ماااااااااااااااااااااااااااعندي اسلوب

[أرنوبه الحبوبه]

:icon1366::icon1366::icon1366::icon1366:انا عندي مشكلة إصغيرونة في شخصيتي ممكن حل؟؟؟

انا إنسانة حنونة احب اسعد الجميع واساعدهم وافرفش مجالس الاهل والاصدقاء
بس........
مع زوجي اتعامل ببساطة وهو يقولي ان قلبي طيب بس يبي دلع واسلوب حلو
سااااااااااااااااااااااااااااعدوني
ماااااااااااااااااااااااااااااعندي اسلوب :icon1366::icon1366::icon1366::icon1366:

 

[غلا تميم]

سهل امرج دااام عرفتي مشكلتج تدلعي جابلي نفسج قدام المرايا وسوي حركات وكوووووني نااااااااعمة ودوووم مبتسمة ولااااتكلمين وااايد عنده وخلي دوووم كلامج حلوو معااه لسانج يقطر عسل قوولي سم وان شاء الله وتااامرني امر ولبيه وكم بوفلان عندي ومن هالكلاااام ترى الرياييل يذووووبون من هالكلام والنعووومة وماوصيج فاللبس الناعم والراقي والنظاافة وربي يوفقج

 

[سنتين مروا علي]

والله غاليتي انا اشوف انك ماتطيحين الميانة بينك وبين زوجك
يعني خليك وحدة ناضجة علشان ما يحس انه ماخذ ارقوز
يعني تدلعي بس مو تصيرين بزرة تغنجي بس مو تصيرين سمجة
وانا افضل الصمت فهو يمخول بالرجال ويخليه يفتش في اعماقك ويحترمك
بس الصمت بعقل مو اروح اصمت ولا اكلمه
يعني الهدوء ابو رزة

 

[سمو الأميرة]

تخيلي نفسج بطلة فيلم مصري .. شوفي كيف يدلعون سي السيد ..
و الله ترا المسلسلات كلها في أمثلة عن تصرفات الدلع .. اتذكري أي من المسلسلات الخليجية اللي كانت فيها وحدة دلوعة و اتذكري شو كانت تقول .. " هلا و الله.. بعد عمري .. شلونك عساك طيب " و الاسلوب دلع في دلع ..
اوقفي قدام المراية و اتدربي على الكلمات و الحركات ..
و قولي في نفسج " انا حلوة انا دلوعة انا انثوية انا مغرية" و كرريها في بالج أكثر من 20 مرة في اليوم ..
لا تتحبطين بالعكس خليج واثقة من نفسج و الابتسامة ما تفارق ويهج ..

 

[عطر العشق]

حبيبتي في موضوع عن الدلع بس والله مدري وينة اذا حصلته احط الرابط عشان تستفيدي

 

[حرب الأحساس]

نصيحة كثير من الرجال مايحب الطيبة خليك جادة مو مرررررررة بس وسط وحسب الموقف وبالنسبة للطيبة حسب الموقف المقال حسب الحال
والكلام الحلو يقرب القلوب مع الأبتسامة
وموفقة يارب

 

[عطر العشق]

http://www.niswh.com/vb/t131027.html

اختي شوفي الرابط وان شاءالله تستفيدي والله اذكر انه كان في موضوع حركات الدلع والاغراء دورت عليه بس مالقيته
اختي ادعيلي ربي يفرج همي ويرجع لي زوجي

 

[أرنوبه الحبوبه]

يسلمو على المرور
والله انا ملكة جمال والحمد لله الكل يقول عني دلوعة وحلوة وغندورة الكل ينتظر طلتي بأي مناسبة والكل يسأل عن عطوري وبخوري وملابسي وإكسسواراتي والماساتي بس مادري ليش اصير معاه دفشة وايد بس وانا والله احاول وبحاول اكثر والله يجزاكم خير و إدعولي

 

[سمو الأميرة]

يسلمو على المرور
والله انا ملكة جمال والحمد لله الكل يقول عني دلوعة وحلوة وغندورة الكل ينتظر طلتي بأي مناسبة والكل يسأل عن عطوري وبخوري وملابسي وإكسسواراتي والماساتي بس مادري ليش اصير معاه دفشة وايد بس وانا والله احاول وبحاول اكثر والله يجزاكم خير و إدعولي

يمكن لأنج مش متعودة تتصرفين بهالشكل مع الرجال .. عادي هذا من آثار العادات اللي تربينا عليها .. :thumbdown:
بس هذا زوجج حلالج ما يصير تتعاملين معاه جذيه .. خليه يشوف الانثى الحقيقية اللي في داخلج .. ارفعي عنج ستار الخجل الغير مبرر .. ترى الرجل ما يهتم بس بالشكل .. لازم الأسلوب و الرقة تكون ملازمة للشكل الحلو عشان تكتمل الصورة .. :blushing:
سوي تمرين و انتي بروحج في جلسة استرخاء تخيلي زوجج أول ما يجي البيت و كيف تتصرفين معاه بدلع .. تخيلي السيناريو كامل في عقلج .. و عيديه أكثر من مرة .. و بعدين ما يبقى إلا التنفيذ ..
صدقيني موضوعج بسيط جداً .. في بنات أسلوبهم دفش مع الكل هذيلا صعبة عليهم تعلم الدلع .. لكن انتي بس مع زوجج .. يعني خليج ريلاكس معاه و ان شاء الله كل شي يصير تمااااام .. :cupidarrow:

 

[al.7laa]

اهلين غاليتي ارنوبه

اول شي واهم شي خلي ثقتك بنفسك موجوده لا تخافي وتقولي يمكن ماينبسط اذا سويت كذا

يعني سوي الشي وانتي واثقه انه راح يبسطه
وفي طرق كثيره تدلعين فيها زوجك تبدى من الشغلات الصغيره الي الكبير يعني مثلا من تغسلين يدينه الين تسبحينه

بقولك طريقه حلوه وان شاء الله راح تدعي لي

دلع الرجل ما يفرق عن دلع البيبي الصغير اللي عمره 3 سنوات
كيف تصحين البيبي ؟
كيف تاكلينه وتلبسينه وتغسلينه
كيف تسهرين جنب راسه لما يمرض وتسمين عليه
مافي مانع من المساج والتدليك لما يرجع تعبان وحاسة انه محتاج تدليك
وتعملين له ساندويتش قبل لا يروح الدوام
تودعينه قبل لا يطلع من البيت زي البيبي وخلي بالك من نفسك وكذا
تستقبلينه بابتسامه لما يرجع والله يعطيك العافية ومن هالكلام المعسول
لما يرجع من الشمس جهزيله ماء بارد ولا عصير منعش
نشفي العرق من على جبهته بنعومة - جهزي له الحمام (عطري الملابس - جهزي المناشف والشامبو والشور جل)
تدعيله وهو طالع وهو يسمعك يعني كأنه بيبي صغير بالضبط

((((ولكن ))))

الدلع سياسة حريمية بحتة موووو شبع يا بنتي
لان لما يكثر الشيء يفقد قيمته يصير عادي مع الوقت
فكل شي باعتدال حتى لو كان زوجك اطيب رجل ويستاهل
بس ترا الرجال عموما يحبون التغيير
يعني لا دلع على طول
ولا بدون دلع على طول
هي روشته تنعطى وقت اللزوم :bigsmile:
يعني خليه يشتاق للدلع شوية

والدلع اللي من العيار الثقيل خليه في المناسبات السعيده
او لا قدر الله اذا حصل زعل
الوصفة هذي تخليك انتي المسيطرة من غير ما يحس زوجك
ولكن حذاري من كلمة انا سويتلك وعملتلك لأنك راح تخربين كل الشغل
اعملي وسوي وانتظري النتيجة بعد فترة طويلة

والله يوفقكم يارب

 

[صباح الروح]

عزيزتي الثقة بالنفس مهمة جدا أولا ..لا أزيد على ما تفضلت به الأخوات ولكن يجبأن تعلرفي شخصية زوجك ومالذي يحبه وما لايحب .. ثم تتعاملين معه على هذا الأساس ...موفقة