ماااااااالة عزيز

[نور الدنيا21]

انا متزوجة من اربع سنوات
مشكلتي
زوجي ماااااالة عزيز ولا لي اي قيمة عندة
يعني خلال الاربع سنوات عمرة مافكر يراضيني اذا زعلت

ويدخل ويطلع وحتي سلام ما يسلم اذا زعل
لمدت يومين او ثلاث ايام واذا قربت انا منة ينفر مني ويدزني ويتنرفز ويقعد يصارخ
واديم يطلعني انا الغلطانة
و المقصرة بعد

قلت يمكن اذا رحت بيت اهلي يحس
انة فعلن الوضع يضايق ؟؟؟:busted_red:

ولاكن شهر مافكر يسال او يكلم احد من اهلي
او حتي احد من اهلة يتدخل في الموضوع



وبعد شهر

كلمتة عشان يجيبلي بعض الاشياء من البيت
رد بضحكة صفرة
وقال
هاااااااا تادبتي ولا لين الحين

ولما كلمة اخوي رد بكل وقاحة
قال اذا اختك تسنعت
ترد البيت اهي تدل الطريج

غير جذي من اطلب منة شي
سواء سواة او ما سوااااااة يقعد يعايرني فية
لين زهقت وما قمت اطلب منة شي الا للضرورة

ماااادري شسوي مع هلرجال
لارضا يقول مايقدر يعيش بدوني
ولا زعل احس انة يكرهني لدرجة محد يتصورها
مع العلم انة من تزوجنا حتي اليوم ما مر علينا اسبوع من غير خلاف
لاعت جبدي من كثر النكد

ما بقي شي ما سويتة
تعبت
انا مااعرف اعاير نفسة ولا اذلة بكل خدمة اسويها لة


وما علييي قاصر باي شي
وحتي وهو زعلان ما اقصر فية



حياتي ثلاث ايام بلاسبوع عسل ويوم عند اهلي
وباقي الاسبوع نكد لدرجة تكرهني بنفسي

انا زوجي رياضي
غير انة مو من النوع الي يرغب للجماع بشكل مستمر
يعني ياطيبة اذا صار بينا شي مرة او مرتين بلاسبوع
ولازم بينهم علي الاقل يومين


ادري الموضوع مو بذيك الخطورة بس تكفون ابي من خبراتكم
ابية علي الاقل يبطل نكد
مشتهيتة مرة وحده بس يراضيني

وعلي فكرة مشاكلة علي اي شي
اخر مشكلة يقولي انتي كل همج الي ولدة والي عندها عزيمة والعروس

الي يحر انة العزيمة بمناسبة انة اخوي نزل بيت وما وداني (تخيلو)
وقلت ماشي منبي مشاكل

والعرس عرس ولد عمي و ودني العرس الساعة سبع ام المعرس ما وصلت الصالة
وردني البيت الساعة ثمان عشان الاخ بيروح لربعة الشالية وبينام هناك ومايبي يتاخر عليهم؟؟؟

و الولادات الي من اهلة رحت مع امة
واهلي طلعو من النفاس وانا مارحت حق ولا وحدة
ويعايرني الاخ


ادري طولت عليكم بس ابي حل واللة تعبت
​

 

[بحرينية وافتخر]

والله ما ادري صراااحه شقوول لج
انتي اهتمي بنفسج اذا عندج هوواايات مارسيهااا
ما تقدرين تغيرينه مرة وحده بتدريج

انصحج تتطلعين على مقالات الدكتورة ناعمه راح تستفيدين وااايد