مآسآتي

[« سمو الاميره »]

السلام عليكم
الله يسعدكم ساعدوني لو بكلمه أو دعوه
حتى تكفيني قراءتكم مشكلتي
أنا مشكلتي صدمتي بأهلي تخيلوا أنا انخطبت من فتره

المهم أنا كنت رافضه فكرة الزواج لاني ادرس
و اهلي ما خلوا طريقه ما اقنعوني فيها جلسوا يمدحوا بالرجال وآآآآآآو
و سبحان الله وافقت و بعدها اتكتب كتابي و كانت الشبكه بعد الملكه باسبوع لكن توفى اخوه الله يرحموا و تأجلت شبكتنا
المهم اهلي من بعد ما تملكت انقلب مدحهم لخطيبي لسب صاروا يقولوا كلام غير اللي كانوا يقولوه أول
وصاروا يسبوا فيه و لما يتكلموا عنوا يتكلموا بقرف
يقولوا الله يعينك عليه بخيل حتى جواله قدييييييييم
راتبوا على قدوا ( أول قالوا لي راتبوا أكثر من العشره اللحين يقولوا حتى ماوصل السبعه )
و أمس كنا على العشا نتابع مسلسل و جا ممثل دب ضحكت اختي و قالت كانوا خطيبك ( اختي يوم خطبتي قلت لها شوفي كيف شكلوا قالت جنتل ) و لما سألتها مو قلتي كذا قالت بس كنت ابغاك توافقي عليه
بجد انصدمت منها و انصدمت من اهلي ليه كذا أنا ما يهمني كيف شكلوا أو راتبوا
غارفا ان مافيه إنسان كامل و مثل مافيه عيوب اكيد فيه مميزات حلوه
أنا نفسي في مميزات و عيوب
هذا شئ أنا مؤمنه فيه
بس اهلي ليه يكذبوا علي ويقولوا حكي بعدين يقولوا عكسوا
والله بجد كرهتوا و كرهت اهلي و كرهت الدنيا كلها و مالي الا الله ثم انتوا
تكفون ساعدوني
على فكره بابا أمس سألني قال لو قالوا الشبكه بعيد الاضحى أقول اوكي
قلت لا خلها بشهر  لاني ما ابغى تطول الفتره اللي قبل الزواج
( لأن زواجي بالصيف )
قال ع راحتك
وأنا أجلتها لاني بجد بديت افكر بالطلاق فيه اوفففف كرهتوا
على فكره لما قالي بابا هذا الكلام كانت ماما جالسا
قالت تكفى يعني بيجيب لها شبكه زي الناس حده طقم ذهب و ياليت يجيب جديد هذا إذا مو من أطقم خواتوا
قال بابا الله يستر لا يكون أنا اللي بعدين اشتري لها اعراض بيتها وملابسها
و جلسوا يضحكوا
ما ادري ايش هم سامعين عنوا شئ عشان يقولوا كذا
وإذا هم سامعين ليه ما صارحوني بالحقيقه
بجد فقدت ثقتي بنفسي و بأهلي و بخطيبي
الله لا يحرمني منكم و من دعائكم

 

[نفحات البرد]

الله بكتبلك اللي فيه الخير ليه ماتجلسين مع امك وتسألينها انتو شافين عليهم شيء مو كويس ليش تغير كلامكم عنه يوم تملكت او حت مع ابوك كلميه وشوفي واذا بس على الراتب ان شاء الله ربي بيرزقه هو في بداية حياته والله يوفقك

 

[المحبة لربي الله]

استخيري من ربك وماعليج من حد


هذا قدرك ومكتوبك وبعدين الحياة ماتوقف على راتب وعلى جسم


الحياة الفه وحبة وكل شي راح يبين يمكن ايعيشج ملكة


اهم شي لا تفقدين ثقتك في نفسك وفي زوج المستقبل

وحاولي دائما بعد كتب الكتاب انج تمدحينه وترفعين من شانه امام اهلك وصدقيني هم راح يستحون من تصرفاتهم

 

[الألم الدفين]

الله يعينك وزي ماقالت اختي نفحات البرد لازم تتكلمي مع ابوك وامك وتسألينهم ايش اللي عرفوه عن الرجال وبعدين هم اللي جابوه لك واقنعوك فيه فلازم يتحملوا مسؤليتهم وكمان انت اسألي من عندك من غير ماأحد يدري لحد ماتجمعي اكبر قدر من المعلومات عنه وتقدري تقرري و قبل كل هذا عليك بصلاة الإستخارة كل يوم صليها لحد ماربي يكتبلك اللي فيه الخير
دعواتي لك بكل خير والله ييسر امرك ويسعدك يارب

 

[al7lwaaha]

الحمدلله ،، الله اختارلك هذا الانسان ،،ماتعرقين وين الخير،، سبحان الله يمكن الله يعوضك خير عن كل الكلام الي يتكلمون عنه ويسخرون منه ،، ماتعرفين ان الله اختاره لك من سبع سموات مش هم الاي اختاروه لك

وضعي يقين بالله (ان الله مليزوق شخص الا الي يناسبه) يعني الله مارزقج الا اذا مناسبنج )
الطيبات للطيبون والخبيثات للخبيثون

 

[بحر الحنين]

انا اشوف انك
ترفضين لسبب انك انتي صغيرة
وما كنتي تفكرين بزواج
يعني ما بتندمين
وثاني شي ان هلك كلهم يعايبون
علية يعني من اولها مافي احترام لة حتى ابوك
بعدين اذا تزوجتي بتكثر التعليقات
مثل اذا قلتي طلعت اورحت بي قولونلك الفقري يطلع
او رحنى شرينى له ملابس بيقولو لقيتو قدة وضحك
وما بتقدري تستحملي لنك من الحين مااستحملتي هذا اذا ما جيتو ولا احد استقبلو
انا ما اشوف الفقر عيب اهم شي صلااتو ودينو واخلاقو لكن اذا كان بعيون هلك زين بيحلاا بعيونك
فا النفصال افضل لك قبل لا يصير شي
وتبقين بنت افضل من مطلقة وعندك طفل والله ما بتستحملي وبتشوفينها عيب من جد​

 

[ليتني احتويك]

استخييييييييييييييييييييييييييييييييييييري وربي يوفقك ان شاء الله

 

[لا مبالية]

يا اختي الكريمة ، أولا مبروك على الخطبة ، وأسأل الله لك التوفيق .
ثانياً : أهلك بيمزحوا معك ، وكثير منا وهي مخطوبة تقابل هذا النوع من الاستهزاء من أجل الإغاظة والمداعبة من الأهل ليروا ردة فعلك ، ولأنهم لا يفوتون فرصة التعليق أوقات الخطوبة ، ليتسلوا ، وغرضهم ليس سيء ، غرضهم فقط المزح معك .
كبري عقلك ، وخذي المسألة بروح مرحه ، فبالتأكيد أهلك لا يكرهونك ليحسنوا بعينيك واحد سيء الخلق ليتخلصوا منك مثلاً ، لا بالتأكيد أنهم سألوا عنه وتقصوا ، ثم بعد ما وافقت احبوا أن يتسلوا بإغاظتك ..
انت امزحي معهم واذا قالوا شيء قولي لهم
( طيب ، يتغير باذن الله بعد الزواج ، أو قولي عاجبني ، أو أبيك بعيوبك أبيك )
واتسلي بهالمرحلة الحلوة بحياتك ، ولا تخلي تعليقات المزح تسد نفسك عن الزواج ، واذا تبغي تتحققي من صحة موقفهم مثلاً لأنك ما عدت تتحملي كلامهم ، اقترحي عليهم واصدميهم أنك غيرت رأيك بسبب كلامهم عنه ، صدقيني رح يقولوا لك أنهم بيمزحوا ..
خففي من حساسيتك ، واستخيري وان كتب لك الله نصيب معك ، لا تهمك تعليقات الغير المازحة .​