مابا احمـــــــــــل

[دلع ريلي]

السلام عليييكم خواتي

بصراحه ماعرف شو اقولكم :sad_1: انا قايله لزوجي فترة الملجه مابي احمل لمدة سنه
وفترة الملجه قالي اوكي واقتنع ... لكن بعد العرس بشهرين قالي يبا عيال
قلت له نحن اتفاقنا ما كان جي قال يعني شو الفرق
والحين انا مابا احمل وهو يزعل وبصراحه فكرة اخذ حبوب منع حمل
من وراه بس هوووو يحبني موووت وما يرفض لي طلب ... بس هالشي انا ادري من حقه
الله يخليكم فيدوني ... والسبب الرئيس اني مابا عيال اني اخاف من الولاده واااايد
ولا انا عادي عندي بس وايد اخاف من الولاده :tears:

 

[حبيبت رئوده]

اتوكلي على الله واسمعي كلامه بلاش ربنا يبتليكى وما يعطيكي اولاد

 

[دلع ريلي]

انا عادي عندي بس وايد خايفه من الولاده
والدورة عندي متاخرة شهرين ومابي اروح افحص خايفه اطلع حامل

 

[فطوم البحرينية]

حبيبتي شالفرق اذا حملتي الحين او بعد سنة

كله نفس الشي

الريال يبي عيال حرام عليج تحرمينه من هالشي

وبعدين انتي مو ضامنة اذا تحملين والله لا

وانتي الحين قاعدة تعترضين تقولين ماتبين تحملين

وناس يتمنون هاللحظة لان محرومين منها

اقول توكلي على الله وسمعي كلام زوجج

والله يرزقكم بالذرية الصالحة وتحملين انشالله ويسهل عليج ولادتج لي ولدتي

 

[o.o]

وي اذا الدوره متاخره لازم تسوين تحليل
نظرتج بتغير لما تشوفين نبض الجنين والله بتحسين بشعور حلو حتى لو ماكنت تبين تحملين
وعادي الولاده انشالله اجر ما بتكونين اول وحده تولد شوفي العالم مليارات من البشر كلهم امهاتهم اولدوهم
لاتخافين وتوكلي على الله

 

[دلع ريلي]

خواتي الغاليات شاكرة مروركم الي اسعدني

انا بروح اليوم بشتري لي (( التحليل المنزلي))
والله يستر ...
على فكرة انا ماصار لي سنه من تزوجت تاريخ 18 بكمل 8 شهور

 

[عيون حورية]

احملي وتوكلي على الله واذا كان مايرفض لك طلب صيري اطيب منه وجيبي له نونو

 

[fleure]

اهلا حبيبتي
و الله ضحكتيني انك ما بدك تحملين عشان خايفة من الولادة:shiny:. فكرتيني يوم ذخلتي انا و ابو الشباب كنت خايفة كثير(من كثر ما اسمعت و شفنت في الافلام وكانت مبالغ فبها طبعا) وكان كل ما يبي يبدا ادفعه حتى في مرة زعل و قلت له نشتري دواء مخذر و انام وانت تشتغل على راحتك كنت هبلة...:blow:
توكلي على الله يا اختي و احمدي ربك انه هو الي طالب هذا الشيء بكره لما يتعود على عدم وجود الاولاد بيفرح ويتعود على عدم مسؤولية الاولاد يظل يقول لك خلينا ناجل شويه لحد ما تندمي و تتحصري على هذه الايام.
عاجلا ام اجلا ستولدين و لا تؤجل عمل اليوم الى الغد فان غذا لناظره قريب.
و انا لا انصحك بالتاخر في الذهاب عند الدكتورة لانه ممكن يكون شي ثاني لا قدر الله انا حصلت معي اول الزواج و انتظرت كثير و بعد ما رحت الذكتورة قالت لي بان الدورة تجمعت في الرحم و لم تنزل و اعطتني حبوب تنزل الدورة و لولا سترالله كنت عملت عملية. انا لا اريد اخافتك ولكن افتح عينيك, فسارعي الى الدكتورة و طمنيناعنك :icon30:

 

[دلع ريلي]

مشكوووورين خواتي الصراحه كلامكم رايحني واااايد

 

[ليليــــــــــا]

حبيبتي توكلي على الله ولا تخافين من الولادة اللي خلقك مانساك
بعدين لو شفت الفرحة بعيون زوجك وانتي جايبه له البيبي رح تفرحين اكثر
صدقيني انا مجربة انا كنت مثلك قلت لزوجي ايام الخطبة اني مابي حمل واقنعته اني ابي اعيش معه سنة بدون ازعاج واستمتع معه ووافق
بس بعد الزواج لاحظت انه يموت بالاطفال وينتظر اليوم اللي يجون اخواته بيت امه وينطلق عندهم ويلعب مع الصغير وحتى البيبي وينسى اتي جنبه
بصراحة حسيت اني انانية ويوم شفت فرحته بالاطفال غيرت رأي وحملت بعد الزواج بخمسة أشهر ويوم دري طار من الفرحة وحسيت انه مايبيني امشي على الارض من خوفه على البيبي
الله يخليه لي ولا يحرمني منه
روحي حللي وفرحينا معاك

 

[ولا كلمة]

توكلي على الله العيال زينه الحياه الدنيا انا مثلك قلت له بوقت الملكه ورفض ولما جاء الزواج ما حملت الا متاخر وكلام الناس وش اقول وش اخلي جرحني كثير وتمنيت اني حملت من اول شهر عشاان افتك بس الحمدالله على كل حال كل تاخيرة وفيها خيرة والله يرزق كل من يتمنى يارب ..

 

[هند بنت عتبة]

حبيبتي لا تخلين ريلج محروم من العيال

انتي ماتضمنين نفسج اذا منعتي الحين باجر راح تحملين والا لا ؟؟

والولادة اذا حملتي الحين او بعد سنة يعني وراج وراج

 

[دلع ريلي]

الصراحه كلامك واااااااااااااااااااااايد فادني
ووصيت اختي اتب لي وعقب شووي بتروح الصيدلية
والله يستر انا خاااااااااااااايفه

 

[احساس الدنيا]

الله يرزقك الذرية الصالحة ..

 

[MalakAlrooh]

الله يرزقك الذريه الصالحه
احملي ترا الحمال يخليكي احلى
اقري عن الحمل والولاده كثير عشان تكون عندك فكره بالي ينتضرك
ادعي انه ربك يسهل الولاده عليكي
وبتشوفين بعد ما تولدين بفتره راح تقولين انك تبين غيره


بشرينا اذا حامل


وانا اول المباركين

 

[دلع ريلي]

انا رديت من بيت اهلي وعندي اختبار الحمل

لما سويته طلع لي خطين احمر يعني حامل؟؟؟!!!!!!!!!!!!!!!!

 

[fleure]

الف مبروك حامل روحي افرحي و فرحي زوجك وعقبال ما اتشوفي النونو يا رب

 

[دلع ريلي]

صج انا حامـــــــــــــــــــــــل؟؟
والله مب مستوعبه :redface:

 

[حبــ الوطن]

مبروك
مبروك
مبروك
وربي يتمم لج على خير

 

[أكليل الورد]

احملي وتوكلي على الله