ماآآآاتشوفيــــــــــــــن!!

[مايهم..!]

.​

والله ماكتبت مشكلتي وهي بسيطة
أو سهل إني أتعامل معها بصبري
لأن صبري نفذ
ولأن الكلام مايعبر عن ألمي والوجع بقلبي​

الصبر زين والتطنيش زين بس وين اللي تتحمل كثر الدق!

ليش حنا مو بشر!

أنا زوجي صار له أشهر كل كلامه معي كأنه داخل في حرب
هجوم بكل كلامه
كأنه يحاربني ويبي يتسبب لي في مقتل

أبي أحس إني زوجه
أبي أحس إني أنثى

أقسم بالله ياضحكته مايضحكها في البيت الا لو شاف ولدي الصغير يحبه

أقسم بالله ماجمعني وياه فراش واحد من أشهر تصل ل 6شهور

أقسم بالله ما أشوف منه نظرات إعجاب ومحبه

ومايكلمني الا ليش وماتشوفون مايدري ربي معميه عني ليته يشوفني مثل مايشوف الوسخ

ليته يحس فيني وليتني أستاهل اللي يصير

قسم بالله أحسني مترملة الله يسامحه

غصب عني أشكي وأكتب مو بيدي
أحس وضعي اللي أنا عايشته فوق إحتمالي

والله على قوتي الأيام هذي تدمع عيني بدون شعور محروقة ومابيدي أدخل قلبه وابدل عداوته لي بمحبة ولين ويعضوني شبابي خير ياآارب..

​

 

[دانة كول]

حبيبتي زوجي نفس زوجك ان لم يكن افضع منه وايش احكي ولا احكي لكن يكفي اقول لك انو بسبب كثرة نقده شاب شعري وانا في الخامسة والعشرين من عمري لكن بدات ارد عليه واطنشه على شان ما اكتم في قلبي وهذه سياسة في كثير من الاحيان تنفع

 

[دانة كول]

واقول لك من شدة نقده وعدم اعجابه باي شي اقوم به واني مهملة ولا احسن التنضيف وانو بيتي مكركب وغير منضم ولازم تعملين هيك موهيك اصبحت اهلوس واحدت احيانا نفسي والله من شدة ضغوطه ان تعرضت لابسط موقف عوض ان اتضايق فقط اجدني انفجر بالبكاء وانا اعرف انو من تجريح زوجي مو من الموقف لكن اجده سبب للتفريغ عن ما في قلبي الله يصبرنا بس

 

[MissEngineer]

انا زوج اختي نفس زوجك
انصدمت من تدقيقه في كل شي
بس دحين صار لها 3 سنوات متزوجة
اتغير كثير عن أول زواجهم
هي أخذت من طبعه وهو كمان اخذ شوية من طبعها

 

[قمر بلامنازع]

كان الله في عونك ’’

 

[دموعي قريبه]

الله يكون في عونك لكن الشي اللي اساسا شغل الرجل اتركيه على جنب انتي انثى أدي واجباتك وبس

 

[مايهم..!]

أنا لي عشرين سنة..
عشريــــــــــــــــــــــن سنة

مو سنة أو خمسة أو ستة أقول بتتعدل

يعني الحين المفروض نكون متفاهمين وأمورنا مستقرة
مو تاليتها يخربها وينهبل ويدقق ويتمشكل معاي ويخلي البيت جحيم


أنا مره أمي كانت نايمة عندي قسم بالله لمن شافته كيف كأنه قاعد على نار
ويدور في البيت يدقق هي بنفسها الهادية الطيبة المسالة اللي ماتحكي ولا تذم حامت كبدها منه تقول وش فيه عافط وجهه ويدور في البيت يتفقده
حسيتها هي نفسها توترت منه
وقعدت تدعي لي من قلب حست فيني وبجوي المتوتر بسببه..


مدري ليش كذا قلبي ناغزني حاسه بيجيب لي طامه
كل مادخل وسكت أخاف منه لايفاتحني بسالفة تجيب آجلي...

 

[الجده الصغيره]

الله يسخر لك زوجك ويحببه فيك....لو كل مااقال كلمه رديتي عليه بأدب وحناان...كان استحى من نفسه..

مثلا ...ياقلبي والله ماااقصرت بس يمكن هذي توها طايحه..

حيااتي تشوفني بس اكرررف سااعدني لو بدعم نفسي منك...التحطيم يخليني محلك سر...

جررربي وان شاااء الله خيير..

 

[أم ميسوـوـو]

لو تزوج بترضين بالوااقع ولا !!​

 

[أم ميسوـوـو]

طيب هو من اول كذاا ولا تو تجيه هالحاله !!​

 

[سهم العشق]

انت لا يهزك هالشمالي خليك واثقه بنفسك وبينيله هذا الشىء من تصرفاتك والله يعنيك 00 ​

 

[مايهم..!]

بحكي آخر موقف تافه وسامج واحكموا..

كنت مسوية الغداء وجاهز ودقيت عليه وقت رجعته من الدوام
قلت تبي غداك أول ماتجي؟ عشان يبرد ويصير جاهز
- لأنه بالعادة يأجله ويأخذ غفوه
وسؤالي لأن الغداء يحتاج أحطه قبل بربع ساعة حتى يبرد شوي مايحبه ساخن أبداً
طبعاً فهم علي وقال ايه جهزيه أناقريب..


طمرت ونزلت وفرشت السفرة وبردت الغرفة وعطرتها وعطرت البيت ع السريع
وحطيت الأكل والمويه وعلاجه ورتبت المكان

دخل وجلس يأكل وعلى طول محترق!
قلت من يقول!!
القدر عندك شوف لو محترق أو لا

سكت وأكل بسم الله عليه الأكل اللي يقول محترق:17:

وأنا بس أأكل ولدي وأتبسم وسوالف بسيطة وجهه مايشجع

قام حتى ماقال الله يعافيك!!

مو مشكلة بس المشكلة

بدأ الموال

تراني لاقي ريموت التي في مرمي الصباح بالصالة
وريموت المكيف مدري وش قال

تراني منيب شاري لو تموتون اللي علي وسويته

سببتي لي مشاكل في البيت من كل شوي انبه

كل هذا وأنا طايره بوهتي أحتري الموال يخلص

قلت سبحان الله مايستحي؟؟
مغسول وجهه بمرق!!
لسانه غير قابل للسكوت!!

سكت مواله ورجع انبطح وأنا شلت سفرتي وطسيت عن وجهه

هالموقف

هو تكرار يصير معي كل ماشاف وجهي

وبالفعل صار عقبه نفس المشهد في أمور ثانية 3 مرات بس من المغرب طلع ففرصة إستراحة محارب!!

بتقولون صدي

صديت ومابقى الا أقعد بالسطح لين اشوفه رايح واطلع

حتى وأنا صادة أسمع حلطمته!
العيال كرهوه وكرهوا نقده ومبالغته يجون عندي وهم يقولون أبوي استغفر الله وش يحس فيه!!

 

[خطوات النجاح]

الله يعينكـ

 

[أصداف مبعثرهـ]

من قالك المطلوب منك تلمعين الجزمه اجل هو وش يسوي في الحياه ؟؟

ياقلبي بتموتين عمرك وتهلكينها عشان يرضى خذيها من الآخر الشمالي مايرضيه شي جيبي شغاله

بالساعه كل فتره وعودي عيالك ع الترتيب واذا ع النقد شر لابد منه ههههههه كلنا نعاني من هالشي

وربي كنت اخدم زوجي بعيوني الثنتين حتى صندوق غدا ازينله وهو مداوم غير الفطور والغدا الي في البيت يعني اكل ياكله بالدوام

ومره صارت مشكله بيني وبينه وجبنا امه تحكم بينا بس بمزح مو جد قالها يمه والله ماتطبخلي ابد واذا طبخت طبخت على مزاجها

انا هنا قلت في نفسي هيييييييييييين استاهل وصرت اطبخ وجبه وحده في اليوم وتخب واذا مالي مزاج اطبخ اقوله جيب من برى


والجزمه وانتي بكرامه يجي يرميها في الصاله من الدوام وانا كل يوم اشيلها اخرتها قلت فسخه برا الله لايهينك

وكل يوم ع هالموال لين تعدل انتي زوجه مو خادمه والفرق كبير عزيزتي



بالتوفيق

 

[lyaaan1426]

اصبري ومأجورة ان شاء الله كأنك تتكلمين عن زوجي
شفتو سالي لما تنظف الغرفة وتدخل الانسة منشن بعدها تتفحص كل شي زوجي زيها

 

[jj jj]

انا من رأيي كلما جا يقولك على شي مثلا ماشفتي اللعبة بالارض قوليله شفتها وطنشي
واذا هو جذي نظيف ليش ميساعدك ولا ينقص من مقامه
انتي لاتخلين عليكي نقطة ودائما قومي بواجباتك الزوجية تجاهه ولا تقصري معه واذا تكلم مرة ثانية
قوليله انا ماني روبوت الي عيال وطبخ ونفخ وتنظيف وانت والعيال صغار اكيد شوي يتكركب البيت لا تشيل هم انا انظفه لحالي بركي يستعدل

 

[نسايم ربيع]

حاولوا اتحلوا مشكلة العلاقة الخاصة الي بيناتكم يمكن هي السبب

يمكن هو عنده ضعف لهيك بيحاول يفقدك ثقتك بنفسك

اختي انا زوجي شرقي ونفس الصفات
اول مايدخل الباب ويبلش انتقادات
لدرجة مره قلتله ليتك اتبات بالدوام وارتاح ههههه

المهم اعملي على قدر طاقتك ولا اتحاولي تضغطي على نفسك لانه مش راح يرضى
يعني هيك ولا هيك راح تطلعي مقصره وماراح يبين بعينه شي

فما تضغطي على حالك ولا تجهدي حالك وما تعطي الا على قدر ما بتاخدي

وطنشييييييييييييييييييييييييييه
لانه كلامه اصبح اسطوانه مشروخة

 

[نسايم ربيع]

وليش خايفه من زواجه ؟؟؟

اريحلك لو قسم نكده على بيتين

بيخف الضغط عليكم

بعرف انها صعبه بس حكيت هيك لانه شكله اريحلك من تواجده المستمر الي رافع ضغطك

 

[رندا كووول]

عشتي معه 20 سنه يعني اتعودتي عليه وعلى اسلوبه
خلالالاص خذي مناعه لايأثر في نفسيتك
ومع كلام الاخت نسايم حسنوا العلاقه الخاصه بينكم يمكن هي السبب

 

[ملهمة النجوى]

الله يعطيك العافيه ماقصرتي ,, ماعليه اسمعي من هنا وطلعي من هنا
ولا تبينين انك تعبانه

معقوله يروح للسطح ويقول ليش هالكرتون هنا بعد مين ؟ ههههههه
احنا سطحنا مهجوور وفيه اشياء قديمه ومكيفات وزحمه ومحد يفكر يطلع له كلنا نخاف هع هع

الله يهديه ويسخره لك .. ويخلي لك اطفالك