ماابغى ابني سعادتي على تعاسة غيري...

[سموره22]

السلام عليكم
كيفكم يابنات انا رجعت لكم باستشاره جديده لاني واثقه انكم ماراح تخيبوني وراح توقفون معايه وتنصحوني انا لي يومين موقادره انام تعبت من التفكير انا مطلقه وماعندي عيال
وخطبني واحد متزوج وعنده بنتين وزوجته راضيه بالزواج لانهم مو متفقين وانا محتاره
الرجل اخلاقه عاليه وحالته الماديه فوق الممتاز واذا ماتزوجني راح يتزوج غيري هو معزم عالزواج
وانا خايفه مااحب اكون في هذا الوضع وخايفه ارفض يجيني اسوء منه انصحوني تكفون ماابغى ابني سعادتي على تعاسة غيري الله يخليكم ويفرج همومكم

 

[جسدبلاروح]

بارك الله فيك ليت من يفكر تفكيرك كثير وتذكري من ترك شئ لله عوضه الله خير منه وصدقيني اذا نيتك صادقه بيرزقك الله
دمتي بسعاده والله ان الزوجه الثانيه تقهر حرام تقهرين غيرك
والله اني اتحسب ليل ونهار وادعي ان زوجي يرجع لي والسبب زواجه من اخرى يارب يارب الصبر ولفرج

 

[سموره22]

جسد بلا روح الله يرد لك زوجك ردا جميلا
والله هذا الشي اللي مانعني انا كنت متزوجه واعرف قد ايش الحرمه تغار وماتبغى احد يشاركها في زوجها
انا ماابغى اخرب حياة احد وخايفه ارفض يجيني شخص سئ وانا تعبت في حياتي كثير وماعاد اتحمل صدمات جديده

 

[بحرمن الأنوثة]

جسد بلا روح الله يرد لك زوجك ردا جميلا
والله هذا الشي اللي مانعني انا كنت متزوجه واعرف قد ايش الحرمه تغار وماتبغى احد يشاركها في زوجها
انا ماابغى اخرب حياة احد وخايفه ارفض يجيني شخص سئ وانا تعبت في حياتي كثير وماعاد اتحمل صدمات جديده

إذا الرجال إبن حلال وملتزم ويخاف الله إستخيري وإذا شفتي إنك تبينة ومرتاحة لة تزوجية

الشرع حلل أربع وإنت ماظلمتي أحد إذا ماتزوجك تزوج غيرك

الله يوفقك ويكتبلك اللي فية الخير

 

[السدم]

استخــــــــــــــــــــــــــــــيري

 

[الزايدية1]

والله حياتي انا زوجة ثانية وقال لي زوجي يوم خطبني انه على خلاف مع زوجته ورايحة ديرتهم وانه بيطلقها بس يوم تزوجته طلع كذاب وزوجته كانت تقضي الاجازة حقة عيالها وبعد عند ابوه واستسلمت للامر الواقع وتدرين في الاخير تزوج علي وحرق قلبي تصدقين قلت اه ربي ذوقني من نفس الكاس وتمنيت اني ماتزوجته بس تدرين اطلبي تكلمين زوجته عشان تدرين بالصدق اذا كانت راضية ومتفقة معه على هذا الشي استخيري وتوكلي على الله لانه فعلا راح يتزوج غيرك بس صدقيني اللي تتزوج واحد معه حرمه لايمكن يصير ملكك ابد انا تعذبت في اول زواجي مع ام عياله وعياله لاسفر ولاطلعة كل شي مربوط بالبيت الثاني وفي الاخير تزوج علي ولاهو كذا وبس سافر وعاش في ديرته مع زوجته الجديدة شوفي حاولي تشوفين واحد مطلق او زوجته متوفيه صدقيني بترتاحين من مشاكل الجارات اللي تقصر العمر وعلى فكره ترا بتجلسين انتي الثانية طول عمرك فكري زين

 

[سموره22]

اشكر لك مروركم جالسه استخير بس برضه ابغى نصائحكم مالي غنى عنكم يااحلى بلقيسيات

 

[أم البيان]

شوفي ياحبيبتي اول شىء استخيري
ثاني شيء اسالوا عن الرجال زين لانه مافي مره تفرط بزوجها
بسهوله وانت تقولي ان زوجته موافقه عشان ماهم متفقين
طيب اش الشيء اللي يخليها ماتتفق معه لدرجة انها متنازله عنه
وسامحه له بالزواج اكيد سبب ماهو بسيط
واذا اتضحت لك الاسباب واقتنعتي فيها توكلي على الله لانه احنا
في زمن البنت يالله يتقدم لها المناسب فما بالك المطلقه بعدين على قولتك اذامااخذك اخذ غيرك والرجال ما يضيع لابغى الزواج سوى المستحيل والله ييسر امرك ويكتب لك الخير

 

[سموره22]

ام البيان مشكوره حبيبتي الرجال الكل يمدح فيه ملتزم واخلاقه عاليه بس مااتفقوا هو وزوجته والله العالم ايش الي بينهم البيوت اسرار
ادعولي بتفريج همي

 

[دنيا كئيبه]

الله يرزقك بالرجل الي ما معه مره وتصيرين زوجته الوحيده

ادعيلي ان الله يحقق لي الي في بالي
وان يفك كربتي

 

[الزوجه الاولى]

سموره الله يرضا عليك دنيا وآخره على نيتك واتمنى من الله ان يرزقك الرجل الذي لم يسبق له الزواج من قبل انا زوجه اولى ويعلم الله اني مازلت في حاله نفسيه من زواج زوجي ودائما ادعو لكل واحده تريد زوجا ان يرزقها الله الرجل المطلق او الارمل او الذي لم يسبق له الزواج لكي لا تذوق زوجته الولى العذاب والغيره من الضره استخيري حبيبتي وتاكدي من موافقه زوجته الاولى لكي لا تندمي اسال الله ان يسهل لك كل ما تتمنين انا اكره الزوجه الثانيه ولاكن انشرح صدري لك لانك فكرتي في مصلحة زوجته الاولى قبل مصلحتك بارك الله فيك والله يكثر من امثالك

 

[سهم العشق]

حبيبتي اذا ماعندك اطفال افضل انك ماتوافقي 00انا احس انو حتجي مشاكل من وراء حرمته 00على العموم استخيري والله يقدم اللي فيه الخير 00

 

[سموره22]

الزوجه الولى جزاك الله خير عالدعوات الحلوه وبعد كلامك غيرة رأي انا ماابغى اتسبب لاحد بمشاكل او قهر لاني
جربت كل انواع العذاب في حياتي والله يسمع منك ويرد لك زوجك ردا جميلا
سهم العشق اشكر لك مرورك وجزاك الله كل خير

 

[حلمي صعب]

استخيري

 

[ياربي انصرني]

بعض الرجال يعدد اذا كان مو مرتااح مع الاولى --وبعضهم يتزوج ليؤدب الزوجه الاولى واذا تادبت طلق الثانيه او همشها---والبعض يحب يعدد التعدد في دمه عنده القدره على 2-3-4 0000

شوفي من تقدم لك الى اي فئه ينتمي -----واسئلي وابحثي عن اسباب زواجه وهل هو صادق في كلامه ام لا ثم قرري
والله يختار لك الخيره الطيبه المباركه امين00

 

[قطرآت مطر]

اختي الغالية ...
فرص الزواج قليلة في وقتنا الحالية

لكن مثل ماطرحت عليك وحدة من الاخوات انك تتكلمي مع زوجته وتعرفي منها السبب الحقيقي ...

واحيانا كثيرة الزوجه الاولى توافق على زواج زوجها عشان تحافظ على بيتها وعيالها ....

واغلب الاحيانا يكون الرجل المتزوج المتقدم للزواج يضع نفسه الضحية وانه المحروم و المظلوم والمغلوب على امره امام اهل المخطوبة ,, كيف يوافقوا عليه بسهولة ....

وانه ذايق الويل من حرمته لذلك يهرب لزواج كي ينقذ نفسه ...

احسن شي تتكلمي مع زوجته بحكم انها موافقة وشوفي كذبه من صدقه وبعدها تقدرين تقررين ... وربي ييسر لك امرك

 

[انامل ناعمة]

الله يكتبلك الي فيه خير00000000000

 

[الوااااان*]

لااااااااا تعليق

اكره جمله (ان ما اخذني خذا غيري)
كأن هالرجال من الملائكه والا مصنوع من الماس
عشان تنقال

الله يرزقك على قد نيتك

 

[الوردهـ الخجوله]

استخيري وربك بيقدم لك الخيــــر
اتمنى لكي التوفييييق
الوردهـ الخجوووله

 

[ام غلاوي2]

استني يمكن يجي ولد الحلال اللي يعوضك من غير ماتخربي بيت الحرمة