ليش ولدي حلاوه

[صوتي نغمه]

بسم الله نبداء
خلاص يابنات بانفجر من البكي والقهر خلاص
ماعاد اتحمل انا اخو زوجي تملك امس واليوم الحفله واهل الي مالكين عليها ناس ماتحب الشوشره ومصاخة
اطفال عاد
قررو اهل زوجي ماياخذون اطفالهم الا كذا طفل ومعهم امهاتهم وانا مو رايحه الحفله بسبب
خلافات معاهم عاد اتصل علي زوجي وقالي جهزي الولد تراه بيروح
قلت ليش يروح وبعدين انت تعرف اطفالكم ملقف
واخر مره كدمه زرقاء عند منطقة العانه للحين ماراح اثرها والحين بيروحون لناس غرب والكل
مشغول عنه ولما سايسته وحاولت اقنعه قال ولدك منقينه اهلي من الاطفال الهادين قلت
ليش يخافون على اطفالهم وانت ماتخاف عليه انا امه ومااقلل احترامك بس بعد لي شور وماابغاه يروح انا خايفه عليه وقال يصير خير وسكر بالله اذا لقيته مخليه يروح هناك
ايش اسوي الله يخليكم تعبانه نفسيا وش بيقولون الناس دايم مهمله ولدها
ومع اهل زوجها بحفلات وزواجات لانه هذي مو اول مره واكثر الاحيان يخليهم ياخذون ولدي وانا مادري والناس حاطتني مهمله له ايش اسوي وزوجي شمالي شرقي

 

[ياعاشقه الورد]

خليكي باسلوب السياسه والحزم انا عن نفسي مااحب ولدي يكون باي مكان من غيري لازم اخده معايا والمفروض مدام انتي مو رايحه ولدك ما يروح طبعا الولد ما يااحد ياخد باله منه اكثر من امه

الله يهديلك زوجك ويسخره لك يارب

 

[ميعاد عواد]

انا اشوف مافيه شيء اذا راح مع ابوه
وبعدين استودعيه الله وهوخير الحافظين
حسني علاقتك مع اهل زوجك علشان زوجك

 

[رندا كووول]

ولدك كم عمره ؟؟
اقنعي زوجك ان الاطفال مالهم دور ف العزيمه وانك خايفه عليه ..
عودي ولدك مايخرج الا معاكي .
وخلي الولد بنفسه يرفض يروح معاهم ..
صراحه الاولاد ماينتبه لهم الا امهاتهم..

 

[صوتي نغمه]

ابوه ماراح يدري لانه بيكون بقسم الرجال بعدين عيالهم ملقف
وغير كذا انا لو ماسالته انت بتاخذه الحفله كان ماقالي
ولا دريت يعني احس اني مهمشه ومالي قرار

 

[ميعاد عواد]

خلي تفكيرك ايجابي وليس سلبي
ليش مايهتم فيه ابوه
اوجدته وعماته
مهما كان فيه خلاف بينك وبينهم الاطفال مالهم ذنب
هذا ولد ولدهم
ماراح يهملونه وهم عارفين امه مش معه
**

 

[صوتي نغمه]

ولدي ماكمل ثلاث سنوات يابنات اذا لقيته ماخذه ايش اقوله ولا ايش الكلام المناسب
اخاف اعصب والخبط بالكلام شورو تكفووووووووووووووووووووووووون

 

[رندا كووول]

ماكمل 3 سنوات صغير مره ع الحفلات
حاولي تخليه ينام ..

 

[RedRose]

اقنعيه بدونعناد. يعني لا تقولي انا ما ابغى ولدي يروح وانا امه وانا بكيفي. لان كذا بيعاندك والرجال ما ينفع معهم العناد.
ارسليه مسج قوليله حبيبي انا ما ودي الولد يروح مكان لان الناس مشغولين واخاف عليه والاطفال مالهم مكان في الحفلات. ولا تضغط علي خليني مرتاحة وولدي في حظني. كذا تحسسينه انك مو معاندته وان القرار له في النهاية

واذا جاء البيت ارجعي قوليله حبيبي والله ادري ودك تاخذه وانا واثقة انك بتنتبه له بس اخاف تنشغل مع الناس والاولاد محد يقدر يكون حاط عينه عليهم في الحفلات بليز لا تاخذه. كذا احسن
لان الرجل اذا حسستيه انك مقتنعه بانه بيمشي كلامه وان كلامه مو عاجبك بس بتوافقين عليه. غالبا يسوي اللي تبينه
والله يسخره لك

 

[انسانه متفائله]

توه صغير واقنعي زوجك بهداوه واذا ولدك مابعد فصخ البامبرز قولي عنده اسهال اكرمكم الله وانا ابيه جنبي انتبه له يمكن يقتنع واذا فصخ البامبرز قولي مصخن

 

[صوتي نغمه]

ياربي كيف اخليه ينام وهو معه الان

 

[رازيا]

استودعيه رب العالمين

 

[اغادير-]

يؤ يؤ يااختي صوتي نغمه تقريبا نفس مشكلتي ام زوجي دايما تاخذ ولدي معها وتزور فيه وانا اخر من يعلم وانا مالي اي احترام او راي

 

[صوتي نغمه]

حسبي الله ونعم الوكيل من اقهر والله على بالي اطلب الطلاق وافتك منه واهله

 

[جواني 2]

لايااختي ما وصلت للطلاق خذي الامرببساطه وقولي هذا ولدي
وانته اذابدير بالك عليه مافيها مشكلها هذا ابوه

 

[ميعاد عواد]

بالفعل ماوصلت لطلاق
تعوذ من الشيطان
واستودعيه الله

 

[دانة الشام]

قولي له :جنة الأطفال منازلهم .. وولدي صغير قد يزعج أهل الحفلة مع بقية الاولاد لأن الأطفال حين يجتمعون حتما سيلعبون وهذا غير لائق في حفلة رسمية وعند عائلة غريبة تذهبون لها لأول مرة.. إن أصر وشعرتي أن رفضك سيجر ورائه مشكلة ارضخي لارادة زوجك وأهله واستودعي الله ابنك ووصي زوجك أن يراقبه ويضعه تحت أنظاره دوما.. ولكن لماذا لاتحاولي استغلال هذه المناسبة وتعيدي المياه لمجاريها بينك وبين أهل زوجك واجعلي العلاقة بينكم تقتصر على المناسبات على الأقل مثل هذه المناسبة .؟؟ ربي يصلح النفوس .

 

[الجرح نازف]

لا تعصبى ولا شى خليهم ياخذوة واستودعيه الله واهم شى يكون كاشخ على الاخير عشان الناس يعرفو انك مهتمه فيه ومو مهملته 000انا كنت نفس الحاله بس لما هونتها هانت ولما صرت ماعصب وازعل صار ما يدقق فى روحه ولدى عنداهله 000 هو يعتقد انك بتمنعى الولد عن اهلهل الى هم عمامه 000بقول لك شى الحين عصبى وزعلتى واخرتها بلحضه زعل حصل الطلاق تتوقعى زوجك بيخلى الولد معك 00000لا تدرى ليه لانه يحب اولادة يكونو مع اهله دايما ويفرح اذا اهله حبو عياله 00000 بيقوللك هذا ولدهم وهذى جدته وماته لهم حق فيه ويمكن يحس انهم احق فيه منك 00000هونيها واصبرى حتى ماتخسرى ولدك 000 انتى قولى له مو مشكله يروح بس قول لى قبل حتى البسه واكشخه وخلى الموضوع عادى ترتاحى وحصنيه وبس

 

[ايمومي]

طمنينا وش صار عليك
والولد راح او ماراح​

 

[ورده 19]

الله يعينك ناس تبكي مابدها ولدها يروح مع بابتو وناس تبكي لان ولدها بابتو ما يخرجو وياه