لييييييييييش تخون دامك خايف علي

م

ملكه وزوجه ملك

New member
إنضم
2011/03/27
المشاركات
30
السلام عليكم ورحمه الله وبركاته

مادري شقول لكم بس العبره خانقتني
قبل ليلتين بالصدف شفت محادثه بجواله
جمله وحده (لا تدق الحين لاني جالسه مع البنات)
تجاهلتها ولاكني شفتها
ولا حسسته باي شي
بعدها كان عيد ميلادي جاب لي هدايا وما نسا طبعا
ومعاملته لي ما تغيرت زي العسسسسل
البارح كنت جالسه تحت وهو فوق قلت اكيد ماسك الجوال
لما صعدت طبعا توقعي في محله
بس اللي قاهرني
ترك الجوال وقعد يتحجج كل شوي جيبيلي شي الفلاني من تحت
وانا طنشتهشوي ابشوف شو يسوي
لما رحت جلست جنبه سكر الصفحه على طول
ولله حواسه مو معي كلش
قلت له بنزل اجيب لك اللي تبغاه
نزلت كم خطوه على الدرج وتظاهرت اني نسيت شي ورجعت
طبعا لقيته رجع مسك الجوال
يعني لهالدرجه مو قادر يصبر عنها
حتى زوجته بطيرها اي مكان عشانها
انا منهاااااره من امس
انا جنوبيه وما اقدر اخفي شعوري
يبان علي زعلي
وهو طبعا وااااضح من نحاسته
شماااالي شرقي
ضل طول الليل يسالني شفيك وش مزعلك
وانا ما ارد عليه اقوله مافيني شي
وما ودي اقوله اني اعرف بسالفه البنت
بس خوفه وسؤاله كل شوي يقول انه شاك
جاوبوني شالحل
اخاف انه متععلق فيها جد
انا متفقه معاه اني اروح برا ادرس لغه
هل اخليه يسرع الموضوع لاني ابي ابتعد عنه واهتم بنفسي وبمستقبلي
ولا لا
انا ما ابي اضيع مستقبلي عشان واحد هو نفسه ناوي يضيعني
هل اواجهه
هل اهدده اني بقول لامه و لابوي
هو يعمل لهم الف حسااااااااب
شورو علي
بلييييييييييييز
 
الله يساعدك وماأملك لك غير الدعاء ان الله يجعلك احب النساء في قلبه واجملهن في عينه ويارب لاتجعل ازواجنا ممن يخونوننا والحال من بعضه وانا باقي ماخلصت السنه يعني لسه عروس وهو يراسل لبنات ابليس حسبي الله ونعم الوكيل
 
الله يفرج همك وهمي 00لاتخبري اهله بتزيد الفجوه بينكم 00لمحي له انك شاكه فيه 00

مع العلم اللي مايخاف من الله مستحيل يترك العلاااقااااااااااااااااااااااات مهما كان يحب زوجته 0الحين الرجل الوفي ناااااااااااااااااااااااادر جداااااااااااااااا
 
لاتروحي دحين وتسيبيه براحته وبعدين تزداد العلاقه بينهم خليك جالسه على رأسه واهتمي فيه وراعيه وحسيسيه انك تعرفي 00 وان شاء الله مصيره يرجعلك 00 ولا حول ولا قوة الا بالله 000​
 
شكرا على ردودكم
لكن الحين شوفو لي خطه شلون اتصرف
دمرتني ودمرت حياااااتي
ااااااااااااااااااخ يا قلبي
ولله بموت من الوجع حتى ما يقدر ينام قبل لا يسمع صوتها
الرجااااااال جن على الاخر
افكر اطلب منه الطلاق
خلاص كرهني عيشتي معاه
 
حبيبتي انتي عقلك كبير ماشاء الله والدليل انك ماوجهتي بسرعه

انك تروحي وتتركيه صدقيني بيضيع وهيا بتستغل الفرصه

الله يفرج عليك ويبرد على قلبك
 
مادام نمطك جنوبي وماتقدري تخفي عنه زعلك ....اذن أستغلّي

أسئلته لك .....يعني مثلآ يوم قال لك ايش فيك ؟؟؟

قــولي وانت خائفه ومضطربه ( أنا تجيني أحلام يقظه وهواجيس

وكأن رجلآ مـا سيعترض طريقي ويغازلني .....) ...

هكذا دائمآ ( حسسّيه بالخوف والندم ) ....بكلامك هذا سيتذكّر

مقــولة ( دقّه بدقّه وان زدت لزاد السقّا ) .....

أيضآ اطلبي منه شرح وتفسير هذا الحديث الشريف ....وكأنك تجهلين

المعنى ....

( عفّــــــــــــوا تعف نساؤكم ) ...

وبالنسبه لدراستك ( أنا لا أنصحك بالسفر وحدك والابتعاد عن زوجك

اذا استطعتي أن تكمليها في بلدك وبجانب زوجك فهذا أسلم وأحوط

لحياتكم الزوجيّه واستقرارها .....

ربي يفرج همك ويهدي زوجك ....
 
غاليتي
احساس زوجك بالخطر وسؤاله عن سبب زعلك
دليل محبته لك
لكن بنات الحرام يزينهم الشيطان
رأيي كملي زعل وحاولي تقللي كلام قد ماتقدري
كوني تحت نظره وقريبه لكن بعيده سارحه صامته
ولما يسالك ليه زعلانه غادري المجلس بكل صمت
خلي يخاف ويعرف ان اوراقه مكشوفه
واذا زوجك يحبك فخوفه هذا راح يبعده عن هاذي البنت
وانت استغلي محبته لك وحاولي تعينيه على الطاعة
لان الرجال كل ماتقرب من ربنا اكثر
كل ماصار احن واروع مع زوجته واكيد طبعا بيبعد عن علاقات النت والمسن وغيره
وبالنسبة لابتعادك عنه مااشوف ان هذا مناسب الان
اطردي الطرف الدخيل في حياتكم
وثبتي مكانتك في قلب زوجك وبعدها ابتعدي
ومارسي معه الحب والعشق كعشيقات الهاتف
والمسن لكن الفرق انك حلال ​
 
اكثري من الدعاء
قولي اللهم رد لي زوجي ردا جميلا
اللهم اكفني وزوجي بنات السوء
وانصحك تجلسي عند زوجك اخاف اذا تركتيه تقوى علاقتهم ويصير شي كبير بينهم
خلي على الاقل علاقتهم بالجوال والفراش لك انتي وبس
 
صدقيني كلنا ياالمتزوجات نعاني من ها الشي لان الامر صار سهل وبليد وفي كل مكان وبلاش قريب لي شايب ومريض تقولي زوجته راسلتله وحدة تقول له ممكن اتعرف عليكالحمدلله الذي عافانا فيما ابتلاهم وفضلنا علا كثير من خلقه تفضيلا والله ييهدي سرك وينولك الي ببالك
 
ياختي الله يهديك وش تقولين لامه ولابوك بيقولون رجاااااااال بكيفه وهو بيحقد عليك ويمكن بعدها مايعملك

حساب ويكلمها قدامك انا من رايي تسرقين رقمها الله يحسبي عليها ولا يوفقها وتاخذين جوال وحده من صديقاتك وتكلمينها منه وتقولين اسمعي يابت الحرام اذا ماتركتي صاحب هالرقم طبعا لاتقولين زوجي عشان ماتعلمه والله لااعطيه الهيئه و اخوي يشتغل بالاستخبارات
اعطيه رقمك يطلع عنوان بيتكم وتليفونه واكلم ابوك اخليه ينجلط وخليك واثقه من نفسك ولا تهاوشين بس بصوت واضح وقوي واذا قالتله يمكن يفتش جوالك ماراح يلقى شي واذا خربها واسئلك وطبعا ماراح يتجراء قولي هذي لقت واحد احسن منك وبتتركك باي طريقه وهو راح يفهمها كذا وبعد يومين شيكي الجوال اذا مستمر فككي جواله وحطيه بكوب ماء خربيه وقولي ان ولد سوا كذا

لا تسافرين وتتجاهلين الموضوع تتركين لها الجمل بما حمل
انا قلتلك هالكلام لاني انقهرت وودي اسوي كذا لاكن اذا حاسه نفسك ماتعرفين تتصرفين ماني مسببه لك مشاكل
 
طيب ليش ماتعجلين بالسفر بس يكون هو مسافر معاكي
كذا احسن
صدقيني السفر فرصه حلوه للمتزوجين لانه يقربهم من بعض
واما هالشي لاحطته فينا انا وزوجي
وانتي صدقيني السفر والدراسه لزوجك بتلهيه عن هالبنت
لاتقولين الاجنبيات هناك علل
والله ان فيهم حسن نيه اكثر من العربيات للاسف
والله يسخرلك زوجك يارب
 
الله يعينك يارب
وعيد الميلاد لايجوز
كل هذه الخزعبلات والبدع من اليهود والنصارى
ونحن مسلمون وديننا لايرضى بذلك
اتقي الله في نفسك وأفعلي مايرضي الله تسعدي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل