءالله عليك ياعيون عزيز ،،،نصايح حلوة ومفيدة

................................................................................
ملاحظة صغنوووونة،،
صاحبة الموضوع لها سنة كاتبته
الله يوفقها يمكن معها بيبي الحين

 

[مهندسه قطريه]

ماجربت ومنكم نستفيد .. الله يوفقج ان شاء الله

 

[عيون عزيز]

................................................................................
ملاحظة صغنوووونة،،
صاحبة الموضوع لها سنة كاتبته
الله يوفقها يمكن معها بيبي الحين[/QUOTE]
ويييييييييييييييه فشيلة ....؟؟؟
توني انتبهت للتاريخ....
يالله الله يوفق صاحبة الموضوع ويسترعليها دنيا واخرة...
((صج فشيلة هههههههههه))

 

[~أغلى الغاليات~]

هههههههههه لا تحاتين في فتره الملجه هو بدون شي بيموت فيج بس البلا بعد الزواج ..هنيه الصعوبه في انج تخلين حياتج مستقره الحب موجود في الجو لانه بعد سهر او شهرين احتمال كبير يرجع لطبيعته القبليه طلع وسهرات والى اخره ..حبيبتي خلي هالفتره فتره دراسه لكل شي هو يحبه ..لان الزوج ما يقول اللي يبيه الا الحين بعدين لو قصرتي ما راح ينطق الا اذا وصل حده..حاولي تعرفين هو شيحب وش يكره ..عشان يكون مرجع لج مستقبلا..ونصيحه اول ست شهور في الزواج هي اساس الزواج ان نجحتي فيها باذن الله بتنجحين في كل حياتج معاه..والصبـــــــــــــر تزودي به لانج بتحتاجينه..مستقبلا..واعرفي ان في فتره الملجه مستعد يسوي لج البحر طحينه بس بعد الزواج بتبتدي الممنوعات تطلع فتقبليها برحابه صدر..ومثل ما قلت لج خلي عندج طوله بال..انا عندي بعد الزواج هي مرحله اساسيه اكثر من الملجه..لان فتره الملجه هي فتره الحب الاعمى وبعد الزواج كل الطرفين يبتدون يفتحون هههههههه فستعدي لهالمرحله..وبالتوفيق الغاليه..

 

[~أغلى الغاليات~]

ههههههههههههه ويه الله يسامحكم..تفلسفت وكتبت..واخرتها الموضوع قديم..هههههههه الحين البنت حامل..ههههههههه

 

[caramelaa]

ادلعي وتغلي وحسسيه انج شي مهم واغلى شي .. لا ادلعينه وتركضين وراه وادقين عليه كل شوي وتسوين روحج ميته عليه لا ثقلي خلي اهو اللي يسأل و يدلع ويتولع
التغلي بس كثر منه واستانسي معاه
وتقديم الاكل والمشروبات عادي لا تفنتكين خلي كل شي عادي عشان مايتعود ولي عرفتيه وعاشرتيه ابتدي بدعي معاه كل يوم شكل

 

[سليل الزهراء]

عيون عزوز وجميع العضوات
نطالب بكتابة لمزيد
عشان نتعلم شنسوي في الملكة

 

[سليل الزهراء]

لرفع لاستفادة الجميع

 

[khadouj]

صحيح كلام أختي سليل ياريت تكملوا لنا نصائحكم و تجاربكم ..

و الله أحنا بحاجة لنصايح مو بس للمتزوجين و عايشين في بيت واحد

يعني احنا كمان حالتنا حاله و الله

قليل لي يقدم مواضيع للملكين ...احنا مساكين نشتاق و نتألم و نحب

بس ما نقدر نعمل شئ لأنه كل واحد فينا في بيت

أهلوا .................