ماتخلو قعدتنا انا وزوجي من النقاشات الحاده ماسبب

[رامـــــا]

السلام عليكم


انا لي 8 شهور متزوجه وماتخلو قعدتنا انا وزوجي من النقاش الحاد

بتكلم عن طبيعتي وطبيعة زوجي لعلكم تساعدوني بالحل

انا بطبيعتي احب اسولف وماحب انتقد السالفه اللي يقولها الشخص اللي قدامي الا عاد سالفه ماعجبتني او موضوع مناقض لفكري وراي ونادر ناااادر جدا انتقد يعني اذا ماعجبني اسكت وبس


زوجي من النوع اللي اي موضوع اي موضوع يحاول يتكلم بالجانب السلبي ويظهره ويتكلم فيه ويترك الجانب الايجابي فيه

يعني ياخذ من السالفه اللي اقولها الشي الشين ويتكلم وينتقده ويعيبه
وغالبا يختلق شي شين بالسالفه هو كذا طبعه

فمثلا اقول هالبيت حلو تصميمه يقول لا بس الزخرفه او الحجر شين ويتكسر وانا طبعا بثبت له ان رايي بالبيت حلو <<<هذا مثال بس علشان تفهمون

وش اسوي انتم تعرفون ان النقاشات الحاده مو زينه ابد بين اي اثنين شلون اذا كان زوجك ويوميا على هالمنوال

انا عارفه بتقولون لي اذا خالفك بالموضوع اسكتي ولا تطولين النقاش
بس صعبه والله صعبه يعني مهما كان ودي ان الشي اللي اقوله يعجبه ويكون صح
مو معقوله كل سالفه اقولها ينتقدها ولا اقدر اسكت بثبت له اني رايي هو صح



وش الحل تكفون والله تعبت احس صايره فجوه بينا بسبب هالنقاشات

 

[وحيده في دنياي]

الله يفرج همك

 

[RORO.]

يا راما يا حبيبتي كل انسان له وجهت نظر عادي انت أبدي رأيك انت مقتنعه فيه وهذا أهم شي والرجل يحب يفرض رأيه وانت داريه قول له انت صح داري غروره خليك دائما معاه على الخط شوف راح يقرب منك اكثر وتشوفين بعدين راح يحترم وجهت نظرك زي ماأنت محترمه وجهاااااااااااااااااات نظره دائما يقول الرجل كاأ طفل الصغير

 

[ادور حلول]

حبيبتي انتي جربي مره تتكلمي عن شي وهو يحاول اكيد ينتقدك انتي على طول قولي اوووه صح والله تعرف ان معك حق ماشاء الله عليك وهكذا صدقيني راح يتغير هو يحب العناد وفرض رايه شوي لانك زي ماقلتي مالكم غير 8 شهور صدقني فرض راي فقط يعني انتي اقلبي الطاوله عليه راح يخلي الشغله هذي والله يسعدكم مفروض انتوا بالعسل لسى ياعمري عليكم وبعدين انتوا لازم تتقبلوا بعض مو تغيروا بعض

 

[ام غـيـث]

صادقه والله حاسه باحساسك انا بعد مثلك صار لينا 7 شهور متزوجين
ونفس كلامك
بس تدرين اذا تكلمتي خلك واثقه من الي تقولينه يعني تكلمي بثقه وحتى اذا هو قال كلام معاكس لكلامك بيبقى كلامك في باله حتى لو ما اعترف
وهبي فيه يعني هجوم سريع هههه من جد والله
الظاهر انه زوجك شمالي شرقي وترى هو يحب الي تهب فيه بس عاد انتي لا تجيبين العيد وتسوين مشكله انتبهي اذا حسيتي بالاقتراب من الخط الاحمر الي هو زعله هدي شوي وساييريه الين تطلعين من النقاش بسلام وبدون زعله عليك

 

[دافئة القلب]

بعض الناس كذا اي شي يحبون يطلعون الجانب السلبي فيه مو ان نظرتهم سلبيه
بس يحاولون يثبتون انهم دايم هم الأفضل وطبعا هذي صفه ابدا مو حلوه
بس عاد هذا زوجك تقبلي فيه هالصفه وتأقلمي معها مو ضروري يقتنع بوجهة نظرك
اذا قال رايه قولي وجهة نظرك واحترمها واسكتي والأحسن انك ماتكثرين سواليف معه دامه كذا
اشتري رااااااااحتك

 

[حزينه حد الجنون]

الله يسعدكم ويسخر لك زوجك بس عااادي وجهه نظره وبيقولها وانتي باقي في البدايه يعني باقي بتتعرفوا على بعض اكثر وممكن دحييين بس عبط يسوي كذا انه يخالفك موكل اللي تقوليه بيطيعك فيه عاااد الرجال وتفكيرهم الله يهديهم

 

[غاليه ياناعمه]

والله ياحبيبتي لوي منك ماعاد اتكلم السكو ت ارحم والله صادقه اسكتي واذ شاورك قولي رايك وبس ولاتصيرين مثله وتقعدين تناقشين وبعدين يمكن هو مقتنع برايك بس يحاول يثبت رايه
وانا تو جالسه اناقشه زوجي في مدرسة ولدي ونفسيته واتكلم بهدوء ووبسم الله طلع من السالفه ولا عطاني رايه او حل المشكله وجلس يتريق ويسب ويهدد بالزواج
وحرمت توبه اتكلم معه يجيب المرض هالمريض وش الله حادني ​