شوفي حبيبتي جيانة انتي كفيتي وووفيتي وكلامك عالعين والراس وصح مليون بالمية
وفي نقطة مهمة لابد تتوضح مو معقووووووووووووول ان الرجل بيكون متحمل الخطا مية بالمية ترا احيانا الاخطاء تكون من المراة واحيانا بدون قصد تكون جالسة تكبر هوة الجفا والبعد بدون ماتدري ابسطها الجنوبية والشمالي هييا تحن وتزن تبغى كلام حلو ورسايل وهو طفش وراح ينفجر منها وهيا ماتدري شالسالفة كل ما تعطيه حب وتقرب يهرب ياربي في راسها شالسالفة <<<<<<<<<< ههههههه تتكلم عن نفسها قبل تدخل بلقيس
يا خواتي ادري اننا مو مقصرين وحلوات والحمد لله شايفين بيتنا واولادنا لكن ممكن التقصير كله يكون منا لما نكون نبغى ازواجنا زي الريموت كنترول بيدنا ابغى هديه لام يجيبها ماجابها انا ااتعس وحدة ابغى اطلع ما طلعني قامت القيامة
اشياء كثير متعستنا وهيا اصلا قشور وفي اشياء اهم وتسعدنا قدامنا مو شايفينها لاننا غصب الا بناخذ الي في بالنا بالله هادي مو اسمها انانية
ترى ما اهاجم احد كثر ما اوجه النقد لنفسي كيف بعد ما قريت هنا حسيت اني اتحمل مسؤولية 70% من المشاكل الي مريت فيها واقول يالله لو اني دخلت هنا من زمان كان اشياء كثير تغيرت لكن خيره
ثانيا وهوا الاهم
حبيباتي نقطة مهمة لما نجي هنا ترى جالسين نكتب نبغى حل مو القضية تقطيع في لحوم الازواج لان كم رد قريتعم في مواضيع قديمة استات منها الحقيقة لقيت وحدة تقول عن زوجها مايرضيه الا جزمة في فمة لا يا اخواتي لا وال فلا وقفي هنا ترى الغيبة حرام وهادا مو اي شخص ترا زوجك وابو اولادك ساترك في بيته صارف عليك حتى لو ما سكثر لو يجيه شي بتكوني مبسوطة طبعا لا اذن اتقوا الله لا تحسسونا ان السالفة ان كل وحدة متضايقة من زوجها داخلة تسب وتشتم وتطلع لالا احنا اجتمعنا لجل نحافظ على بيوتنا ونسعدهم ونسعد انفسنا ونسعد اولادنا ونعيشهم جو من السلام والوئام ونربيهم بصفاء عقل بدل ما تكون عقولنا مشوشة بمشاكلنا
يمكن انا طولت عليكم بس معليش الاخت جيانة لامست موضوع حساس كثير ومهم الله يعطيكي العافية
والرجيم والتخسيس شي الكل يقدر عليه الحرمة لما تشتهي تسوي المستحيل انتي خلي عندك ارادة عشان وعشان زوجك تقدري لا تقولي مقدر ربي ما خلقك عشان تاكلي لا الاكل شي يعينك على الحياة والطاعة
مرة زوجي قال لي زمان كلمة رنت باذني ما انساها لما كنا في اول الزواج رحنا نشتري ساندويشات
قال تبغي واحد والا اثنين قلت لا واحد وياله اخلصة تعرفي اول العرس مايقصروا لا كلي زيادة تكفين قلت والله ماني مستحية بس جد مقدر تدروا ايش قال ابتسم وقال اصلا احس الحرمة عيب تاكل كثير ( قصدوا عيب تصير مشفووووحة ) والله معاه حق
انتبهوا لجسمكم لرشاقتكم لابتسامتككم لكل شي ممكن يكون بريد لقلوب زوجكم لان سعادته رضا لله ثم سعادة وهناء لك
الله يوفقك جيانة انا كثرت صح لكن يارب تقروا كلامي من اخت ناصحة صح عمري 31 سنة لكن احس ان مخي كبر عشرينا سنة بعد ما دخلت الموقع هنا الله يكتب لنا جميعا الي فيه خير لنا في دينا ودنيانا وعاقبة امرنا
