ماتوقعت عمري وشبابي وحياتي يضيع بلحظة

[العبررة خانقتني]

السلام عليكم كيفكم يا خواتي اه من القهر والله بموت من الحزن والقهر زوجي اللي قلتلكم انه بيتزوج قهرني تهاوشت معه وانا قلتلكم انه يضربني ويسبني ويشتم اهلي ويجر شعري ويرفسني وكل اللي يخطر ببالكم وقلتله انا صبرت عليك لاني احبك والا وحدة ثانية مابتصبر عليك قال بكل برود ليه تصبر وليهاصلا بضربها الثانية بتكون رقيقة ماتتحمل الكلام الجارح وجسمها مايتحمل الضرب وبدلعها وبمشيها وبلبسها ماركات وبسويلها غرفة نوم ماحد سواها لانها بتكون بدون عيال كل شي فيها حلو وعيالها بسميهم اسامي دلع مومثل عيالك وانتي مو عاجبتني وموداخله مزاجي وماتعرفين تبوسين وقمصان نومك مو عاجبتني ووووو الى اخره والله اني مو مقصرة معه بشئ وكان يحبني موت وكل لبسي يعجبه والحين تغير والله اني مااقدر انسى كلامه وانا بالمطبخ ولا الصالة ولا الغرفة ولا الحمام الله يكرمكم ولا نايمة والله الكلام لين الحين باذني مااقدر انساه جرحني وانا اقول خلاص بجلس لعيالي وانته روح اتزوج انا خلاص انجرحت وانكسرت ومااقدر اكمل معك وش رايكم اللي سويته صح ولا خطا وربي اني اكتب والكلام في راسي مو قادره انساه

 

[ندوودة]

يالله الله يصلحه لك ويسخرة لك يارب والله يااختي مااقدر اقولك الا كلمتين كل مارن باذنك كلامه استغفري وسبحي وادعي ان الله يسخرة لك ويهديه والشيطان دخل بينكم وخلاه يقول هالكلمتين
دام انه يحبك مالك الاالدعاء ان الله يسخره لك ويرده لك رد جميلا
ولك هذي العوه مني
يالله ياواحد يااحد يافرد ياصمد سخر زوج>>العبره خانقتني <<لزوجته واهديه واصلح حالهم يارب انك بهم رؤؤف رحيم

 

[ندوودة]

يالله الله يصلحه لك ويسخرة لك يارب والله يااختي مااقدر اقولك الا كلمتين كل مارن باذنك كلامه استغفري وسبحي وادعي ان الله يسخرة لك ويهديه والشيطان دخل بينكم وخلاه يقول هالكلمتين
دام انه يحبك مالك الاالدعاء ان الله يسخره لك ويرده لك رد جميلا
ولك هذي الدعوه مني
يالله ياواحد يااحد يافرد ياصمد سخر زوج>>العبره خانقتني <<لزوجته واهديه واصلح حالهم يارب انك بهم رؤؤف رحيم

 

[سنتوريا]

الظلم ظلمااات
ذكريه بالله
وقولي حسبي الله ونعم الوكيل اللهم رده الي ردا جميلا واجعلني كما يحب

 

[كيوت حدي]

تصدقين هو اعطاك الحل بكلامه بس انتي ماتفكرين غير بحبك له

يعني هو قال ابي واحدة رقيقة ووو....... الخ

كان يتمنى تكوني هذي الانسانة بس انتي فضلتي تكوني في الموقع اللي انتي فيه

بقلبي كلام ثاني بس ماابي اقوله لاني مو مختصة عموما عليك بالدعاء والاستغفار

وتقوين نفسك وتتجاهلين كلامه كله وترضينه لوجه الله واحتسبي الاجر لله

والله يسخره لك ياااااااااااااااااااااااااااااااارب

 

[رضاك والجنه]

من عافنا عفناه لو كان غااااااااالي اتمنى تكونين فهمتي قصدي يعني بالعربي طنشيييييييييييه وعيشي حياتك مافي شي يسوى تهينين عمرك عشانه وعلى قولتهم ولدي لو صد عني ما ترجيته خلاااص انسيه وعيشي لنفسك واكثري من الدعاء والاستغفار وشوفي راح يرجعلك مذلول بس انتي طنشيه ولا تسمحيله يمد يده عليك مره ثانيه والله يهدي سرك

 

[S.smsm]

الله يعينك ويصبر قلبك ,
والله ماادري وش اكتب لك لكن ادعي الله بكل مافي قلبك..(اجيب دعوة الداعي اذا دعان)

حفظك الله..

 

[~أغلى الغاليات~]

تحديه وتحدي نفسج وكوني انثى دلوعه ومثقفه وراقيه عيدي ترتيب حياتج مب عشانه عشان نفسج..بكل بساطه استسلمتي وبتقعدين عشان العيال ليش عمرج ما تبينه السعاده ما تبينها خلاص حددتي دورج في هالحياه ام وبس؟؟..حبيبتي انفضي عنج هالاستسلام ..هو لو ما حس انج ضعيفه جان ما قال هالكلام ..وكل هذا بس عشان يحرق اعصابج اكثر ..مد يده عليج وسكتي واستحملتي شتم اهلج ورضيتي والحين يوم جا يتزوج انقهرتي من زين اخلاقه بتموتين عشان ما يتزوج انتي تعرفين ان هو بيدلعها وهذا اللي قاهرج وانتي تعرفين ان هي بتفرض حدود له انتي ما رسمتيها وهذا اللي كاسرج ..ترى هي ما عليها زود ..حبيبتي من عز نفسه الناس تعزه ..خليه على جنب وانتبهي لنفسج ..وفكري بنفسج لا تضيعين ايامج على شي يمكن يصير ويمكن لا خلج في اهدافج انتي وحياتج اللي راحت بين ضرب وشتم وخدمه لهالمخلوق ..عيشي حياتج عشان نفسج مب عشانه ..وشوفي شلون بيجيج بنفسه ..شتتوقعين منه بعد كل اللي سواه فيج بيبكي دم ويترجاج ترضين عليه ؟؟؟؟ غلطانه كل ما بينتي ضعفج كل ما داسج ..هالمره دوسي على قلبج وشغلي عقلج ..المنتدى مليان مواضيع تقوي عزيمتج واصرارج..محد يعيش حياه كامله بس عيشتج مب عيشه الله اللي خلقج عزج وحفظ حقوقج وهو يجي يذلج لان زوجج ..صحصحي وخل هالكلام يقويج مو يكسرج..ارجعي لنفسج ولذاتج اللي ظلمتيها وشوفي اذا هو ما رجع لج واحترمج غصب عنه ..

 

[العبررة خانقتني]

اناقلتله ابى بيت بروحي انا وعيالي وانته اتزوج وعش حياتك قال مافي بيت بروحك ومادامك عندي تسوين كل شئ لي وبكرهك فيني واخاف يجيب زوجته عندنا اذا جابها البيت بجلس اتذكر كلامه على طول اول كان مايوديني لاهلي والحين يزن على راسي روحي لاهلك وانا ابى ااجل الروحة عند اهلي وقال البارحة ياعيال امكم ماتبى تروح عند اهلها خايفة اني ماارجعها والله موهذا قصدي اه قهرني وانا توني صغيرة

 

[$بنوته فله$]

< انا لله وانا اليه راجعون >
طنننننننشيه

 

[العبررة خانقتني]

هو مو مقصر بالبيت ومع الاولاد بس معي مقصر بالمعاملة وانا شايلتنه على راسي ويقول انتي اللي بتتعبين وبتندمين وقلتله وانته قال الله واعلم يمكن اندم ويمكن لا

 

[راحةالقلوب2]

شوفي حبيبتي ...هو ما يتوقع منك انك تتخلي عنه لانك تحبيه
انتي روحي عند أهلك ولا تكلميه وسوي نفسك زعلانة او ازعلي وهذا حقك وإذا جا وقال لك ارجعي بيتك لاترجعي وقولي لساتي ما ارتحت او ما شبعت من اهلي
والرجال ما يحب يخسر حتى لو كان شيء تافه
اعطيه فكرة انه بيخسرك
قولي انا بروح عند إهلي أفكر بحياتي هل أواصل معك أو لا واخلي اولادي معك
وماطليه ..وكل ما سألك قررتي ...قولي لا اخاف آخذ قرار واندم عليه ...اعطيني مهلة كم اسبوع افكر لأن القرار اللي بأتخذه صعب ولازم افكر مليون مرة قبل ما أتخذه ...وخليه يفهم من كلامك انك بتفكري تنفصلي عنه عشان يعيد حساباته من جديد ...
والرجال ما يحب الحرمة اللي تلصق فيه والضعيفة
وانتي يا اختي لساتك صغيرة وهو بيسوي فيك الهوايل اجل لو كبرتي وصرتي في الاربعين وش بيسوي فيك
لاتلصقي فيه ولا تكوني ضعيفة
وعلى قولة البنات هو اعطاكي الحل بالدلع والغنج والتغنج وغيره وغيره
وتذكري دائما
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

 

[~أغلى الغاليات~]

هو مو مقصر بالبيت ومع الاولاد بس معي مقصر بالمعاملة وانا شايلتنه على راسي ويقول انتي اللي بتتعبين وبتندمين وقلتله وانته قال الله واعلم يمكن اندم ويمكن لا

مقصر بالمعامله لانج ما حطيتي حدود ما خليتي يحترمج غصب عنه ..حبيبتي اذا هو مو مقصر في البيت ومع اولاده فهذا واجبه وغصب عنه لكن من حقج المعامله الحسنه والاحترام ..فكري وابتدي تغيري لنفسج ..وما انصحج تروحين بيت هلج الحين لان في الاصل شكله بايع عادي يتزوج لان فكرته عنج نفس ما هي ..غيري نظرته لج وبعدين سوي هالخطوه ..

 

[بارونة القمر]

الله يعينك يااختي...


كثري من الاستغفار...وشغلي البقره في بيتك وانسي كلامه ...واهتمي بنفسك ولاتعتبرين له وجود اهم شي نفسك واطفالك...والله كبيـــــــــــــــــر...

بنات فيه وحده زوجها مايطيقها وتقول صرت اكثر استغفار وسبحان الله تغيرررر مررره صار متعلق فيها لدرجة انو يقول لها شكلك ساحرتني من كثر ماصار يحبها....

 

[الراايقه]

الله يفرجه لك ياااااااااااارب

 

[العبررة خانقتني]

انا مومقصرة معه وهو يبى يقهرني اناالحين ابى اتخذ قرار الانفصال وهو ماتدرون ليش متضايق لان قلتله مابى سامحك دنيا واخره على اللي سويته فيني وتحسب من الصبح لين المساء عليك اللي سويته مهو قليل فيني احسه انقهر وانا والله صابرة وهو يدري اني صبرت هل انفصل وطبعا بيكون هو في البيت بس النوم مافي لان جرحني ومستحيل بعد الثانية اني ارجعله هل قراري سليم لاني ابى عيالي يتربون مع ابوهم وياكلون ويشربون مع ابوهم وهو اللي يشوفهم ويراعيهم هل قراري صحيح

 

[~أغلى الغاليات~]

لا تزعلين مني بس شكلج ما تقرين كلام البنات ..انتي مصره تلعبين دور الام ..ومفكره ان هالحركه بتنجح..سويها بس لا تجين تشتكين انه تزوج لانج ما تبين تغيرين من شخصيتج ومن نفسج..ما راح يتغير ولا بتكبرين في عينه اذا قعدتي في البيت وربيتي عيالج ما راح تكسرين خاطره انتي حاطه نفسج ام عيال وبس وهذا اللي يشوفه انج موجوده لتربيه العيال وخادمه تخدمينه وبس وبيجيب وحده تلعب دور الزوجه الدلوعه الرقيقه اللي تستاهل حد يخدمها هذا اذا ما طلب منج تخدمينها وخلج انتي مع عيالج وشوفي اخرتها شنو ..ولا تزعلين اذا كلامي ما عجبج بس هذا الصج ..لا تقصين على نفسج..

 

[العبررة خانقتني]

انتي مافهمتيني الفترة اللي تغير فيها علي صرت مهتمة بشكلي ولبسي وادلعه واسوي كل شئ بس هو الظاهر متعلق بوحدة ثانية ومرات وانا لابسة وكاشخة احسه يتعمد مشكلة علشان ينام ومرات يقول انا مو مرتاح بالغرفة ومرات يقول انا بنام بغرفة ثانية بشوف نفسي اقدر استغني عنك ولا لا وانتي تقولين ماتبين تتغيرين ليه بعد 17 سنة ماعجبته وطلعت مااعرف ابوس وموداخله مزاجه اعرفي انه هو اللي طلع فيني العيوب علشان يقنع نفسه بالزواج

 

[minimoon]

الله يخليك توقفي عن السلبية اللي إنتي فيها. غيري من نفسك.. فكري بنفسك وبسسسسسس, وانسي حبه اللي وصلك إلى هذي الدرجة من الذل (اسمحي لي)
أولا لا تطلبين الانفصال ولا تروحين عند أهلك زعلانة. قعدي في بيتك معززة مكرمة,,, وغيري من تصرفاتك,, ولبسك,,, وطريقة كلامك. حتى أثاث بيتك (ولو تغيير بسيط).. شوفي شنو هواياتك وانشغلي فيها, لأن كل ما شافك مهتمة بنفسك وتدللينها راح تعجبينه,, بس تذكري إنك تسوين هذا كله بالبداية لنفسك إنتي مو له. بيني له إنك مهتمة بنفسك بإنك تقولين له بروح الكوافيره أو عندي موعد مع جلسة مساج أو... أو... أو... , من غير ما تعطينه تفاصيل. خلي التفاصيل أسرار تحتفظينها لنفسك,, مو كل شي تطلعينه عليه.
والله يسخره لك وموفقة.​

 

[~أغلى الغاليات~]

انتي مافهمتيني الفترة اللي تغير فيها علي صرت مهتمة بشكلي ولبسي وادلعه واسوي كل شئ بس هو الظاهر متعلق بوحدة ثانية ومرات وانا لابسة وكاشخة احسه يتعمد مشكلة علشان ينام ومرات يقول انا مو مرتاح بالغرفة ومرات يقول انا بنام بغرفة ثانية بشوف نفسي اقدر استغني عنك ولا لا وانتي تقولين ماتبين تتغيرين ليه بعد 17 سنة ماعجبته وطلعت مااعرف ابوس وموداخله مزاجه اعرفي انه هو اللي طلع فيني العيوب علشان يقنع نفسه بالزواج

لانج بكل بساطه تغيرتي عشانه وهو يعرف..ما تغيرتي عشان نفسج ..لا تدلعينه ولا تعطينه وجه عطيه حقوقه وبس والدلع والدلال خليه لنفسج لين ما يستعدل..هذا اللي نقوله من الصبح ..حبيبتي ابتدي من اليوم وجيبي ورقه وقلم ورتبي امورج ..وحطي بالخط العريض لا للضرب ..ولا للاهانه ..وابتدي دلعي نفسج واهتمي برشاقتج وصحتج ..تعرفين ان حتى اكلج ياثر عليه ..الدكتوره ناعمه تقول ان المراه اللي تاكل تفاحه حمرا قدام زوجها توصل له رساله انا صحيه واهتم بنفسي..شلون لو شافج تضعفين وتسوين رياضه وماسكات وحمام مغربي..وحطي في بالج قبل لا تبتدين هذا كله لازم يوصل له مسج ان هالشي تسوينه لنفسج مو له ( مو تروحين وتقولينه له لا) بس اذا قالج بتزوج قوليله شوف نفسك عشان بعد انا اشوف نفسي والله يوفقك ..واذا قالج شقصدج قولي له بعدين بتعرف..هذي هي الشطاره اشغليه عن غيرج بالتفكير فيج ..وعيدي حساباتج..