السلام عليكم ورحمة الله
بسم الله
انا يا حبايبى متزوجه من 7 شهور وبحب جوزى جدا واتجوزنا عن حب بس بعد الجواز اتغير وبقى فى نظام تانى لحياتنا يعنى فى ممنوعات كتيره لحياتى مثلا ممنوع الصحاب ممنوع الجيران,التليفون,الخروج,النت, لو حصل وخرجت ممنوع اسلم على اى مخلوق لو نزلنا اشترينا حاجات ممنوع اكلم الراجل البياع وهو مش ممنوع يكلم البنت.يعنى يا بنات خانقه مش متحمله بس رضيت عشان بحبه وقلت كده كده حياتى لربنا وليه مش عايزة حاجه فى الدنيا كتير بحن لصديقه بس بستغفر ربنا اكنى عملت ذنب هو ساعات يكون حنين ساعات بيحوش ويجيبلى اكسسوار ربنا يسعده بس استحملته كتير وعصبيته وطلقنى مرتين بسبب مشاكل تافهة اول مشكله انى خرجت اجيب دوا وهو نسى انى استأذنته تانى مره بسبب انه شتمنى شتايم استغفر الله العظيم وعاندت قدامة فطلقنى وهو عصبى جدا يعنى كل يوم لازم يتخانق ويشتم لأتفه الاسباب وقفت جنبه فى محنته وكان عنده قضيه بس مش فى حاجه وحشه كان ضرب ظابط عشان ضرب صاحبه وفى وقت القضيه مكنش فى شغل انا اللى صرفت وبصرف من شهر 7 لحد دلوقتى من فلوسى وبعت دهبى عشان اصرف هو كتير بيقعد عند جدته ويسيبنى لوحدى وانا اقول معلش ست كبيره وهى مش راضيه تعد معايا ما علينا المهم مامتة بتتعلم تعليم مفتوح فى كليه ف هى كانت عايزة تجيب الكتب بتاعتها فهو راح يجيب ليها الكتب ولما رجع حكالى عمل ايه فى الكليه انا اسمى منة قالى يا منة قابلت واحده بسم الله ماشاء الله قمر اسمها منة انا افتكرت بيقول عليا بيهزر معايا فرحت قوى قالى دى من اسكندريه وشعرها اصفر وعيونها مش عارف ايه وعربيتها ايه وقعد يحكيلى عن جمالها وقالى انا اتعرفت عليها واخدت رقمها وهى اخدت رقمى وانا زى الهبله افتكرت انو بيتكلم عنى سكت ف بعدها جالى عشان يطمن عليا ف انا بحب اغير اسمى عنده كل شويه ف وانا بقلب فى الارقام لقيت مكتوب اسمها ف قلبت فى السجل لقيتها متصله بيه وهو بيتصل بيها ف اخدت الرقم عشان مكنتش مصدقه عينى واتصلت بيها لما مشى لقيت واحده بترد عليا قولتلها اى حاجه وقفلت ف واتصلت بيه قولتله فاكر البنت اللى اسمها منه هو الموضوع ده صح يا حبيبى واسمها اللى مكتوب ده منغير عصبيه قالى انتى بتشكى يعنى قولتله لا عشت ولا كنت لو شكيت فى جوزى انا بس بسألك يا بابا قالى لاء انتى بتشكى فيا انا مش بخونك واتبرجل ومبقاش عارف يتكلم قولتله انا ماقولتش انت بتخونى بس انت عارف انى بحس بيك لما بتكذب هدى نفسه وقالى انابحبك ف رديت عليه وقولتله انت ابنى وانا بيتك يعنى مهما بصيت بره هترجعلى تانى انا مش زعلانه ومقولتش انك خاين يا حبيبى وقالى انا عارف انك تعبانه من جواكى ف لميت الموضوع عشان محسسهوش انو خاين واعرف اكذب على نفسى عشان مش مصدقه اللى حصل ف المهم النهارده جالى عشان ياكل ونعد شويه مع بعض ف وهو فى الحمام قلبت فى موبايله فى السجل لقتيتها بتتصل بيه وهو بيتصل بيها ومالحقتش اشوف الرسايل بس دة دليل كفايه قوى حطيت الموبايل وعملت نفسى مش واخده بالى ومصدقتش نفسى
بالله عليكم يا اخوتى تقولولى اعمل ايه انا مرديتش اعرفه انه خاين عشان مجرحهوش ولا احسسه ان وحش والمركب تمشى بس هو تمادى فى الموضوع مبقاش مهتم بيا كان بتصل بيا كتير قوى من ساعت البنت دى ما دخلت حياته مبقاش يتصل غير كل فين وفين وبقى يتحجج ليا عشان مايتصلش انا اعمل ايه هو وعدنى فى الاول انه عمره ما هيخونى ولا حتى بنظرة انا قلبى بيوجعنى طيب قولولى اتصل بالبنت اقولها انو متجوز بس كده هى هتروح تقوله وممكن يضربنى ويطلقنى وهيتحجج انى كده بلغى شخصيته ك راجل طيب اواجهه ماهو لو واجهته هيقول حاجه من الاتنين انو مش بيخونى وانى مجنونه وهو اصلا عصبى جدا مش بيتفاهم خالص و انو فعلا خانى وهيتأسف ويضحك عليا بكلمتين زى الاول اعمل ايه بس لو بعدت عنه فترة هيروح ليها لأنه هيلاقى حضنها وهيبقى اللوم عليا اعمل ايه بس انا هتجنن وبعد اذنكم محدش يقولى دخلى اهلك او اهلة دى مشكلتى انا وانا بحب ابقى مع جوزى وبعدين اهلى هيقولولى اطلقى او هيقولو انتى اللى اخترتى مش هيقفو جنبى واهله استحاله يغلطو ابنهم وماينفعش اصلا ادخلهم ممكن تقولولى حل بعيد عن الاهل
انا تعبتكم معايا انا اسفه بس انا مليش اخوات ولا اصحاب ف انتو الحل عندى
بسم الله
انا يا حبايبى متزوجه من 7 شهور وبحب جوزى جدا واتجوزنا عن حب بس بعد الجواز اتغير وبقى فى نظام تانى لحياتنا يعنى فى ممنوعات كتيره لحياتى مثلا ممنوع الصحاب ممنوع الجيران,التليفون,الخروج,النت, لو حصل وخرجت ممنوع اسلم على اى مخلوق لو نزلنا اشترينا حاجات ممنوع اكلم الراجل البياع وهو مش ممنوع يكلم البنت.يعنى يا بنات خانقه مش متحمله بس رضيت عشان بحبه وقلت كده كده حياتى لربنا وليه مش عايزة حاجه فى الدنيا كتير بحن لصديقه بس بستغفر ربنا اكنى عملت ذنب هو ساعات يكون حنين ساعات بيحوش ويجيبلى اكسسوار ربنا يسعده بس استحملته كتير وعصبيته وطلقنى مرتين بسبب مشاكل تافهة اول مشكله انى خرجت اجيب دوا وهو نسى انى استأذنته تانى مره بسبب انه شتمنى شتايم استغفر الله العظيم وعاندت قدامة فطلقنى وهو عصبى جدا يعنى كل يوم لازم يتخانق ويشتم لأتفه الاسباب وقفت جنبه فى محنته وكان عنده قضيه بس مش فى حاجه وحشه كان ضرب ظابط عشان ضرب صاحبه وفى وقت القضيه مكنش فى شغل انا اللى صرفت وبصرف من شهر 7 لحد دلوقتى من فلوسى وبعت دهبى عشان اصرف هو كتير بيقعد عند جدته ويسيبنى لوحدى وانا اقول معلش ست كبيره وهى مش راضيه تعد معايا ما علينا المهم مامتة بتتعلم تعليم مفتوح فى كليه ف هى كانت عايزة تجيب الكتب بتاعتها فهو راح يجيب ليها الكتب ولما رجع حكالى عمل ايه فى الكليه انا اسمى منة قالى يا منة قابلت واحده بسم الله ماشاء الله قمر اسمها منة انا افتكرت بيقول عليا بيهزر معايا فرحت قوى قالى دى من اسكندريه وشعرها اصفر وعيونها مش عارف ايه وعربيتها ايه وقعد يحكيلى عن جمالها وقالى انا اتعرفت عليها واخدت رقمها وهى اخدت رقمى وانا زى الهبله افتكرت انو بيتكلم عنى سكت ف بعدها جالى عشان يطمن عليا ف انا بحب اغير اسمى عنده كل شويه ف وانا بقلب فى الارقام لقيت مكتوب اسمها ف قلبت فى السجل لقيتها متصله بيه وهو بيتصل بيها ف اخدت الرقم عشان مكنتش مصدقه عينى واتصلت بيها لما مشى لقيت واحده بترد عليا قولتلها اى حاجه وقفلت ف واتصلت بيه قولتله فاكر البنت اللى اسمها منه هو الموضوع ده صح يا حبيبى واسمها اللى مكتوب ده منغير عصبيه قالى انتى بتشكى يعنى قولتله لا عشت ولا كنت لو شكيت فى جوزى انا بس بسألك يا بابا قالى لاء انتى بتشكى فيا انا مش بخونك واتبرجل ومبقاش عارف يتكلم قولتله انا ماقولتش انت بتخونى بس انت عارف انى بحس بيك لما بتكذب هدى نفسه وقالى انابحبك ف رديت عليه وقولتله انت ابنى وانا بيتك يعنى مهما بصيت بره هترجعلى تانى انا مش زعلانه ومقولتش انك خاين يا حبيبى وقالى انا عارف انك تعبانه من جواكى ف لميت الموضوع عشان محسسهوش انو خاين واعرف اكذب على نفسى عشان مش مصدقه اللى حصل ف المهم النهارده جالى عشان ياكل ونعد شويه مع بعض ف وهو فى الحمام قلبت فى موبايله فى السجل لقتيتها بتتصل بيه وهو بيتصل بيها ومالحقتش اشوف الرسايل بس دة دليل كفايه قوى حطيت الموبايل وعملت نفسى مش واخده بالى ومصدقتش نفسى
بالله عليكم يا اخوتى تقولولى اعمل ايه انا مرديتش اعرفه انه خاين عشان مجرحهوش ولا احسسه ان وحش والمركب تمشى بس هو تمادى فى الموضوع مبقاش مهتم بيا كان بتصل بيا كتير قوى من ساعت البنت دى ما دخلت حياته مبقاش يتصل غير كل فين وفين وبقى يتحجج ليا عشان مايتصلش انا اعمل ايه هو وعدنى فى الاول انه عمره ما هيخونى ولا حتى بنظرة انا قلبى بيوجعنى طيب قولولى اتصل بالبنت اقولها انو متجوز بس كده هى هتروح تقوله وممكن يضربنى ويطلقنى وهيتحجج انى كده بلغى شخصيته ك راجل طيب اواجهه ماهو لو واجهته هيقول حاجه من الاتنين انو مش بيخونى وانى مجنونه وهو اصلا عصبى جدا مش بيتفاهم خالص و انو فعلا خانى وهيتأسف ويضحك عليا بكلمتين زى الاول اعمل ايه بس لو بعدت عنه فترة هيروح ليها لأنه هيلاقى حضنها وهيبقى اللوم عليا اعمل ايه بس انا هتجنن وبعد اذنكم محدش يقولى دخلى اهلك او اهلة دى مشكلتى انا وانا بحب ابقى مع جوزى وبعدين اهلى هيقولولى اطلقى او هيقولو انتى اللى اخترتى مش هيقفو جنبى واهله استحاله يغلطو ابنهم وماينفعش اصلا ادخلهم ممكن تقولولى حل بعيد عن الاهل
انا تعبتكم معايا انا اسفه بس انا مليش اخوات ولا اصحاب ف انتو الحل عندى
