وهذا موقف ثاني بقوله لكم..
أول يوم من الزواج الأخ مدرس انه بهالليله لازم تدلعه وتأكله ومن هالحركات:blush-anim-cl:
ويوم وصلت البيت وبدلت ملابسي وجاء العشاء وانا كنت جالسه بجنبه
بدأ الحبيب يطبق الدرس.. وأخذ ورق عنب وجاء بيحطه بفمي دخله بخشمي:crazy:
والمره الثانيه أخذ قطعة أوصال بيحطه بفمي جت ع ذقني وأنا ميته من الضحك ومسسسسسسسستحيه
وجيت أخذت القطعه وأكلته بنفسي:clap:
الموقف الثاني:ثاني يوم من الزواج كان أخوه حاجز لنا بأبها وأبها جوه حلو يعني مو برد مره
المهم أنا ما أخذت لبس شتوي نهائي ويوم وصلنا تفاجئنا ان أخوه حاجز برأس السوده وهذي منطقه موووووت برد المهم قال بننام الليله بالسوده وبكره ننزل لأبها
الى الان الوضع طبيعي لكن يوم جاء بالليل وصار اللي صار وقمت وتروشت وهو ع طول نام من التعب أنا قعدت أدور الإستشوار مالقيته أثاري ناااااااااسيته وشعري ينقط ماء وبرد موت وشعري لازم استشوار عشان يصير مرتب المهم جيت انام عجزت من البرد ..تدرون وش صلحت؟؟
قمت أطلع من القمصان والبجامات والبس فوق بعض لين دفيت(الأخت واثقه انه بتقوم قبله!!)
جاء الصباح وقام صلح القهوه وجلس ينتظرن أقوم وانا غاطسه من النوم ويوم انتبهت ولاألقى احد جنبي لقيته بأقصى الغرفه يطالع التلفزيون ومقصر عليه عشان الإزعاج وانا مييته من الحرج وشلون أبقوم وشوشتي طايره والخلقان اللي علي وأتغطى بالبطانيه واسكت مدري وش أصلح؟؟:icon1366:
واراقبه من تحت البطانيه لعل وعسى يطلع
المهم قام بيصلح التلفزيون ولقيته فرصه وهجيت لدورة المياه وكنت حاطه كل شي فيها وتعدلت وطلعت له وافطرنا ورحنا نشري استشوار:nosweat:
والحدلله عدت ع خير
